وش يقرب لك المنتخب السعودي ؟

[محارش]

اللي يشوف التلفزيون السعودي هالايام يحلف اننا آخذين كاس العالم عشر مرات وملينا منه وارسلنا المنتخب بس عن طلبة الاتحاد الدولي لنا بالمشاركه .

اما بعض الاحيان اقول هاه يمكن القناة الثالثه صح بس اني انا متحمس زياده عن اللزوم .

لكن ليا مني برقت ودققت قلت اكيد مسويه الهيس ابو كامل :)

لعنبوه من قناه تسيف كل اللي هم يجيبون اما تشكيك بقدرات المدرب , وياليت اللي يشككون بقدراته عندهم انجازات , ابد كلهم من طقة المدرب العالمي فؤاد انور والمدرب المرموق صالح المطلق والمحلل السوبر ستار ماجد احمد عبدالله ( كلهم نصراويين خخخخخخ )

أما البرامج الاخرى المسانده للحملة الوطنيه لمساندة الاخضر فهي :

بطولة نادي الاتفاق لمدارس الشرقيه خخخخخخ

بطوله حواري القصيم ( وقسم بالله ما أمزح ) أما هالقصيم فاقعتن مرارتي من جد مع اني اعزه بالمره ورب البيت .

اجل رساله عن بطولة حواري .


عاد يوم فكرت قلت مابوه الا ابو كامل ما غيره هو اللي مخليهم يتجاهلون المنتخب علشان قنواته الفاجره تكسب المتابعين , اما وشلون فهذي مهي عندي .

يمكن معطيه اتحاد الكره عقد احتكار لاخبار المنتخب وهذي ياقربه لاننا ما عرفنا ابو كامل ولا تحكم بنا الا بعد ظهور اتحاد الكرة الجديد ( ما احب اقول اكثر :) )

ويمكن انه مخترق وزارة الاعلام ويقدر ياقف بوجه اي توجه لمثل هذه البرامج عن المنتخب .

هذا غير شكي الكبير بأنه مخترق وزارة الماليه حيث ان وزارة الماليه تستطيع ان تمنح التلفزيون مزيدا من الاموال لمصلحة المنتخب .



ايضا وهذه نصيحة مني لكل مواطن سعودي او خليجي :

لا تشتركوا بقنواته الفاجره حسبي الله ونعم الوكيل فيه وباشكاله .


ولا تصدقوا اعلانه بأن قناة ارتيريا لن تنقل كأس العالم لانه نصبه وهذا وجهي انه ما عطته ارتيريا اشكل ونقلت كأس العالم ( احساس مهو تقولون لي احلف وللا وين المصدر :) )


اذا كان ولا بد من القنوات المشفره فقناة الجزيره افضل منه وتبي تنقل كاس العالم حسب ما اعرف .

تحياتي المحارشية العنيفه لي شخصيا ولنفسي ثانيا خخخخخخخ