بــوّهـتـونـا ,,, يامن شرا له من حلاله عله ,,, تجوّدوا

[محارش]

سلامو عليكم





كل ما فتحت المضايف ياهذا اسمي مرزوز بلوه موضوع وكل ما قريت الموضوع يمار رادن عليه واحد وتسن الدعوى تخصه هو دون هالعالم ,,, وانا اقول بنفسي هالادمي يما انه ملحوس او انه ينتحل شخصيتي ,,, بس عقب تفكير قلت بنفسي هالعالم ما تخلي اللقافه :) .

هذا اذا راعيت للنص الفاضي من الكوب لكني وبطبيعتي المتفائله جدا كنت اراعي لشلقة المويه اللي بالكوب فقلت بنفسي اكيد ان الربع يتفاءلون بإسمي وكل ما حطوه بموضوع يزيد عدد الردود أو انهم يستخدمون اسمي للدعايه لمواضيعهم خصوصا ان اسمي يعتبر عامل جذب جماهيري ,,,

طبعا بعض الحساد ما راح يعجبهم كلامي وراح يدورون اي حجه للتقليل من حجمي ,,, تصوروا عاد ان فيه واحد يقول ان هالحركه تطلع لكل واحد وبإسمه بمجرد الدخول بإسمه للمضايف ,,, ما ألومه الحسد والغيره اعمن قلبه :)



فيه حركه صايره بالمضايف هالليومين مهي جايزتن لي ابد ,,, بعض المشرفين العامين والمطنوخين هداهم الله مدلّين يرسلون رسايل خاصه لي وبآخر الرساله يقول تر هالرساله مرسله للجميع فلا ترد عليه جزاك الله خير ,,, مثل قوّالن تلايص ,,, اقول اعقلوا ولا ترونن ابرسلكم رساله استهبل عليكم به وارسمد لكم وبالأخير احط لكم ( عفوا ,,, أنت عود ٍ من عرض حزمه بهالرساله فلا تسوي نفسك اكبر عود ,,, جيزك من جيز غيرك ,,, إلفقه مع خالص تحياتي )





ونوبن تهل دموع ,,, ونوبن دم حمر

على انغام هذه السامريه الجميله المغبره تتجاوب الشهبا ,,, فمن اديتر ٍ يخر الى صوفة ٍ تهرّب .

<<< معليش شكله شاطحه شوي :)





العزي وعطور جنفشي وجهين لعملة واحده ,,, فالكثير يغرهم كلام العزي المعسول ( منين لوه ) وشكله الدي كابريوائي ( لا تظلم حظك ) ولكنه اشهب بكل ما تعنيه هذه الكلمة من معنى .

كعطر جنفشي الذي يغرك عطره الفواح ومظهر الجميل ولكن ما عنك وعن الشمم فأكثروا من المرة بارك الله فيكم .



وعلى طاري المسابقه انزلوا تحت لقراءة المشاركه .

[محارش]

رفش طارش من نومه فزعا فأخذ كوب ماء وشرب الشلقة الممتلئة منه ( راحت علينا ) وأخذ نفسا عميقا ثم قال الحمد لله انه حلم مهو صحيح وهو ينقز من فراشه ويصبخ الجدار من الفرحه يمار طشاش القزاز بكل زوايا المقلط ,,, سمع ابوه هالقرشه وهو يفوع من فراشه منخرعا يا صبخته بالجدار صبختن قويه اقعدت ام طارش من نومه ويوم شافت الصبخه وهي تعرف ان الدعوى به مصيبه لانهم ما يصبخون بالجدار الا اذا انخرعوا أو سير عليهم طليفيح لانه يعميهم بتسذبه .



وعلى ما وصل ابو طارش للمقلط الا هذا طارش يلقط القزاز من المقلّط قال لوه ابوه عسى ماشر يا طارش وش السالفه قال ما فيه شئ بس يابيي وليه انت دايم تقول يامن شرا لوه من حلاله عله <<< هذي الخطمات ولا بلاش :)

قال ابوه ايه هذي سالفه قديمه ياولدي ( ملاحظين بواهة الشايب وللا يورّى لي ) :

يوم نزلت سلفيتي على عصر خالد الله يرحمه ويبقي عبدالله جاني قايد وقال اسمع ياوليد ,,, اشتي ابني لك عماره واعطيك مية الف من السلفيه ,,, قلت تم وانا اعطيه الفليسات بخويطهن وهو يبني لي اكا البيت ويرجع لي خمسين الف بس ويوم نشدته قال العمله ارتفعت وارتفع سعر البترول ياعمنا وانت عارف ان البترول هو اساس كل شئ ( ما ضيع الشعب السعيد الا جلسات التخزين )


المراد اني رحت ابشتري لي سويويره بالخمسين ألف وعلى وقت المرحوم كانت المرسيدس بخمسين الف ما حلمت الا اكا الاجودي دزدامي ويقول ما تبي لك مراح كامل مع وايته بتسع واربعين ألف والالف الباقيه معك انقل به حلالك للمحل اللي انت تبيه ( يقولون هكا الوقت يعرفون وجه اللي معه خمسين ألف :) ) قلت تم قال مبروك عليك الحلال وهذا فاوتشر بمقاضي من العثيم كنت مخليه مفاجأه لك :) .

