اربعه فقط ... [الأرشيف]

اخو سعدى

21-03-2006, 23:20

:) وشلونكم جميعا ...

الله يستر ...:d:

شباب ..:) تخيلوا عندكم اربع زوجات n) n) n) n)

تخيلوا بس .. :a:

وشلون تكون حياتك :g: :( :p: :luvlove:

ههههههه:)

ياخي .. وحده n) عن اربعمائه ...:thumb:

خلو الموضوع سر بيني وبينكم ...:)

عبدالرحمن

22-03-2006, 00:02

احلى حياة!!

اعرف واحد عنده خمسة!!n) >> اصبر اشرح لك

عنده اربعة ويبي يتزوج واحدة ولانه مايصير راح وطلق الرابعة

وقعد بالعدة هو والرابعة!:) ! وبعد ان انتهت عدته تزوج اللي يبي!!:(

اعتقد ان السعادة لا ترتبط بعدد الزوجات فكثير من عندهم

نسرة !! واحدة تعد عن عشرررررة:thumb: .

[center]تحية وتقدير لك اخي العزيز.

بس انتبه لنا تراك رايح تودينا بستين(!!!!!):)

مشــــعل

22-03-2006, 03:37

^
^
^
عبد الرحمن هاللي تذكر انت فسقان هذاك
.
.
ويمكن وحده عن الف:)

والله ثم والله استنقد الرجل اللي ياخذ ثنتين بدون سبب فما بالك باربعه

اذا كان من زوجتك الوحيده رزقكم الله بعيال
وزوجتك قائمه بحقوقك على اكمل وجه
ومتفاهمين ولابينكم شي

الثانيه ليه
والثالثه ليه
والرابعه ليه

فسق:)

حتى الاولا من زوجه واحده يمكنك السيطره
وتربيتهم تربيه سليمه واعطائهم حقوقهم دون نقص

اخيراً
وش توقع نتيجة الهلال والميناء العراقي:)

شريف روما

22-03-2006, 04:18

خلن اتزوج وحده :(

انا راضي بوحده بس :)

يمكن اذا تزوجت اغير رايي

واصير شهرياااااااااااااااااااار :)

المتوقد

22-03-2006, 04:32

هالموضوع صعب تفهمه عن طريق امرأه..

نتكلم بما نفهم ونحب..

وهـــو عندهـــن جريمه

ياليتني أفهم بـــس

طريقة هالتفكـــير!!

ووبعدين يا أخوى سعدى ووش قصدك؟؟

خليتنا نجاوووب وانت هربت عطنااا رايك

اخو سعدى

23-03-2006, 00:25

عبدالرحمن .. هلا فيك ..

سرك في بير ...ههههه

يمكن في الاربعه تلقى سعادتك المفقوده ..

ليش لا ...

لا هنت ..

اخو سعدى

23-03-2006, 00:27

هلا مشعل ..

وش هذه الدبلوماسيه ...هههه
اتفق معك كثيرا .. اذا كان الواحد مرتاح وهذه اغسل يدك ..
ليش يجيب لنفسه الغثاء ...

يسلموووووو

اخو سعدى

23-03-2006, 00:30

ياشهرياااااار ..

انت تزوج بس وتشوف العجب العجاب ..

يسلموووو

ريم شمر

23-03-2006, 00:31

متابعين
.
.
.
.
معــــــــكم

اخو سعدى

23-03-2006, 00:35

المتوقد ...

انت تشوف ياااخوك .. اكثر من عضوه مرت على الموضوع
ولم ترد ولا وحده منهن ...

شكل الكلام ماجاز لهن ... وشنوحهن هلون ..

الامر متروك لهن .. نبي نشوف رايهن ...

اما رايي .. هو مثل ماقال الزقروطي ... ههههه

يسلمووووو

اخو سعدى

23-03-2006, 00:39

ابشرك يالمتوقد ...

فيه راي ناعم .. اقصد من الجنس الاخر ..

ولكن رد باستحياء ... هههه

ريم شمر ... توقيعك شئ .. يهبل .. يجنن .. للبيع ..

هههههه

ريم .. ماسمعنا رايك .. وشنوحتس ...

هلا بك .. اختي ..

المتوقد

26-03-2006, 16:01

تبي الحقيقه يااا أخوى سعدى والله ماالومهن على موقفهن

لان الرجال اللي يمشون بهااالطريق ماتطمن تصرفاتهم

ولاخلو للمثاليه مكان

اخو سعدى

26-03-2006, 22:36

المتوقد ..

ولكن الله احل ذلك للرجل ..
ولا فيها شئ ابدااااا ...

كلامي صحيح او لا يالربع ...

عندي سرك في بير ...

طموووح

26-03-2006, 23:16

آآآآآآآآآآآآآآآآآآه يا راسي

أخوى سعدى ......

أبك إنت صاحي

إذا ودك بأربع رح الله يسهل عليك بأربع كل وحدة فيهن تقوم دولة

بس ليه

ليه تحرث غيرك

و من زود الرومنسية وإلا الخيال الخصب اللي عند رجالنا عشان تقول تخيلوا

ياسبحان الله ما تعرفون تتخيلون إلا بهالسوالف

آآآه منكم يا الرجال

ويا ويلي ويلاه منكم

ما غير تشكون من الحريم

وأول ما يقرقش جيب الواحد فيكم أول شي تفكرون فيه المرة

يا الضعيفة يا الحرمة ماكولتن مذمومة

رح يا جعلك بالأربع اللي ينسنك عنوانك واسمك وتواريخك.....

وحتى ينسنك المضايف

من زود الوناسة ................... مو شي ثاني....

سلمان النبهان

27-03-2006, 00:58

اهلا باخو سعدى ومواضيعه التى تشربك البشر بين مؤيد ومعارض
ومسالة الدخول بالخيال غير وارده لان الواقع ممكن يحصل وش الي يمنع
تزوج اربع الله يقويك تراها فرصه خصوصا مع رخص الحريم هاليومين..
الاربع بسعر الحبه !!!! ومدرسات ....
وسمعت ان اربع مدرسات طالبات زوج لهن الاربع مره وحده بالدمام ..
وهذه سالفه جد ماهي مزح وعندهن عماره اربع شقق !!!
والرواتب الوحده بحدود السبعة الاف يعني المجموع 28 الف شهريا ..
هاه اخو سعدى ترى اعرف رجال يعرف الخطابه الي عندها الموضوع ..

شنقل

27-03-2006, 01:02

اخو سعدى

وشلونك وشلون وغدانك:)

اربعه وش اربعتوه:7ayyoh:

تسانه من البلوت ابشر بعزك والله محدن يقومون وانا فلااااااااان:)

اما غيره فرجاءن الله يرحم والديك((وزارة الداخليهn) )) غير هالموضوع

هو انا ناقص ياراقل حريم واسهم

عموما اخوي.....

ترى الشاليه جاهز:7ayyoh: بانتظارك يوم الربوع

على فكره الوالد هو شرى البيت والا لا:) ((يمدحون اشبيليا

>>>مالقى فرصه يكلمه الا الحين (( اخوان وبكيفنا)):)

المتوقد

27-03-2006, 15:24

كلامك صحيح يا أخوى سعدى

وهي تعتمد على التحمل >>من يتحمل البحر لياثارت أمواجه

لازم تلبس ملابس النجاة<<<ضد أربع موجات عى شان ماتغررق

اخو سعدى

27-03-2006, 23:06

طمووووح ...

ليش لا .. الله يجيب الوناسه ..
اذا الواحد قادر ماديا ومعنويا ..
وش اللي يمنعه من ذلك ...

وش قولك ؟ ..

اخو سعدى

27-03-2006, 23:10

ابو سند ..

28 الف شهريا واربع شقق ..

انتظرني الربوع وانا عندك ..

جايك يالمليون ...هههههه

اخو سعدى

27-03-2006, 23:15

لا .. يا شنقل ...

اربعه اسهم .. هههههه

مبروووووك اخضرار الاسهم مجدداااااااا ...

سوعال ... عندك ادوات قنص .. قصدي صيد ..
ساكتون .. هههه قصدي ...سناره ..

لا تنسى ...

اما البيت .. نبطي والله .. الا اذا تبي النظيم .. ههه

هاه وش قلت ...

اخو سعدى

27-03-2006, 23:18

المتوقد ..

وحده وتجيب لك الصمرقع ..

ايه .. ياحزم الجلاميد ..

شموخ

29-03-2006, 21:57

تزوجت اثنتين لفرط جهلي ...........لما يشقى به زوج اثنتين
فقلت أكون بينهما خروفا ............ينعم بين أجمل نعجتين
فكنت كنعجة تضحي وتمسي .........تداول بين أخبث ذئبتين
رضا هذي يبين سخط هذي .........فلا اخلو من إحدى السخطتين

خوذو الحكمة من قول هالشاعر مع اني اذكر ان فيه شاعر رد عليه بس ماني قايله ابياته لأنها ماتجوز لنا معشر النساء :) :)

اخو سعدى

لاتفتح عيون الرجال على أشياء ناسينها أو غافلين عنها الله يسكنهم مساكنهم يارب ويهجدون على حريمهم :)

تحياتي لك
شموخ

ريوف الشمري

30-03-2006, 00:11

........................

أشهد إن الله لكم حلّل و شرّع=( أربع ) ولا شك ما حْنا محرِّمين
بس وش لك باللي مافكر بالأربع=ليهِ تحرث جمر ناسٍ ساكنين
خلّك بعشك بكيفك حِطّ و اجمع=واحرص احرص من عيون الحاسدين
هذا هو الميدان يا عشِّاق الأربع=طبّ وألعب به و حنّا مشجعين
بس لامن موق عينك قام يدمع=لا تدور عون ما حْنا معاونين
و هالرجال اللي تمنِّيهم بالأربع=باكر إليا طحت جوا لك شامتين
لا تحلّق فوق عشّ اثنين واسمع=دربك اللي سِرت به ميٍّ و طين
خايفه تزلق و ساعتها ما ينفع=يا أخوى سعدى التوجع و الونين

ردّ على وجه السرعة ربما أعود إليه يوما لأجعل منه قصيدة كاملة

وحياك الله أخوى سعدى

وإذا كنت فعلا من أصحاب الإثنتين والثلاث والأربع

فأسأل الله أن يسعدك ويعينك

ريم شمر

30-03-2006, 07:45

^
^
قطعت ريوف قول كل خطيب :thumb:
صح لسانك يالغاليه
كمليها واهديها للجنس الخشن كاااااافه

.
.
.

هلا فيك اخوي اخو سعدى وهلا بمواضيعك الحلوه

تبي رأيي

صعبه اقول رأيي بهالموضوع:puzzled:

أن عارضت فانا اعارض شرع الله وانا مستحيل اسويها

وان قبلت افتح على نفسي باب مسكر :)

.
.
.
مااقول الا مثل ماقالت بنت عمي :d:

أشـهــد إن الله لـكــم حـلّــل و شـــرّع
( أربـع ) ولا شـك مـا حْـنـا محرِّمـيـن
بـس وش لـك بالـلـي مافـكـر بـالأربـع
لـيـهِ تـحـرث جـمــر نـــاسٍ ساكـنـيـن

اخو سعدى

30-03-2006, 18:55

هلا شموووخ ...

طلبتك ... ان تكملين باقي القصيده ...

اما الرجال خليهم يفتحون عيونهم ... لان موشر الاسهم ارتفع ..
هههههه

هلا بك اكثر ...

اخو سعدى

30-03-2006, 18:59

هلا بالشاعره ريوف ..

لنا الشرف بهذه المشاركه الاولى لكِ بمواضيعي ..
وهذا اعتبره شهاده تقدير ..

خايـفـه تـزلـق و ساعتـهـا مـــا يـنـفـع
يـا أخـوى سـعـدى التـوجـع و الونـيـن

اما انزلق لا .. لابس ضد الانزلاق ...ههههههه

ما اقول الا .. صح لسانكِ

اخو سعدى

30-03-2006, 19:02

ريم ..

والله الاخت .. ريوف .. كلامها درر ...

لكن ريم .. ليش كل ذا الخوف .. من ان يتزوج الزوج ثانيه وثالثه ؟؟

انتظرك ...

ريوف الشمري

30-03-2006, 22:48

اما انزلق لا .. لابس ضد الانزلاق

الآن تأكدت بأنك على أحد حالٍ من ثلاثة....

فإما أنك رجل عادل مع زوجاته فأمنه الله في عشه من الإنزلاق و التخبط

و إما أنك تشارك العش مع زوجة واحدة

أو أنك ما تزال أعزبا

..........................

الخوف عليك من الإنزلاق أخي لم أقصد به حينما تتزوج من أربع بل قصدت

أني أخشى أن تنزلق بدعوتك هذه إلى داخل لسان كل زوجة تكره مبدأ أن تشاركها

في زوجها واحدة فكيف بثلاث

أن تنزلق وتتعلق بألسنتهن الداعية على كل من يحرض على هذا الفعل بالموت

والحمى والطاعون والشلل ووووووووووو

قائمة تطول من الأمراض العضوية والنفسية

صراجةً أنا أرى أن التعدد من الطرق الجيدة لعلاج ظاهرة العنوسة

ولكني أقدر في قلب كل إمرأة نقطة قد تكون صغيرة ولكنها مهمة

وهي حبها لزوجها

وكل قلبٍ يحب

يرفض أن يشاركه فيمن يحب أحد من العالمين

لتأتي أخي وتقول لها .... لا شريكة واحدة

بل ثلاث

رفقا بقلوبهن

ولا تطرق الأبواب بقوة

فتخيف ساكنيها

وإن فعلت ذلك فلا تعجب إن خرجوا عليك بالعصي و الأحجار.

هلا بالشاعره ريوف ..

لنا الشرف بهذه المشاركه الاولى لكِ بمواضيعي ..
وهذا اعتبره شهاده تقدير ..

الله يجزاك خير أخي

ومبروك على الأربع مقدما

شموخ

31-03-2006, 01:33

هلا شموووخ ...

طلبتك ... ان تكملين باقي القصيده ...

هلا بك اكثر ...

والله ماكان ودي أقولها بس طلبك ياخوي على العين والراس ماتحب ترد أحد :tongue: :tongue: :tongue: هذا شاعر يؤيد الزواج بثانيه رداً على القصيدة السابقه

تزوجت اثنتين لضيق صدري ........بما يشقى به زوج الوحيده
وقلت لقد تخمت لفرط جهلي ..........ثريدا أمل من الثريده
فصرت كطائر في كل يوم ........... أبو أعرش مملكة جديده
رضا هذه ينبه ود هذي .............فتجتهد في اجتذابي مستزيده
بهذي دولة وبتلك أخرى ..........كذاك تمر أيامي السعيده
فيا من شئت أن تحيا سعيدا .......عليك عرضت تجربة أكيده
فخذ نصحي ولذ بسديد قولي .......ودع ماقيل في تلك القصيده

ول عساك بضيقة الصدر اثاريك متزوج لضيق صدرك بما يشقى به زوج الوحيده

اخو سعدى

31-03-2006, 01:47

الاخت ... ريوف ..

لاني ابو اربع او وحده او اعزب ..
لاهذه ولا ذيك ... هههههه

اسئلي .. المسك ولا يهون شنقل ..

اما الانزلاق .. اطمئني ...
ماعندكِ احد قصدك اخويانا بالمضايف لا حدهم وحده وبس ..
الحين .. يحقدون على من جد والله ...

شايفه رجعتي لكلامي .. ان التعدد هو الحل لمشكله العنوسه..

لاهنت ِ

اخو سعدى

31-03-2006, 01:51

ول عساك بضيقة الصدر اثاريك متزوج لضيق صدرك بما يشقى به زوج الوحيده

ههههههه

ليش هذا الحقد .. يااااااااا شموووووخ ..

شكرا للرد على طلبي ..

لاهنت ِ طال الله عمركِ

الخريصية

31-03-2006, 14:33

*الزواج حق وشرع ,وقد شرع ليخدم مصالح المرأة والرجل على حد سواء,فالمرأة التي ليس لها زوج وفاتها قطار الزواج ممكن تتزوج من متزوج ويصير (مصائب قوم عند قوم فوائد),والرجل اللي عنده نقص في حياته الزوجية,يكمله,والمراة المتزوجة تبقى مع زوجها,دون طلاق ان احبت ان تبقي على العشرة بينهما.فلو لم يفرض التعدد لأضطر كل رجل يرغب بالزواج تطليق زوجته,ولكثر عدد المطلقات,فسبحانه مشرع الأحكام.
*والرجل الراغب بالزواج سيتزوج ولو بعد حين ,مدام حاط هالفكرة براسه بينفذها,بينفذها ,ولاهو محتاج من يذكره ,أصلا هو مو ناسيها علشان يتذكرها.
*النساء ياأخي أخوسعدى لسنا ضد التعدد من حيث هوتعدد,وانما هن ضد جور الرجل وظلمه والذي اخذ الاية الكريمة بما يتناسب ويتفق مع أهوائه ورغباته غير آبه بمشاعرتلك الانسانة التي قاسمته صعاب الحياة,متناسي قوله تعالى(فان خفتم ان لاتعدلوا فواحدة)
*الزواج المتعدد لهو محاذير ولهو دواعي,فهو كالدواء ان اخذ بلا داع تحول الى داء..

اخو سعدى

31-03-2006, 14:58

يعني انت ِ يااختي ..

مع التعدد ... وشهد شاهدا من اهلها ...

هذا يكفينا يالخريصيه ...

ظهر الحق ...

صوره مع التحيه لريوف وشموخ وريم

هايس الشمري

31-03-2006, 23:33

يا حلولات لو يجي الشيخ/ براك الفريسي

هو و الله اللي يحشرهن لك :)

اما انا ابي وحدة هالحين و بعدين افكر بالثانية و يا جت الثانية افكر بالثالثة و يا جت الثالثه افكر بالرابعه
و يا جت الرابعة افكر من اطلق :)

سلاااااااااااااااااام

( المسك )

01-04-2006, 19:05

خايـفـه تـزلـق و ساعتـهـا مـــا يـنـفـع
يـا أخـوى سـعـدى التـوجـع و الونـيـن

صح لسانك وحيلك به

بس انتبهي اخوان سعدى واجد بالمضايف على راسهم المشرف العام ونايبه

وذا على سالفت التعدد ماقدر اتكلم ام شادن بجنبيn) n)

يعني الستر حلوووووووووو:smileyb:

مجد

02-04-2006, 03:18

التعداد .. من المباحات ..
رايي بالموضوع .. مثل رأي كل النساء ..
إن قلت ارفض .. يعنى اخالف شرع الله .. وأن قلت أوافق .. صعبة جداً .

وعلى كل الأحوال قضية الزواج .. وتكوين الاسرة والارتباط ..هي توفيق من رب العالمين .
ولا تدوم الا بااقتناع ورضى من الطرفين بالآخر .
وعلى كل الاحوال لا توجد امراة كاملة .. ولا توجد حياة خالية من المنقصات
بل طبيعة الحياة هكذا أكشن ..
فلا تعتقد ان المتعددين مبسوطين .. أنا أتصور أنهم في شقاء
حيث تكثر المطالب ووجع الرأس ..
أنا من رأيي القناعة كنز لا يفنى ..
فان كانت عندك واحدة
اهديك هذا البيت "أمسك مجنونك لايجيك أجن منه "
وان كنت من المتعددين "الله يعينك ويصبرك "
ولا تنسى قصة "بين حانا ومانا.. ضّعنا لحانا "
دمتم بخير .. والله يجعل ايامكم كلها مسرات
شكراً أخوى سعدى ..
المجـد

عبدالعزيز

02-04-2006, 05:15

آآآآآآآآآآآآآآآآآو وو ووووووووووه الله من الونس
4!!!!

تسان كل ليلة عريس مزبرقٍ متسانه:)

ولاقامت الوحدة تحن على راسي اقول له عسى مانتي فلانة وتنلدم من الدقرة:tongue:

وياااااااااربي لك الحمد اللي خص هالشي على الرجال ولا لو هي للحريم تسان ماتلقى رجل الا مطلق 40مرة بعمره من حبهن للتغيير وعدم الاقتناع:)

اقول ماودك تكمل لنا اربعة بلوت اشوى وهالسالفة لاتجيب له طاري تكفى الا لما ينقز المؤشر الواحد وعشرين

اخو سعدى

02-04-2006, 23:01

الاخ هايس ...

هلا والله بك

اي والله وين الشيخ الفريسي ..

يعني ماعندك مانع للاربعه ..

انت كذا ...:)

اخو سعدى

03-04-2006, 17:54

صح لسانك وحيلك به

بس انتبهي اخوان سعدى واجد بالمضايف على راسهم المشرف العام ونايبه

المسك ...

المقصود انا يامحاتسيك ... هههه

ايه الذله بنت حلال ... ههههههه

هات اللي عندك ولا يهمك احد عندي ...

واحد نكبه ... خخخخ