الى الشيخ متعب بن شريم الشمري

[حماد الخريصي]

هذا النص وليس القصيده مهــــــداة للشيخ متعب بن بدر الشريم
عيون القصايد نار لعيــــون بلقيـــــس"......" تشمخ بروس وتنحنـني لأجلهـا أنفوس

للخيل جوله وبالرجاجيل فــــــــريس"....."وبالشعر هقوه وبالهوى العذب والكــــوس

وبالناس روس وبالحنايا هواجيـــس"........"وعذق النخل يثمر ولايلحقه ســــــــوس

تجمعت من كل يمّـــــه نسانيــــــس"........"حتى تساوت في نظر عينـي الــــروس

ذقت المرار وصار نومـي كوابيس"........"حتى تبرمج فكري وصار كابــــــــــــــــــوس

شاعر ,وأركع معشر الجن وأبليس"........"لكن أحس بداخلـــي سر محبـــــــــوس

علـــه ودورتـــه بكل القواميـــــس"........"لالــــه علاج ولابها شي ملمــــــــــــوس

بالهون يافكرن حدى حادي العيس"........"هاك أستغاثــــة عاريــــه دون ملبــــوس

أذا سترهــا شمري من السناعيـس"........"تراه متعب ماتبـــــــــي شرح وأدروس

أبن بدر راعي الوفــــا والنواميس"........"ملفى هقاوي شمري جـــــاه محسوس

شيخ يقدّر وقعت الحر لاديــــــس"........"ضرس(ن) وعند اللأزمه يطحن أضروس

تراه حر ولايبي الحـــــر تدريس"........"وقل ماأجدع النفس العزيزه لقـــــــــابوس

والله لو ألبــس أسمول وهداريس"........"لاتظن أجي من شيختـه شيخة أفلـوس

مانا وأنــــا حمّاد لاش ولد هيس"........"أموت حـــــر ولاأعتــــزي غــــير بالـــروس

حماد بن عايد الشمري

[هند القاضي]

يسعدني بأن اكون اول من يحتظن هذه السطور

صح لسانك

لا هنت

[عبداللة]

الله الله عليك اخوي الشاعر حماد الخريصي ..غاية الإبداع وجزالة الألفاظ.. وما قال لسانك إلا الصحيح .
والشيخ ابو طلال متعب بن بدر بن شريم علم على رأسه نار طيب ويستاهل المدح .

بارك الله فيك أخي حماد على هالقصيدة .. وما يمدح الطيب إلا الطيب.


تقبل تحياتي





عبدالله بن مسير

[فيصل حمود]

الأخ / حماد الخريصي

صح لسانك وقصيده جزله وقيلت فيمن يستاهل المدح و الشيخ متعب ابن شريم غنى عن التعريف وهو من شيوخ وعمدان قبيلة شمر.

تحياتي

[ابو عارف]

الأخ الشاعر المبدع/ حماد الخريصي
تحية طيبة وبعد
صح الله لسانك في هالنص الجميل وابن شريم يستاهل وعلى قدر الكرام تعطى المكارم.


ابو عارف

[هايس الشمري]

حماد الخريصي



صح لسانك و لا هنت




اخوك