يقول ابو طارش وانا آخذ الحلال وانقلهن لمحيل ن كنت حاطن عيني عليه وذليت لا يشبكه حديهم :) ,,, كانن الحلال هديات ومهنا حليلهن وكلهن نجد الا رغوث ن عربية ن معهن ( العرب نوع من الحلال وتتميز بالمهانه والشتساعه ) .

وعلى ما اشتريتهن وهو يطري علي العرس :) وانا انقز يم جدك واقول لوه ابي اعرس وهو يخطب لي امك قبل ما آخذه ( لا ياشيخ ,,, الا ما خطبته عقب ما خذيته ) بس ان ابوَه عيا يقول ما تاخذ بنتي الا ياما تبيع هالعربية اللي انت دزاني ن عندك ,,, اثري امك سمعت بتدليعي له وغارت منه :) ويوم شفت السالفة هاتس قلت مالي الا اتبل بهم ,,, وانا اروح واحط الرغوث عند حميدان خالك حيثه صديق لي قبل النسبه ولا يداني امك بعد :) ( خوووش عايله ) .

المراد اني ( خذيت امك علشان تاليك لا معجبن زينه ولا هي عشاقه ) وهنا صاح طااااااارش ,,, ثم قال يعني انا ماني ولدك ,,, ايه انا كنت حاس من قبل انك منت ابوي بس اني استحيت اني اصارحك ,,,

أفا أفا أفا مهي هي ياطارش الا انا ابوك مار اني ما اجمع ياوليدي وخص ليا طرت علي سالفة امك والرغوث وما ادري وش اللي جاب قصيدة عدوان بجريس على بالي مار السموحه ياوليدي تسان انا جرحت مشاعرك او حسستك انك منت ولدي او اني لاقيك وانت وغد وتبنيتك :)

هدأ طارش ثم قال كمل القصه يبه .

قال ابو طارش ( والعلم عند الله ) عقب ما اعرست وانا آخذ الرغوث من خالك حميدان واحطه بله دارن جنب دار امك علشان الهده به ,,, وكل يوم ياهالرغوث دافقتن حليّبنا او ناثرتن عشانا لكن مثل الطشة على تسبدي ,,, وبليلة من الليالي سرت امك لدار الرغوث ومعه سكين وانا اللي اشوفه واخذ اكا القديمي اتبع امك ابشوف تسان هي ذبحت الرغوث فانا ابذبحه :) ويوم قربت منه امك ومسكته ولقته القبله وانا وراه رافعن القديمي ابطعنه يا نفجة اكا الداب اللي مهنا كبره وهو يقرم بهام امك ويطلع من الدار مثل الزيبق يانا بثره وياهذي امك ورانا ونطرده يما هوى بله جحر .

عقبه رحت يم خالك حميدان وانا اعلمه بالسالفه وهو يقصد هكا القصيده :

يمن شرا له من حلاله عله ,,, رغوث ما تاتي بغير المصايب
عربية ن يامال قوم ن تتله ,,, من حلت بدارك والخير غايب


المراد اني يوم فكرت يمار كلام خالك صحيح ,,, اصلا انا ما فكرت بالعرس الا عقب ما شريت هالرغوث ومن اجتمعت هالرغوث وامك بهالبيت الا والمصايب تتالي وجمل ياولدي ما به تفاريق .

رجعت للبيت وانا خاطري ملهود يمار هذي امك تحفر الحفرة اللي دخل به الداب ويوم قربت ياهي غايلتن الداب يما زاع صبعه :) وهي تاخذه وتقطه للتسلاب وقالت عند التسلاب ولا ببطن الداب وهذا المثل ياوليدي انقطع ذتسره وبقى مثل خالك حميدان .

[راعي الفزعة]

هههههههههههههههههههههههههههه


ايمن شرا له من حلاله عله ,,, رغوث ما تاتي بغير المصايب
عربية ن يامال قوم ن تتله ,,, من حلت بدارك والخير غايب


الله الله صح لسانك


والله يوفقك ان شالله

[ريم شمر]

2 في1

الموضوع هذا لايشترك بالمسابقه



.
.

