ديوان بصري الوضيحي [الأرشيف]

مشاهدة النسخة كاملة : ديوان بصري الوضيحي

مشــــعل

01-03-2006, 02:44

بسم الله الرحمن الرحيم

الموضوع هو عباره عن ديوان للشاعر الغزل الاول بالجزيره العربيه
وان يكون اول ديوان لهذا الشاعر بالنت
"بصري الوضيحي من الثابت من شمر"

المناسبه التي تستحق الذكر ذكرناها

"1"

يقول بصري الوضيحي يمدح الشيخ صفوق الجربا:

من "كلكلة " شديـت كـورن نقيبـي=ودلت من "الزرقـا" مداحـل قرنهـا
تخوي كما يخوي مع المحزم ذيبـي=ولي لـه ريفـن لا يعـه مامكنهـا
اليا هازها المحجان تجيبه حطيبـي=تفزيز بزوى جفلـت مـن عدنهـا
ونطيت راس الحيد يومـن تبيبـي=مرقب عرودا منهج انهـاج عنهـا
طالعت بالخابور شوفـي ٍ قريبـي=يعقرا ولو هو من محـاري كمنهـا
ثار به من المرفوع طرشن عزيبي=غربي تليل النيـل مداحـل ثفنهـا
طالعت بيت الشيخ ضـد الحريبـي=صفوق ثقيل الروز حامي ضعنهـا
شيخن على كـل المشايـخ تعيبـي=ولا ينتهـي عـن رادتة يـوم ينهـا
شيخن يبنى والدخـن تقـل سيبـي=سيب العراق آليا تطانـب دخنهـا
يلقط صحونن به هبيـط وعصيـبي= ولا قللـوا أكالـة الـزاد منـهـا
يا الله طلبتك لا تخيـب نصيبـي=بشولن ومشـوال يبـارن ضعنهـا
ومشمرن ماهي خطـات الهليبـي=شود المصامح ينشد الشيـخ عنهـا
أبرهـا حنطـة وزبـدة حليـبـي=وكابون حدر السرج ضافي بدنهـا
مع سربتن يجـداه حـس الويبـي=عصلا عمودي ما حلى من لحنهـا
ان صاح صياح الضحى وقال ريبي=وغزلـوى بيـراس قايـد رعنهـا
تعلوهـن زوبـعـن كالذهيـبـي=كلـن يخـم أعنانهـا مـع رسنهـا
وبراشمـن بمشمـرات السبيـبـي=يشـدن عصافيـر القرايـا لحنهـا
وتجاذبوا مثل المحـوص الجليبـي=وكلن يقولن الملبسـة مـن طعنهـا
صويب شقران الذرى مـا يطيبـي=عليـه سكلـن العـذارى وجنهـا
أكثر صياح البيض واشـق جيبـي= كلن يقـول بعرستـه مـال عنهـا
مـن مبلهـن لثـري لأم الحليبـي=غربي هبات الطير ينحـون عنهـا
كدرى ورضيع الديد منهـا يشيبـي=بخيت يالـي حـده البعـد عنهـا
ياناشـدن عنـي ترانـي بطيبـي=جني بوسط لا يتـي وخيـر منهـا
يـم السمـول امدلهيـن الغريبـي=هل أرباع ينشـد الضيـف عنهـا

"ومن القصائد اللتي اشتهرت له مع مناسباتها"

"2"
عندما كان بمجلس الشيخ صفوق الجربا ولم يكن صفوق حاضر
فقال قصيدة يقول به:

ياليتني نـداف قطـن ٍ وابيعـه=متحضرٍ في وسط سـوق راوي
اشوف غزلانٍ يردن الشريعـه=لبسن ثوب البزرقان الغنـاوي
راعي الكريشه ريف قلبي ربيعه=عليه بيبـان الظمايـر تهـاوي

فكان الفارس "مجول بن شعلان" اسير عد صفوق فرد على بصري:

تسعين خيبه للوضيحي نفيعه=مع مثلها يدخل بها سوق راواي
ربع ٍ يتاجر به وربع ٍ يبيعه=وربع ٍ فراش ٍ له وربع ٍ غطاوي
تقصد ببنت مكبرين الوشيعه=خطار اهلها بالمشاتي مقاوي
ماقلتها بالبندري الرفيعه=بنت الذي ذّباح حيل ٍ عداوي
كم وادي حرم علينا ربيعه=وجروحهم بقلوبنا ماتداوي

ويوم سمعت البندري القصيده فكت قيد مجول

"3"
كذلك قصيدته بمجلس الشيخ بنيه يوم يتمنى قال:

ابا اتمنى كان هي بالتماني=صفرا صهاة اللون قـبّـا طليعي
وسروال تومان ومثل الشطاني=ومصقل ٍ مثل الثغب له لميعي
ابي ليا لحق الطلب له غواني=والخيل معها مجول ٍ والدريعي
أردها لعيون صافي الثماني=بيض النحور مهلكات الرضيعي
قدام شمر مثل زمل الصخاني=اللي يخلون المخالف يطيعي

