ليش دايماً ظالمينا؟

[ظبيانيه]

دوم اسمع الهجوم على الحريم (حليلنا :( ) كل الرياييل ينتقدون لا ما نبا نعرس الحريم حشره الحريم بطرانات الحريم مسرفات والى اخر هالقائمه الطويله العريضه من الشكاوي من الحريم


بس يعني ما سمعت راي الحريم في الرياييل؟ ليش يعني مافيهم عيوب ابد (بداية حرب :D :D :D )

صراحه في صفات في الرياييل تخلي الكثير من البنات يضربن عن الزواج (يعين عانس مع سبق الاصرار والترصد) من هالصفات الكذب واااااه من الكذب اللي كون عند البعض اسلوب حياه ما يقدر يتخلص منه وايضا البخل والانحلال الاخلاقي والديني والوغاده (يعني انسان ما يبتسم ابد ) والقسوه وعدم احترام الاخرين فبالتالي اكيد عدم احترام الزوجه اذا لا سمح الله تزوج

وغيرها وغيرها وغيرها من الصفات


يعني حليلها الحرمه دوم مظلومه ويقولون بطرانه بعد وهي عندها صفات تسد نفس بلد عن الزواج :D :D



هالموضوع مجرد توضيح بسيط لاخواني وخواتي انه الكل متساوي في الانتقادات و بعد الانتقام من انتقادات الرياييل :D :eek: (رحت فيها انا ):p

[عبدالعزيز]

ذه إنكار ويحد عينك عينك
والإسراف مايباله كلام.......أنتم أهله.........يالحريم
وبما أن هالشي يرجع لنقص التركيبة العقلية للحريم:p
ومانقول حنا يالرجال .............الله يعين.........من كيد الحريم

وبعدين أنتم لاقين أحد ياخذكم عشان تضربون عن الزواج...قال أيش قال مضربات

والبخل...........يعني إذا ماقدر يجيب لكم الرجل اللي تبون قلتو عنه بخيل
ولو لبى كل شخص طلبات زوجته .........الدعوى تحتاج ميزانيات دول أو بنوك
n
أما الإنحلال الا أخلاقي..............بعذرنا لاتلوموننا ........والسبب بهذا يرجع لحركات البعض من الحريم(الله يبعدكن عنهن)

والوغادة اللي هي(النفس الشينة)بعد الترجمة
لييييييييييييييييش ياظبظب ليييييييييييييييييييييش
وش أنا شايف عشان أبتسم
وجه حسن...............مافيه عندكن يابنات ربعنا(أخبر والله الوجه الحسن)
ريحه زينة.............مافيه كله .........الوحده منكن يعاطي ريحه (بصل وكراث)
والنفس الشينة عهدناه عندكن ...........أما حنا مساكين:( فاقدين حنان:( أشبه ماتكون حالتنا بحالة الأيتم:(

[ظبيانيه]

الطفل اليتيم المسكين بوصياح :D :D

انته المفروض نعلن عليك الحرب العالميه الرابعه على ارائك العدوانيه على المرأه (متأثره بالقمه)


بس اصبر خل كل البنات يكونن في البرزه وشوف شو بيصير

:D :D

[عبدالعزيز]

لا مادامك متأثره بالقمه.............ماراح يصير شي
وبعدين أي بنات وغيره اللي بيكونن بالبرزة
ألا على طاري البرزة===========وشي البرزة؟ نحتاج ترجمة

أي بنات وأي خرابيط

[ظبيانيه]

معاني المفردات للطالب بوصياح :D


البرزه معناها في اللهجه الاماراتيه المضيف او المجلس



يالله اعرب ما يلي الحين

[عبدالعزيز]

:eek: لا حشا..............بثلاث طعش ألف يد تكتبين أنتي
ياسااااااااااتر......شو هاض يازلمه........أوه نسيت.............شو ذه ياظبيابية

[الشمريه]

احم احم الشمريه وصلت

والله انك صادقه اختي ظبيانيه


ياختي ليش الرجال حاطين علينا يبوننا صم بكم عمي لا مايصير معصي

خلونا نتهنى بشبابنا


اقول اختي ظبيانيه معليكي منهم اصلا هم لو يدورون الكره الارضيه كله

ماراح يلقون مثلنا يالخليجيات ومهما قالو مالهم غناة عنا:D :D :D :D :D

ويحمدون ربهم على النعمه الي هي حنا

[محمد]

