الكاسب
07-03-2006, 14:13
.
اخواني اعضاء وزوار مضايف شمر
( المكشــــات )
قصيده متواضعه اتمنى ان تنال على اعجابكم ورضاكم
يالله يارحمان ياعالم الغيب = ياللي علينا من لضا النار تاوي
بحماك حنا من عذاب اللواهيب = بحماك حنا يامجيب الرجاوي
على الصراط اللي تحوشه كلاليب = يالله طلبتك لاتزل الخطاوي
ويقول منهو رتب القاف ترتيب =اللي على بدع الجزيلات هاوي
ياعبيد ابن نواف يالشبل يالشيب = ياعل مايلويك يالقرم لاو ي
ياشوق من زينه يفوق الخراعيب = هيفا غنوج ٍ طب قلب ٍ هواوي
العين عين اللي كفوفه معاطيب = لا من طلع للصيد كنه دماوي
ياعبيد يالزيزوم ولم لنا الجيب = ( فكس ار ) ما جابه حفيزه هداوي
(فكس ار ) وصفه ياعضيدي تعاجيب = يستاهل الشريه و لوهو غلاوي
نبي نرود اديار كانت مجاديب = واليا نويت اعرف منهو اخاوي
افرح بخوة شوشلي كنه الذيب = يفزع اليا كثرة عليك البلاوي
يفزع قبل تنخاه وقت المطاليب = يفرق عن الاقران فرق النداوي
يشفق على العليا و فعل المواجيب = ويشفق على اللي يفرحن الهقاوي
والمشتهي مايحتري للمكاتيب = العود ورّق عقب ماكان ذاوي
والدرب زحمه ياعسى الفال مايخيب = كل ٍ على المكشات ياعبيد ناوي
اهل البحر ومعرب الجد وصليب =والحضر والبدوان حتى القراوي
يا جيت للشيشه تشوف المناديب = ناس ٍتعبي وناس عفشه تساوي
والجمس الاحمر من قراح المشاريب = صد ّر و راع الشاص قفو العراوي
وبيوت مبنيه وآخرى مقاطيب = وهذاك توه رفة البيت طاوي
ومخيمات ٍ والشفق توه يغيب = مثل المدينه يبصره كل غاوي
والعابهم بالليل مثل المشاهيب = وسط السماء ياكنهن نجم هاوي
والسوق ياجيت الضحى راسك يشيب = لولاي اشوفه قلت وصفه حكاوي
شامي يبيع بشوت وناس ٍ جلاليب = وهذي تبيع السمن وتمر ٍ حساوي
وهذي تبيع الزبد عند الحطاطيب = وهذا طويل العمرجنبه فداوي
وهذا يحد الفقع يبي المكاسيب = وهذا من الخفرات قلبه شقاوي
وهذا مطوع ياعسى ربه يثيب = يذكــّـر المطفوق ياغواه غاوي
واللي لفو ( بالرنغ ) مثل الخطاطيب = اعيال نعمه وهالمسيكين شاوي
والناس حلـــّــو بالفياض المعاشيب = غنوا وراع الذود شال الحداوي
وحنا فهقنا زحمة الناس تغريب = للي سقاه المزن شرح ٍ وخاوي
روض ٍ عليه المزن مثل المرازيب = من كل نبت ٍ يطرب البال حاوي
روض ٍ به المشتاق يرتاح ويطيب = ريح الزهر والعشب قلبه يداوي
وانا طرالي في رفيع المراقيب = والنور توه اول الصبح ضاوي
في جو ابدع من وصوف الكتاتيب = وريح الحيا ممزوج ريح القهاوي
انا طرالي سيد كل الرعابيب = غرو ٍ صخيف القد و العود راوي
ابوعيون ٍ دعج حورٍ مهاديب = لامن طرالي كن بالقلب كاوي
ريح النفس بين الثنايا المعاذيب = ياريحة الكمبود !!!! ياريح جاوي !!!!!