فتمنى فرس الدريعي بن شعلان وبالفعل غزا مع الشيخ بنيه على الدريعي
ويوم بدت المعركه انحاش بصري
ويوم انتهت المعركه جاء يمه بنيه قال ليه يابصري انحشت قال:

انا بلايه لابسين القطاني=اللي يخلون المخالف يطيعي
فوق قب ٍ مكرمات سماني=يشدن شياهين تخطـّـف مريعي

فهزأه الشيخ بنيه وامره بغسل فرسه اما شمر

"4"
وكذلك قصيدته بزوجة بن خلبوص يوم اشتهرت بالجمل فأراد شوفه
وراح واحتال على بن خلبوص على انه يبي يغزي معه يوم ابعدو عن البيوت وهو يضرب رجل الناقه
بمخيط قال بن خلبوص ارجع لاهلنا وحنا نبي نجيكم انشالله
يوم رجع بصري للبيت وهو يقصد على مسمع زوجة بن خلبوص
يبيه تطلع ويشوفه قال بصري

ما تنشدن وش عوقـن عـن طريقـي =اللي منعني من مرافق هل العـوص
عنق الغزيـل عنـد هـاك الفريقـي =كامل وصوف الزين والوسط ممهوص
طرفـه علـي مـع النضايـد تويقـي =لونه يشادي بيضـة لـه ببرخـوص

لكنه ماطلعت له يوم رجع زوجه ارادت ان تحرج بصري قدامه
قالت يابن خلبوص انشد بصري وش قال عقبك قال بن خلبوص وش قلت يابصري
فتدارك بصري الموضوع وقال

حليلة اللـي حاجبـه مـا يضيقـي =لي هجة القطعان والزمل مرصوص
حليلتـه مـا تلتـفـت للعشيـقـي =ماله بغيرك رادة يا بـن خلبـوص

"5"
كذلك يوم كبر بالسن وحب انه يتوب طلب من ابنه الحج
ويوم حج وهو بالطواف شاف بنت بن ربيعان العتيبي يوم جاء بصري يبي يقبل الحجر الاسود
يامار بنت بن ربيعان قريبه له وهو يحبه على خده بدال الحجر الاسود
قالت بنت بن ربيعان "ياملا العمى انشالله حج يالشايب"
فقصد قصيده عقبه يقول:

التايــه اللي جاب بصـري يقنــه= جد د جروح العُوّد و العُوّد قاضــي
جينــا نحــب ونطلب الله جنــه= جنــة نعيمٍ يوم يابس الحاضــي
ياليـت كانت حبتــي في معنــه=يوم العيون عن الخوامل غواضــي
يامن يعاونــي على وصف كنــه= اشقــح شقاح ولاهقٍ بالبياضــي
لا ريحـةٍ قشــرا ولا هي مصنـه= ريح النفـل بمطمطمات الفياضــي
ونهودهــا الثوب الحمر شولعنــه= حمرٍ ثمرهنٍ واقفـاتٍ غضاضــي
و الخـد ذابـوح القلوب المرنـه= براق مزنٍ لاعـج ألون ياضــي
ياليت لو سنــي على وقم سنــه= بايام ما بينـي وبينـه بغاضــي
ايام جلــد الذيــب عندي محنـه= نصبح وزرق الريش لهن أنتفاضي
وا جرح قلبــي جرح وادٍ وطنـه=غر المزون اللي وطنه وفاضــي
والبيـض قبلــي محسنٍ عذبنــه= ونمرٍ على وضحا جرا له عراضـي
والبيـض كــمٍ واحــدٍ يبسنــه= يبسة شماشيـل العذوق النفاضــي
عزي لمن غر الثنــاي كونــه= واركن على كبـده كُويٍّ اعراضـي
شوفــي بعيني و الخدم يركبنــه= بنت الشيوخ مخدميـن الحياضــي
على اشقحٍ من زمل ابوها مظنــهك= ركبـت عليه اتشنطحٍ بعتراضــي
بمشجــرٍ من سوق هجرٍ مغنــه= على خياطه ناب الارداف راضــي
واين انت يا مشفـي على طردهنـه= انا طويت ارشاي واقفيت قاضــي
أحدٍ يطيــح بنـار وأحدٍ بجنــه= وترى الحظيظ اللي له الرب راضي
"6"
ويوم رجع لربعه قالو وش سويت بالحج يابصري قال:

ياليتنـا مـن حجنـا سالمينـا=كان الذنوب اللي علينا خفيفات
رحنا نبي نخفف ذنوب علينـا=وجينا وعليها كثرها عشر مرات

"7"
وله هالقصيده عقب الحجه قال:

البارحه ماغمض الجفن بمـراح=كن النويفج بوسط العين هـاوي
والقلب من كثر الهواجيس مرتاح=متلوعٍ والحـب دربـه بـلاوي
ياعلي يااللي للمواجيـب نطـاح=حَماي بالضيقات شقـحٍ مهـاوي
راعي الولع لوقالو الشيب به لاح=يبي الامور الاوله لـه يخـاوي
لو قيل حج وحط بالكف مسبـاح=الذيب ماخلا إمتـال الشـواوي

