ياقردك ان سميت هالاسم [الأرشيف]

الشبث

16-01-2006, 17:15

السلام عليكم ورحمة الله وبركاته

والله يالربع فيه حاجه قاهرتني

وودي اسعل عنه

وهي طبعا يقولون انه من سلم الاولين وياليت تعلموني هل هي للحين لا خلاص

وهالعاده ان الواحد مايسمي على ابوه اذا هو حي

بالله وشرايكم

اللي عندوه هالاده يعلمنا واللي مهي عندوه يعلمنا بعد

انا ياواحد عندنا هالعاده

بس خل يجيني ولد الله لا يعوق بشر مسميه على حضرة جناب الوالد

وتقلدوا تحيتي

ابو غازي

16-01-2006, 20:18

بالخير ياولد :)

انا اعلمك تسان ابوك من دقة محيســــــــــــــن فهو يبي يزعل :(

اما تسانهوا شبابي يبي يقبل راسك اتعلم لماذا لإنك سميت بسموه ويبي السماية منك :p:

طيب ابي اسعلك ؟ لوجتك بنت انت تسميه بإسم امك وهل يضايقة إسم بنتك ولا تفرح

هذي ماهي صورة امك هذي ايقونه n)

:p:

عجايب بنت الشايب

16-01-2006, 20:37

لا والله حنا عندنا

اللي مايسمي على ابوووه

ابوه يزعل

او الشيبان يجووون ابوه

وينشدون الشايب ولدك وش سمى ولده

لاقال .... وليد ولا لؤي ولا يزيد

قالوا ... وبصوووت واحد

ياااااقووووووووووم

ماسمى عليك

جعله اللي واللي .........

لعبت عليه << المقصوده هنا الزوجه !!

والحاقا لماذكره ابو غازي

احب اقووولك ياابو غازي

ياحي محيسن حيااااه

و عصمان ولا شلش ولا طرجم ولا طاحوس ولا صنهات

8
8

اشك انها اسماء وحوش في الدهناء ؟؟؟

طحياتي .......

شموخ

17-01-2006, 00:47

اهلين بالشبث
يترقبه لين يموت ثم يسمي عليه :) شي غريب ليش ؟؟

عندنا عادي يسمي على اسم ابوه في حياته مافيها شي كل اخواني مسمين على اسم ابوي والله ،ولو ماسمو مااعتقد انه بينتقدهم ..
حتى كل عايلتنا الاغلبيه مسمين على اباءهم والبعض يطمر على اسم جده أول شي ثم إسم أبوه بعده :) والبعض يخلي اخر العنقود باسم ابوه عاد اخر العنقود سكر معقود يجي الغالي وبزود لكان على اسم الابو :) .

تحياتي
شموخ

ام الوغدان

17-01-2006, 01:36

انا ما أدري ليش يسمووون على الاهل...ويظلمن الاطفال؟؟ اذكر انى شفت طفلة زى القمر ولما سألتها عن اسمها قالت:ذبحة ....وقيسوا هذا على الكثير من الاسماء التى تسبب عقد"ا نفسية للانسان!! الاسماء ببلاش ياجماعه والبر بالوالدين لايكون بذلك بل بالدعاء لهم والتصدق عنهم!!!....الشبث (موضوع حلووو..مع تمنياتى الا يسمى ولدك ابنه على اسمك!!):p:

عبدالله المهيني

17-01-2006, 03:08

شبوث

أولاً على طاري الأسامي

ترى عندنا تمايم ( طلايع ) آخر هالأسبوع يعني لا تباعد

أبي أزهم عليك وأبلغك بالمكان والزمان

ثانياً

كان في الماضي التسمية على الآباء

لإحياء ذكرهم بعد موتهم

( وهذا كان المفهوم السائد )

أما الوضع حالياً فأعتقد أن الأغلب إن لم يكن الجميع

لا يمانع من التسمية بإسمه في حياته

ولا يعني ذلك عدم وجود ممانعه من القلة

وأصبر لين أصير جد وأعلمك هو ولدي سمى علي أو لا :)

شاوووو

ابو ســـــيف

17-01-2006, 05:21

بجنبي لي واحدن اسم ابوووه "دغفق" <<<< على وزن ذبحه :) !!

يقول اسمي عليه ولا لا !؟

ههههههههههههههههههههههههههههههههههههه

ههههههههههههههههههههههههههههه

ريم شمر

17-01-2006, 05:50

على مااظن هذي كانت من العادات القديمه

الحين الشيبان يبونك تسمي عليهم

وبعضهم يزعل اذ ا ماسميت عليه

واظن حاليا منتشر التسميه باسم الاب او الجد

ويعتبرها بعض الابناء من باب البر بالوالدين

والبعض يسمى ابناءه باسم العائله

عاد هذي المصيبه اذا كان اسم العائله غريب شوي :a:

ام جدتي كان اسمها عمشاء

وسمت عليها ست بنات من حفيدات العائله :)

تقول الله يرحمها ان السبب

انها تبي وين ماتلتفت تلقى عميشاء :(

طبعا اغلب هالبنات غيروا اساميهم يوم كبروا

وحده فيهم غيرت اسمها قبل زواجها بيومين

اسم زوجها هاني ماينفع يصير اسمها عمشاء بنوب بنوب:)

منور يالشبث

موضوع رايق

تسلم

( المسك )

17-01-2006, 07:18

انا اعلمك تسان ابوك من دقة محيســــــــــــــن فهو يبي يزعل

ابو غازي بعقلي اشك انك ماتقصدني صح :)

من العايدين ياااعمي :smileyb:

ايه تو صار للمضاايف طعمه بشوفت خشتك :7ayyoh:

شبثاان يااعمي توك ياحياااتي مملك تبي تسمي ولدك قل يااهاادي انت وخشتك تقل بعير داخل حجره :puzzled:

عاد ماقاردن مدير الاحوال برفحاء غير حناا كل مايجي ولد راحو يسمون الولد اسم جبهاان ينقز بحلوقنا الاسم هذاا ممنووع التسميه فيه وتخرب بيننا وبينه :( لين يرضخ للامر ويوافق وهو مايشوووف الدرب :)

مع السلاميه:)

تعاليل

17-01-2006, 08:21

:) مرةٍ من المـــراير ....
أخوي جالس يســـولف علينا .. يقول .. يا جـــاني ولد ..
بســــــــــــــــميه (فــــــــــــــــــــــلان) على اسم الوالـــد ...

مــــــــــــن أمس مار جدتي ناطــتــن بحــلقوه .. n)
تســـفانا شرك تسفانا شرك ... سبعك سبعك .. اسم الله اسم الله
وترش أخوي بالمـــــــــــاء ... وحنــا فاتحين أثـــامنا فاهيين ما ندري وش السالفه

اخوي قال لها يا جده .. شنوحتس .. وش قلت .. قالت لا يا جدي لا تسمي على ابوك
لوه طولة العمر .. ما يسمون إلا عـــلـــى الميـــتين لإحياء ذكرهم .. وابوك بخير والله يخليه لكم ..
:) تســـانك معزم ســم على جدك <<<< تبي تــحيي ذكر زوجـــها العـــجــيز ..

فمثل ما قلت يا شبــيثان .. عندنا هالعــاده هذي .. بس اخوي معزم يسمي على الوالد
والـــــــــــــــــــوالد مهو مـــتسذب خبر .. مستعــجل يبي يزوج خيي . عشان يجي ولد ونسميه
(......................) << فــديت راعي الأسم والله بابا .. :)

اماكن

17-01-2006, 15:13

عليكم السلام ورحمة الله وبركاته

ومثل ماقالوا الأخوان والأخوات

حنّا عندنا الأب ينبسط حين تسمّي بإسمه ..