يالله عساه السيل قبلة تناجيب = والساجي المبروك لين الصداوي
اللي بهن مرتاع حرش العراقيب = فيهن ليال العيد شلنا الغناوي
وجبال شمر نايفات الشخانيب = يالله عساه السيل هاك الحراوي
ياحيثهن مدهال ربعي هل الطيب = شمر هل الطولات زبن الجلاوي
شمر قليلين الخطا والعذاريب =شمر جزيلين الصخا والعطاوي
نفرح ايلامن صار حنا المعازيب = جبله من الله ماعليها نراوي
ربعي مروين السيوف المحاديب = لافرعنّ البيض سود الغطاوي
اعيال منهم ادبوا نجد تأديب = وقايع ٍ وعلوم يوم اللقاوي
ياكني اسمع صوتهم والتراحيب = واسمع صهيل خيولهم والعزاوي
قبلي بربعي يمدحون الاجانيب =كل القبايل وافطنوا للخلاوي
وصلوا صلاة موحدٍ مابها ريب = على شفيع الخلق بامر ٍ سماوي
اخواني اعضاء وزوار مضايف شمر
( المكشــــات )
قصيده متواضعه اتمنى ان تنال على اعجابكم ورضاكم
يالله يارحمان ياعالم الغيب = ياللي علينا من لضا النار تاوي
بحماك حنا من عذاب اللواهيب = بحماك حنا يامجيب الرجاوي
على الصراط اللي تحوشه كلاليب = يالله طلبتك لاتزل الخطاوي
ويقول منهو رتب القاف ترتيب =اللي على بدع الجزيلات هاوي
ياعبيد ابن نواف يالشبل يالشيب = ياعل مايلويك يالقرم لاو ي
ياشوق من زينه يفوق الخراعيب = هيفا غنوج ٍ طب قلب ٍ هواوي
العين عين اللي كفوفه معاطيب = لا من طلع للصيد كنه دماوي
ياعبيد يالزيزوم ولم لنا الجيب = ( فكس ار ) ما جابه حفيزه هداوي
(فكس ار ) وصفه ياعضيدي تعاجيب = يستاهل الشريه و لوهو غلاوي
نبي نرود اديار كانت مجاديب = واليا نويت اعرف منهو اخاوي
افرح بخوة شوشلي كنه الذيب = يفزع اليا كثرة عليك البلاوي
يفزع قبل تنخاه وقت المطاليب = يفرق عن الاقران فرق النداوي
يشفق على العليا و فعل المواجيب = ويشفق على اللي يفرحن الهقاوي
والمشتهي مايحتري للمكاتيب = العود ورّق عقب ماكان ذاوي
والدرب زحمه ياعسى الفال مايخيب = كل ٍ على المكشات ياعبيد ناوي
اهل البحر ومعرب الجد وصليب =والحضر والبدوان حتى القراوي
يا جيت للشيشه تشوف المناديب = ناس ٍتعبي وناس عفشه تساوي
والجمس الاحمر من قراح المشاريب = صد ّر و راع الشاص قفو العراوي
وبيوت مبنيه وآخرى مقاطيب = وهذاك توه رفة البيت طاوي
ومخيمات ٍ والشفق توه يغيب = مثل المدينه يبصره كل غاوي
والعابهم بالليل مثل المشاهيب = وسط السماء ياكنهن نجم هاوي
والسوق ياجيت الضحى راسك يشيب = لولاي اشوفه قلت وصفه حكاوي
شامي يبيع بشوت وناس ٍ جلاليب = وهذي تبيع السمن وتمر ٍ حساوي
وهذي تبيع الزبد عند الحطاطيب = وهذا طويل العمرجنبه فداوي
وهذا يحد الفقع يبي المكاسيب = وهذا من الخفرات قلبه شقاوي
وهذا مطوع ياعسى ربه يثيب = يذكــّـر المطفوق ياغواه غاوي
واللي لفو ( بالرنغ ) مثل الخطاطيب = اعيال نعمه وهالمسيكين شاوي
والناس حلـــّــو بالفياض المعاشيب = غنوا وراع الذود شال الحداوي
وحنا فهقنا زحمة الناس تغريب = للي سقاه المزن شرح ٍ وخاوي
روض ٍ عليه المزن مثل المرازيب = من كل نبت ٍ يطرب البال حاوي
روض ٍ به المشتاق يرتاح ويطيب = ريح الزهر والعشب قلبه يداوي
وانا طرالي في رفيع المراقيب = والنور توه اول الصبح ضاوي
في جو ابدع من وصوف الكتاتيب = وريح الحيا ممزوج ريح القهاوي
انا طرالي سيد كل الرعابيب = غرو ٍ صخيف القد و العود راوي
ابوعيون ٍ دعج حورٍ مهاديب = لامن طرالي كن بالقلب كاوي
ريح النفس بين الثنايا المعاذيب = ياريحة الكمبود !!!! ياريح جاوي !!!!!
يالله عساه السيل قبلة تناجيب = والساجي المبروك لين الصداوي
اللي بهن مرتاع حرش العراقيب = فيهن ليال العيد شلنا الغناوي
وجبال شمر نايفات الشخانيب = يالله عساه السيل هاك الحراوي
ياحيثهن مدهال ربعي هل الطيب = شمر هل الطولات زبن الجلاوي
شمر قليلين الخطا والعذاريب =شمر جزيلين الصخا والعطاوي
نفرح ايلامن صار حنا المعازيب = جبله من الله ماعليها نراوي
ربعي مروين السيوف المحاديب = لافرعنّ البيض سود الغطاوي
اعيال منهم ادبوا نجد تأديب = وقايع ٍ وعلوم يوم اللقاوي
ياكني اسمع صوتهم والتراحيب = واسمع صهيل خيولهم والعزاوي
قبلي بربعي يمدحون الاجانيب =كل القبايل وافطنوا للخلاوي
وصلوا صلاة موحدٍ مابها ريب = على شفيع الخلق بامر ٍ سماوي