"8"
عقبه انعمى بصري الوضيحي
وقصد هالقصيده ويقولون بعده رجع لوه شوفوه يقول:

ياناصرن جيش النبي والصحابه=ومهزم عداك الله على الشرك عاصين
تجلى بياض صبي عيني ومابه=واشوف شوف مطلعات الشياهين
عقب العمى تنظر منازل احبابه=واخصهم بالشوف لو هم بعيدين
يامحسن الدنيا لفتني ركابه=وقرب رحيلي من فريق مقيمين
والقبر قلبي خليف من عذابه=في ساعة عنه الحوافير مقفين
ويروعون القلب مثل الذيابه=اللي يقوسون العمل بالميازين
وانا ضعيف الحال مافيه جابه=وتنجد في غير ربك ماهو شين
يامحسن الحسنى علينا مثابه=خلك لوغداني رحوم وبك لين
احرص بهم ياما يجون القرابه=مثل فروخ العش برص مساكين
وداعتك نوره عذي شبابه=لاتطلقه ثرها خيالة سلاطين
اللي كما نظم الوالو عذابه=مع الطبايع خالط عقلها زين
والله يامن روعتي من عذابه=وياسامعينن طلبتي قولو امين
ياتل قلبي تلتين بنتلي=تلة رطيب الغصن خطو الطفوقي
لاتله الملحاق عجلٍ بشتلي=ميعاد زلافٍ وعد باللحوقي
عليك ياناوي عذابي وقتلي=ياحارمن لذات نومي وذوقي
بالك تنهت خل كل التنهت لي=خل التنهت لي يامعذب رموقي
ومجاذب العبرات مافرجت لي=ينخاط فتقٍ ويتبين فتوقي
تمرني يازين ماتلتفت لي=ماكن قلبي لك مودٍ شفوقي
صبرٍ جميل الله يرد البخت لي=وعساك ترجع لي مودٍ صدوقي

"9"

ياعلى ماودي لك الله تشدون=حبك لجا بالقلب ماهو بماحي
شدو هلك ياعلى والقلب مشطون=شطن المعيد اللي ثوت بالمناحي
كفو ولد فوف الرحايل يمشون=شوكٍ على دفاتهن بالبطاحي
قلبي غدابه ناقل الورع شاطون=حطوه على عوج الحنايا وراحي
شالو على ناب النسانيس مضنون=فوق اشقحٍ يتلون ذودٍ ضواحي
يتلون ربعٍ بالخطر مايملون=حامينهن بمغلبات الرماحي
العصر بالفيضه بيوت يبنون=ومعزلٍ مثل النعام المداحي
لكن وسط القلب قامو يغرسون=غصونٍ تومي به هبوب الرياحي
ياعلي باح من العزا كل مكنون=وصيور مكنون الضماير يباحي

"10"

يا ونتى ونت خلوجن تهوبى =على ولدها باخر الليل ساعاه
ما طيع لو حطو على الزاد روبى =فرفور صيفن صاخناتن شواياه
يامحسن الويلان عنكم غدوبى =اهل الرباع اللى وساعن ثناياه
ياخانت البدوان عوج الدروبى =يابدهم من شدتن وقت الاضحاه
فوق اوضحن عليه وسم الجنوبى =يتلى ظعون الشنترى والقراراه
شرقى شمال قديم غربى رحوبى =بمفرع السلمان تلقى رعاياه
غرب اسريا تلقط لاهلها شبوبى =ديرة حلب لهم مبيعه ومشراه
ارسلتلى مرسال ولا سد نوبى =ولا ظنتى واجه عشيرى ولا جاه
يالله لا ترزق خطات الجذوبى =اللى يخم العلم من دون ملفاه
هاتو طبيب الهند يكوى جنوبى =من علتن بالقلب ما له مداواه

"11"

الله يسقـي مجنـب الفيضتيـنـي =من مزنـة غـرا حقـوق هميلـه
ماهو خيـال ميـر اشوفـه بعينـي =يمطر علـى دار الحبيـب شليلـه
يمطر من حمـا الخشـم للبطينـي =مغـدودي يمطـر نهـارة وليلـه
عانقت به راعي البريـم الغصينـي =أبخت هل الدنيـا جميـع هليلـه
حكيـت لـه بعلـوم بينـه وبينـي =متشفـق قضبـة ذوايـب ثليلـه
وأقفيت ما ضولـت منهـا بشينـي =كود العنا اللي صار وقادنـي لـه
البيـض منهـن غـارة المومنينـي =منهن نصيب ومخطي النصف جيله

"12"

ياعلي يافرز الوغى يامحبوبي=وش انت شايف ياحجا كل مطلوب
عيا يطيب لي الكرى وع شروبي=وكن الحشا يصلى على جمر لاهوب
من حر نار الولف مزعت ثوبي=لاهم لافرقى ولاني بمطيوب
كن الردايف لاقتفاه الهبوبي=صيوان حكام بالاطناب مضروب
احمر عفرو الكف منه مخضوبي=مكمله ربي ولافيه عذروب
وعيونها الخرسات سودٍ سطوبي=ونهودٍ مثل التين والعنق مسلوب

