راعي الوقيــد / مشعل الغفيلي ( ابيكم بكلمة راس ) ..!

[سلطان الشمري]

.
.
.

السلام عليكم ورحمة الله وبركاته ..


مسائكم../ نور و ورد ..

.
.

ادري مقصرين معكم هنا .. :( ومالنا وجه نستعين بكم لكن ../



فيه عندي بيتين وأبي قصايدهم أو منهن له ..

.
.

ياليت أحد يفيدني ..



وشكرا مقدماً ../



البيت الاول :



الا واهني اللي قطين على قريه ..= يشوفون مضنوني وانا البعد حاديني ..!



البيت الثاني :




الا واهني اللي من الهم مايهتم .. = يقضي ليال شباط والقيض عند امه
.
.



اخوكم

[بندر الشمري]

يالله إنك تحييّه
مساء الكادي
وياهلا وغلا ومية مسهلا
تو مانور المضيف الشعبي

:)

.
.

نحن معك بالصفوف وبإنتظار أحد الإخوان ليفيدنا عن الأبيات المطلوبه
خالص تحياتي لك يالعزوه .. ولا عدمنا هالطله الخلاّبه
:thumb:

[مشــــعل]

ياهلا بسلطان

ومايجي منك قصور

ياولد هاليومين صابنا خمول ماهو طبيعي
الواحد يشوف هالموضوع وده يرد ويتعاجز

بالنسبه لطلبك
البيت الاول والله ماعندي عنوه خلفيه
لكن ابشر مالك الا اللي يدوروه لك

اما الثاني فهو من قصيده مشهوره للشاعر حمد المغيولي
وهو من شعراء عنيزه

يقول به:

الاواهني اللي من الحب مايهتم=يطيب الزمان او يختلف شين ماهمه
معافى زمانه لايهوجس ولايندم=يقضي ليال شباط والقيظ عند امه
وانا اللي عيوني تزعج الدمع دمعه دم=واخفي جروح الروح والروح منسمه
سبب جاهل لاهوب يصخف ولايرحم=لو اني من اقصى الناس والا ولد عمه
حربني وانا مانيب طاغي ولامجرم=انا بالبخت ياهافي الوسط والذمه
الى صار دينك جايز ذبحة المسلم=فالى حل ذبحي خل ذبحي على يمه
الايامربي قذلة تقل ذيل ادهم=من العنبر الغالي على بعد له شمه
ابي شربة تبرد غليلي من المبسم=اذا كان تسمح لي على مطلبي تمه
صويب المحبه لو نجح دور مايسلم=يسومل على همه وهو ناشف دمه
ياليت الثريا ماعترض دونها المرزم=لما الكبد يطفي حرها بارد الجمه
حرام الهوى غيرك من الناس مايلزم=الى صار غيري ماتلد النظر يمه

[سلطان الشمري]

هلا وغلا


يابندر .../ وشكرا لك




احترامي يالذيب

[سلطان الشمري]

هلا ابو ياسر



عشت الله لايهينك ..



يارجل الخمول عندنا وعندكم خير.. :)


والابيات هذولي من واحد له فتره يدور على القصايد قلت هاتهن اخبر لك اواليدن بهذا يجيبونهن



عاد انت عليك بياض الفيس <----تعني الوجه :)


وابي اتحرى احدن يفزع بالثانيه



وشكرا لك يابعد حيي انت هالوجه

[احـمد الـطـرقي]

ياعطيك العافيه يامشعل غلى التوضيح

وبانتظار العلم عن البيت الاول



الشكر موصول لاخونا سلطان الحجاج


تحياتي لكم