خالد ابو الوليد
10-06-2006, 23:46
اجبتي في مضايف شمر العامره الشكر على التواصل ... قصيدة جديدة ارجو ان تروق لكم ......
حب الخشومي
هات القلم والطرس جتني أشاره = واركب على جيبي لروس الحزومي
احس انا في وسط صدري حراره = قامت تصافق وسط صدري همومي
مليت انا عيشت حياة المغاره = الوضع ما يرضاه كود الرخومي
الحر عايش في مذله بداره = قامت تلاعب به هبوب السمومي
صار الرجل هاالوقت حلمه عماره = ولقمت عياله وكسوهم باالهدومي
((الحمره تدرك معوشة صغاره)) = ((والرجل يطلب منه بعض العلومي))**
لا واهني ياعيال من شن غاره = وحول على اللي رافعين الخشومي
صبحن عليهم ثار عجة غباره = الين ما يرقون رؤس الرجومي
فعل الطنايا يوم صيحات ساره = بروس الشيوخ مقلطين الشحومي
يوم ان هايس نط في راس قاره = قال ارجعو والطير فوقه يحومي
شيخين راحوا ثار هذلول شأره = بيدين شمر عزكن يا السهومي
الفوز ولا نذوق مر الخساره = تحت الثرى ولا بروس النجومي
ما يجرح الرجال يا كود ماره = لا جاه هرجه من ردي العلومي
وبلاه في شره قريبه وجاره = خبل(ن) مهو بيعرف اردى السلومي
ان قابله ضيع بوجهه وقاره = وان صد عنه قامت امه تلومي
عبده والاسلم زوبع العز سنجاره = ادخل عليهم من عيال الرخومي
من لا يعيش العمر والطيب كاره = لو يملك الدنياء يعيش محرومي
البارحة صدري تخالج عباره = والعين صابه من سهرها رشومي
لو با السهر يملك بنادم لداره = انا الملك والعين عيت تنومي
مليت انا العيشة بليا اثاره = مليت انا من كثر حب الخشومي ** بيت مشهور ل احد شعراء شمر القداما لا يحضرني اسمه الان ....
حب الخشومي
هات القلم والطرس جتني أشاره = واركب على جيبي لروس الحزومي
احس انا في وسط صدري حراره = قامت تصافق وسط صدري همومي
مليت انا عيشت حياة المغاره = الوضع ما يرضاه كود الرخومي
الحر عايش في مذله بداره = قامت تلاعب به هبوب السمومي
صار الرجل هاالوقت حلمه عماره = ولقمت عياله وكسوهم باالهدومي
((الحمره تدرك معوشة صغاره)) = ((والرجل يطلب منه بعض العلومي))**
لا واهني ياعيال من شن غاره = وحول على اللي رافعين الخشومي
صبحن عليهم ثار عجة غباره = الين ما يرقون رؤس الرجومي
فعل الطنايا يوم صيحات ساره = بروس الشيوخ مقلطين الشحومي
يوم ان هايس نط في راس قاره = قال ارجعو والطير فوقه يحومي
شيخين راحوا ثار هذلول شأره = بيدين شمر عزكن يا السهومي
الفوز ولا نذوق مر الخساره = تحت الثرى ولا بروس النجومي
ما يجرح الرجال يا كود ماره = لا جاه هرجه من ردي العلومي
وبلاه في شره قريبه وجاره = خبل(ن) مهو بيعرف اردى السلومي
ان قابله ضيع بوجهه وقاره = وان صد عنه قامت امه تلومي
عبده والاسلم زوبع العز سنجاره = ادخل عليهم من عيال الرخومي
من لا يعيش العمر والطيب كاره = لو يملك الدنياء يعيش محرومي
البارحة صدري تخالج عباره = والعين صابه من سهرها رشومي
لو با السهر يملك بنادم لداره = انا الملك والعين عيت تنومي
مليت انا العيشة بليا اثاره = مليت انا من كثر حب الخشومي ** بيت مشهور ل احد شعراء شمر القداما لا يحضرني اسمه الان ....