"13"

البارحة ما هملج الجفـن بمـراح=وسريـت للـي كاللوالـو عذابـه
قالت تنزح لا رهج النزل بصياح=ماني من اللي بالردى ينهقـى بـه
قلت امني ياعين خشف الـي لاح=يا عنـق ريمـي تجـدد صوابـه
قمت اتمدرى له واديره بالامـزاح=لان الحبيب وقام يضحـك بنابـه
ولجيت بالثوب الحمر زين الارياح=لين ان عمود الصبح بين سرابـه
قالت تنزح قبل فـلاج الاصبـاح=والسد معـك وداعـة والحزابـه
ماني ولد هيس على السـد بيـاح=اللي الى فارق عشيره حكـى بـه
علمي بهم ياخليف يوم المطر طاح=واليوم عشب الوسم كل رعى بـه
ماادري مع اللي فيضوا يم الاسياح=والا مع اللي سنـدوا يـم طابـة

"14"

يابن رشيد مايل القلب مدفوش=يامنتهى شكواي والقلب معتل
على الذي نهده تقل طلع بطوش=بيض الحمام بلبته اوهن اشكل
والبطن لاقبوط ولاقطن منفوش=لامرعزٍ ليان جلده ولازل
الين من الدهدار مايداني النوش=اللي ترفعه الهبايب من الطل
ياعين ريمي بالاجراد منحوش=حييت لها طبع الجهاله ولاحل
والخد من نبات الارياح مرشوش=ورقوم يقدن رش مزن اليا هل
من العام لامرسال لا علم لاطروش=هذا شهر شوال وقصيّر زل

"15"

يا علي انـا ويـاك وش صاقعتنـا =قلبي إلى شاف العماهيـج ميـلاف
قالـوا عليـكـم غــارة والتفتـنـا =وقلت امنعن يا لابس الطوق واشناف
لا عـاده الله يـا ضيـاع اخلفتـنـا =ليتك حضرته يا ذرا كل من خـاف
يا علـي عـادت حولـة واجتمعنـا =الحولة اللي شفت به نابـي الأرداف
على الخباري يـا علـي نـا طحتنـا =على القعود أزاهر الوسـم تنشـاف
حتى الجمل طق الخبـر يـوم جتنـا =والهرش به قيد وانـا تقـل بكتـاف
ماهي معالف يـا علـي مـا خفتنـا =البكرة الوضحا تعرفـة بالاوصـاف
خده لميـع بـروق سحـب عشتنـا =والا قمر خمسة عشرة حين الانصاف

"16"

ياعيال يامتوجهين علـى كـوم=حيلاً يومن بالمزاهـب همامـي
ودو سلامي للجمعـات ملـزوم=يا موفقين خيرً خـوذو سلامـي
وليا لفيتو ديرت اصحاب من قوم=احكو ترو حمض الرجال العلامي
علم الفرح يشتاقله كـل مهمـوم=بناً بكاس الهنـد بفـم الصيامـي
جيت المراح وحط بالقلب مثلـوم=منازل الخـلان هـم والعمامـي
بس الوجآق الي به الحفر مهدوم=ومركا الدلال المترفات الشوامي
عيني عليهم حاربت لذت النـوم=لو ناموالمخلـوق عيـت تنامـي
قلبي عليهم قاضبن جرت البـوم=ونين وجعانـاً طـواه الهيامـي
علمي بهم بتلى صفر باول التوم=تغازو المعبـار والشـط زامـي
قفوكما طيراً قلب راسـه الحـوم=بهيفيتاً ما ينـدرا ويـن حامـي
ادنـا منازلهـم شثاثـا ولملـوم=واقصا منازلهـم وادي النعامـي

"والقصيده شبيهه جداً بقصيدة عبد بن هذال"

"17"

حن الهجيـن وحـن قلبـي حنينـه =ولف عفر في تالي الزمـل ويعيـد
على حبيب فارقـن شـوف عينـه =ولا سأل عني قاد وين مـا اريـد
حـم الأشافـي مـا يماتـع طعينـه =عيونه هون منهن رصاص البواريد
يا لابتي ما شفت انـا حلـو عينـه =بكيتهـا حـزة ليالـي التهـاديـد
بخشـوم مذلـوق القنـا موسعينـه =ناحين صعبين المراجل هل الكيـد
الهجن مـن بعـد المـدى معتبينـه =والخيـل عيـن يتبعـن المقاويـد

"18"

ياعلي ماخلتو من المزن خلناه=بوارقٍ يم الحجر له صجاجي
على الصليب وعقربٍ دفقّت ماه=وعلى الحما طيّات وهكا الهباجي
يسقي عرقو القلب لهلاه لهلاه=غرٍ تحت شذرة سنامه لواجي
ياعلي هيا بس انا وانت ننصاه=من فوق مسلوب الذراع الهواجي
نبي نشوف مجدله يوم تشقاه=مثل القلم من فوق هاك الحجاجي
مقيلظها "الميّاه" والحزل مشتاه=قعودها يقطف زهر كل فاجي
اي الذلول القافله والمشتاه=ايه وركبك للبعير الحداجي
اي الوجيه المقبله والمصداه=اي البعير المقنوي والخراجي
اي القراح ببربخٍ صافيٍ ماه=ايه ومشروب المياه الهماجي

"19"

يا علي اباشكي لك بليا مهونه=عدي بحبس موقفين النطاير
يا علي علة باطني تبخصونه=عيني تهل من الدموع العباير
على حبيب كن فلة قرونه=فلة قماش عند راعي تجاير
الناس كل امكسرٍ يجبرونه=والقلب ما تسقط عليه الجباير

.....هذا ماستطعنا جمعه.....

