قصيدة إستجارت بنا وتبحث عن صاحبها ؟؟ !!

[wolf65]

إخواني الأعزاء ,, السلام عليكم ورحمة الله ..

يقول الشاعر اللي ماعرفت اسمه ::

يا نجد من سماك غوى أسماك

هو ليه ما سماك يا أم البلاوي !!

جيلن تجلينه وجيلن تبلاك

واللي قعد بك صار كأنه جلاوي !!

يللي بلادين الأجانب غذاياك

ما أذى من التقصير وأمرن سماوي !!

لو ما جفيتينا حشا يوم نجفاك

واللي مكذبني يقول أنت غاوي !!

اللي على الرجلين لاهو ولا إياك

ولا تلفحين إلا لمن كان قاوي !!

هاذي سوات أرياك يوم الله أغواك

راحوا مصالينك لغيرك هداوي !!

أحدن حداه العسر وأضحى بفرقاك

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ !!

من يوم بن مقرن بسيفه تولاك

خلا السنام وغاربك متساوي !!

لوح عليك وطوعك ثم سواك

أطوع من النضوى ذلول اللحاوي !!

حرشن عراقيبك ومتثنيتن ثداياك

بيضن دفوفك من غبيط الرواوي !!



وسلامتكمممممممممممممم

[المتوقد]

القصيده سمعتها لكن لمن؟؟



بالضبط مدري


والظاهر انه لواحد من الشعلان بس والله ملخبط

بين الشعلان وغضبان ابن رمال

بس مامن أكيد

اذا تذكر سألت لك ورديت

[هايس الشمري]

اخوي


وولف خذ هالرابط


http://www.shmmr.net/vb/showthread.php?t=30473&goto=nextnewest


اخوك

[wolf65]

هذه إحدى قصائد فهد ابن صليبيخ:


1. يانجد من سماك نجد غوى اسماك***

هو ليه ماسماك بأم البلاوي

2. عسى الذي سوى رسومك وسواك***

يرسل عليك من المهاييف هاوي


3. ابي اليا من الطريقي تمثناك***

يمسي على تالي ارسومك خلاوي


4. بس الطيور وناعي البوم ينعاك***

والذيب من قل الأزاويل عاوي

5. يانجد والله ماتسوى سواياك***

نفسك علينا مثل نفس المهاوي

6. جيلن تجلينه وجيلن تبلاك***

وجيلن تكوينه بحمر المكاوي

(( أو ,, واللي قعد بك صار كأنه جلاوي ))

7. ياللي بلادين الأجانب غذاياك ***

ما أذى من التقصير وأمرن سماوي

8. لو ما جفيتينا حشآ يوم نجفاك ***

واللي مكذبني يقول أنت غاوي

9. اللي على الرجلين لاهو ولا إياك ***

ولا تلفحين إلا من كان قاوي

10. واللي وطاه العسر واجزل بفرقاك***

داج الديار وصار دنعن دناوي


11. ياخذ ويدله تالي العمر ينساك***

وتشيب عين اللي لعزك رجاوي


12. يوم(ن)ابن مقرن بسيفه تولاك***

خلا سنامك مع غاربك امتساوي


13. لوّح عليك وطوعك لين خلاك***

اطوع من النضوى ذلول اللحاوي


14. حرشن عراقيبك ومتثنيتن ثداياك ***

بيضن دفوفك من غبيط الرواوي ..

&&&&&&&&&&&&&&&&&&&&


((( ماكل مجتهد مصيب ))) والعذر والسموحة على التقصير ..

[wolf65]

للرفع من جمالهااااااااااااااااااا