الأخضر يخسر أمام وصيف أوروبا [الأرشيف]

مشاهدة النسخة كاملة : الأخضر يخسر أمام وصيف أوروبا

أبو راكان

02-03-2006, 08:49

خسر المنتخب السعودي تجربته الدولية الودية امام منتخب البرتغال 0/3 في اللقاء الذي جمعهما مساء أمس بمدينة سلدروف الالمانية في اطار استعدادات المنتخبين لنهائيات كأس العالم 2006م بالمانيا الصيف المقبل،سجل هدفي المنتخب البرتغالي المهاجم الشهير رونالدو (هدفين) 25و 85 برأسية يسأل عنها متوسط الدفاع السعودي الذي ترك رونالدو بدون رقابة من اصل كرة ركنية نفذها المخضرم لويس فيغو وانفراد في الهدف الثاني وسجل الهدف الثالث (مانش) 44 ايضا من خطأ دفاعي رغم محاولة الحارس السعودي محمد الدعيع في التصدي لتسديدة رونالدو قبل ان تصل لقدم مانش الذي سددها على دفعة ثانية والدفاع السعودي يتفرج، ورغم الخسارة الا ان الاخضر السعودي قدم مباراة كبيرة خصوصا في الشوط الثاني والعشرين دقيقة الاولى من المباراة ولعب المنتخب البرتغالي بكامل نجومه.دخل المنتخب السعودي بتشكيل مكون من محمد الدعيع في الحراسة وحمد المنشتري -رضا تكر- حمد الخثران -محمد المسعد في الدفاع وخالد عزيز- سعود كريري- محمد الشلهوب- محمد نور في الوسط ومحمد امين حيدر- سامي الجابر في الهجوم

ولعب ياسر القحطاني بدل محمد امين رغم ان الاخير كان لافتا للانظار وادخل نواف التمياط بدلا من محمد الشلهوب 60 وشارك عبداللطيف الغنام بدلا من سعود كريري 65 ولعب احمد الصويلح بدلا من سامي الجابر 72 و سعد الحارثي بدلا من محمد نور

اخو سعدى

02-03-2006, 13:24

هذا درس لهم ...
واي مباراه كبيره .. ههههههه
لا والله .. شوارع ..

احسن مافيهم البارحه هو لبسهم ... ههههه

على فكره هذه بدايه الثمانيه والعشره الجايات ..

خلونا واقعين ...

تصدقون كنت خايف على فيجو .. لا يكسرونه ..
لكن مدربهم طلع ذكي ...ههههههه

على فكره ارضيه الملعب لها دور البارحه
ههههههههههههههههه

والله نبطي وهذا منتخبنا ابو الواسطات ...

الله يرحمك يابو نواف ...

مشــــعل

03-03-2006, 03:15

ملابسهم شي>>>ايه هين

اولا: مسعد مالوه داعي لو هم حاطين الدوخي اصرف
ثانيا: لو هو لاعب بمهاجمين افضل
ثالثا: الدعيع ومحمد امين هم اللي لعبو صح والباقي ماش
رابعا: حاجه شي

أبو راكان

03-03-2006, 09:28

مرحبا بـ اخو سعدى
الله حيوه
لا أرى مبرراً لتحاملك على المنتخب
ولا لنظرتك التشاؤمية لمستقبل كرة القدم لدينا

من هو اللاعب الذي ترى أنه يستحق إرتداء شعار الوطن ولم يتم ظمه

==========
هلا بالأخ مشعل الغفيلي
أوافقك الرأي تماماً فيما قلت

تحياتي للجميــع

اخو سعدى

03-03-2006, 14:59

يعني مافيه بهالبلد الا هالولد ...

خلونا واقعين بلا واسطات .. بس ...
بلا ضحك على انفسنا .. هذه رابع مره نلعب بكاس العالم ..

قصدك ان لاعبي الهلال هم النجوم فقط .. والله كلهم نجوم ع ورق

يعني الاعلام هو اللي رافعهم ...

هههههههه شر البليه مايضحك ...

اخو سعدى

03-03-2006, 15:12

تدرون ليش لاعبي الهلال كلهم مع المنتخب
لانهم يشربون لبن الهلال لبن الابطال ..

هههههههههههههههههههههههه

http://images.abunawaf.com/2005/11/HILAL-.jpg

مشــــعل

03-03-2006, 22:45

اخو سعدى خلينا واقعيين

وللامانه وبدون تحيز

هل يوجد هناك نجوم غير نجوم الهلال والاتحاد

واذا تقول ايه فيه

ضبط منتخب غير المنتخب الحالي
واختر التشكيله على كيفك

راح تلف وتدور وتلقى مالك الا لاعبين الهلال والتحاد
بكافة خطوط المنتخب:thumb:

اخو سعدى

03-03-2006, 23:14

^
^
^
وين راحو لاعبي نادي الشباب وهو المتصدر ..
وهداف الدوري وينوه ؟؟؟

اقول وعدنا بالمانيا .. يالطيب ...هههههههه

بوح الصمت

04-03-2006, 02:59

تشكيلة المنتخب

محمد الخوجلي

احمد الدوخي........تكر.........المنتشري.............حسين عبدالغني

بدر الحقباني..............سعود كريري.............علاء الكويكبي.............محمد نور

المحياني...............سعد الحارثي

تشكيله مثاليه بس(أووووووووووه يالأزرق)

ومباراتهم اليوم حلوه التجريبيه قدام العالمي

أبو راكان

04-03-2006, 07:54

سعد الحامد

04-03-2006, 10:22

انا كنت ي ملعب المبارة والجميع يسأل عن محمد امين حيدر ويسألون عن ناديه يحسبونه يلعب في اوربا

نواف ماقصر لمّا نزل

سامي بكل حيادية كبر سنه لا يشفع له باللعب شوط واحد

القحطاني ماله حس ولا خبر

تكر الله يخليه لعينن ترجيه شوارع في شوارع وثقيل

المنتشري والدعيع ماقصروا

ولكن وانا اشاهد المباراة اتذكر المانيا والثمانية نفس الضغط ونفس الكرات العرضيه ونفس الاجسام الطويلة

بوح الصمت

04-03-2006, 16:32

فريق الشباب لا يوجد به أي لاعب يستحق الإشادة فالفريق يلعب كمجموعة خالية من النجوم

ابو راكان من جدك والا تمزح....