اخوكم/ابوياسر الغفيلي

فيصل حمود

01-03-2006, 08:03

الأخ العزيز / مشعل الغفيلي

الله يعطيك العافيه علي ديوان بصري ونتطلع للمزيد فلا تبخل علينا يالغالي.

تحياتي

المشرف العام

01-03-2006, 08:18

لا هنت يابو ياسر

مجمع مميّز للغايه

بارك الله فيك ..

ولعلّ . . جمعك هذا ، فتح لي المجال لأن يتم إنشاء ديوان شعراء شمر ، وسوف يتم وضع مشاركاتك به مع الاحتفاظ بمجهودك والاشاره إلى ذلك بديوانه ..

حفظك الله

راعي الوقيد

01-03-2006, 15:36

الناس كل امكسـرٍ يجبرونـه ** والقلب ما تسقط عليه الجباير

ابـــو ياســــــــر !!

جمع رائـــــــــع ومفيـــــــــد لاتعبــــت يابعــدي

لعـــل أول بركات هذا العمــــل طشة:)

فتح لي المجال لأن يتم إنشاء ديوان شعراء شمر

تهقى هذولن هن قصايـــد الوضيحي المعروفة والا باقــي منهن شين ؟!

يثبّت الموضوع لحين الإنتهاء من ادراج أكبر قــدر ممكن من قصايد بصري الوضيحي

تحيتــــي لك مشعـــــــــــل ،،،

والسلاااااااااااااام ...

هايس الشمري

01-03-2006, 22:30

اتمنى كان هـي بالتمانـي
صفرا صهاة اللون قبّا طليعـي
وسروال تومان ومثل الشطاني
ومصقل ٍ مثل الثغب له لميعي
ابي ليا لحق الطلب له غواني
والخيل معها مجول ٍ والدريعي
أردها لعيون صافي الثمانـي
بيض النحور مهلكات الرضيعي
قدام شمر مثل زمل الصخانـي
اللي يخلون المخالف يطيعـي

:)

مشعل مجهود رائع

و فكرة مميزة

الله لا يهينك

ودي اسالك عن قصيدة احسبه لبصري

اللي يقول

المجمعه و سدير من دون خلي******** العارض المنقاد و طول هجراه

مشــــعل

02-03-2006, 06:42

ومن قال يتعافى يافيصل

تسلم يابعد حي

تشرفت بمرورك العطر

مشــــعل

02-03-2006, 06:44

ولعلّ . . جمعك هذا ، فتح لي المجال لأن يتم إنشاء ديوان شعراء شمر ، وسوف يتم وضع مشاركاتك به مع الاحتفاظ بمجهودك والاشاره إلى ذلك بديوانه ..

حياك الله يامشرفنا
وخطوه مباركه باذن الله

وحنا نعين ونعاون

تسلم يابو سلطان

مشــــعل

02-03-2006, 06:46

تهقى هذولن هن قصايـــد الوضيحي المعروفة والا باقــي منهن شين ؟!

ماذكر فوق هو اللي دارج مع الناس
وعلى الله نجد البقيه

ابو فيصل
مرورك بحد ذاته شرف لي

شاكر مرورك
وشاكر تثبيتك

مشــــعل

02-03-2006, 06:49

ياحيالله هايس

بالنسبه للبيت ماعندي خلفيه عنوه
اذا كان لبصري لعل وعسى نجد من يفيدنا به

تسلم ياشاعرنا

ابن جشعم

02-03-2006, 07:59

لاتعبت يالغفيلي ولاشلّت يمينك

تحياتي لك

خالد الشمري

02-03-2006, 09:18

الأخ العزيز / مشعل الغفيلي

تسلم والله يعطيك العافيه علي ديوان بصري ونتطلع للمزيد فلا تبخل علينا يالطيّب

واذكر له قصيده اللي من ضمنه :
ياعلي واخلي ورد جبو جدلا
وشعاع والغرا نسفهن يمينه
اقفى مع زبن الحدير اخو بتلا
فوق اشقح كن المطارق يدينه

بارك الله فيك

مشــــعل

03-03-2006, 03:04

هلا بك يابن جشعم

تسلم يابعد حي

شاكر مرورك

مشــــعل

03-03-2006, 03:07

هلا بك ياخالد

تجينا وتجيب الخير معك

المشكله ان اكثر فطاحلة الشعر من القدامى
تلقى من كل قصيده ينتشر بيت او بيتين اللي هن زبدة القصيده
فيبدا يتناقلونوه الناس حتى يندثر باقي القصيده

لاهنت يابو فراج ولاتخلينا يالبناخي

راعي الوقيد

05-03-2006, 00:27

جانا السماتس وطلّق الخوخ والتين = والبار عجعج بي فروع النوادي

هذا بيت .. الأكيد انه من قصيدة طويلة !؟

ولكن اللي بقى مع الناس هو الشاهد على دخول فصل الربيع او السماتس

وهالوقت هذا اللي حنا به هو وقت السماتس تلقى النخل بدا يطلع والخوخ منوّر

والله اني شايفه قبل امس يوم الجمعة بقنا وام القلبان خذيته جولة انا والعيال:)
^
^
هذا ردا ً وتأكيدا ً على كلامك:

المشكله ان اكثر فطاحلة الشعر من القدامى
تلقى من كل قصيده ينتشر بيت او بيتين اللي هن زبدة القصيده
فيبدا يتناقلونوه الناس حتى يندثر باقي القصيده
يسلموووو خيوووووو:)

ابو الطيب الصعيبي

05-03-2006, 19:06

الاخ مشعل الغفيلي

عمل مبارك نشكرك عليه
ونشد على يدك
ونتمنى لك التوفيق
وسوف نبحث لك عن ما يحفظ من شعر بصري عندنا باذن الله
مع ملاحظة اختلاف بعض المفردات وهذا شيء طبيعي لان كل اهل منطقة يحفظون الشعر
ليس بالضرورة كما نطقه الشاعر وانما بمفردات لهجتهم
وبصري عراقي وليس نجداوي

اقول ذلك على الرغم من مروري السريع وعدم التدقيق

شريف روما

05-03-2006, 20:27

يعطيك العافية يامشعل على الموضوع الطيب

مشــــعل

06-03-2006, 02:12

هلا ابو فيصل

اثريكم قمتو تمذرحون يوم جيتو حايل

الله يخليك للعيال ويخليهم لك انشالله

لاهنت ابو فيصل

مشــــعل

06-03-2006, 02:15

حياك الله يابو الطيب

اولا نرحب بك بين اخوانك واخواتك

بالنسبه لما قلت اتفق معك مئه بالمئه
بصري كان عراقي لكن تجد النجديين يروونه حسب لهجتهم
والعكس صحيح
هناك من القصائد النجديه ماروي باللهجه العراقيه

على العموم ننتظر اضافاتك

لاهنت

مشــــعل

06-03-2006, 02:17

ومن قال يتعافى يالزقروطي

والاطيب مرورك

لاهنت

army11790

06-03-2006, 02:27

تسلم ويسلم الماااوس ويسلم الكيبور وتسلم الشاشه وتسلم يمينك على هالقصاااايد والله يكثر من امثاااالك عزالله انها مشاااركه جدا جدا راااائعه

السرعوفي

11-03-2006, 20:21

للشاعر الكبير / بصري الوضيحي ( رحمه الله ) قصائد جميله ومن شذرات قصائده اعرف هذين البيتين ,

ياعلي وأن حشيت من مجنب الواد .......................... حذرا حلي عذاب خلي تحشه !!!

الربل والحوذان حشه ووش عاد .............................. والقحويان ,الوبل خله يرشه ,!!!!!

امل ان اكون قد اضفت شيئا الى تاريخ هذا الشاعر العذري , مع اجمل تحياتي ... !!!

army11790

11-03-2006, 23:05

بجد تسلمو على هالقصايد لكن ياليت نلقى قصائد اكثر للشاعر وياليت احد يقول لنا شي عن من تاريخ الشاعربصري الوضيحي

مشــــعل

20-03-2006, 23:41

تسلم ياarmy

يعطيك العافيه

وانشالله نحاول قدر الامكان

اننا نضيف كل شي

مشــــعل

20-03-2006, 23:42

تسلم يالسرعوفي

تسلم يابعد حي

اضافه رائعه منك

لاهنت

الفلوجي

04-05-2006, 00:57

تــــــــــــــــــــــــــــــــــســــ ـــــــــلـــــــــم يــــــــــمـــــــــيـــــــــــــنــــ ـــــك

بدر الغازي

22-05-2006, 01:12

عز الله انك ما قصرت
تسلم الله لا يهينك

تحيــــــــ بدر الغازي ـــــــاتي

راكان الحمود

05-07-2006, 02:42

الأخ أبو ياسر سلمه الله ورعاه بالنسبة للقصيدة رقم (12) أعتقد أنها ليست للوضيحي وإنما هي لشاعر الأحساء حمدالمغلوث وقد نسبها السويداء للوضيحي وأخطأ في ذلك شاكرا لك جهدك المبذول في خدمة التراث الشعبي

راعي الوقيد

20-09-2006, 01:06

مادري وش رايك مشعل

بالكلام اللي يقوله اخونا راكان الحمود

ومشكور ياراكان على هذهـ المداخلة:thumb:

وبارك الله بالمطنوخ وشقردي اللي مار خلونا نفتح على الموضوع:)

وسلااااااام ...

