رائعة ليلى الحربي

[الجوهرة]

قصيدة للشاعرة ليلى سعد الحربي منشورة في جريدة الجزيرة اليوم عنونتها بـ :

شاعرات الأمسيات الفضائية

وأهدتها إلى :

كل من غردت خارج سربها

أترككم مع القصيدة :



شاعره وانتي على راسي وعيني = بس عندي لك سؤال وجاوبيني

واعذريني لابكى قلبي اعذريني = دمعتي ماشاورتني صدقيني

بأي دين وبأي شرع وبأي مله = بالشعر بين الرجال تغرديني؟؟

تفتنين اللي حضر واللي تسمّع = بالقصيد وصوتك العذب الحزيني

اشغلتهم نظرة العين وهدبها = وحسّرتهم قذلةٍ فوق الجبيني

ما تذكّرتي شهودٍ يسمعونك = كل وقتك من شمال ومن يميني

أمسياتك والقصايد سجلوها = كلما كنتي بقولك تخضعيني

كل حرفٍ كل بيتٍ كل نظره = هم عليها عند ربي شاهديني

سطّروها في كتابٍ وحفظوها = لين يوم الحشر عنها تسأليني

اعذروني لا قسى قلبي عليها = عند قول الحق قلبي مايليني

تبدي الزينه وربي قد نهاها = من يرد امر لرب العالميني

وين من ربي بالإسلام اصطفاها = زادها مع زينها عقلٍ وديني

وين راح حجابها وينه غطاها = وين ستر البنت عند المتقيني

وين من تغلب عزيمتها هواها = وين من تبكي لهّم المسلميني

كيف ما تطلب رضا ربٍ عطاها = يسلب النعمه من اللي جاحديني

كيف ما تحمل رساله منتهاها = جنة الفردوس والنور المبيني

الأمانة هزّت جبالٍ رواسي = كيف في حمل الأمانه تستهيني

والختام أطلب من الرحمن ربي = يغفر ذنوبي وكل السامعيني

[شام]

والختام أطلب من الرحمن ربـي
يغفر ذنوبي وكـل السامعينـي

وفي الختام كذلك

أطلب من الرحمن ربي أن يغفر ذنوبي و كل السامعين و القارئين

الجوهرة

نقل و ايراد رائع

صح لسان شاعرتها

وسلمت أنامل ناقلتها

كوني بخير

[الاصمعي]

والختام أطلب من الرحمن ربي = يغفر ذنوبي وكل السامعيني


يغفر ذنوبك وكل القارئيني أحسن:) عشان تشملنى وتشملك يالجوهرة :smileyb:

قصيدة جميلة وذوق عالي أختي الجوهرة

تحياتي

[الجوهرة]

أهلاً بمن طلّتها كالقمر

حين أكتب أثق تماماً أن ما أكتبه لن يكون طي النسيان فـ النحلة إيمان لن تمر على متصفحي دون أن تضع بصمتها الزكية عليه

أجمل باقات الشكر أهديها لك على حضورك وتكلفك مشقة الطريق :)

[الجوهرة]

أهلاً أخي الاصمعي

لو القصيدة لي خليتها " وكل المسلميني "

بس الظاهر ان الشاعرة مشاركة في الإذاعة أو التلفزيون وملقيتها عليهم :smileyb:

أجمل باقات الشكر لك أخي الاصمعي >>> ما أمداني أعطيها إيمان :)

[ريوف الشمري]

