من معارك شمر وعنزة

[ابو طراد]

غزا الشيخ جدعان الثامر من الهذال شيوخ العمارات
ومعه قوم كثير من ربعوه العماراي
ناوين ابل شمر
وكانوا شمر اكا الوقت في منطقة يقاله الحزول بها الشمال
المهم الرجال خذوا البل والحلال
واقفوا بوه
فزعوا شمر ولكن القوم راحوا ابعدوا عنهم بالحلال
فا جتمعوا شمر ووضعوا خطه حربيه على كيفك
قالوا الوقت هالحين وقت ضما وقبالة صيف
اكيد العمارات ناوين مارد اسمه قصيومة ابن رخيص
لذلك حنا نسبقهم لان خيل شمر اطيب ونكمن عنده يا ما يجون
وكيد بيكونون مدركين من الضما وهناك نتفاهم معهم
ونعطيهم درس في فنون الحروب والقتال على شان ما يفكرون مرة
ثانيه في غزو السناعيس
المهم
العمارات يوم وصلوا ها لمارد وارسلوا رقيبتهم يا مار شوفة الندم
لا والله شمر على الماء
شمر بنحورهم والضما وراهم
تشاوروا العمارات بينهم قالوا وش الحل يالربع
الموت وراكم وشمر قدامكم
اخيرا اتفقوا على ترك الحلال
لكن شمر ما منهم فكه
كان معهم واحد اسمه مشعان شاعر دحه
وهو فارس فقالوا له ربعه
هذا االفخر يا مشعان ماهو الدحة عند النسوان
وهم يبونه يذبح وهم يشربون او يسقيهم من الماء
المهم الرجال خذا الدلوا وعمد الماء يوم شافوه شمر
قالوا هذا ان كان يريد يشرب هو ذبحناه وان كان بيسقي
ربعه تركناه لانهم يحبون النشمي
مشعان ما شرب وهو كان مدرك وضميان لكن بدى
ربعه على نفسه من شهامته واسقى المدركين منهم

شمر ارسلوا بعض الرجال وردوا الحلال كله
ثم حصلة الذبحه وكان اول صويب به هو مشعان شاعر الدحه
يوم صوبوه شمر ارسل هالقصيدة معهم لخته مشعه يوصيهم عليه

يقول
ياحجي هح الركايب... نبي ندور القرايب... مشفين في شوف الغايب....السالم منا جابنه
ان جتكم مشعه تصيحي...عطوها العلم الصحيحي..قولوا خيك ذبيحي...شغل اليماني كلنه

قتل من العمارات عدد كبير وسلم منهم ناس
وشمر ردوا حلالهم

من شعر العمارات يوم كانوا يتشاورون قبل العركة

يقول شاعرهم
الجيش مضمي وله حنه...........ما من عذر يالعماراتي
يا ربعنا ما بها كنه............... سيروا على الماي زافاتي
نشرب من الما بلا منه............ غصبا بليا مرواتي
من مات مرحوم للجنه............ ما ينبكي واحد ماتي

والله اعلم واجل
ورحم الله موتى المسلمين امين

[شموخ]

الجيش مضمي وله حنه...........ما من عذر يالعماراتي
يا ربعنا ما بها كنه............... سيروا على الماي زافاتي
نشرب من الما بلا منه............ غصبا بليا مرواتي
من مات مرحوم للجنه............ ما ينبكي واحد ماتي

الله يرحم الجميع رهييييبه قصائد الأولين جزله :)

ابو طراد لاتبخل على هذا المضيف بقصص الأبطال فكلي ثقه بأن عندك المزيد من الروائع :)

تحياتي
شموخ

[شريف روما]

كفووووووو ياشمر



والله يرحم الجميع



يعطيك العافية يابوطراد

[راعي الوقيد]

نتفاهم معهم !!
ونعطيهم درس !!
في فنون الحروب والقتال ...
على شان ما يفكرون
مرة ثانيه في غزو
السناعيس

نعــــــــــــــم هذا الكلاااااام:thumb:

تسلم والله يابو طراد لاهنت

تحيتي لك .. والسلااااااااام ...