عبدالله الأسلمي

24-01-2007, 20:18

مشعل الله لايهينك ومشكورين ياكل من لي

اتحفتنا والله

ماجد العتيبي

09-05-2007, 01:16

السلام عليكم ورحمه الله وبركااته

اخوي الشااعر بصري شااعر له تاريخه المحفووظ وقصااايده متميزة لكن هنااك ملاحظه عندي علي قصيدة اتيت بقصتها وخدشت شرف ناااس ماتوا رحمهم الله وظلمتهم

"5"
كذلك يوم كبر بالسن وحب انه يتوب طلب من ابنه الحج
ويوم حج وهو بالطواف شاف بنت بن ربيعان العتيبي يوم جاء بصري يبي يقبل الحجر الاسود
يامار بنت بن ربيعان قريبه له وهو يحبه على خده بدال الحجر الاسود
قالت بنت بن ربيعان "ياملا العمى انشالله حج يالشايب"
فقصد قصيده عقبه يقول:

التايه اللي جـاب بصـري يقنـه
جد د جروح العُوّد و العُوّد قاضي
جينـا نحـب ونطلـب الله جنـه
جنة نعيمٍ يـوم يابـس الحاضـي

يا اخي القصه ليست بنت ابن ربيعان البنت اللي حبها بصري مصريه كاشفه ووجهها ففتن بها بصري وكان ابنيه حاملينه فلما قربا من الفتاه طمر وحبها فأتى زوج المصريه وقالوا ابنا بصري عوود تاايه وجاب القصيده مطلعها التايه اللي جاب بصري يقنه

ارجوا انك تصحح المعلوومه اخي

راعي المغاتير

17-06-2007, 22:51

حمود الباتع

18-06-2007, 01:18

اولا مشكور أخوي على جمعك لبعض قصائد الوضيحي ..

وقد تذكرت بأني قرأت عن بصري ولكن منذفترة طويلة وماأذكره جيدا ان الروايات اختلفت حول شيئين:

الأول قصة شجاعة بصري وأنه هرب وتم غسل الفرس وهذا الكلام لا أجزم بصحته ولكن للأمانة هناك من أكدبطلان هذه المقولة .

الثاني حول ...قصت القبلة جوار الحجر الأسود حيث اختلف حول من تكون الفتاة فهناك من قال انها بنت أبن ربيعان وهناك من قال أنها ليست هي ..

وسوف أبحث لعلي اجد مايفيد أن شاء الله

أخوي مشعل : أنا لا أقلل من مصداقيتك أطلاقا فربما روايتك هي الحقيقة وربما أن الحقيقة ناقصة .

ماأود قوله هو : روايتك نقلت الى عدة منتديات منها موقع قبيلة مطير ومنها موقع النداوي وبنفس الصيغة

لذلك فأنني أتمنى عند كتابة شيء فيه تقليل لشخصية متوفية أن يتم تحري الدقة والتأكد هل النقل من رواة أم نقل من منتديات غير موثقة ..

أخي مشعل : كل ماكتبت أنت وأنا والجميع سناحسب عليه

وختاما لايسعني الا أن أشكرك وافر الشكر على مجهودك في كتابة وتدوين القصائد

ماجد العتيبي

19-07-2007, 01:38

اخوي راعي المغاتير اذكر الرواه ويكونون مشهورين

انا عطيتك القصة وبعدين اللي تقولها مضاوي عاشت قبل 200 سنه بينما بصري قبل 100 سنه

وكانوا شايلينه عياله ثنين حول الكعبه وشاف بنت مصريه ماهي لابسه شي ركز علي نقطة ماهي لابسه شي وكانت بنت جميله فحبها بصري مع خدها فلما جا زوجها نحو بصري مسكوة عياله وقالوا عود تااايه وجاب الابيات يوم قال التايه اللي جاب بصري يقنه المصداقيه مطلوبه يااخوان

سند مطر

14-09-2007, 14:48

تسلم//// يامشعل الغفيلي

نقل رائع

ووضع رائع

مشكور

أبوريا

07-03-2008, 02:46

بارك الله فيك اخوي مشعل على حفظ هذا المخزون الادبي والتراثي الرائع ولكن اود التنويه فقط الى ان القصيدة التي مطلعها( التايه اللي جاب بصري يقنه ) جاءت قصتها كالاتي عندما كبر بصري كان ولدة يكنس له ربعه البيت ويرشها وكان ذلك في ايام القيض فراة اناس من قومه فقالوا صحيح ان كل دوله لها زوله اي ان دوام الحال من المحال شوفوا الوضيحي بعد عشق البنات هذة حاله فقالت لهم( كنه) وهي اللتي ذكر اسمها بقصيدته انا استطيع اعيدة لعمل ما كان يعمله ايام شبابه على شرط كذا وحصل بينهم الرهان فأتت اليه معطرة فتجاذبت معه اطراف الحديث واظهرت له ميلها له وانها تهواة ويبدو قلب العود مازال خضر فمد يدة للامساك بيدها ففرت منه كغزاله تهرب من قناص بعد ان عاينة مراهنوها فعرف المكيدة ثم أنشأ هذة القصيدة هذا ماسمعتة من احاديث الدواوين لغرض التنويه اما قصيدة الحج فهي كالتي ذكر (ياليتنامن حجناسالمينا) والقول قولك اخوي العزيز فقط أردت عرض ماسمعته كلي محبه لكم

((عبدالله بن غيث))

14-05-2008, 01:40

مجهود تشكر عليه يالغفيلي ...

