سليمان الذويخ
14-03-2006, 11:47
السلام عليكم ورحمة الله وبركاته
الأخوة الكرام
مع تدهورحالة السوق أهديكم هذه الأبيات المفعمة بالرجاء ان يعدل حالة السوق الى الأحسن بأسرع وقت
انه سميع مجيب
السوق دحدر والخلايق يصيحون = وأسهم حلالي جت رماح عليّه
(هامور ) ضفّ السوق بمطاير عيون = بليّة ياناس .. ياهو بليّه
جنّد جنوده.. هو يصوب .. ويرمون = يرمون خلق الله .. بهم خبث نيه
يجمع فلوسه .. كنها أموال قارون = وينام لا جا الليل .. نومه هنيّه
( تعمير ) هدّوها .. وهم ما يشوفون = ( سابك) و ( صدق) وقبلهن( معدنيه)
( ينساب) سابوها .. و ( الأسمنت) مخزون = حتى (الفنادق ) خفضوها شويه
اللي تسلف وأشترى اليوم .. مغبون = بدال ربحه جاه سهم المنيه
ضحكوا عليه .. وقالوا الربح مضمون = حط الفلوس تصير ميه ب ميه
ولوا هوامير(ن) عسى ما تفودون = دعواتنا ترفع لرب البريه
حسبي عليهم خلوا الشعب مديون = ظالم.. وينظر لك بعين قويه
في مجلس الشورى رجالٍِِِِِ ينادون = و( ابن قنيبط) قال: هذي قضيّه
هاتوا وزير( المال) و(النقد) يبدون = ما كان فيها من علوم خفيه
وان كان حال السوق.. من دون الى دون = لابد من تقرير .. له قابليه
نبي دراسة ناس كمّل يعرفون = أوضاعنا صارت تقل ( جاهليه)
لابد تدرس حالة السوق تكفون = تكفون يا رجال السنع والحميه
سليمان الذويخ
08:47ص
14/02/1427
الأخوة الكرام
مع تدهورحالة السوق أهديكم هذه الأبيات المفعمة بالرجاء ان يعدل حالة السوق الى الأحسن بأسرع وقت
انه سميع مجيب
السوق دحدر والخلايق يصيحون = وأسهم حلالي جت رماح عليّه
(هامور ) ضفّ السوق بمطاير عيون = بليّة ياناس .. ياهو بليّه
جنّد جنوده.. هو يصوب .. ويرمون = يرمون خلق الله .. بهم خبث نيه
يجمع فلوسه .. كنها أموال قارون = وينام لا جا الليل .. نومه هنيّه
( تعمير ) هدّوها .. وهم ما يشوفون = ( سابك) و ( صدق) وقبلهن( معدنيه)
( ينساب) سابوها .. و ( الأسمنت) مخزون = حتى (الفنادق ) خفضوها شويه
اللي تسلف وأشترى اليوم .. مغبون = بدال ربحه جاه سهم المنيه
ضحكوا عليه .. وقالوا الربح مضمون = حط الفلوس تصير ميه ب ميه
ولوا هوامير(ن) عسى ما تفودون = دعواتنا ترفع لرب البريه
حسبي عليهم خلوا الشعب مديون = ظالم.. وينظر لك بعين قويه
في مجلس الشورى رجالٍِِِِِ ينادون = و( ابن قنيبط) قال: هذي قضيّه
هاتوا وزير( المال) و(النقد) يبدون = ما كان فيها من علوم خفيه
وان كان حال السوق.. من دون الى دون = لابد من تقرير .. له قابليه
نبي دراسة ناس كمّل يعرفون = أوضاعنا صارت تقل ( جاهليه)
لابد تدرس حالة السوق تكفون = تكفون يا رجال السنع والحميه
سليمان الذويخ
08:47ص
14/02/1427