][ فقـع ][ [الأرشيف]

المساعد الشخصي الرقمي

مشاهدة النسخة كاملة : ][ فقـع ][

مجرّد

24-01-2006, 00:56

احـمد الـطـرقي

24-01-2006, 00:59

والله للحين يا مجرد

متاملين علوم الخير ان شاء الله

تحياتي

اخوك
احمد الطرقي

المخاوي

24-01-2006, 01:01

الفقع واجد ومتوفر :7ayyoh:

يذكرون سوق حفر الباطن مليانن ملي بس ولم الزريقا عطيت الله :)

وتسانك بغيت تلقط ماتبي تشري علمن وين ديرتك وعلمك اي متسانن اقرب لك :)

والربيع بسامودااااااااااااا يشبع الحلال من ضحويه :)

المطنوخ

24-01-2006, 03:49

مامن فقع ليا هالحين

واللي بالاسواق هذا اما مصري ولا جزائري ولا فقع العام

اللي يقول ان بوه فقع الرجاء تصويره وارساله بالوسائط لتلفوني للنظر بدعواه:)<---مايقصد المخاوي:)

المخاوي

24-01-2006, 03:54

^
^

هلا يالله حيوه :7ayyoh:

اما انا عن نفسي شبعت واشبعت الربع اللي حولي :)

والله يابوه صور عندي بالجوال على الهواء مباشره

بوسط لي روض والفقع يمنتن ويسره :)

مار ماحولي توصيله والا تسان وريتكم اياهن :hala1:

قـــوت

24-01-2006, 03:58

الفقع
بالنعيريه

البارح متعشين جمرية فقع كلمونا يحمقروننا

هذا اقصى علمي

المتوقد

24-01-2006, 04:28

ياطويل العمر فيه صوره صوره واحد من أهل الحفر وأرسله لواحد وانا بحائل عن طريق الوسائط>>وخذيته منه بلوتوث وعندي بجوالي ونسيت لا أنزله مع ربيع زعبيه >>>والكمبيوتر اللي أنا عليه مافيه بلوتوث ووولا كان نزلته>>>>الفقعههاااذي مادري وينهي عن الحفر لكن يقولون معرج السوبان اللي هو المثلث أو يسمونه الدبيه

يقولون به فقع >>>نبي نشوف الخميس وهالجمعه أنتظر لي ناس راحوا للموقع المذكور

طبعا انا ما أفدتك بشئ>>>>>ننتظر للسبت ونشوف

انشاء الله

مجرّد

24-01-2006, 04:44

عزيزي احمد الطرقي نسأل الله ان يرزقنا الخير

......

المخاوي

ماشاءالله اخبار تبشر بالخير بإذن الله :)

المخاوي اذكر الاماكن عزيزي لكي يستفيد الجميع منها

انا وضعت الموضوع لكي يستفيد الجميع منه

سوا بعيده او قريبه الاماكن ليست مشكله :)

واذا في صور اتمنى تضعها نريد نستمتع بها :)

....

المطنوح هههههههه :) الله كريم

....

اخر العنقود

جمريه فقع الله :)

....

المتوقد

اخبار تسر وتفرح القلب :)

وننتظر الاخبار منك عزيزي

كل الشكر لكم جميعاً

على هذه الاخبار المفرحه

المخاوي ننتظر الصور ( اذا مافيها تعب عليك )

وجزاك الله خيراً على هذه الاخبار

كونوا بخير

مجرد قلم

ابو مرشد

24-01-2006, 11:21

السلام عليكم ورحمـة الله وبركاته

كيف حالكـمِ ياأعضــاء :)

http://www.arab3.com/upload/images/Jan06/nwra_fff11.jpg

http://www.arab3.com/upload/images/Jan06/nwra_fff10.jpg

:)

لايوجد شيء مهم لكن أحببت أن ][ انشدكم ][

عن الفقـع :) بعض المجالس هذه الايام سيرتها الفقع :)

( اللي طلع واللي سمع منكم يقول لنا اخر الاخبار عنه ) :)

حتى أماكن الربيع لاتبخلو علينا :)

تحيتي

مجرد قلم

هلا اخوي مجرد قلم

على طاري الفقع روح اشتر من الجمعيه :)

ذكرتني بموقف محزن جدا قبل سنتين انفرزت لمدة سنتين في مطار الكويت الدولي

و مرت علينا ايام فقع و للاسف الشديد مكان الفقع عند الران وي (الشارع الي تنزل فيه الطيارات):)

و كلمني واحد من الزملاء قالي امش خنروح نفقع و يليته ما قالي ورحنا نفقع اهوا اساس ممنوع

اول ما وصلنا الى هذي طياره نازله توها و انا امسكها خفت لا ادوس على الفقعه و انا اسطرها كف

و تطيح الطياره و تجي الاسعاف و المطافي و الشرطه و تنفجر الطياره و يطيح المكيف و سلامتكم :)

اي نسيت لا اقولك

القصه حقيقيه :)

هههههههه

ابو مرشد

حدي سفلئه :)

صلفيق

24-01-2006, 15:33

السلام عليكم جميع ..
وشلونكم كل باسمه ..
ثاني يوم العيد كنت بسامودا ، وتحديدا بالنفود ( كهيف البل ) ،، الربيع مثل ماقال المخاوي (تشبع الغنم الضحى) أما الفقع يذكرونه مابين سامودا وشبك القاعدة ولكنه صغير (على ذكرهم له) ولو أني ماجيته.
ذكروا الفقع بالفاو (بالقرب من حفر الباطن) ، وشدينا الرحال يوم الأربعاء الماضي إلى الفاو ،، وهناك لقينا فقع ولكنه صغير والعالم اللي هناك أكثر منه. [ الفاو للي مايدله: إذا تعديت الحفر حوالي 15 كم باتجه رفحاء ، تجيك على اليمين محطة الوايلية للمحروقات . من عند المحطة .. إهزع يسار ، وامش بإتجاه الجنوب الغربي بحدود 15 كم وهناك حوالي هجرة الدرويش وغربا عن شبك الأمير مشعل بن عبدالعزيز] ، ستجد الفقع. ولكن أؤكد للجميع إنه صغير ولا يسوى العنوة على شانه ، لكن اللي يبي يتمشى ويستمتع بالربيع يروح هناك.
أما أنا فقد استمتعت بالنفود اللي عند سامودا ، خصوصا اني شاهدت [الحمصيص] اللي علمي به يوم انا وغد.
نقرة الصيد (اللي عند الصداوي) مربعة ، ولكنها محمية.
رميثان (بالدبدبة) مربع ، وحقيقي أرضه تغري بدورة الفقع ، ولكن مادورت. بس إن الله كتب وأحيانا أجيب لكم خبر الدبدبة كله - لأني ناوي دوجة به نهاية هالأسبوع.