بس لو سلم من بعض الاخطاء الاملائية والترتيبيه...
الترتبيه مثل القصيدة اللي قالها عقب ماعمي دمجت معها قصيده ثانيه دون ان تفرق بينهن ..
والاملائيه فيه مثل البيت الاول بنفس القصيده اللي قاله عقب ماعمي.
((ومهزم عداك الله على الشرك عاصين))
((ومهزم عداك اللي على الشرك عاصين))هذا الصحيح ..

ولك مني جزيل الشكر والاحترام على هذا الانجازز يالغالي..

محمدالغفيلي

16-05-2008, 19:46

ابو حاشم دايم انت مميز
ومواضيعك احلي تسلم وننتظر منك جديدك في مثل هذه المواضيع الرائعه
و شـكــ وبارك الله فيك ـــرا لك ... لك مني أجمل تحية .

silntassassin

25-09-2008, 22:05

شكرااااااااااا

nasseem2000

23-01-2009, 10:46

5
زلـقـت حـبـة الـشـمـري

حبة الشمري كلها جت من "بصري الوضيحي" رحمه الله .. والقصة تقول

ان بصري الوضيحي راح يحج ويتوب الى الله ..وان يتوب عن التغزل والغزل ..كونه مشهور بالغزل .. وبعد كبر سنه نوى ان يتوب ..

طلب من ابنه لكي يحججه ... وبعد ما سعى وطاف طلب من ابنه ان يحب الحجر الاسود .. ولكن الحجر الاسود كان مزدحم من الناس ....رجال ونساء ... والرؤوس متقاربه بعضها لبعض .. فتزاحم معهم بصري وابنه .. وعندما وصل الى الحجر ويريد حبة الحجر ... اعترض بينه وبين الحجر ...خد بنت جميله كانت تريد حبة الحجر ... وفي هذه اللحظه السريعه انبهر بصري الوضيحي من لمعان خد البنت وبدل مايحب الحجر حب وجنة البنت ....فقالت له البنت حج حج ياشايب .... وحاول ولده أنه يرقع الموضوع قال هذا شايب تايه(مهذري) ...فخجل الوضيحي وقال يابعد حيي زلقت الحبة ابيها بالحجر وصارت فيك ...وصار هذا مثل ازلقت حبة الشمري

وقال القصيدة:

التايه الي جاب بصري يقنه ... هيض جروح العود والعود قاضي

جينا نحب ونطلب الله جنه ... جنة نعيم يوم يابس الحاضي

ياليت كانت حبتي في معنه ... يوم العيون عن الخوامل غواضي

يامن يعاوني على وصف كنه ... اشقح شقاح ولاهق بالبياضي

الريح لازفرة ولاهي مصنه ... ريح النفل بمطمطمات الفياضي

نهدين للثوب الحمر شولعنه... حمر ثمرهن واقفات غضاضي

والخد ذابوح القلوب المرنه .... براق مزنٍ لاعق اللون ياضي

ياليت لو سني على وقم سنه ... بايام مابيني وبينه بغاضي

أيام جلد الذيب عندي محنه... نصبح وزرق الريش لهن إنتفاضي

ياجرح قلبي جرح وادي وطنه .... غر المزون اللي وطنه وفاضي

البيض قبلي محسنٍ عذبنه... ونمر على وضحى جرا له عراضي

والبيض كم ٍ واحد ٍ يبسنه .... يبسة شماشيل العذوق النفاضي

عزي لمن غر الثنايا كونه .... واركن على كبده كوايلٍ عراضي

الا ارتوى بستان قلبي سقنه... واخضر جنابه عقب يبست الحاضي

القلب غضات الصبايا شعنه .... بنت الشيوخ مخدمين الحياضي

شوفي بعيني والخدم يركبنه .... على زعاع يوم قوطر وناضي

فوق اشقح من زمل ابوها مضنه ... ركبة عليه اتشنطح ٍ باعتراضي

وامشجر من سوق هجر مغنه ... على خياطة نابي الارداف راضي

وين انت يامشفي على طردهنه ... انا طويت ارشاي وقفيت قاضي

انا صدرت ووردهن عقبنه .... على العدو مشرعات الحياضي

احد بوسط النار واحد بجنه .... وترى البخيت اللي له الرب راضي

___________________________________________

ويقال بعد مارجع الوضيحي ندم على مافعل وقال:

ياليتنا من حجنــا سالمينــا ... كان الذنوب اللي علينا خفيفـــات

.

رحنا نبي نخفف ذنوب علينــا ... وجينا وعليها كثرها عشـر مــرات