لغز من الوزن الثقيل 000

[المتوثب]

.
.
.
.
إستلموا اللغز يا أهل الموجة <<<< وين قاعد هذا :)
اللغز واضح جداً للي يعرفه :) وارد للي يعرف :) ويقول اللغز يا الربع :

أنا لغزي عن اللي صار فيه من الصكوك صكــــــوك
رضاه البايع الظالم رضيه الــــشــــاري المظلوم
بغيت المــالك الـــحي وبــغيت الميت الممــــــلوك
لـو ان الحي مــيت يــــــاجمـاعة في زمنا اليوم
على راي المثل في حجت اللي مقصده مشكوك
وصدور الحكم مقبول من الحاكم على المحكوم

وإذا بغيتوا توضيح حنّا حاضرين للطيبين .

وســـــــلام 000

[الفوووحي]

والله انا ابرمع رمعه وعلى الله

مهو (( صك العسر )) <<<<<< والله من العجله :)

[الصيرمي]

وإذا بغيتوا توضيح حنّا حاضرين للطيبين .
صح الله لسانك:)

تحياتي:)

[المتوثب]

الفوووحي :7ayyoh:
هذا أنت جاوبت على نفسك :)
نتحرى مرماعك الجاي 000
سلام 000

[المتوثب]

الصيرمي :7ayyoh:
أبشر والله بالتوضيح ، ولو تبي حلوه أنا حاضر <<<< بغى تخريبت اللغز :)
التوضيح هو به مثل معروف جداً وبالمثل إسم والإسم يتغير في مثل الثاني <<< فهمتوا والله أنا ما فهمت :)
بس هو حول مثل يضرب بحالت نشبة الرجال <<< ما فيه أحسن من كذا توضيح يضّيع أكثر :)
وإذا بغيت توضيح أكثر أنا حاضر :) <<< أكيد تبي تقول ليت الله فاكنا من توضيحك :)

ســــــــلام 000

[الاعصار]

صح لسانك اخوي المتوثب
ممكن لكم الكرامة
شعره من جلد الخنزير مكسب
تحيتي للجميع

[المتوثب]

الإعصار
مالك لوا يا الغالي
بإنتظار المحاولة القادمة 000

وســــــــلام 00

[الاعصار]

محاوله
وتد جحا وقصته الشهيرة
والمثل الآخر
فكه من جحا غنيمه
تحيتي لك

[الاصمعي]

لغز ما مثله وليته بدون توضيح خلنا نحوس به لين ندوخ:)

وأنا أطنه (مسمار جحا) مثل ما تفضل أخوي الإعصار ، ويمكن المثل الثاني كانه مطلوب بالحل هو (القانون لا يحمي المغفلين)

تحياتي

[بتول آل علي]

ممممممممم و الله مافهمت شو السالفة

بس أشوف الناس ترمع بـأمثال

يمكن ... ( خُـفَـيّ حنين ) ؟


:)

[المتوثب]

الإعصار :7ayyoh:
والله صح لسانك على الرمعة اللي جابت خبره
وســــــلام 000

[المتوثب]

الأصمعي :7ayyoh:
والله ما باليد حيله طلب التوضيح الصيرمي وفركله :)
على العموم صح لسانك ، نعم مسمار جحا .
والثاني ( خلال ابو نواس ) :)

وســـــــلام 000

[المتوثب]

بتول آل علي
والله يا بنت اهل الصيت ، طارت الطيور بالرزاقه .
لكن لن نرجعكِ بخفي حنينك ، فعودي مصحوبة بصادق الدعاء .

وســـــــــلام 000