اختي ظبيانيه واختي الشمرية
الحق معاكن ولكن ليس على طول الطريق فالرجال والحريم بشر والخطأ فيهم وارد وفيهم الصالح والطالح الطرفين ولا غناة للرجال عن النساء ولاغنى للنساء عن الرجال وهذه حقيقة ثابتة لا ندعي غيرها تكبرا وعنادا فوالله اطيب ما على قلبي هو معاشرة النساء(بالحلال) فهن ألذ كل لذيذ وعشرة النساء لا تمل ومتجدده ومسكين ومقرود اللي ما عنده زوجة حاله حال ***ك الله يكرم الجميع ما عنده ونيس ولا جليس ولا من احد يهتم فيه ان جلس مموم تتراوده الافكار والهواجيس ما له قيمه حتى بين اهله واعز ناسه وفوق هذا محروم من وليد يناغيه والا بنت تلعب معاه يا زين الزوجه ويازين حضرتها وان طحت مريض تباريك وافضال الزوجات لا تعد ولا تحصى وفعلا نعمة من الله ان من علينا بزوجة خليجية ويش اقول الكلام يطول ومع هذا السنتهن طوال بس مقبوله الله قابلهم لان المسكين العزوبي ما عرف قدرها وما خفي اعظم
اما النساء فان الرجال ستر لهن وسند وراحة بال كل هموم الدنيا شايلها هو عنها(تستاهل) ويكد ويتعب لاجلها ( هم بعد تستاهل) وتستاهل اكثر واكثر
واخواني ارجال لا تقول عني ان هذا نسيواني يعني يتقرب للحريم ما عنده شخصية والا ضعيف قدام الحريم لا لا لا لا تظن ذالك فانا اعرف قيمة الزوجة وخاصة اني مزواج يعني متزوج من اكثر من زوجة وكلهن بعصمتي وابحث عن المزيد عاد قول لي انت يا عنتر ويش سويت
------------------------ ان اكتب موضوعي هذا وعندي احد ابنائي واسمه علي وكنيته أبو حسين ويبلغ من العمر سنتين والنصف تقريبا يلعب بجانبي ويعمل حركات ويتكلم مع نفسه سوالف ما ادري ايش يقول بس يازينها ويا منطوقه هل سمعت كلمة حقنه يعني حقنا هل سمعت مذوق يعني مرزوق وهل سمع بكلمة صح بابا بالله عليك جاني مع التايد والا حظك نصيب فارجو التعقل والتوكل على الله وتزوجوا فالزواج امره خير خير خير

[ظبيانيه]

بوصياااااااح


من شوي امس طول اليوم ايدي تعورني :D صراحه عينك بارده وايد :eek: :D

[ظبيانيه]

الشمريييييييييييه


رهيبه انتي والله انتي مساندتي في الحياه تعيبييييني والله


اجديتي فيهم ومثل ما قلتي حظهم اذا بياخذون خليجيه اصلا اللي ما يطول العنب حامض عنه يقول (يع اوف قلت اغنيه حق احلام الكريهه):D

[ظبيانيه]

اخوي محمد


تسلم على تواجدك في المضيف وصراحه اول ما قريت ردك وانا اقول روعه مشالله شو هالرد لين ييت عند مزواج وظربت بريك (واحد من الشباب صايره :D )


كله صوب وابحث عن المزيد صوب ربي يسعدك انشالله :D :D

[وميض]

العالية ظبيونه ..
بسم الله عليك من كل عين ماتخاف الله ..
يا حبيبتي ما أحد يستاهل الزين ( اللي هو حنا ) إلا الزين اللي مثلنا .. والباقين خليهم يولّون .. ما نبيهم .. والجلسة عند الأهل معززة مكرمة خير من جلسة عند واحد ما يخاف ربه والإهانات خوذي وخلي ..
في كل عصر يوجد الطيب والخبيث ..
الله سبحانه وتعالى يقول : (( الطيبات للطيبين والطيبون للطيبات ))
وأعتقد أن هذه الآية تغني عن كل قول .
سلام يا غالية .

[الشقاوي]

شقااااااااااااااااوي

شقا شقا

ارس ياترس واعتدل ياملف

منهم اللي ظالميننا ( يعني اني معك واخيتي )

ماعليكن انا مولم سلاحي واي احد يقرب من مظاربكن ابي اطخه

ياويلهم جاهم الشقاوي

شقا شقا

شقا شقا

[موج البحر]

الاخت والمشاكسه ظبياااانيه


موووضوعك رائع ويحدث بكثر ه عند الازواج

فالخطاء من كل الطرفين وارده

فالزوجه والزوج كلهم شريكين في الاخطاء والاتهمات التي تحدث في حياتهم

لكن الزوج والزوجه الذين يتغلبون على مشاكلهم ويجدون اسهل الحلول لحلها

هم الذين ينعمون بالسعاده ورخاء

........زنقطه فاصله

الاخ ابووو صيااااااااااح

يااخي حراااااام عليك زعلات بنات المضياف

الحمدلله بنات الخلج يملكن الكثير من الاجمال والاخلاق وزينة الرايحه والثقافه

........................واخرتها حنا راح نتزوج من بناتنا

وهذه الحقيقه الجميله



تحيااااااااااااااااااااااااااااااااااااا ااااااااااااااتي

[الشمالية]

ظبيانيه

مشكوره


؟؟؟