المساعد الشخصي الرقمي

مشاهدة النسخة كاملة : الطناااااايا ما ظنيتكم بهذه الطريقه


مخـــ الذيــب ــــاو
18-05-2006, 15:58
السلام عليكم ورحكة الله وبركاته


العنوان شوي استفزازي بس ما عليش


المشكله وما فيها اني كل ما حطيت في التوقيع بيت شعر دخل واحد من المشرفين وشاله الامر


عادي جدا بس اذا شلتو شي عوضونا بشي بداله


الطناياااا

اذا فيه احد يقدر يصمم لي توقيع بسرعه الله يعطيكم العافيه


وابي اليوزر حقي بالتوقيع


يعني يصير فيه كذا (مخـــ الذيــب ــــاوي)


تحياتي للي يبي يسوي لي توقيع
ابن جشعم
19-05-2006, 00:07
نسوي لك تواقيع بس انت آمر وش تبي من توقيع!!

حط مواصفاتك ولاتشيل هم..:)
ابو خليف
19-05-2006, 01:17
^
^
^
^
^
تزهل لك الذيب
عزالله كفو يابو جشعم
المطنوخ
19-05-2006, 01:28
بارك الله فيك لمجهوداتك يابن جشعم

هالله هالله بمخاوي الذيب
بدر الغازي
19-05-2006, 02:02
ابخرب :) ممكن تسويلي توقيع اخوي ابن جشعم







مخـــ الذيب ـــاوي


ما تبيني اسويلك توقيع
خخخخخخخخخخخخخخخخخخخخخخخخخ

على فكره نظامي للحين بصمه :) اصابعي زرق :)






ابن جشعم ماعندي توقيع :(





تحيـــــ لجميع ــــ اعضاء ــــــ مضايف ــــــ الطنايا ـــــــــاتي :7ayyoh:
ابن جشعم
19-05-2006, 02:05
ابشر يالغالي بس شلون تبيه:)

وش رايك ازبط لك ختم ابرك من التوقيع..


عطن المواصفات وزهل الباقي يالغازي
راعي الطيب
19-05-2006, 02:20
اخوي مخاوي الذيب
وعليكم السلام ورحمة الله وبركاته

يمكن الاخوان اللي حذفوا توقيعك لهم عذرهم

لكن ما ظنيت اننا نطيح من عينك يالغالي وابشر بهالتوقيع ياليت يعجبك بس

WIDTH=500 HEIGHT=375

وهذا رابط التوقيع

http://www.geocities.com/al_shammri_062003/m5awi_altheb.swf

واعذرني على القصور يالغالي
بدر الغازي
19-05-2006, 02:29
اللي بودك :)


اي شي اسمه توقيع


لو بصمتي مزخرفه :)


ابيه ولا تهون طال عمرك مكتوب به قصيدة ابن رشيد ( الجنازه)


البيت راعي الجمل دلا يصيح واللي على راسه رماه
يا اهل الرمك مالي نطيح وعجزت من باقي الحياة


والا بيت حمود بن عبيد ابن رشيد

واللي تمنا الحرب ماهوب مردود من حربنا ما حصل الا الرزاله
ترا حربنا مثل البحر ما بها زود الغبة اللي موجها فوق جاله
داخله مفقود وطالعه مولود ما اهبلك ياللي خابر وتعناله

:) اقشرررررر

انت وودك ابن جشعم وفيك البركه


وتسلم طال عمرك
ابن جشعم
19-05-2006, 02:54
مشكووور ياراعي الطيب على الفزعة..:thumb:

بس لو انت حاط بدل الفرس ذيب بزعمي اوفق ..

لون الخط مع الخلفيّة يبيله أعادة نظر..

هذا رايي والراي الأخير لراعي الطلب:)
مخـــ الذيــب ــــاو
19-05-2006, 07:22
الطناااااااااااااياااااااااااا وانا راع البل

لعنبو رجل ما يقدر شمري


قالو رفيقك قلت شمر رفاااقه***سند على ذيب الطنايا ويكفيك

لاجيت راع الطيب طيبه شفاقه***يقضي لزومك حاضر(ن)ما يخليك

(على الطاير هالبيتين) ولا يهون ابن جشعم كلكم ذيابه وكفو وتستاهلون يشهد الله ماهوب قدامكم والا في مضايفكم يشهد علي الله في حضوركم وغيابكم يالطنايا ذكركم باطيب مع اجدادنا قبل حنا ما نولد

ابن جشعم ما يامر عليك عدو ياااابعدي


صحيح الخط يبي له شوي يمكن لو ابيض افضل


ابو خليف

لا هنت يالذيب وبيض الله وجهك


المطنوووخ

لاهنت سلمت يا بعدي

بدر الغازي


يا بعدي سو لنفسك توقيع والذيابه ما يقصروووووون


راعي الطيب

بيض الله وجهك انا اشهد انك راعي طيب قول وفعل لاهنت


اشكررررررركم كلكم لاهنتو
بدر الغازي
20-05-2006, 02:33
لعنبوا ابليس ...... انطنيت ............ ياااااااااااااااااااااااااااااااااااوووو وووو

والله لو اعرف يا مخاوي الذيب سويتلك تواااااااااقيع قد شعر راسك(((لاتقول مافي شعر )) :)


خلصوا الرجال بتوقيع متعوب عليه ........ بقدر ما تضيفون الضيف وماهو غريب عنكم




مابي توقيع انا خلاص بس زينو توقيع مخاوي الذيبقد ما تقدرون
المطنوخ
20-05-2006, 02:53
راعي الطيب

منهو هالكاوبوي اللي بالصورة:)

خشمك><
ابن جشعم
20-05-2006, 02:54
يبشر بالتوقيع الزين بس يصبر على لين اتجشّم جهازي

بجهاز العمل ماعندي برامج تسوى اسوي به شين:(


ونت يابدر الغازي صف معوه بالطابور يابعدي:)
مخـــ الذيــب ــــاو
21-05-2006, 01:02
لا هنتو كلكم التوقيع حلو ومتعوب عليه بس لو كان لون الخط ابيض يصير واضح


تحياتي