الشباب العام الوصيف والسنه ذي الأول وتعاقب عليه ثلاث مدربين.......

يعني الشباب ولا لاعب يستحق المنتخب.........غريب هذا المنتخب

وبالنسبه لكديش النصر مع ان هذه التسميه لاتليق بنجوم العالمي فهؤلاء الكديش كما اسميتهم

مثلوا الوطن في المحفل العالمي ولعبوا امام ريال مدريد واحرجوا نجوم المليار دولار

وهمسه لجميع الرياضيين.......لازال للنصر بقيه.................

انتظر الأصفر في نهائي الدوري لا لست متعصبا ولكنني واقعي لأبعد درجه

النصر للنصر دائما........

والمنتخب سلملي عليه وبوسلي عينيه لازال يعيش تخبطاته من 98

اخو سعدى

04-03-2006, 17:15

المشكلة هي النظر للاعبي المنتخب من خلال شعارات الأندية

هداف الدوري كان من ضمن اللاعبين المختارين وتم إستبعاده لوجود الأفضل من وجهة نظر المدرب

وفريق الشباب لا يوجد به أي لاعب يستحق الإشادة فالفريق يلعب كمجموعة خالية من النجوم

دعوا التعصب وشجعوا المنتخب حتى لو يمثله كديش النصر

ذا الله يسلمك ابو راكان انت مشرف للقسم الرياضي .. وتقول
هالكلام هذا .... لاتعليق ...

اما كلامك الغير مقبول منك وانت المشرف .. عن لاعبي النصر
هذا هو اللي يدل على تعصبك الهلالي الواضح ..

يكفي انهم بشر ومسلمين وسعوديين ...

يرفع للمراقبييين .. والاداريييين ... مع التحيه ..

بوح الصمت ... انت اكثر من رائع ..

الشبث

09-03-2006, 21:43

بسم الله الرحمن الرحيم

ومساكم الله بالخير يا اخوان

في البدايه احب اني اهني الجميع على ان النتيجه وصلت ثلاثه بس

وش ثاني ودي اقوله يا اخوان لازم نسلم ان منتخبنا يلعب بالواسطه الا ماندر من هاللعيبه

وقريت ردود الاخوان واللي اكثرهم يقول ان مافيه احسن من لاعبي الهلال والاتحاد

وان مافيه لاعب يستحق يلعب بالمنتخب ولا تم ضمه

يا اخوان

بالله عليك تدخل العقل ان هداف الدوري اللي هو المحياني و ايضاً صالح بشير اللي يعتبر هداف بالدوري

ما يضمونهم للمنتخب ويتم ضم لاعبين احتياطيين في انديتهم ؟

بالله هذي مهي واسطه .

بالله عليكم بدر الحقباني مايستحق انه يكون بالمنتخب

بالله عليكم عبدالغني مو افضل ظهير ايسر عندنا

بالله عبدالرحمن القحطاني لاعب الاتفاق مايستحق يكون المنتخب

بالله عليكم المستوى اللي يلعب فيه سامي الجابر قادر انه يرفع من مستوى المنتخب

ولا على قولة اخو سعدى مافي هالبلد الا هالولد

واعتقد ان هالولد ماعاد فيه حيل يسنتر كثر اللي فات

وحتى حنا ماعاد فينا نتحمل اقوال كثر اللي فات

واذا كانت نظرة الشارع السعودي الرياضي اننا نخرج باقل الخسائر فهذه مصيبه

واذا كانت احد اهداف الاتحاد السعودي لكرة القدم انه يسجل انجازات شخصيه للاعب الفلاني واللاعب الفلاني

فهذه مصيبه اكبر من اختها .

يعني ليش نحط روسنا بروس حسام حسن ومالديني .

يا اخوان

سامي الجابر بالتحديد لو كان فيه خير كان سوا شي قبل اربع سنوات وثمان سنوات

مو هالحين

واني ارى نكسه كرويه قادمه لامحاله في المونديال القادم والله يستر

اخواني

انا عارف ان بيجي واحد وبيقول اني متعصب ولا افهم

وانا من الحين اقول لكم

والله اللي مايفهم اللي يطالب بضم الجابر للمنتخب وهو يعرف انه ماراح يسوي شي

ولا راح ينفعنا

على العموم

تظل هالمباراه وديه

مع العلم ان منتخب فرنسا رفض المباراة الوديه اللي كنا نبي نلعبه معهم تدرون ليه ؟؟

لانهم شافو اداء منتخبنا ضد البرتقال

طبعا كل كلامي وجهة نظر شخصيه قد تكون صحيحه وقد تكون من جنبه ههههههه

وتقلدوا تحيتي

سالم الويباري

12-03-2006, 09:01

سالم الويباري

12-03-2006, 09:05

بصراحة يا اخواني ان الاعبين ماهم منسجمين مع خطط المدرب

المدرب مايصلح للمنتخب يصلح في نادي الهلال

المنتخب يبي له مدرب درب في نهائيات اوروبية عشان يعرف لعبهم زين

مايجيبون لي باكيتا مايعرف الا اندية السعودية

ولا وشرايكم