أنشدك عن ...... ؟؟؟

[محمدالشمري]

عقب ما حلو الربع اللغزين الفايتات ، وكان حديهن بمساعدة القرم راعي الوقيد اللي لمح لمرض يلازمني منذ مبطي عسى الله يشفينا وكل مسلم من الامراض ، هاضت قريحتي اللغزية فأتيت لكم
بلغزين آخرين :

الأول :

أنشدك عن ضيفٍ بدار المعازيب الضيف يكرههم وهم يكرهونه
أذا قلط يقلط على غير ترحيب والضيف من الزلات ما يا منونه
ويحتاج في بعض الأحيان تأديب واليا بغى المرواح هم يمنعونه

الثاني:

أنشدك عن شيءٍ رفيع مقامه كنك تسلم من صلاتك اليا جــاك
واليا كثر سوى سوات القمامة وأن رحت عنه يا خذ شوي وياك


الاجابة من يريد الأجابة فعليه الأستعانة بصديق وأرشح راعي الوقيد

دمتم بخير

[شام]

لا بالله أكثر من الاستعانة بصديق ...

أخي

ضع لك عشر أو اثني عشر احتمال ...


مالي بالألغاز و لا الفيزياء و لا الحساب

[المتوقد]

هااااللغزين يبيلهن هدووو


وووتفكير...مشوار وراجعين

[احـمد الـطـرقي]

الاول ماهو الشيب اللي يغزي الشعر

ياجا محد يرحب فيه , ومن الزلات مايامنونه : يمكن يخرف لاكبر الانسان وشيّب

يحتاج تأديب : صبغ الشعر بالاسود ’ اليابغا المرواح هم يمنعونه : كلن يبي طوله العمر مابعد الشيب الا الموت

الله يكفينا الشر

.
.
.
.
.


الثاني ماهو النوم طال عمرك




<<< km :7ayyoh:





يارب وحده صح :)

.
.
.
.

[محمدالشمري]

لا بالله أكثر من الاستعانة بصديق ...

أخي

ضع لك عشر أو اثني عشر احتمال ...


مالي بالألغاز و لا الفيزياء و لا الحساب


أفا يا بنت قويدر

راح أسمح لك ترمحين " يعني تحزرين " عشر الى اثنى عشر احتمال

ولك مني ألمحلك كل ما تقربين

خاص لبنت قويدر مع أحترامي للجميع وذلك رداً على جميلها فيما فعلت " هي تدري ":p:

[محمدالشمري]

هااااللغزين يبيلهن هدووو


وووتفكير...مشوار وراجعين


أبوروان على راحتك

بس لا يسبقونك وأنت بها المشوار :p:

بأنتظارك يالغالي

[محمدالشمري]

الاول ماهو الشيب اللي يغزي الشعر

ياجا محد يرحب فيه , ومن الزلات مايامنونه : يمكن يخرف لاكبر الانسان وشيّب

يحتاج تأديب : صبغ الشعر بالاسود ’ اليابغا المرواح هم يمنعونه : كلن يبي طوله العمر مابعد الشيب الا الموت

الله يكفينا الشر

.
.
.
.
.


الثاني ماهو النوم طال عمرك




<<< km :7ayyoh:





يارب وحده صح :)

.
.
.
.



ولا وحده صح

لا ولنت حولهن

حاول مرة أخرى يابو الطرقي

[محمدالشمري]

عبدالرحمن

الاعصار

ســــارا الرياض

الزقروطــي

مـغــتـرب

لقيت أساميهم بهذا وما غير محل غبرتهم

ما بهم اللي قوى على الحل >>>>> واحد شايفن حالهم :(

[فـارس الحـرف]

ارحب يا محمد وعساك ماتشوف الشر


الاول مادققت عليه انا مستعجل

لاكن الثانى انكانى شاعر مابها كلام

الى كنك تسلم من صلاتك اليا جااااااااااك


هذا (العود) عود الطيب طال عمرك لاتبخربه الرجال يصد يمين يسار

[راعي الطيب]

