المساعد الشخصي الرقمي

مشاهدة النسخة كاملة : قصيدة بقصيدة


جواهر
04-10-2001, 23:02
الزوج :


حييت ياراعي الثنتين ...وراعي الثلاثه نهلي به
الله شرع اربع بالدين ...خلاق الارواح يدري به
اللي معه وحدة مسكين ...تقبل بعقله وتقفي به
كم ليلة بات مامن شين ...يمسي ويصبح على الخيبه
لاصرت رجل وعلمك زين ... اضرب على العسر وتجيبه
رجل تردى وهاب الدين...هذاك خابت مطاليبه
وتر ام عيالك لها حقين... حق تعرفه وتدري به
وان صخنت جب لها بالحين... فكس تدهن عراقيبه
تراهن رديات عقل ودين ... كم واحد هن سبب شيبه
nتر المراه مثل بيت الطين... دايم ترمم مرازيبه
يردى جهدهن ولا من زين ... تكبر وتكثر عذاريبه
لو هي تطيب وريحه زين ... ريح البصل من وراء طيبه
انهودهن حولن شبرين... والقرن واحد وتومي به
وليا تبسم كحيل العين...ياقبلة الله تقل ذيبه


الزوجه:
ياللي تحداء كحيل العين ...يالبيض قصن عراقيبه
يبي الثلاثه بعد هالحين ... ويقول للاوله ذيبه
العود لامن وصل سبعين... اقفى عن الدار واللي به
وقف على مفرق الخطين ... بس الهبايب تومي به
شوفوا فلوسه دفنهن فين... من قبل الايام تقفي به
اليا مش يسحب الرجلين... وكل حده شوين يقعي به
ولا جاء يناظر يصر العين... والسنون وحده وتركيبه
وسمعه تردى مايسمع زين... لو جبت نجوى تغني به
ارهوا عليه اللبن والتين... ودك يلاحظ عن السيبه


مع تحيات شاعر المناسبات :f.m.m
موج البحر
04-10-2001, 23:38
اشكرك علي هذه القصايد الجميله مع ان فيها نوع من الدعابه
لكن ماخليتي شي عن الزوج والزوجه.
لايسمعنك الزوجات.
جواهر
05-10-2001, 01:16
مشكور اخ موج البحر على متابعتك

القصيده كان لها صدها بين الزوجات

وابشرك جابت نتائج مذهله


بالعربي انخرشن وركدن


عقبال البقيه الباقيه
ابو خالد الجربا
05-10-2001, 02:12
ههههههههههههههههههههههه واهههههههههههههههههه واههههههههههه


انا ادورها


اختي عبرة ثمان وثمانين الغالى


احييك


ومن اليوم

حنا اصحاب

منذو مبطي وانا ادور هالقصيده






اخوكم
جواهر
05-10-2001, 17:09
تسلم يابو خالد

واتشرف بصحبت مثلك وشرواك

بس لاتدري ام خالد العمر غالي


وياهلا فيك اخ عزيز وغالي
ابو خالد الجربا
05-10-2001, 18:39
انا كذلك






هلابك اخت







اخوكم
عبدالعزيز
10-10-2001, 00:35
عز الله خوش قصيده
وخوش رد(الضاهر أن راعية هالرد قشرا)

وأنا أشهد أن نهودهن يغدي الواحد منهن تقل قربة ماء
ماهو بس شبرين0

تسلمين يالعبره على هالقصايد
جواهر
10-10-2001, 01:15
تسلم يابو صياح

القصيده وردها كلها لنفس الشاعر

ويعطيك العافيه وحياك .
طلال الشمري
10-10-2001, 04:07
ياملا العافيه على هاالقصيده

وعلى الرد وتسلمين اختي \\\\ عبرة الغالي \\\\
وتقبلي تحيات \\اخوكم \ طلال الشمري \
جواهر
10-10-2001, 04:11
تسلم اخوي طلال

ويعطيك العافيه

ونبغى نشوف مشاركاتك

بنتظار جديدك .
العذب
13-10-2001, 13:36
ياللي تحداء كحيل العين ...يالبيض قصن عراقيبه


اخي (عبرة^^الغالي )


تحية عذبة ..


ومشاركة عذبة ...




وعلى المحبة ,,,,
فلاح العماش
30-10-2001, 21:26
تسلمين اختي على حسن الاختيار
القصيده لاتخلوا من الدعابه وهي جميله
وعسى مايكون صار خلاف بعد هالقصيده بين الزوجين
وشكرا اختي
اخو المساعيد
30-10-2001, 21:43
بالصدفه والا بالعمد يقول الشاعر زبن بن عمير


انا لياشبت العذارى بغتني0000 وانتي تعوذ منك حتى العفاريت

هذا طبعا المعنى ببطن الشاعر ( وبالمناسبه اعتذر اذا لم

اوفق وفهمني احد بالغلط وسلامتك )0000
بشير اللويش
30-10-2001, 22:31
بعد التحية
شكرا لك اختي الرائعة
عبرة 88 الغالي
الى الامااام دائما ان شاء الله

حظورك فعال جدا
يوجد اعضاء لاشبكة قديمين قبلك وانا من ظمنهم ولكن غطيتنا علينا بمواضيعك المميزه
بيض الله وجهك
و
وفقك الله

تقبلي تحيااات اخوووك الصغيررر

بشير اللويش
جواهر
03-11-2001, 08:53
الاخوه الاعزاء

الهجير / العذب / فلاح العماش / اخو المساعيد / بشير اللويش

لكم كل الشكر على تعقيباتكم واشكركم على المتابعه

اخوي بشير الموجودين فيهم الخير والبركه

وانت ماعليك زود واشكرك شكر خاص على تشجيعك الدئم


يعطيكم العافيه جميعاً

وعلى المحبه نلتقي ،،،