العين هلت وازرق الدمع دفاق

[مشــــعل]

حياكم الله

غزل على طريقة ابائنا واجدادنا
كما تربيت عليها وكما عشقتها
.
.
.

العين هلت وازرق الدمع دفاق=والقلب عيّا لايطيع النصايح
شدة ركايبهم عن الدار تنساق=تتلي هوا غر المزون الروايح
اذكر لهم عند "الشمالات" براق=عقب "المحل" من دخلت الوسم لايح
دلّيت اصوت عالي الصوت مشتاق=واثر العرب مايلحقه كل صايح
نوبٍ اقوم ونوب ماتنهضن ساق=اركض وانا حفيان.. والسد بايح
وجدي عليكم وجد من طاح منعاق=خلي صويب بوجه الاجناب طايح
دلّى يصيح وينتخى عقب مافاق=خلوه ربعه..واحمر الدم سايح
دنياك هذي تاليه موت وافراق=لو طال عمرك تالي الوقت رايح
ذقته وقبلي ياريش العين من ذاق=وكم خيرٍ من جور الاقدار شايح
ارحم عليلٍ يتعبه صفق خفاق=من عقبكم دلّى يجر النوايح
القلب جالك ياريش العين ينساق=وجتك المشاعر من طرفنا منايح
اما اقبله...او دونها الباب مغلاق=من عقبها ماقول وين انت رايح


تحياتي

[نـواف الشمــري]

مشعل الغفيلي




حجزززززززززززززززززززززززززز ولي عوده

[احـمد الـطـرقي]

على كل الطرق

طرقك مختلف وفريد


ارحم عليلٍ يتعبـه صفـق خفـاق
من عقبكـم دلّـى يجـر النوايـح
القلب جالك ياريش العين ينسـاق
وجتك المشاعر من طرفنا منايـح

.
.
.
.
.


الغفيلي مشعل


الف صح لسانك

تحياتي

اخوك

احمد الطرقي

[بشير اللويش]

،،،

،،


مشعل


لقد غمرتنا بحرفك الحاتمي


لله درك

دمت بخير

الراسي

[مبارك السبيعي]

مليووووووووووووووووووووووووووووووووووووو ووووون

صح لسان ياالغفيلي على هذه الرائعة ومتألق كالعاده
دلّيت اصوت عالي الصوت مشتاق
واثر العرب مايلحقه كـل صايـح
كل بيت اورع من الثاني ولكن هذا البيت رائع في تصوير المعنى

[أطلال]

دلّيت اصوت عالي الصوت مشتاق
............واثر العرب مايلحقه كـل صايـح


القدير .. مشعل


وأجدادنا هم من زرعوا فسائل الشعر في أرواحنا ..


صح لسااانك ..


ودام حرفك بهذا الجمال ..


تقديري ..


.
.


أطلاااال

[مشــــعل]

حياك الله يانواف

بانتظارك

[مشــــعل]

هلابك ياحمد

والله انت المتفرد بحضورك

لاهنت يابن العم

[هايس الشمري]

وين انت رايح


مشعل



صح لسانك يا بعدي


و لا هنت

[فلاح العماش]

دلّيت اصوت عالي الصوت مشتاق
واثر العرب مايلحقه كـل صايـح














مشعل الغفيلي



لاجديد





جزل جزل جزل




وراااااااااائع





لك كل الودّ والورد





دمت بودّ

[بتول آل علي]

أخي الفاضل
مشعل الغفيلي


في أي صورة كاااانت ...
يبقى الإبداع ديدنها ...!!!


راائعه ... من قلم أروع

لا عدمناك



أختك
الدهور

[المهرة]

دلّيت اصوت عالي الصوت مشتاق
واثر العرب مايلحقه كـل صايـح

نوبٍ اقوم ونوب ماتنهضن سـاق
اركض وانا حفيان.. والسد بايـح



وجدي عليكم وجد من طاح منعـاق
خلي صويب بوجه الاجناب طايـح


مشعل / الشعر

كما احب ان اسميك
تكتب بروح الجزالة /
لك مفردات / الخاصة
والاكثر خصوصية
في وقت شح / فيه هذا النوع من الشعر



دمت بخير
اختك / المهرة

[مشــــعل]

شاعرنا بشير

شهاده اعتز بها

لاهنت يابعد حي

[مشــــعل]

صح بدنك يامبارك

والرائع والله حضورك

لاهنت يالطيب

[مشــــعل]

شاعرتنا اطلال

صح بدنك

وشاكر مرورك العطر

[سيدة القـــــلم]

:---:---:---:
*
.

نَاَدراً جداً..

أنّ اقرَأ قَصِيدة تَجمع مَاَبِين قُوة المعَنىَ وعذُوبه الفظــه ..

واّراَك جمَعت بِينهمَــاَ بِجدَاَرة ..

والأجمَــل مِن هَذَه وتِلك .. صِياَغه القصِيدة بِمُفردَاَت الأجَداَد

واكتِسَابهَاَ نكـَهه الأصَاَلــه

صح لسَاَنك
وعذب هتَاَنك


جزلـٍ انت

.
*
:---:---:---:





.

[حماد الخريصي]

ألأخ مشعل الغفيلي



الغالى
ما مهما قلت وقلت لن اصل الى ما اريد
قوله فقد يخون التعبير ولا اريد ان اخدش
هذه الباذخه بكلمات اقل من حجمها
صح السانك وسلم بنانك
ولاهنت يالغالى
اخوك

[مشــــعل]

استاذي هايس

صح بدنك يابعدحي

لاهنت

[مشــــعل]

شاعرنا فلاح

شهاده اعتز بها

تسلم يالطيب

[مشــــعل]

شاعرتنا الدهور

الرائع مرورك

لاهنتي اختي

[مشــــعل]

شاعرة المضايف

المهره

شهاده اعتز بها

والاكثر من ذلك حضورك

سلمتي

مع التمنيات برجوعك من جديد
بسماء المضايف

لاهنتي

[مشــــعل]

سيدة القلم

الجميل هو مرورك

شكرا

ولاهنتي

[مشــــعل]

حماد الخريصي

صح بدنك

وشهاده اعتز بها من شاعر مثلك

تسلم