فالح الناهي
27-05-2006, 02:40
بسم الله
مسّاكم الله بالخير
هذي
قصيدة تتكلم عن نفسها
وتتكلم عن الواقع الذي أعيشه أنا
ويعيشه الكثير غيري
....
لا و الله الا راح مهر العروسه=وبعين النسيب أصبحت بايق وبلاس
عزي لمن (ساهم) وضيع فلوسه=نبي نلم أرباح طحنا بالإفلاس
عقب التكشخ صرت بايه وحوسه=وكرت الفرح بدلته بكرت الأتعاس
هذي هي الدنيا وهذي دروسه=علاتها كاسات وعلاجها كاس
ولامن جهلت الدرب بالك تدوسه=من قبل مايسطي على راسك الفاس
والا أنا مع الحظوظ العبوسه=نبي نعدل وضعنا صار لولاس
والله لو إني شارين حمل كوسه=أخير لي من سوق الأسهم والأجراس
أرباحنا بأرماش عين معكوسه=وأوضاعنا حيره ورجوى وهوجاس
ياكن صابت قاسي الضرس سوسه=وليته بقلع الضرس(هو يسلم الراس)
لا عدت ياسهمن خذلني بقوسه=عقب أرتفاعي حطن أسفل من الساس
صارت حلوم الطامحين معموسه=وصار الأمل يمشي مثل مشيت الياس
ولا والله الا صار بالعرس حوسه=راح المهر والناس ماترحم الناس
وسلامتكم
مسّاكم الله بالخير
هذي
قصيدة تتكلم عن نفسها
وتتكلم عن الواقع الذي أعيشه أنا
ويعيشه الكثير غيري
....
لا و الله الا راح مهر العروسه=وبعين النسيب أصبحت بايق وبلاس
عزي لمن (ساهم) وضيع فلوسه=نبي نلم أرباح طحنا بالإفلاس
عقب التكشخ صرت بايه وحوسه=وكرت الفرح بدلته بكرت الأتعاس
هذي هي الدنيا وهذي دروسه=علاتها كاسات وعلاجها كاس
ولامن جهلت الدرب بالك تدوسه=من قبل مايسطي على راسك الفاس
والا أنا مع الحظوظ العبوسه=نبي نعدل وضعنا صار لولاس
والله لو إني شارين حمل كوسه=أخير لي من سوق الأسهم والأجراس
أرباحنا بأرماش عين معكوسه=وأوضاعنا حيره ورجوى وهوجاس
ياكن صابت قاسي الضرس سوسه=وليته بقلع الضرس(هو يسلم الراس)
لا عدت ياسهمن خذلني بقوسه=عقب أرتفاعي حطن أسفل من الساس
صارت حلوم الطامحين معموسه=وصار الأمل يمشي مثل مشيت الياس
ولا والله الا صار بالعرس حوسه=راح المهر والناس ماترحم الناس
وسلامتكم