السيافا

[أخومغيضة]

السيافا
قالوا حميا قلت والله سيافا
قالوا اخوة قلت والله وهايب
وزودن على الهقوة تراهم عيافا
الطيب مايرفع شتات النهايب
الطيب والله طيب القلوب العفافا
اللي تجرد طيبها بكسب وصايب
قروم بحزات الجدب والجفافا
افعالهم محفورتن بفعال شايب
اولاد لجعيثن بحزامن تلافا
فيهم شيم وساع الخوطر قرايب
الدال باكوره وسمن كتافا
سودان روس عند الوغا والنوايب
ربعي سنام وعزهم ماتهافا
ارداهم اللي قمتن بالكرايب
حصون القلاع متعبين الهيافا
العز يمنى والتخلف ذرايب
يكفي ثقال القوم ربعي سيافا
صفوف الجبال وطنبها بالصعايب
الطيب مكسب والمراجل تكافا
الدار حية والمكاسب نسايب
اهل الحمية والديار الولافا
خريصات مازادوا نقص وغرايب
فيهم شيوخ القوم وايضا عرافا
الحق واضح والشراذم جلايب
عزوه تنومس بالظلام الكسافا
ربعي كنوز وماتجلى خرايب
عبدالمجيد بن معزي الخريصي
2/ 2/ 1427هـ

[احـمد الـطـرقي]

يعطيك العافيه اخوي


ونعم يالخريصي


تحياتي

[شريف روما]

والنعم والله

صح السانك على القصيدة الطيب

ولاهنت

[أخومغيضة]

هلابك اخوي / احمد الطرقي وشكراً للمرور وتمنياتي لك بالتوفيق

[أخومغيضة]

هلابك اخوي / الزقروطي ومشكــــــــــــــــــــــور على المرور والمشاركة وبيض الله وجهك

[مشــــعل]

صح لسانك ياخو مغيضه

ويستاهلون السيافا

لاهنت يالطيب

[بشير اللويش]

"""

""

ونعم


ونعم


كفو .... كفو


وربي فخر للجميع


دمت بخير

الراسي

[أخومغيضة]

بيض الله وجهك يالغفيلي على هذا الرد
لاهنت ياراس الرجاجيل لاهنت
دارك شمال وميزتك حاتميه
وتقبل تحياتي
اخومغيضة

[أخومغيضة]

هلابك ياللويشي الشكر لايوفيك حقاً بل اقول لك اجزل الله لك العطاء وامد بعمرك يابن العم