[مشــــعل]

الجيش مضمي وله حنه...........ما من عذر يالعماراتي


عزالله ماهو مهودن عن حنينوه والماء دونوه شمر

تسلم يابو طراد

لاهنت يابعد حيي

[عبدالله الجعيثن]

مشعان ابن زبدان....والف نعم

كان فارس وعقيد وليس داحوحه

واظن انه تم الخلط بين القصتين

لان مشعان بالقصه الاولى (قصة الماء) ذلوا العمارات وهم مضمين وقام مشعان يم القليب وهو يحدى


حنا وياكم تراهنّـــــا=ياما رجعتوا مفاليسي
الطيب ماهو لكم عنّا=يامحرقين المحاميسي

واسقى ربعه ولا شرب هو .ويوم صارت المعركه. شمر ذبحوا ربعه وتركوه (لتفضيله ربعه ولمدحه شمر بالبيتين)

2- مشعان ابن زبدان اغار هو وناس معه وخذا نياق دبّي النجباني ولحقه دبّي وذبحه على مشارف العمارات وكانت اخت مشعان تشوفه يوم يرميه...وهو يقصد:

يقول
ياحجي هح الركايب... نبي ندور القرايب... مشفين في شوف الغايب....السالم منا جابنه
ان جتكم مشعه تصيحي...عطوها العلم الصحيحي..قولوا خيك ذبيحي...شغل اليماني كلنه

ومن القصايد:


ياهيه ما تويق يادبّي=على العمارات لو نوبه
ماتشوف انا الزمل عذبّي=............

للاسف لايحضرني الشطر الاخير

[ابو طراد]

عزوتي عبدالله
ارجع للموضوع
انا قلت انه فارس وشاعر دحه
ولا يعني انه فارس ان لايكون شاعر دحه
معضم الفرسان شعراء
بعض فريس شمر شعراء عرضه
خاصة من اهل حائل
عبيد الرشيد اشهر فرسان الجزيرة العربية
له شعر في العرضه الحائليه ومعروفه
اما الخلط فالحقيقة ربما يكون هناك خلط الحقيقة لا اعلم
انا سمعت السالفه من شيبان الاسلم ووجدها في بعض المصادر
بنفس السياق
ان كان هناك سالفتين منكم نستفيد
وتقبل تحياتي

[أبو فهد]

تسلم يا بعد راسي و الله

هذا العلم السنع


رايتك مرفوعة يابو طراد


------------
تحياتي
أبو رشيد

[خالد الشمري]

تسلم يابو طراد وبارك الله فيك ولاهنت...

[ابن هذيل]

تسلم يابو طراد على هالقصة المميزه اللي توثق قصص شمر وتحافظ على تاريخنا في الشجاعه والشهامه والكرم وكل هذه المميزات موجوده بالقصه الف شكر ........

[خيال البويضا]

السلام عليكم ورحمة الله وبركات

أخوي أبو طراد القصه اللي ذكرتها ليس صحيح نهائيا

والصحيح هو الموجود في الرابط


http://www.shmmr.net/vb/showthread.php?p=580577#post580577


ولكم مني جزيل الشكر

أخوكم/خيال البويضا الصقري

[فواز الغسلان]

حياك الله اخوي ابوطراد ومشكور على هالموضوع00

وحسب معرفتي ان معركة القيصومه المذكوره كانت نهايتها لصالح قبيلة عنزه

لانهم استماتوا دون انفسهم وحلالهم وربما ان الراوي لم يكملها لك00

ورحم الله الجميع00تحياتي يالعزوه00

[زاهي]

‏ يعطيك العافية يابو طراد

واللي أسمعه من الشيبان مثل ماذكرت إلا في أشياء:

‏_‏ العمارات ماخذوا شين لشمر ، هم جايين يبون شمر وذكر لهم النمصان على زرود ، فقالوا: ناخذهم ونارد على الما _ولاهم منوين غيرهم _ وصارت للنمصان عليهم، وكان أقرب ما لهم القيصومه ، ونصوه يبون الما ألا أكثر سنجاره عليه ومقدمهم غضبان ، ونوخوا قبالهم وشمر مانعتهم لاياردون
يوم إن العطش هد حيلهم قال ابن ثامر: قدموا الركايب وصيروا قفوهن لياما ناصل الما ، حنا إن ماوردنا ذبحنا العطش
يوم شافهم غضبان هاللون قال: ياشمر هذولا مستميتين ، ودون عمارهم مار زلوا عنهم خلوهم يشربون

ووردت عنزة وماكان به لامعركة ولاذبح به أحد
‏
‏_أما اللي سميتوه مشعان كان رفيقن له صويب مصوبينه النمصان بزرود ويوم أدرك من العطش قال:
يافلان والله لو أنت بمكاني وتبي الما والله لاأجيبلك لو هو على عمري
قال : أرخو فلانه ، وهو يخمش الدلو وهو ينصى الما اللي مانعته شمر
قالوا: يالربع إن شرب دون ربعه اذبحوه ، وإن ماشرب لاأحد يتعرضه وكاد إن وراه أحدن مدرك



أكرر شكري لك يابعدي

[غالب]

يالطنايا حياة اليوم ملعونة وين شمر اللي يذبحون العالم أهل الخيل والذبح :7ayyoh::za3lan::goooood:shlwee7

[المحـترم]

أخوي المعركة هذي انتصرت بها العمارات


وكانت شمر قد حفرت المتاريس ( الخنادق ) أثناء عودة مشعان منهم عندما لم يعطوه الاذن بالشرب لجماعته

وقال مشعان وهو راجع بالطريق

يأم القريني مادلي@@ يامحلا ضرب العصملي@@ بيدين ناسن هواشه


وعند وصوله لجماعته قال هذه الابيات


ولما وصل قال الابيات ...
الجيش مضمي وله حنه ... مامن عذر ياعماراتي (دليل على أن العمارات معه )
ذبيحنا اليوم بالجنه ... ولا ينعي واحدن ماتي
الحرز كود يردنه ..... غصبا ولابه مرواتي (اسم المكان )
ياربعنا مابه كنه .... خلوا الجيش زافاتي
وتختلف الروايات في القصيدة لكنها من أهلها ...
و الانتصار كان لللعمارات ومعروف والدليل الأبيات التي قالها ابن زبدان بعد المعركة
وهم يمدح شمر بها ايضا ... ولم يقتل ابن زبدان في هذه المعركة بل فيما بعد قتل ...وابياته معروفه بأخته مشعة...

وهذه ابياته بعد المعركة ..... وتسمى معركة القيصومة ...
الطيب ماهو لكم عنــا @@ يامحرقين المحاميسـي
أنتم وحنا تحاربنــــــا @@ يا زوبع ويالسناعيسي
حنا وياكم تراهنـــــــا @@ وياما نهجتم مفاليسـي
قلنا لكم جنبوا عنـــــا @@ يا كاسبين النواميســي
لعيون من نشّدن عنـا @@ ندككم بالمتاريســـــــي

حتى بعد الانتصار يمدح الخصم وهذا ماكن يميز الأولين ...
وصفهم بالطيب وكاسبين النواميس والعلم الغانم

فكيف تقول نا مشعان مات بالمعركة وهو قال الابيات هذي بعد الانتصار

والمعركة كانت بالقيصومة حول الحفر

[((عبدالله بن غيث))]

ونعم بالجميع ....!

شمر وعنزة كلهم فريس , وعلى كثر مادار بينهم الا أنهم قراباة لشمر , وبينهم نسب. وهذا أن ندل يدل على رجاحتهم..!!

تحياتي لك يابو طراد أجدت وأفدت ...!