(~راح أطلع الفضايح~)

[قمرهم كلهم]

صبحكم الله بالخير(كتبته الفجر)

اخباركم, وشلونكم ,أزيكم, كيف حالكم.عساكم طيبين,انشاء الله بخير:tongue:


خلصت السلام نبدأ المفيد..

وأنا جالسه أطقطق عالجهاز فجأه:surprised

أتلفت حولي أكتشفت شي :surprised

أكتشفت بجنبي كاسين شاهي وفوطه وأقلام (فسفوري وموف)ياعمري عالألوان



وأشرطة فيديو وثلاث ريموتات وفش فاش يابس له يومين

وتليفون وموبايل ومفاتيح سيارة أخوي(مدري وش جابها:surprised )

وكوره ودفتر وسى دي فيه أفلام كرتون

وعلبة بيبسي وأرواج ومشط


هذي بعض الفضايح اللي موجوده بجنب اللاب توب (وماخفي أعظم)

هذا ملخص لموضوعي اليوم


أريد من كل شخص وشخصة منكم أن تكتب وبكل صراحه ماذا يوجد بجانب جهاز الكمبيوتر؟


أرجو التفاعل..:d:


تحيـــــــــــــــــــــــــــــــــــــ ـــــــــــــــــــــــاتي..قمرهم كلهم

[شريف روما]

صباح النور


بالنسبة لي

تلفوني
وكم سي دي محذوفات :)
وجنجفة ( كوتشينة ) :)
واوراق كاتب بهن اشعار :)
وايضا سي دي صور عرس اخوي :)
وكرت الانترنت وكم كرت تلفون مخلصات ليش مااقطهن ماادري ؟ :)
شاحن تلفون
مسمار صغير :(
بلاك كهرب مقطوع :( << بالله اشتبي بوه هذا ؟
وطاقيتي والبوك والمسباح :)



وبس



شكرا

[عجايب بنت الشايب]

والله يااختي

لو اني داريه

انك تبني اتكلم بصراحه

كان مادخلت

مابي افضح اهلي

بس



يالله ماتعرفوووني

ولا تعرفوون بيتنا

خخخخخخخخخ


المهم


ابي اقولك

ان الجهاز عائلي

علشا تصدقيين اي شيء اقوووله


استلمي


1- علبة مندييل فاين
2- هديه عطر من عرس
3- جلوسلييد الاحمر علبته معبوووطه
4- طابعه المتوفيييه

5- كتاب دبيوان الشافعي

6- مشط

7- كيس شفاف ازرق << حصة تدبيير ؟؟

8- صحن يقال به فطاير من العصر

9- بلورات

10- اذا بليتم فاستتروا

بصراحه

العتب على اهلي

ليش يكبروون طاولة الكمبيوتر يستاهلوون >> تبرت منهم




هاه استانستي
يومن نكتي فضايحنا




طحياتي .........

[عبدالواحد]

موضوع طيب ومشوق


مشكووووره قمرهم

[قمرهم كلهم]

هلابك يالزقروطي

صراحه كل فضايحك عاديه اهم شي أعجبني المسمار صحيح(مدري وش يبي)

[قمرهم كلهم]

مشكوره كلي بكم اعجاب

فضايحك ناعمه مثلك بس أظن انك ماطلعتي الفضايح الكبيره

بس احلى شي جليسوليد لكن ماحددتي الحالي او العادي

[قمرهم كلهم]

شكرا مغترب على مرورك:tongue:

[عبدالله المهيني]

والله بالعادة أمسك الباب وانا ساكت :)


لكن إسمي ضغطت على ايقونة كتابة الرد :)


<<<< يعني فيه فضايح خايف منها


فيه بجنب الجهاز دحين < مو جداوية هالكلمة :)


عطر الدمعه

ساعة يدي :)


مودم خارج << بتاع الدي سي ال

سيدي المنقذ << حق الدفاع المدني :)

كيس فصفص ( حب - بزر - لبان )

شاحن جوال

مجموعة أوراق مسودات



^
^

مستورة ولله الحمد :)



شاووووووووووووو

[سيدة القـــــلم]

..".."..

مرحبَاَ قُمرهُم ..

طأولتي كبيرة .. وعليها بلاوي :tongue:

بجنب الجهاز

_ طابعه خربانه.. :puzzled:
_ وردة جوري مجففه لها سبع شهور .. " جتني هديه " :thumb:
_ سااعه يد
_ نظارة شمسيه للكليه
_ جوال
_ علبه مناديل " ندى" لونه اصفر :tongue:
_كاتلوج سنوب الحسناء .. وفوقه تفسير " ابن كثير ":a:
_ جِلّ جنسون بالبابونج
_ شباصه لونه " بني " :chinese:
_ كومه دفاتر مرجومه فوق بعض
_ فنجال قهوه فاضي + كحل ماركه " محمود سعيد " n)

وبس .. :surprised

تبغين اقولك وش الي بالدروج تحت او بس الي بجنب الجهاز ..؟ :surprised


كُونِي بخِير

..".."..




.

[راعي الردميه]

يا زين هالموضوع ويا زين رد الزقروطي الجنجفه وشهي يا ريت؟

عن وعن جهازي المعظم واللي حولوه اول شي المصحف لاني توي قريت سورة الكهف
وعفريته جيب وستبنه الوايت حقنا وشوي اقلام ومحايات وبرايتيين (لطفله بكرا):)
وسندويش توي جايبوه من الدكان لونوه اخضر يمكن من زمان عندوه
واللي محلي هالدنيا كله بوه لوه دلتن صلحته لي امي الصبح وللحين وانا اندح منه وما قضت
شماغي فوق الشاشه وش بعد يا ربي وش بعد ايه
واليوم الجو معجعج علينا وهالرواق منتفخ لو ينطلدز علي تسان ما تشوفوني نوبتن ثانيهn)
بس الله يستر
الكمبيوتر على لوه درام تسبيييير تخبرين حنا يالبدو ما نعرف نحطوه بالقاع:thumb:
من الحاجات المهمه عندي اني شابكوه على بطارية الجيب حق الزقروطي
وش بعد ايه عندي فلاش مومري مدري شسموه اكتب مواضيعي واجيبهن هنا من المقهى
بوه لوه طفاية حريق بجنب الجهاز من كثر ما يلذع وبوه طفاية زقاير لراعينا الله يعميه حاطه فوق الشاشه

وبس:)

[قطراوي]

يـــــــــوبيـــه...خليني ساكت..وعن الفظايح..

.
.

مكتبي ولا مكتب مهندس...خخخخخخخخ

[شريف روما]

يا زين هالموضوع ويا زين رد الزقروطي الجنجفه وشهي يا ريت؟

ههههههههههههههه

الجنجفة هي الكوتشينة والكوتشينة هي الورقة

اللي يلعبون به بلوت وهند وكوت بو6 :)

[المطنوخ]

على يمين كمبيوتري بحر

وعلى يساروه صحراء

ودزداموه سياره

ووراه بنشر

وفوقه لمبه

وحدره بطانيه



آمل أن أكون وُفقت في سرد واقعي المرير

[قمرهم كلهم]

أشكركم على مروركم وتعقيبكم الرائع

بس كان ودي بالمزيد من الفضايح(الله لايفضحنا)

تحياتي لكم..قمرهم كلهم

[فيصل اللويش]

انا بقولكم وش جنب جهازي

فستان بنجابي لااختي الصغيره طايح هههههههههه

وشريط كاسيت لرابح صقر لابس ثوب اسود ونظارات شمسيه

وبطاقه صراف

وفوطه مخططه

سلسله مراية سياره مكتوب فيها اسم خيطها اسود

اوراق طايحه

وبس

[قمرهم كلهم]

هههههههههههههههههههه
مشكور أخوي فيصل لمرورك وتعقيبك
واللي اعجبني بطاقة الصراف (كم الرصيد)ملقوفه عادي:tongue: