مشــــعل
28-01-2006, 23:57
بسم الله الرحمن الرحيم
موت العشق والموت من الحب لاشك انه موجود
سواء في عصر الجاهليه او عصر الاباء والاجداد بغض النظر عن تحريمه
هو لاشك انه موت مذله نسال الله السلامه
ويمكن بالعصر الحالي غير موجود او نقدر نقول قليل لان الناس انشغلت بما هو اهم
ومن اغرب ماسمعت قصة وفاة الفارس "بن معبهل" من فرسان قبيلة الروله
وسمعتها على حسب رواية "شايب رويلي "
بن معبهل فارس مغوار وسبق ان ذكرنا بهذا المضيف سالفتوه مع بنيه الجربا
المهم ان بن معبهل متزوج وزوجته تحب حبا شديدا وهو كذلك
وكان من اعز اصدقاءه واحد شمري وهالشمري سريع الغضب
بيوم من الايام كانو رحيل وكان زوجة بن معبهل حامل باول الاشهر وراكبه على ذلوله (راحلته)
وكان يمشي بجنبه الشمري على فرسوه اللي هو صديق بن معبهل
وبن معبهل كان متقدم الجميع بحكم انه القائد
المهم يقولون كانت زوجة بن معهل لاتنزل بصره عن زوجه بحكم حبه له
وهي تلتفت قالت يالشمري اسالك بالله الموت اللي يجي الناس هو يجي بن معبهل
الشمري يعرف مقدار حبه لوه وماحب انه يضايقه وحب انوه يسايره
قال الشمري لاانشاله الله يطول بعمر زوجك ويخليه لك
وهي تاخذ شوي قالت يالشمري بالله علمن الموت هو يجي بن معبهل وياخذه عني
قال يابنت الحلال عيني خير وانشالله مايجيه
وهي تجي المرّه الثالثه قالت يالشمري الموت هو يجي بن معبهل
المهم ارتفع ضغط الشمري
قال اقول " تريك ابلشتينا والله زوجك يبي يموت اخس موته"
يقولون وهي تشهق وتموت وهي تقع من فوق الذلول
وهو يجي بن معبهل يمه يوم شافه ماتت وهو يحط افمه بافمه وهو يموت كذلك
***********
وهذا فيه واحد من شمر اسموه هبّاك عشق وحده وبينوه وبين جماعته عداء
ولايقدر يزورهم وهو ياصله العلم ان معشوقته ماتت
وهو ينهج يم واحد من خوياه اسموه منير
قال هباك:
يامنير ماجاكم عن الترف ذكّار=هو صدق ولا صخيّف الوسط غادي
هو صدق ولا "طنطنة" علم قمّار=او جاء عنه راع العلوم الوكادي
تقل ضربت الكبد نطحٍ بمسمار=من يوم قيل الموت للترف صادي
ودك لو الدنيا تصنت للا شوار=والموت ياتي له نذير منادي
المهم ان خويوه منير يقدر يزور جماعة البنت يوم راح يمهم ويلقى ان العلم صحيح
وهو يرجع يم هباك قال:
صدق ولاهي طنطنة علم قمار=انا عنه راع العلوم الوكادي
دنياك هذي ماتصنت للاشوار=تضرب على مشهاة نفسه عنادي
لو شاورتنا كان والله ماصار=نفدي بناسٍ عن ظبي الحمادي
ياحيف ياعضودن تقل وصف جمّار=يودعهن القبر المهبا سمادي
ونهود حدر الجيب غضات الاثمار=الدود ياكل مغترات الفنادي
ياحيف ياهباك للترف قبار=لمسن قرونه عقب ماهن بعادي
المهم ان هباك يوم دري للعلم هو ينهج لبيتوه
ويوم زاروه منير بالليل وهو يلقاه ميت بالفراش
*********
وهذا مره دخلت بالاستراحه يامار به واحد من الزقرت اسموه سعود الله يذكره بالخير
منجضع ويوّن
وان اجيه قت وش نوحك عسى ماشر
قال اويحيه يامشعل فلانه الليله عرسه "يامار هو عاشق وحده من ربعوه"
قلت صادز
قال ايوالله الظاهر يامشعل اني ابي اموت بهذا مار علم هلي
"يامار انا ماتعشيت" قلت سعود ترن عازمك نبي نتعشى "بالشطيره">>مطعم بحايل
وهو يقوم ويسبقن للسياره:)
على العموم نسال الله ان يحسن خواتمنا