يبي له مسابقه لحاله:goooood:


بالنيابه عن المطنوخ:tongue:

يثبت ثم يرسل برساله خاصه لاعضاء المضايف

ويكتب بالاخير ( عفوا ,,, أنت عود ٍ من عرض حزمه
بهالرساله فلا تسوي نفسك اكبر عود ,,,
جيزك من جيز غيرك ,,, إلفقه مع خالص تحياتي )


صدق اذا قال المثل

لاطعم للفله بغير شيخها :smileyb:

سلمت ولاهنت ياوخيي يامحارش

[المطنوخ]

هههههههههههههههههههههههههههههههههههههههه هههههههههه
هههههههههههههههههههههههههههههههههههههههه ههههههه
هههههههههههههههههههههههههههههههههههههههه ههههه

منت صاحي حرام
اقول وخر عني هنااااااااااااااااك والله ياعقب هالسالفه ياخي حسيت انك جاي للوطن السعيد بكفالة ابن جشعم ومخك مصدر رزقك ههههههههههههههه

ماهو منك من والله مقدمتك هاللي كبر براطم العزي اللي يحلفون انه يروح لايران ويلقى سجاد ايراني ويلفه ويحطه ببرطمه ويهربه عن طريق الحدود الى ان صادوه بسبة غلطه قاتله:)


خل اروح للقتباسات قبل لا اجيب العيد همن يصير به جدع فنايل:)


هذا اذا راعيت للنص الفاضي من الكوب لكني وبطبيعتي المتفائله جدا كنت اراعي لشلقة المويه اللي بالكوب فقلت بنفسي اكيد ان الربع يتفاءلون بإسمي وكل ما حطوه بموضوع يزيد عدد الردود أو انهم يستخدمون اسمي للدعايه لمواضيعهم خصوصا ان اسمي يعتبر عامل جذب جماهيري ,,,
اي منت بسيط يا رياض السنباطي :)
انت تدري وش عامل الجذب فيك؟
انه اذا صار فيه فعاليات ومهرجانات تصير جنوبك ثلاجات للماء والبيبسي:)هههههههههههههه


فيه حركه صايره بالمضايف هالليومين مهي جايزتن لي ابد ,,, بعض المشرفين العامين والمطنوخين هداهم الله مدلّين يرسلون رسايل خاصه لي وبآخر الرساله يقول تر هالرساله مرسله للجميع فلا ترد عليه جزاك الله خير ,,, مثل قوّالن تلايص ,,, اقول اعقلوا ولا ترونن ابرسلكم رساله استهبل عليكم به وارسمد لكم وبالأخير احط لكم ( عفوا ,,, أنت عود ٍ من عرض حزمه بهالرساله فلا تسوي نفسك اكبر عود ,,, جيزك من جيز غيرك ,,, إلفقه مع خالص تحياتي )

يعني تبي تقولي هالحين انك تبي ترد علي؟:)
مير انا ادري ان محدن راد علي قلت ليه اخليها لهم :)
خل اطيح وجيههم واتغداهم قبل لايتعشوني



العزي وعطور جنفشي وجهين لعملة واحده ,,, فالكثير يغرهم كلام العزي المعسول ( منين لوه ) وشكله الدي كابريوائي ( لا تظلم حظك ) ولكنه اشهب بكل ما تعنيه هذه الكلمة من معنى .

كعطر جنفشي الذي يغرك عطره الفواح ومظهر الجميل ولكن ما عنك وعن الشمم فأكثروا من المرة بارك الله فيكم .
اض الى معلوماتك قدرته العجيبه على التفاهم مع فصيلة الجرابيع والضبان
ويقال ان هذا الديكابريوائية له سحر خاص على المعزى
فما ان يطل عليهن الا وخرن صرعى من حسنه الفتان:)


هذا اللي اقدر اقتبسه

اما موضوعك فهو غير قابل للمس او التحريك
لانه طالع من الشيخ محارش
وبالتالي مجرد وضع حرف لنا فيه هو شرف


بكل فخر
نسخه من الموضوع الى المتحف

[عبدالعزيز]

فات الفوت ياهالحضرمي اعنبوبليس عدوك ماكفوك الايتام اللي بالتداول وجايٍ تبي تغابش هالمساكين على جوايزهم أنت ووجهك هاللي تقل ماطور ؟؟
مار تر اهل الجوايز معروفين قبل بداية المسابقة ومتنازلين عنهن مقدماً لهالحضرمي الثاني المطنوخ:)

اما الفاتوشر ههههههههههههههههههههههههههههه الله ياخذ عدوك ماسبدزت عليه ياهالمنطلدز علي بالحرام ان مابط طب ابد ابد:)

[الصيرمي]

( عفوا ,,, أنت عود ٍ من عرض حزمه بهالرساله فلا تسوي نفسك اكبر عود ,,, جيزك من جيز غيرك ,,, إلفقه مع خالص تحياتي )
:thumb: :p:

<< الا انت ما عينت المفتش خوينا:puzzled:

علمنابو هكالمشاركه:tongue:

مشاررررركه رائعه يامحاررررررررش:)

تحياتي:)

[الاصمعي]

رفش طارش من نومه فزعا فأخذ كوب ماء وشرب الشلقة الممتلئة منه ( راحت علينا )
ههههههههه:thumb:

ما عاد به انظر للنصف المملوء من الكوب :)


وأثر هذي قصة طارش:a:


المطنوخ هذي يبيله متحف لحاله:goooood: