محتاج شمري من اهل القصيم ضروري

[حرنجد]

اي شمري من سكان بريدة او عنيزة يكلمني علي الخاص محتاج بعض المعلومات

[ابو خليف]

شكلك لاحقك عطش من هالسالفه

[عبدالله المهيني]

أطلع خمسين :)

[شريف روما]

اول شي وصل لـ 200 مشاركة وبعدين يصير خير :)

[المطنوخ]

اول شين خفف من سرعة صورتك الرمزيه الله يصلحك تر بهذا كاميرات سرعه:)



ثاني شين يابعدي

مثل هالمواضيع ماهي من صيدنا

وثالث شين والاهم اننا ودنا لو انك فهمتنا عن وشو بالضبط تسأل عنه لربما اي شخص ينفعك


لان هالطريقه ماتنفع ابد ابد وحتى انت ماتقدر ترد عليه


عموما يالطربه هالموضوع انا بخليه فترة مؤقته الين تقراه ثمن ابقرشعه


ومنتظرين جديدك يابعدي

[شموخ]

ثاني شين يابعدي
مثل هالمواضيع ماهي من صيدنا
المطنوخ كيف هالمواضيع ماهي من صيدكم :) الا ياكثر صيدكم غير الضحك والفرفشه نشده بعد :) :) ناظر وش مكتوب على قسمك


فلّة الحجاج ،الدّكه.. نشده ،سوالف خاصه بالاعضاء )

[المطنوخ]

^
^
^
مشاركه لا يشار لها بالبنان:)


شموخ

نشده :)

قديييييييييييييمه:)

تصدقين حسبت انها انلغت؟

لكن مادام انها موجوده اجل ماهو مشكله

بس هم من الضروري انه يفصح عن مراده لكي تعم الفائده له اكثر

واذا كانت على هذه الدرجه من الخصوصيه فعليه مراسلة المشرف العام ليتم التنسيق بشكل ادق ..




شموخ

وشخبار الالكترونيات معاتس خابرتس ماميش:)

[شموخ]

8
8
8

لا يشار لها بالبنان طيب ياطنخان :) :)

الاكترونيات على ماهي عليه صرت ملغية التحويل ومقفله بعضها اريح مزاجي شوي :) :)

[حرنجد]

بالخير للجميع


الزكروطي:اول شي وصل لـ 200 مشاركة وبعدين يصير خير؟؟؟

يااخوي مادام ماعندك سنع ريح نفسك من الكتابة؟


عبدالله المهيني:نفس الرد؟؟


ابو خليف:ابي اموت من العطش



المطنوخ:ماهو عاجبن كلامك؟بس تدري طبعي مسامح تراني مسامحك؟؟




للحين مافية شمري من اهل بريدة او عنيزة او البدايع

[الجيج]

وش بلاكم علي الرجل




كلمن علي الخاص يالحر

[المشرف العام]

/


الظاهر يالغالي .. مامن احد ،

.
وراسلني على رابط راسلنا

/

++++++++++++++
لا تشره على الربع .. مبطين عن النّشده ، واول موضوع موضوعك بعد الدّمج
يبي لهم وقت ، يمكن يتأقلمون
+++++++++++++

ويا هلا بك

[عبدالعزيز]

/
/

++++++++++

اما انا مااعرف عن القصيم غير ابن مهنا والمليدا والصريف

/
/

+++++++++++
تسانك تبي تنشد عنهن ابشر باللي يطربك واما غيره مااعرف منه الا وصلة الدائري اللي تودي للرياض
+++++++++++
وياهلابك عد بروق.ن لاحت على حايل هالسنة

[بدر بن عبدالمحسن]

انا من بريده بس ساكن مكه ولا اقدر ارسلك حتي اوصل 200 مشاركه

بس خوالي ساكنين ببريده اذا بغيت شي قلي ارسلك لااحد منهم اذا كنت ببريده او تبي تسال عن شي قلي وان اعلمك