ولايميتنا الا على ذكره
موت العشق والموت من الحب لاشك انه موجود
سواء في عصر الجاهليه او عصر الاباء والاجداد بغض النظر عن تحريمه
هو لاشك انه موت مذله نسال الله السلامه
ويمكن بالعصر الحالي غير موجود او نقدر نقول قليل لان الناس انشغلت بما هو اهم
ومن اغرب ماسمعت قصة وفاة الفارس "بن معبهل" من فرسان قبيلة الروله
وسمعتها على حسب رواية "شايب رويلي "
بن معبهل فارس مغوار وسبق ان ذكرنا بهذا المضيف سالفتوه مع بنيه الجربا
المهم ان بن معبهل متزوج وزوجته تحب حبا شديدا وهو كذلك
وكان من اعز اصدقاءه واحد شمري وهالشمري سريع الغضب
بيوم من الايام كانو رحيل وكان زوجة بن معبهل حامل باول الاشهر وراكبه على ذلوله (راحلته)
وكان يمشي بجنبه الشمري على فرسوه اللي هو صديق بن معبهل
وبن معبهل كان متقدم الجميع بحكم انه القائد
المهم يقولون كانت زوجة بن معهل لاتنزل بصره عن زوجه بحكم حبه له
وهي تلتفت قالت يالشمري اسالك بالله الموت اللي يجي الناس هو يجي بن معبهل
الشمري يعرف مقدار حبه لوه وماحب انه يضايقه وحب انوه يسايره
قال الشمري لاانشاله الله يطول بعمر زوجك ويخليه لك
وهي تاخذ شوي قالت يالشمري بالله علمن الموت هو يجي بن معبهل وياخذه عني
قال يابنت الحلال عيني خير وانشالله مايجيه
وهي تجي المرّه الثالثه قالت يالشمري الموت هو يجي بن معبهل
المهم ارتفع ضغط الشمري
قال اقول " تريك ابلشتينا والله زوجك يبي يموت اخس موته"
يقولون وهي تشهق وتموت وهي تقع من فوق الذلول
وهو يجي بن معبهل يمه يوم شافه ماتت وهو يحط افمه بافمه وهو يموت كذلك
***********
وهذا فيه واحد من شمر اسموه هبّاك عشق وحده وبينوه وبين جماعته عداء
ولايقدر يزورهم وهو ياصله العلم ان معشوقته ماتت
وهو ينهج يم واحد من خوياه اسموه منير
قال هباك:
يامنير ماجاكم عن الترف ذكّار=هو صدق ولا صخيّف الوسط غادي
هو صدق ولا "طنطنة" علم قمّار=او جاء عنه راع العلوم الوكادي
تقل ضربت الكبد نطحٍ بمسمار=من يوم قيل الموت للترف صادي
ودك لو الدنيا تصنت للا شوار=والموت ياتي له نذير منادي
المهم ان خويوه منير يقدر يزور جماعة البنت يوم راح يمهم ويلقى ان العلم صحيح
وهو يرجع يم هباك قال:
صدق ولاهي طنطنة علم قمار=انا عنه راع العلوم الوكادي
دنياك هذي ماتصنت للاشوار=تضرب على مشهاة نفسه عنادي
لو شاورتنا كان والله ماصار=نفدي بناسٍ عن ظبي الحمادي
ياحيف ياعضودن تقل وصف جمّار=يودعهن القبر المهبا سمادي
ونهود حدر الجيب غضات الاثمار=الدود ياكل مغترات الفنادي
ياحيف ياهباك للترف قبار=لمسن قرونه عقب ماهن بعادي
المهم ان هباك يوم دري للعلم هو ينهج لبيتوه
ويوم زاروه منير بالليل وهو يلقاه ميت بالفراش
*********
وهذا مره دخلت بالاستراحه يامار به واحد من الزقرت اسموه سعود الله يذكره بالخير
منجضع ويوّن
وان اجيه قت وش نوحك عسى ماشر
قال اويحيه يامشعل فلانه الليله عرسه "يامار هو عاشق وحده من ربعوه"
قلت صادز
قال ايوالله الظاهر يامشعل اني ابي اموت بهذا مار علم هلي
"يامار انا ماتعشيت" قلت سعود ترن عازمك نبي نتعشى "بالشطيره">>مطعم بحايل
وهو يقوم ويسبقن للسياره:)
على العموم نسال الله ان يحسن خواتمنا
ولايميتنا الا على ذكره