(( سلطان القصيد )) 000

[خلـيف الجهيلي]

اخواني وخواتي الاعزاء

مشاركه متواضعه رداٍ على اخي والعضو البارز في

مضيف الشعرالشعبي 00

الشاعر / سلطان الحجاج

عندما يحرك سلطان امواج البحر وينهمر القلم حبراٍ

على بياض الاوراق تنزل هذه القصيده لتصافح

المشاعر وتخطب ود ذائقتكم 00

اتمنى ان تحوز على رضاء الجميع 00

مع الملاحضه

انا لا اعلم بقصيده الشاعر / سلطان

الا هذا اليوم 00



(( سلطان القصيد ))

عجلي يالنود هبي بالهبايب من جديد = فاحت ارياح الخزاما مع هبوب 00 النسنسه


ياسلام الله على اللي ماحمى بيوت القصيد = ليت شاعرها قبل نشر القصيده يدرسه


لو قراها كم مره ردد ابيوته يعيد = ليت لو انه تأنى قبل دقات اجرسه


جانا واثق بالقصيده ويتحدىبالنشيد = ليت ماشده حماسه ليت ريّح هاجسه


مادرى ان اكثر بيوته كسرها في راس حيد = الشعر يااهل الشعر ماهي سوالف فلفسه


ليت شاعرها وزنها دام له بنك ورصيد = دام يسبح في بحور الشعر ماخان 00 انفسه


الشعر مثل السحايب له بروق وله رعيد = لاأضلمت سحب القوافي سال سيل الهجرسه


ادري احساس المشاعر كنها فريس غيد = تظهر الفارس شجاعه لا ركب فوق فرسه


ماحقرنا ولاضلمنا شاعر(ن) رايه سديد = كل شاعر لاتغنى بالجزايل نومسه


الشعر وهبه لخلق الله سادات وعبيد = مانحب الهيلمه 00 والبربسه 00 والهلوسه


ولايصح الا الصحيح 00 ولا بقى غير الاكيد = ماعلينا من النوايا السود 00 وأهل الغطرسه


عجلي يالنود هبي بجاش(( سلطان القصيد )) = أطربي صدر الشمالي قبل ينزع 00 واهسه

خليف الجهيلي

[مشعل بن حويد]

الشعر مثل السحايـب لـه بـروق ولـه رعيـد
لاأضلمت سحب القوافـي سـال سيـل الهجرسـه


ادري احسـاس المشاعـر كنهـا فريـس غـيـد
تظهر الفارس شجاعـه لا ركـب فـوق فرسـه


ماحقرنـا ولاضلمنـا شاعـر(ن) رايـه سـديـد
كـل شـاعـر لاتغـنـى بالجـزايـل نومـسـه

نومسه

الله الله

خليف

صح لسانك على هالباسقه

كفيت و وفيت

تحياتي لك

اخوك /

[سلطان الشمري]

.
.
.


صح لسانك ../ ياخليف .. ماشاء الله .. كفو ..




بس عاد انه قصيدتي مكسره .. (كبيره شوي ) :) .. وانت استاذي ورأيك محل الإهتمام


واعدك بالأفضل ../

.
.
.

انت وثامر متفقين علي يعني :) .. كلكم تقولون مكسوره .. ياخي ليتكم برضوه تشوفون القصايد الثانيه وتهتمون فيها .. لأن النقد من الكبار يعتبر شهاده للمبتدئين






و ابشر ابي اعيد ترتيبي شوي ../ ومالك الا رضاك ..

.
.
.



لا تستعجل ياخليف .. لك الود



وصح قلبك يارائع

[ثامر]

ابو كريم صح لسانك وتسلم والله على مجاراة قصيدة الشاعر سلطان الحجاج


ابو حجاج وش علمك لها الحين زعلان والله ان كان هالشي يضيق خاطرك فابشر والله باللي يتركه يالغالي وانت تامر امر


وتقبلوا تحياتي

[هايس الشمري]

ينزع واهسه


خليف الجهيلي



صح لسانك و لا هنت



اخوك

[ابوريم]

صح السانك يالغالي

[رشيد العمير]

صح لسانك

يا خليف


رد جزل



من شاعر جزل