نكمل بعض مافيه سب وتحيز

[مبارك السبيعي]

على أثر القصيدة التي كتبت لتعليم الرجال الطبخ والتي كان فيها التحيز الواضح للرجال والرد عليها من قبل الشاعرة ريوف بقصيدة تتحيزفيها نوع ماللنساء وجدت نفسي أقف بمثابة الحكم بينهما بقصيدة أردعليهما بنفس الوزن والقافية المتميزة وكان الله غفوراُرحيم




هاذي روائع ياريوف محسوسه = ابيات شعرن جزت ضلوعنا جز
أنا تمناهـا تكـون معكوسـه = قدام يزعلنـا الخبـر ونتلعـوز
العلم هذا عارفينـن عسوسـه = من خلقت البيدا وغز الوتدغـز
عندالضرورة كل شّين ندوسـه = نقضـي لوازمنـا وناخذونجـز
ا لذيب مايمرح الايخطت ضروسه = تلقاه يسعى طول ماهو بيحـرز
يَهذب هذيب وكل عسرن يروسه = الوكر مايصلح يجي فوقه الـوز
الله خلقنا كل جنـس ولبوسـه = نكمل بعض مافيه سّب وتحيـز

[المطنوخ]

الله خلقنا كـل جنـس ولبوسـه نكمل بعض مافيه سّـب وتحيـز
هالله هالله

صح لسانك مليون يالسبيعي مبارك

وهذي ابرك الساعات اللي جابتك الزائيات :)


وانشالله ان مافيه لا سب ولا تحيز (عصبي)

كل مافي الامر قفشات بين أخوان وأخوات الغرض منها وضح وجلى على مرآنا

لافض فوك ياحكمنا

ومتابعين هالكر والفر:)

[عجايب بنت الشايب]

حياالله السبيعي

وش يقربلك السلااااام ؟؟


خخخخخخخخ


الله مير يعطيك العافيه

وصدقت يوم قلت

عندالضرورة كل شّيـن ندوسـه نقضـي لوازمنـا وناخذونجـز




طحياتي ......,

[سيدة القـــــلم]

صــح لسانــك

وعذب هتانــك.. يامبارك..

ون شاءلله مافيه تحيز وسب.. بين الأخوان

الغرض منها الوناسه ووساعه الصدر..


كُــن بخير



.

[احـمد الـطـرقي]

صح لسانك



ومثل ماقالو اخواني القصد كان المزح




وبارك الله فيك قصيده جميله


متكامله





تحياتي

اخوك
احمد الطرقي

[مبارك السبيعي]

أخي العزيز المطنوخ
القصيدة كما ذكرتم للمزح وسعه الصدر
كان ماذكرت في البيت
نكمل بعض مافيه سب وتحيز
كان على اثر قرائتي للتعليقات على قصيده الاخت ريوف والذي ذكر أحد الاخوان أن النساء سليطات لسان فكيف بشاعرة وعلم من أعلام الشعر ؟؟؟؟؟؟؟؟؟؟؟
وربي يعلم أن القصيدة ماكانت الا من باب المزح والفكاهة
وكلنا في منتدى شمر أخوان حياكم الله

[مبارك السبيعي]

الاخ الطرقي شكرا على المتابعة الدائم
واتامل ان تكون الصوره قد توضحت في ردي على المطنوخ وسبب كتابتي نكمل بعض مافيه سب وتحيز
ياهلا فيكم

[مبارك السبيعي]

كلي بكم اعجاب
والله اني انا اللي اعجبني الرد والتعليق والصوره وحياك الله

[مبارك السبيعي]

اختي سيدة القلم نأمل ان تتضح الصورة لك لماذا كتبنا نكمل بعض مافيه سب وتحيز وكما تعلمين المعنى في بطن الشاعر وقصدي الرد على احد التعليقات اللي كتبت ريوف على ان النساء سليطات لسان فكيف بالشاعرات وانا ارى ان ريوف لم تفعل شي الا الدفاع عن بنات جنسها وهذا اقل حقوقها

[شريف روما]

صح السانك يالسعيبي
وماازيد على كلام الاخوان اللي اسبقوني بالرد
كلنا اخوان ومابيننا الا كل خير
مجرد غشمرة :)


يعطيك العافية
وبانتظار مشاركات اخرى لكـ

[ريوف الشمري]

صدقت أخ مبارك

وشهد شاهد من أهله .........

يَهذب هذيب وكل عسرن يروسه الوكر مايصلح يجي فوقه الـوز
الله خلقنا كـل جنـس ولبوسـه نكمل بعض مافيه سّـب وتحيـز



بارك الله فيك و الأخ أحمد الهاجري لم يكن يقصد الإساءة أبدا

وأنا أعلم ذلك فهو لم يقلها إلا على سبيل المدح

بارك الله فيك