أيام المدرسة وهجت مناحي

[هاني العجل]

أيام الدراسه من اجمل ايام العمر بمرارتها تبقى حلوه ..

عرفت ذلك بعد موادعتها .. وجدتني أحمل في نفسي حقيبة من الذكريات لتلك المرحلة وكلما يطول

اغفالي وانشغالي عن تلك الحقيبه الممتلئه امر بما امر لأجدها متناثرةً امامي ..

اطلع منها على بعض حاجياتها فها انا ارى الفصل والشله .. كنا شله متجمعين مع بعض وصايرين

حزب وياما لنا من الضحك اي واحد يقول اي حاجه لوهي بايخه طرنا بالعجه وسوينا صجه ومنعزلين

لحالنا وكأن الفصل لنا لحالنا اللي نبي نجيبه واللي مانبي نطفشه مثل ماسوينا بمناحي ..

مسكين يامناحي جانا يبي العون صرنا له فرعون .. نقل علينا من فصل ثاني وبدأ يحتك شوي

شوي لين قلنا ياولد نشلعه ابرك .. صرنا نطنش مناحي نعاكس رايه هو يكتب وحنا نمحي لين صار

يغيب يغيب شوي شوي لين الرجال هج من ها المدرسه ولسان حاله يقول كله لكم ..

المهم ارجع لشلتنا .. كان بعضنا جيد ويفهم بالمدرسه وبعضنا ماعندك أحد بس نشيل بعض يعني

الصالح ياخذ بيد الطالح ونمشي انفسنا نغش من بعض نحل الواجبات لبعض نوشوش بأذان بعض

وماشيه دعوانا

بس اللي قعد به محمود المصري .. سامحنا يامحمود والله مالك ذنب كل ذنبك انك كنت مجتهد

وشاد حيلك والعريف مرضي ياكثر ماسجل اسم محمود على السبوره .. ابرك ماسويت يامحمود انك

هجيت لمصر بس مناحي وش يسوي ..

مرضي لوتعطيه عيونك عز الله مارضى سبحان الله يكره الصحيح مايواطنه فيه حساسية من

الحقايق لانه يقول الحقيقايق مره ولاتعلمون بحقيقة احد ولا ولا ولا ولا وياكثر ملالاته علينا

بس العريف مرض وبعض الشله كانوا اكثر ناس يتوهقون اذا دخلوا بإختبارات الوزاره اختبار حقيقي

يدجون اذا جاء الصحيح ودهم تضل المدرسه كذا اختبارات شهريه بس يبون يضلون عايشين على

مجاملات الاساتذه ياحبيبيني والله يالشله والعريف مرضي ومحمود المصري ومناحي




ذكريات




عذراً لخربشتي

[سيدة القـــــلم]

مهمــا كبرنــا.. تبقـــى الطفوله متربعـــه على عرش الحنيـــن.. ..





هــاني..

اعتقــد موضوعـــك لا يحمــل ذكريات فقـــط..

بل يعمل مغــــزى عميـــق وزوايــــا عديدة.. ..

والنقــــد احد زواياة .. ..

ولعلي توصلــــت لشيء بسيط من مغزاك..

اقولــ لعــلي.. ولستُ متأكدة ..

شكراً لك هاني وسلّم على مرضي ومناحي

كـُن بخير




.