شاعره وانتي على راسي وعيني
بس عندي لك سؤال وجاوبينـي

واعذريني لابكى قلبي اعذرينـي
دمعتي ماشاورتنـي صدقينـي

بأي دين وبأي شرع وبأي ملـه
بالشعر بين الرجال تغردينـي؟؟

تفتنين اللي حضر واللي تسمّـع
بالقصيد وصوتك العذب الحزيني

اشغلتهم نظرة العيـن وهدبهـا
وحسّرتهم قذلةٍ فـوق الجبينـي

ما تذكّرتي شهـودٍ يسمعونـك
كل وقتك من شمال ومن يميني

أمسياتـك والقصايـد سجلوهـا
كلما كنتي بقولـك تخضعينـي

كل حرفٍ كل بيـتٍ كـل نظـره
هم عليها عند ربـي شاهدينـي

سطّروها في كتـابٍ وحفظوهـا
لين يوم الحشر عنها تسألينـي

اعذروني لا قسى قلبـي عليهـا
عند قول الحق قلبـي مايلينـي

تبدي الزينه وربي قـد نهاهـا
من يرد امـر لـرب العالمينـي

وين من ربي بالإسلام اصطفاها
زادها مع زينها عقـلٍ ودينـي

وين راح حجابها وينه غطاهـا
وين ستر البنت عند المتقينـي

وين من تغلب عزيمتها هواهـا
وين من تبكي لهّم المسلمينـي

كيف ما تطلب رضا ربٍ عطاها
يسلب النعمه من اللي جاحديني

كيف ما تحمل رساله منتهاهـا
جنة الفردوس والنور المبينـي

الأمانة هـزّت جبـالٍ رواسـي
كيف في حمل الأمانه تستهينـي

والختام أطلب من الرحمن ربـي
يغفر ذنوبي وكـل السامعينـي




الله حي حرب وأهلها

رائعة

رائعة وربي هذه الليلى

فلقد تناولت أمرا استشرى في الساحة الشعبية باسم التقدم

واحترام المرأة

الله يجزاها خير

ويجزاك مثله حبيبتي الجوهرة


على فكرة...



لو القصيدة لي خليتها " وكل المسلميني "

استدراك رائع يدل على شاعريتك


مرة أخرى

شكرا حبيبتي الجوهرة

[ريم شمر]

ياسلااااااااام

جميل ان نرى لصاحبات الدين والاخلاق رأيا وكلمه

ازعجونا شاعرات الجنز وعمليات التجميل :puzzled:

(تدرين الشرهه مهو عليهن الشرهه على الرجال اللي يصفون في امسياتهن ,,,ويصفقون لخرابيطن ,,)


صح لسان ليلي ونعم فيها والله ورحم الله رحم انجبها

وكثر الله من امثالها وامثالك ياجوهرتنا ,,,

ولك أجمل باقات الشكر :tongue:

[بو ريان]

الف شكر يالجوهره على الاختيار الرائع
وصح لسان الشاعره ليلى الحربي
وجزاها الله خير على هالرائعه

[الجوهرة]

فرحت بتعليقك بس ما أمداني أفرح :)

رجعت للقصيدة ولقيتها كاتبة " المسلميني " قبل هالبيت بثلاث أبيات :smileyb:

والقاعدة حسب شاعريتي :) إن التكرار مايكون في أقل من سبع أبيات !!

[الجوهرة]

ريم شمر

هلا بهالطلة


(تدرين الشرهه مهو عليهن الشرهه على الرجال اللي يصفون في امسياتهن ,,,ويصفقون لخرابيطن ,,)

(( يصفون في امسياتهن ))

طارت القاف وثبتت الهاء :smileyb:

(( ويصفقون لخرابيطن ))

عادت القاف لكن طارت الهاء :)

أنا عارفة انك بتقولين الشرهة ماهيب عليك الشرهة على اللي يرد على موضوعك :)

بس اعذريني الميانة استفحلت عندي :thumb:

تسلمين يالغالية ولو انك شطفتي باقات الشكر حقت ضيوفي :)

<<<<< شكلي متسلطة عليك الله لايسلط علينا :tongue:

[الجوهرة]

هلا بك أخوي بو ريان

حضورك تشريف

لك مني خالص الشكر والتقدير

[ريوف الشمري]

فرحت بتعليقك بس ما أمداني أفرح

رجعت للقصيدة ولقيتها كاتبة " المسلميني " قبل هالبيت بثلاث أبيات

والقاعدة حسب شاعريتي إن التكرار مايكون في أقل من سبع أبيات !!



ماشاء الله صدقت

بل أنا ممن يفضل عدم تكرار ما لم يجد الشاعر منه بُدا


<<<<<<<<< شكلك بتحرمين تمدحيني مرة ثانية

لا سأمدحك

فكان من الممكن لها أن تضع مكان (مسلميني ) (مؤمنيني)

أو أيا من هاتين الكلمتين

مرة أخرى

شكرا على هذا النقل

[الاصمعي]

فرحت بتعليقك بس ما أمداني أفرح :)

رجعت للقصيدة ولقيتها كاتبة " المسلميني " قبل هالبيت بثلاث أبيات :smileyb:

والقاعدة حسب شاعريتي :) إن التكرار مايكون في أقل من سبع أبيات !!
الذوق عالي+الفهم+جمال الأسلوب=الجوهرة:goooood:

وأعتذر أشد الإعتذار أختي الكريمة فقد شوهت جمال ردك بمحاولتي إقتباسة وكنت مختار أيقونة التعديل بدل أيقونة الإقتباس:smileyb:

بارك الله فيك

[ريم شمر]

(( يصفون في امسياتهن ))

لم يطر شئ :) فالكلمه يصفون من (الصف )وليست يصفقون :smooch:

(( ويصفقون لخرابيطن ))

القاف موجوده والهاء راحت تزور الراء يقولون انها مصخنه :tongue:

اقري العباره بالعاميه وبتطلع لك تمام :thumb:


واجمل باقات الشكر لي

[عبدالله الجعيثن]

الف شكر يالجوهره على الاختيار الرائع

وصح لسان الشاعره ليلى الحربي

وجزاها الله خير على هالرائعه

[المشرف العام]

/

قصيده هادفه .. وجميله

/

بس لو استدركت اللي قالت عليه الجوهر كان تمام << احلف >> والله :)

/

جزاك الله خير يا لجوهره وصح لسان الحربيّه

[الجوهرة]

هلا والله بريوفنا


فكان من الممكن لها أن تضع مكان (مسلميني ) (مؤمنيني)

زين اللي ما استدركت مثل استدراكك أخاف تمدحيني واصدق ولا عاد أسمي نفسي الا الجوهرة العشماوي :)

أو الجوهرة الهزاني :thumb:

ياحيّ الله ريوف

تصدقين عاد ان رجوعك مرة ثانية أغلى علي من ردك أول مرة :smileyb:

لاتحرميني من زياراتك

بارك الله فيك وفي قلمك

[الجوهرة]

حياك الله أخوي الاصمعي

تقول شموخ :d: يقول الشاعر :

ياضيفنا لو زرتنا لوجدتنا ** نحن الضيوف وأنت رب المنزل

يعني بالعربي :

المحل محلك والمتصفح متصفحك الله يحييك في أي وقت

بس

أهم شيء

ماتكون كتبت هالعبارة :


الذوق عالي+الفهم+جمال الأسلوب=الجوهرة :goooood:

لترقيع اللخبطة اللي صارت :)

وشكراً لعودتك

[الجوهرة]

اقري العباره بالعاميه وبتطلع لك تمام :thumb:

قريتها بالعامية وماضبطت معي :(

بس يوم قريتها بالمريخية (( على طريقة الشاعر المريخي )) مشى الحال وصارت تمام التمام :thumb:

كل باقات الشكر اللي شلحتيها مني أهديها لك يالغالية :)

[الجوهرة]

عبدالله الجعيثن

حياك ربي

ومليون شكر لتشريفك وحضورك

[الجوهرة]

بس لو استدركت اللي قالت عليه الجوهر كان تمام << احلف >> والله :)

إداريتنا المخضرمة ريم شمر سقطت منها الهاء سهواً وصرّفتها بالقراءة بالعامي وما مشى الحال الا يوم قريتها بالمريخي :)

بس عاد مشرفنا العام بكبره أبو سلطان سقطت منه هاء معرفي أو تاء تأنيث معرفي سهواً والسبب مجهول ولا لها تصريف لحد الآن !!؟

حياك الله مشرفنا الكريم

والجوهر أخو الجوهرة وأنت تمون على المتصفح وعلى معرّف راعيته :)

ألف شكر لحضورك وتواجدك

[سلطان الشمري]

قرات القصيده في جريدة الجزيره وتمنيت اجيبها هنا



وكان الأجمل انه فعلا فيه ذواقة شهر جابوها هنا ..




شكرا الف اختي الجوهره اختيار موفق


وقصيده والله اعجبتني حيل واخذت قصاصتها وفعلا كلامها بالصميم 100%



عاد ياكثرهم النوعيات هذي اللي بالرادو واللي بالمجلات واللي بالفضائيات مثل الهم على قلب الشعر





شكرا الف اختي وبارك الله فيك , احسنتي



اخوك

[الجوهرة]

حياك الله أخوي سلطان

والقصيدة إبداع شكلاً ومضموناً

هادفة وتعالج ظاهرة للأسف انتشرت هاليومين

بارك الله فيك وشكراً على مرورك