شارك في (4) ابيات

[ابــو فــهـــد]

فاقدن لي جوهره ياهل المضايف = ليتكم ياهل المضايف تذكرونه
جوهره ما شو فها بين الولايف = والولايف بالمضايف يعرفونه
يعرفونه في كثير من الوصايف = والوصايف بالمضايف يحملونه
بالمضايف لسمها ماني بشايف = مير ودّي هال سؤال تثبّتونه


اود من جميع الشعراء والشاعرات المشاركة بأبيات لاتتعدى الاربعة

[بتول آل علي]

أخي الفاضل
أبو فهد


حياك الله ... و بصراحه نفتقد الكثير من الأسماء هنا

و لكن سؤالي ... هل أبياتك من باب المحاورة فتُنقل للمضيف المختص بها ... ؟

أم أنها بناء قصيدة مستقلة ... ؟!!!

أم تكون المشاركة بأربعة أبيات على أي وزن و قافية ... ؟



يا ليت توضح لنا المطلوب أكثر




ألف شكر

أختك
الدهور

[ابــو فــهـــد]

حياك الله يابنت العم

اشكرك على سرعة التجاوب


اختاه
انا بودي ان تكون الابيات الاربعة المشارك بها
تكون اما رداً او مجاراة او تضامناً بالسؤال سواء بنفس القافية او بقافيه غيرها

[ابو تغريد]

لوتردد ياحسايف ياحسايف=ولوتدز السبر لايمكن يجونه
ابي اقولك شي ولاني بخايف=من تعرض للحكومه يسجنونه
لاتقرب دار مزبور الردايف=من زمن ذي عشقتي لاتقربونه
ولوتجي يابو فهدكل الطوايف=حالفن له قبل لاتولد ماخونه

[بتول آل علي]

.
.


جبتها يا ابو فهد فاربع خفايف = اربعٍ .. و الكلّ منّـا يقصدونه
اللي ماخِذْتَه ظروفه و الوظايف = يا عساه يكون مولانا فعونه
لو غلطنا نطمع قلوبٍ نظايف = واللي يخطي ندمح الغلطة بمرونه
الأكيد انّ القلم لو هو شفايف = للورق .. انت العقل وانته عيونه


.
.

[ابــو فــهـــد]

المضيع يعتلي في راس نايف = ويتبين لأجل الناس يشاهدونه
وان سالة عن ذاهبة بين الطوايف= يختلف قصدي عن اللي تقصدونه
ياء. ابو تغدريد ويش الي انت شايف= (الغفل) هو ناسمه او تاسمونه
ياصديقي آمنٍ ماني بخايف = وكل مخلص الحكومة يشكرونه

*************************************

الدهور حروفها جداً طرايف = والله اعلم مطابقٍ ظني ظنونه
ونفتخر بوجود خواتٍ شرايف = مثلها كل الحضور يقدرونه
كف واحد والاصابع فيه(فايف)=كل واحد في صفته يميزونه
وين باقي ربعنا اهل المضايف= في انتظار ابيات شعرٍ يكتبونه