(( ابو سيّاف ))
17-03-2006, 00:55
بسم الله الرحمن الرحيم
انا يااخوان من المحبين للاسناد والرد بين الشعراء
وبعد اسنادي الاول لنبراس
الثانيه اركبته على ذلول"لمشعل الغفيلي"
راكب اللي جفلهّ شوف ظله=تفزيز ربدا اوجست نوع خيفه
اللي تهوم وحبل خطامه يشله=بس الدويرع فوقها والسفيفه
حمرا وحاله طاوي البعد تله=متقصين قنايها بتعسيفه
"قبٍ" ضلوعه مثل لون الاخله=مسلوبةٍ حاله سوات السنيفه
عيونها جمر الغضا وسط مله=تصفق بها غربيةٍ هب هيفه
مادرجه سناي بالقيظ لله=ولاساقها الجلاب مدور "لغيفه"
يادرهمت عصير في خايعٍ له=تشدى ظليمٍ جفله حس شيفه
تمشي لحايل صوب دارٍ تدله=في وسط حايل والجبال المنيفه
والعصر حد طعوس حايل زمٍ له=يطرب لها قلبٍ سطا فيه حيفه
بديار "شمر" عز منهو زبنله=زبن الجلاوي بالسنيين الكليفه
منوة هواوي شاقها شوف خله=انحت بها دنياه وابعد وليفه
منصاه مشعل نصهّ القاف كله=ريف الرفيق اللي حواله كليفه
اهده سلامي عد دقه وجله=واعداد ماتقرا حروف الصحيفه
يعرف القصد قبل يقرا السجله=حيثه بخيصٍ من رجالٍ ظريفه
البارحه يوم الكواكب تعله=سهرت كل الليل بحالٍ كسيفه
دكن هجوسي تالي الليل كله=طابور عسكر بالجهاله مطيفه
غزايةٍ يالله دخيلك مغله=كلن تقلد رمحه ووامى بسيفه
فجن ضلوعي وسلك قلبي لوله=واحمس ربيع القلب واقبل خريفه
يامشعل قلي وش بلا الوقت عله=عجزت اميّز بين صحه وزيفه
وناسه تغير كل يومٍ بمله=ريشة نعامٍ راح مع ريح صيفه
انا يااخوان من المحبين للاسناد والرد بين الشعراء
وبعد اسنادي الاول لنبراس
الثانيه اركبته على ذلول"لمشعل الغفيلي"
راكب اللي جفلهّ شوف ظله=تفزيز ربدا اوجست نوع خيفه
اللي تهوم وحبل خطامه يشله=بس الدويرع فوقها والسفيفه
حمرا وحاله طاوي البعد تله=متقصين قنايها بتعسيفه
"قبٍ" ضلوعه مثل لون الاخله=مسلوبةٍ حاله سوات السنيفه
عيونها جمر الغضا وسط مله=تصفق بها غربيةٍ هب هيفه
مادرجه سناي بالقيظ لله=ولاساقها الجلاب مدور "لغيفه"
يادرهمت عصير في خايعٍ له=تشدى ظليمٍ جفله حس شيفه
تمشي لحايل صوب دارٍ تدله=في وسط حايل والجبال المنيفه
والعصر حد طعوس حايل زمٍ له=يطرب لها قلبٍ سطا فيه حيفه
بديار "شمر" عز منهو زبنله=زبن الجلاوي بالسنيين الكليفه
منوة هواوي شاقها شوف خله=انحت بها دنياه وابعد وليفه
منصاه مشعل نصهّ القاف كله=ريف الرفيق اللي حواله كليفه
اهده سلامي عد دقه وجله=واعداد ماتقرا حروف الصحيفه
يعرف القصد قبل يقرا السجله=حيثه بخيصٍ من رجالٍ ظريفه
البارحه يوم الكواكب تعله=سهرت كل الليل بحالٍ كسيفه
دكن هجوسي تالي الليل كله=طابور عسكر بالجهاله مطيفه
غزايةٍ يالله دخيلك مغله=كلن تقلد رمحه ووامى بسيفه
فجن ضلوعي وسلك قلبي لوله=واحمس ربيع القلب واقبل خريفه
يامشعل قلي وش بلا الوقت عله=عجزت اميّز بين صحه وزيفه
وناسه تغير كل يومٍ بمله=ريشة نعامٍ راح مع ريح صيفه