ســـــــــؤالـ .. !!

[ابو ســـــيف]

السلام عليهم ...





مسيتم بالخير جميع ..


يالربع عندي لي سؤال محيرن <<<< واحد يتزوجه ويفكن منه :)





ابي استفسر عن كيفية انشاء مجله ... اما لجهه رسميه ولا منشأه خاصه


وتسجيله بأسم هالمنشأه ...



قيل لي ... لازم تصريح من وزارة الاعلام ...
وتصاريح تشيب الراس من كثره نسيته



وتوثيقه بأسمه بحيث انه مايتعدا عليه من قبل شخص او جهه اخرى ...



<<<< سبق لطش لي اقتراح عينك بطنك !!



يالربع تكفوون .. اللي يعرف شي لايبخل على هالفقير لله :)

ترونن ماخليت احد ماسألته ...


قلت ابي اقصر العنووه واروح لوزارة الاعلام ... ويعلم الله اني مافضيت ...


اللي يعرف لهم ايميل ولا اي معلومه يهقى انه تفيد يسدحه بهذا ...
ولا يزعجه على الخااص ... وترونن ممنون له ...




اسلمو وسلمو ...

[شريف روما]

ابوسيف شلوووونك
عساك طيب

انا ماعندي شي
بس دشيت اسلم عليك واخذ علووووومك :)

اسوي قهوه ولا وراك شغل :)

انطر اللي يفيدك

وبالتوفيق

[ابو ســـــيف]

8
8
8
8

جيتك عن حيلي .. مطبدز احسب عندك علم :)




الا ياحبيبي والله هالخشم :)

تسلم والله لايهينك ...



الا انت ياترا وينك !؟

خافتن لياقتك ... ماهي مثل اول ...!! :)



اسلم وسلم

[علوش الدوسري]

تبي الصدز
انا تسني اشتغلت عندي الذاكرة
ومر عليّ هذا الخرابيط حقتك(( لاتزعل)) :a: في موقع ثاني..ان شاء الله ان اجيبهـا لكــ
..
بس ترى كل شي بريالين:tongue:
...
بعدين تبي تحط مجلة؟؟
اسمع رايي حتى هي تمشي..ويقوم حظهـا..ويمشي سوقهـا
حط صفحة الغلاف عليها صورة باسكـال :thumb:
والوجه الثاني من المجلة حط اخرهـا صورة احدى الماردتين .. زينب العسكري.:thumb: . ولا الثانية هيفاء n) بنت الشايب حسين..لبى والله تسبدهـا...عاد انت وراحتكـ..
<=< واحد فاهم الموضوع غلطـ...:d:

تصدق عاد جيت ارد على شان ذا الايقونة اعجبتني
7
7
http://www.shmmr.net/vb/images/happysmiles/28_3_6v.gif
8
8
بكم لو نطلب درزن منهـا؟(( درزنهـا.. 12 حبـة؟؟))
...
ولاتزعل ونخوكـ.. ترى الدعوى سهود ومهود... وان شاء الله ارد لك علمـ

[ابو ســـــيف]

وش خرابيطه وش ريالينه .. وش باسكاله وزينبه وهيفاوو .. ووش درزنه بعد !!؟


انا اتحدا انك فاتح موضوعين جميع .. وقلبت ردودهن !!؟ :)

<<<< يرقع لكـ :)




وان شاء الله ارد لك علمـ

وانا انتظر علمك ... :)

[عبدالرحمن]

حياك الله اخي ابو سيف.

اما الاجابة على سؤالك

من الصعب الحصول على ترخيص مطبوعة في المملكة !!

إلا اذا كان لديك واسطة من نوع - 12 سلندر -!!

ولكن هناك طريق اذكره لك اعتقد انه يفي بالغرض

وهو انك تطبع المجلة خارج المملكة وتوزعها في المملكة!

وهذا بعد يراد له جهد جهيد من المراجعات والمراسلات!!

ولكنه افضل من العدم!

كثير من المجلات تطبع في لبنان او قبرص وتوزع في المملكة

فمن الفضل لك ان تسلك هذا الطريق الوعر!.

اتمنى انني اتيتك بمايفيدك والمعذرة.

[سيدة القـــــلم]

_ـ_ـ_

افكّر جدِياً بِـ كتَاَبه " رواَيه " وديُواَن خَاَص بِي..

وسـ ابذلـ كُل مَافِي وسعِي لأنتاجهماَ بشكل جدِيد وجمِيل ومُذهِل ..

وسـ اوظف ادب " الحداَثه " فِي الرواَيه بشكل بسِيط حتى تبدوا مُستساغه للعوام

الرواَيه ستحمل " اسمِي الحقيقي " لذلك سأتعب لتبدو بِـ شكل ناجح ..

ولكن الطباَعه والنشر .. يقف حَاَئلاً دون ذلِك..

خَاَصه وانهَاَ رواَيتِي الأولَىَ .. ..

لِذلك اشاَرُوا علِي بطبَاَعتِهَاَ " بِـ الأردن " او لبنَاَن

ولَكن الطِباَعه هنَاَك لايكُون ناجحاً بِـ كُل المقاَييس ..



.


.

[ابو ســـــيف]

اهلين اخواني عبدالرحمن وسيدة القلم .... واسمحولي على التأخير ...

بالاول اخواني الافاظل انتم ناقشتو الفكره الثانيه او الخطوه التاليه وهمشتووو اهم خطوه !!

اول شئ لازم تسجل المجله او الروايه وحتى القصيده ... بأسمك .. مادري هي عند وزاره الاعلام او عند مدينة الملك عبدالعزيز ...
بس الله والعالم وان ماخاااب ظني هي عند الثانيه ..


سيدة القلم انتبهي تنزلين روايتك بدون ماتكوون موثقه بأسمك ... لأنه من السهل ان يسجله كائن من يكون بأسمه اذا ماكانت موثقه لك .... ويرفع عليك قضيه لأنك نشرتيه !!


ومثل ماقلت صارلي موقف بقوووله على عجل ...


بأحد المهرجانات تقدمت بفكره لربعي على انشاء منشوره صغيره ... لهالمهرجاان ..

وفعلا نزلت اول نشره كانت بسيطه بس مكلفه جداً ...

المهم حددت يومين بالاسبوع لصدور النشره ... وتفاجات بعد العدد الثاني بنزول نشره تحمل نفس اسم نشرتي ..ونفس الافكار ... الناس مشت عليهم ... على انه تابعه للاعداد الاوله اللي انه منزلهم !!


احتجينا وتفاجات انه متقدم للمهرجاان بخطاب يفيدهم بأنه صاحب فكرة المنشوره التعريفيه ويطلب تعاونهم !
وفعلا صاررت المنشوره بأسمه ... وكليناه !!

الى يومي وانا اتمنى اني اعرفه ...


هذا والمنشوره يصرف عليه ولا له عائد مادي .... فمابالك بروايه قد تنجح مثل رواية "بنات الرياض"

<<<< تووه مخلصه :)




من الصعب الحصول على ترخيص مطبوعة في المملكة !!
إلا اذا كان لديك واسطة من نوع - 12 سلندر -!!

ياسااااتر ليش !؟

طيب المشكله وين ؟؟

بشروطهم التعجيزيه ...؟
ولا ماعليهم منك تفتح ولا ماتفتح !!


عبدالرحمن اذا عندك علم لاتبخل علي ...



مشكوور والله لايهينك ...


سيدة القلم ... كل التوفيق لك بروايتك و ديوانك... وان بغيتي الحق تجربه تستاهل المخاطره .... رأيي !!


اسلمو وسلمو ..