إنت قل للوالد الله يحفظه إنك بتسمّي بإسمه فإن صكك بأقرب ماعنده فلاتسمّي

وإن بشّ وجهه سرورا ولو صمت فتوكل على الله ..

والله يصلح لنا ولك

فيصل حمود

17-01-2006, 18:46

الأخ الشبث

طبعا العاده هذي موجوده عند بعض فخوذ شمر بس الهدف والمغزي منها اعتقد انه:

لما الواحد يسمي ولده علي اسم ابوه، وفرضا زعل علي ولده بحضور ابوه وقام يتكلم ويهزئ بالولد بالأسم وابوه موجود او لما يصوت لولده بحضور ابوه ويرسله بالأسم رح يافلان جب كذا وكذا. أعتقد أن السبب الرئيسي أحترام للوالد ولأسمه من هذه الناحيه.

طبعا الحين اشوف العاده هذي انقرضت وقليل اللي يلتزم فيها مع الألتزام بأحترام الأب وعدم مناداة الولد بألفاظ غير لائقه بأسمه وبحضور الأب. لأن مناداة الولد بأسمه بحضور الأب والتكلم عليه أعتقد أنها غير لائقه أحتراما لأسم الأب. أما رأيي أنا فأعتقد أن التسميه بأسم الوالد شي جميل ويفرح للأب.

تحياتي

ابو غازي

17-01-2006, 19:26

!!!....الشبث (موضوع حلووو..مع تمنياتى الا يسمى ولدك ابنه على اسمك!!):p:

صااااااااااااااااادوه

صااااااااااااااااادوه

صااااااااااااااااادوه :smileyb:

اما ذبحه ......... هذا اســـــــــــــم حلو بالحيل عند الباديه قبل يعني للبنت الجمال n)

عبدالعزيز

18-01-2006, 02:23

ذكرتن بقولة الشايب امس لي .. يقول اول ولد لك يابوالعز ابيك تسميه على جدك عبدالله قلت لوه انت جوزن اول وعقبه يصير خير يابن الحلال واليامني اعرست ماتدري لو تصير المرة ضبعةٍ تاطا رقبتي:)

واما سالفة هالسلم لاوالله مامر علي بين جماعتي لكني اشوف انهم يعطون اسم الابو او الجد على الاقل افضلية للتسمية ولابه شين لو ماسمى الواحد على هالاسلاف وعن نفسي اشوف ان هالسالفة احمضت بنا ونقعت تسبودنا .. ياخوي عندك اسمي على اسم جدي من امي واللي متسمينن بوه 13واحد!
اليا اجتمعنا بعزيمة ولاشين ودعى اي واحد عبدالعزيز تلافتنا كلنا .. بذمتك ماهي محنظلة؟ :puzzled:

وقبل حول الثمان سنين كنت انا وخمس من العبدالعزيزين ندوج بتوالي الليول ووقفتنا دورية قال لي وش اسمك قلت عبدالعزيز والثاني مثلي والثالث مثلي ويوم وصل الخامس وقال له الاسم قال امشو للقسم لعناللهابو اللي انتم سرادٍ لوه ياهالسراد من غير مايطلب اثباتاتنا .. هاذا اللي خذيته ومثله من هالاسم ولا جدي ماعمر احد شافن وتذكر من اسمي جدي وترحم عليه:puzzled:

ريم شمر

18-01-2006, 03:11

^
^
^

عبدالعزيز

اسم عبدالعزيز زين بلاك من الاسماء الشينه

انا احمد ربي كل يوم اللي نجاني من اسم عمشاء :puzzled:

ابو ســـــيف

18-01-2006, 03:41

وفرضا زعل علي ولده بحضور ابوه وقام يتكلم ويهزئ بالولد بالأسم وابوه موجود او لما يصوت لولده بحضور ابوه ويرسله بالأسم رح يافلان جب كذا وكذا. أعتقد أن السبب الرئيسي أحترام للوالد ولأسمه

طرت علي سالفة خالن لي من هالسنين

جالس يقهوي ابووه وهو مسمي ولده على الشايب سليمان ...

المهم الليد مدري وش هو سوى "هو كب له طاسة لبن " الوتساد عمل شينن ازعل ابووه وهو ينطلق عليه ابووه بلسانه يلعنه ويشتمه "سليمان يلي بك ويلي مابك" .... وهو يختمه بـــ " ياملعوووون الرقبه "

وهي تقفل مع الجد :)

وتحمى لولده بمقداعة التمر بالغارب ... يامارهو من صيد امس :)

وتقلد تحيتي :)

راعي الوقيد

18-01-2006, 13:54

كانوا قديما يسمون اولادهم بأسماء :-

* على اسماء وحوش وضواري لما فيها من الخشونة والقوة والشراسة ،، مثل نمر & ذيب & سرحان

صقر & عقاب & جعفر & اسامة & ليث ...الخ

* على اسم شيخ & فارس & كريم & شاعر ...الخ

* على اسم احد من اقاربه كوالده & جدهـ & عمه & خاله ....الخ

* على اسم لاعب كرة & مطرب & مطربة & ممثل & ممثلة ...الخ

ومثل ماقال المهيني

كان في الماضي التسمية على الآباء لإحياء ذكرهم بعد موتهم

( وهذا كان المفهوم السائد )

أما الوضع حالياً فأعتقد أن الأغلب إن لم يكن الجميع لا يمانع من التسمية بإسمه في حياته

ولا يعني ذلك عدم وجود ممانعه من القلة

يسسسسسسامو شبيثااااااااااان

ومبروك ماقرينا:)

ياعله الف الف مبروك وسعيد

ولكم التحيـــــــــــــــة ...

الشبث

19-01-2006, 13:43

طيب ابي اسعلك ؟ لوجتك بنت انت تسميه بإسم امك وهل يضايقة إسم بنتك ولا تفرح

هذي ماهي صورة امك هذي ايقونه

ابو غازي

ياخي جاب على قد السعال انت وخشمك هاللي تقل صرة كركم

وبعدين اذا جتن بنت لكل حادث حديث

تخبر صايرن دبلماسي الولد هههههههههه

وتقلد تحيتي

الشبث

19-01-2006, 13:47

الشبث

19-01-2006, 13:51

اهلين بالشبث
يترقبه لين يموت ثم يسمي عليه شي غريب ليش ؟؟

عندنا عادي يسمي على اسم ابوه في حياته مافيها شي كل اخواني مسمين على اسم ابوي والله ،ولو ماسمو مااعتقد انه بينتقدهم ..
حتى كل عايلتنا الاغلبيه مسمين على اباءهم والبعض يطمر على اسم جده أول شي ثم إسم أبوه بعده والبعض يخلي اخر العنقود باسم ابوه عاد اخر العنقود سكر معقود يجي الغالي وبزود لكان على اسم الابو .

تحياتي
شموخ

هلا بالاخت شموخ

رد جميل ومفيد ومفهوم ليت بعض الناس يتعلم هههههه

تسلمين اختي على مرورك الطيب

وتقلدي تحيتي

شام

22-01-2006, 02:47

هذا التقليد او العادة متوارثة في المجتمع الشرقي ..
يعني عندنا .. هنا بدمشق .. إن لم يسمى المولود على اسم جده ..
يزعل الجد .. ويعمل منها مشكلة ..

عدا عن ذلك حتى الشاب قبل زواجه تراه له لقب .. أبو فلان .. ويكون الاسم اسم أبيه ..

أخي منذ كان مراهق كان يسمى أبو سالم .. و تزوج و أنجب و سمى أول مولود ذكر .. باسم الوالد ..
أما الأم .. فقد اعتبرت اسمها موضة قديمة .. لذلك صدر اعفاء من التسمية ..
فهكذا درجت العادات في كافة المجتمعات .. و الله اعلم ..
ومشكور أخي الشبث .. طرح خفيف ولذيذ .. و فكرتنا بواقعنا ..