ياخوك ماسهل قولة "ابشر وانااخوك"

[مشــــعل]

الله من قلبٍ به الهم....مشبوك=صار "المؤشر" فوق حد احتماله
ياخوك ماسهل قولة:"ابشر وانااخوك"=مار البلا منهو ينفذ مقاله
في ساعةٍ يوم المخاليق عافوك=والهم فوقك مثل شامخ جباله
"ربعٍ تناخو" يافتى الجود ماجوك=كلن تعذر...واعتذر بانشغاله
تصبح على درب المعاسير متروك=وقلبك على الشدات يبقى لحاله
او ليتهم من يوم عافوك...خلوك=ابي اعتبرها من طرفهم جماله
مار البلا في لمة الناس عابوك=وكلن على الغرات يطوي حباله
تفرح عليك اليا احتوى دربك الشوك=وفي ساعة الضيقات ينسر باله
ياصرت ماتملك...ملايين ببنوك=كلن عليك يشح...حتى بسؤاله
ماينفعك بالوقت عمك ولاابوك=ماينفع الرجّال ياكود ماله
مقدار قدرك قدر مايشيله البوك=وطيب الفتى من طيب زايد رياله

[ابو عارف]

مشعل الغفيلي

صح لسانك على هذه القصيدة الرائعه والواقعية مع شديد الأسف في هذا الزمان

حيث أصبح ميزان الرجل في مايملك من المال .. لقد أحسنت التعبير وأجدت التصوير

وهذا المتوقع من خالي العزيز مشعل

وتقبل فائق التحيه والإحترام / ابو عارف

[سلطان الشمري]

اي ي ي ي ـــــــــــــيه يامشعل


صح قلبك / جيت على الجرح



فعلاً ..



مقدار قدرك قـدر مايشيلـه البـوك
وطيب الفتى من طيب زايـد ريالـه


الله عليك ../ فعلا اعجبتني


احترامي

[هايس الشمري]

مقدار قدرك قـدر مايشيلـه البـوك
وطيب الفتى من طيب زايـد ريالـه



الجزل/



مشعل الغفيلي



صح لسانك و لا هنت


اخوك

[عمر السخني]

مرااااااحب لعيناك يا مشعل

بالله قام راسي يهتز من قصيدتك...يا الذيب
واللي قلته صحيح وانا اخوووووك......

ابشر بعزك يا مشعل... من قلب صافي... والله يعلم لوهي بيدي
لاجيك الحين

صح لسااااااااانك
و
علاااااا شاااااانك

لا هنت يا القرم
***
**
*
اخوووك الشاااااااعر
(( عمر السخني ))

[ريوف الشمري]

مقدار قدرك قـدر مايشيلـه البـوك
وطيب الفتى من طيب زايـد ريالـه


لا إله إلا الله

أنا متأكدة أن التاريخ لن يدعها إلا حكمة ترددها الألسنة

ولكني مع ذلك

أقول لا ........

صحيح المال يعطي لصاحبه قدرا بين الناس ولكنه

لم

ولن

يساوي بذلك ما يعطيه الفعل الطيب لصاحبه من قدر ومحبه

هل تعلم لماذا

لأن المكانة التي تأتي من المال زائلة بزواله

وأنت قلتها ...



ياصرت ماتملك...ملاييـن ببنـوك
كلن عليـك يشح...حتـى بسؤالـه

أما الثانية فهي أثبت لصاحبها في قلوب الناس من أجا وسلمى

صح لسانك أخ مشعل

وأكثر الله من أمثال هذا الأبداع

بارك الله فيك

[قديم الشوق]

أخي الغالي / مشعل الغفيلي ..

صح لسانك ودام نبضك

قصيدة شامخة وراقية

شكرا ً من الاعماق

وتقبل خالص تحياتي

أخوك / قديم الشوق

[مشــــعل]

هلا بابو عارف

صح بدنك

ومثل ماقلت هذ الحاصل هاليومين
للاسف

تسلم يابعد حي

[مشــــعل]

هلا بسلطان

هلا باستاذي العزيز

صح بدنك

ومرور اتشرف به

[بتول آل علي]

هنا قصيدة ( دخلت المفضلة )
عن ظهر قلب ...!!!


شاعرنا الراقي جدا
مشعل الغفيلي


أبيات جزلة جزلة جزلة
ألف ألف صح لسااااااااااااانك


او ليتهم من يـوم عافوك...خلـوك
ابي اعتبرها مـن طرفهـم جمالـه

مار البلا في لمـة النـاس عابـوك
وكلن على الغـرات يطـوي حبالـه


ايه و الله صاااااااااااادق يالغفيلي


مقدار قدرك قـدر مايشيلـه البـوك
وطيب الفتى من طيب زايـد ريالـه

الله يعلّي شانك يالشاااعر



هنا قمة ...
اسمحلي بالعودة لقراءتها مرات و مرات




الدهور

[فيصل حمود]

الأخ العزيز / مشعل الغفيلي

صح لسانك علي القصيده الجزله وللأسف مثل ماقلت كثير من الناس بالوقت هذا يقيمون الشخص علي ماله بغض النظر عن أي شي آخر.

تحياتي

[ابن جشعم]

صح السانك يالغفيلي على هذه الرائعة

قصيدة كله حكم

لاهنت

[راكان**]

«®°·.¸.•°°·.¸¸.•°°·.¸.•°®»صح لسانك يابن العم يشهد الله إن القصيدة من أجمل ماقريت«®°·.¸.•°°·.¸¸.•°°·.¸.•°®»

[فـارس الحـرف]

ربعٍ تناخو" يافتى الجـود ماجـوك
كلـن تعذر...واعتـذر بانشغـالـه
@-------------@--------------@
@-------------@--------------@
@
@
ماينفعك بالوقـت عمـك ولاابـوك
ماينفـع الرجّـال يـاكـود مـالـه
@
@ @
@
@----------------------------@
@
@


الله يا مشعل صدقت

فى وقتنا هذا لا ينفعك الا مالك

حتى القريب لا يعرفك

سجل اعجابى

هنا شعر حقيقى يلامس
مشاعر صادقه

شكرا لك

[مشــــعل]

هلا بهايس

صح بدنك يابعد حي

وشاكر مرورك الكريم

[مشــــعل]

هلا بعمر

هلابشاعرنا
والسبعة انعام بك ولايجي منك قصور

لاهنت

[مشــــعل]

هلا بريوف

صح بدنك

ولكن اختي انتهى وقت الطيب
اللحين وقت المال

شاكر مرورك

[مشــــعل]

هلا بقديم الشوق

صح بدنك

واتشرف بمرورك الكريم

[(( ابو سيّاف ))]

صح لسانك ياشاعرنا

رائعه

تسلم

[روح الاماكن]

صح لسانك


ووصفك للحالة الراهنة بين الناس للأسف صحيح


شكرا يا مشعل على عطائك


روح الاماكن

[عاني الدماني]

0000وش تبي اقولك يامشعل اكثر من اللي قالوه اللي قبلي

00000معاناه00صغتها بقالب شعري00جزل كجزاله00كبرياءك

------والله عالجت جروح 000كثيره


00000000000صح السانك 000ولا هنت

[مشــــعل]

ياهلاببتول

شاعرتنا صح بدنك

واعتز بشهادتك

شكرا

[مشــــعل]

ياهلا بفيصل

صح بدنك

واتشرف بمرورك الكريم

لاهنت