عمر السخني
18-02-2006, 18:35
عندما يلقى الانسان حتفه وهو لا يزال حياً...جرّاء تناوب كروب الدهر عليه...وعندما يجزى الاحسان بالإساءه...وينكر اقرب الناس المعروف...فإن الصورة تتجلى هكذا......................
كل(ن) له الله
الوقت قاسي والزمن دوم غدّار=واكثر الناس بالناس ضايع دليله
أللي تجنّى حق الاشراف فشّار= واللي ينوش الخطا يلاقي مثيله
ياكم هذير(ن) شايل علوم واخبار=يصحى على الفتنات وينام ليله
وكم من شقي بسرد الاحوال هذار=ما يدري إن الهرج يوزن ثقيله
اللي بدا له سيف(ن) إنسل ما غار=واللي لو تنحّى عن دروب جيله
له في مجلس العز صوره وتذكار=ما تنمحي لو قل طرياه شيله
كود إن عجاج الوقت غطّى على النار=يرجع لهبها ينتفض فيه حيله
وتدور هالدنيا على قرص دوّار=مثل الثرى لا هل فوقه هميله
ويدوم يسر الحال من عقب الاعسار=ثم إتلاحق نايبات(ن) تشيله
وانا..لي منّها حظوظ(ن) كثار..وكثار=يوم(ن) دفني لوم وعتاب قيله
ضحيت..ما ضحيت..ما قلت يا جار=ولا مدّيت يمناي اسأل جزيله
للوفا..والعز..وللصدق..عندي اطوار=وسيف المراجل في يميني سليله
لا تحسبون (الحر) به خوف لا طار=(الحر) جارح (والمخالب) صقيله
من فوق هذا لامني ناس(ن) كثار=واقرب قرايب عزوتي في القبيله
والصاحب اللي آمنه صار غدّار=والفى يشق الجرح ويزيد سيله
مالي عليهم لآزم آقدم اعذار=اللي يجازي الخير..بالشر..ويله
وماني معادي قربهم لو ياصلوا الدار=مسامح كريم..ودوم..نفسي أصيله
يكفي فخر للناس..(إني لهم جار)=ويكفي فخر للعين..(ماهي ذليله)
واختم قصيدي ناشد(ن)..حكم الاقدار=كلّن له الله يوم كلّن دخيله
((( عمر السخني )))
كل(ن) له الله
الوقت قاسي والزمن دوم غدّار=واكثر الناس بالناس ضايع دليله
أللي تجنّى حق الاشراف فشّار= واللي ينوش الخطا يلاقي مثيله
ياكم هذير(ن) شايل علوم واخبار=يصحى على الفتنات وينام ليله
وكم من شقي بسرد الاحوال هذار=ما يدري إن الهرج يوزن ثقيله
اللي بدا له سيف(ن) إنسل ما غار=واللي لو تنحّى عن دروب جيله
له في مجلس العز صوره وتذكار=ما تنمحي لو قل طرياه شيله
كود إن عجاج الوقت غطّى على النار=يرجع لهبها ينتفض فيه حيله
وتدور هالدنيا على قرص دوّار=مثل الثرى لا هل فوقه هميله
ويدوم يسر الحال من عقب الاعسار=ثم إتلاحق نايبات(ن) تشيله
وانا..لي منّها حظوظ(ن) كثار..وكثار=يوم(ن) دفني لوم وعتاب قيله
ضحيت..ما ضحيت..ما قلت يا جار=ولا مدّيت يمناي اسأل جزيله
للوفا..والعز..وللصدق..عندي اطوار=وسيف المراجل في يميني سليله
لا تحسبون (الحر) به خوف لا طار=(الحر) جارح (والمخالب) صقيله
من فوق هذا لامني ناس(ن) كثار=واقرب قرايب عزوتي في القبيله
والصاحب اللي آمنه صار غدّار=والفى يشق الجرح ويزيد سيله
مالي عليهم لآزم آقدم اعذار=اللي يجازي الخير..بالشر..ويله
وماني معادي قربهم لو ياصلوا الدار=مسامح كريم..ودوم..نفسي أصيله
يكفي فخر للناس..(إني لهم جار)=ويكفي فخر للعين..(ماهي ذليله)
واختم قصيدي ناشد(ن)..حكم الاقدار=كلّن له الله يوم كلّن دخيله
((( عمر السخني )))