لغزك يا ابو جاسم مثل لغز اخونا عبدالله الجعيثن بالمخيم هاك الليله

لكن لي عوده ان شاء الله واشوف رمعات الاخوان


لا هنت على هاللغزين السنعين

[محمدالشمري]

ارحب يا محمد وعساك ماتشوف الشر


الاول مادققت عليه انا مستعجل

لاكن الثانى انكانى شاعر مابها كلام

الى كنك تسلم من صلاتك اليا جااااااااااك


هذا (العود) عود الطيب طال عمرك لاتبخربه الرجال يصد يمين يسار


هذا وأنت مستعجل يا العجمي ما شاء الله عليك .

حل اللغز الثاني هو العود " الطيب او البخور " وجابه ابن مرزوق وستين نعم

صح لسانك يا بدر

وبأنتظار حل الأول

[محمدالشمري]

لغزك يا ابو جاسم مثل لغز اخونا عبدالله الجعيثن بالمخيم هاك الليله

لكن لي عوده ان شاء الله واشوف رمعات الاخوان


لا هنت على هاللغزين السنعين


ولا أنت يا بو محمد

ما بقى الا واحد وهو اللغز الأول اللي يقول :

أنشدك عن ضيفٍ بدار المعازيب الضيف يكرههم وهم يكرهونه
أذا قلط يقلط على غير ترحيب والضيف من الزلات ما يا منونه
ويحتاج في بعض الأحيان تأديب واليا بغى المرواح هم يمنعونه

أما الأول جابه العجمي

بأنتظار عودتك

[ابن جشعم]

أنشدك عن ضيفٍ بدار المعازيب الضيف يكرههم وهم يكرهونه
أذا قلط يقلط على غير ترحيب والضيف من الزلات ما يا منونه
ويحتاج في بعض الأحيان تأديب واليا بغى المرواح هم يمنعونه



بالنسبة للغز هذا ياطويل العمر رمعتي هي:

السجين او الأسير الله يكفينا الشر


بشّر قل صوح:)

[سالم الويباري]

ماهي شبت النار في الموقد عند المعازيب

[احـمد الـطـرقي]

والله اتوقع ابن جشعم حول السالفه

[المطنوخ]

ولا وحده صح

لا ولنت حولهن

حاول مرة أخرى يابو الطرقي

اللهم اجعله دوم مايرمع صح:) <----جاي شمّات:)

[محمدالشمري]

بالنسبة للغز هذا ياطويل العمر رمعتي هي:

السجين او الأسير الله يكفينا الشر


بشّر قل صوح:)



جبته يا بن جشعم

إلا صووووووح مية مية

لاهنت يالغالي

[محمدالشمري]

ماهي شبت النار في الموقد عند المعازيب



لا ما هي شبت النار يا بن عمي

جابه ابن جشعم

لاهنت يالغالي

[محمدالشمري]

اللهم اجعله دوم مايرمع صح:) <----جاي شمّات:)



ما تجوز من طبعك يا طنخان

جايك بغيرهن بس لا تورط نفسك مع الأضداد !!!

ترى الشماته واجد

[محمدالشمري]

الأول :


أنشدك عن ضيفٍ بدار المعازيب الضيف يكرههم وهم يكرهونه
أذا قلط يقلط على غير ترحيب والضيف من الزلات ما يا منونه
ويحتاج في بعض الأحيان تأديب واليا بغى المرواح هم يمنعونه

جاب الحل أبن جشعم وهو (( السجين ))
الثاني:


أنشدك عن شيءٍ رفيع مقامه كنك تسلم من صلاتك اليا جــاك
واليا كثر سوى سوات القمامة وأن رحت عنه يا خذ شوي وياك

وهذا جاب الحل العجمي وهو (( العود / البخور))
تحياتي للجميع بدون أستثناء