ويش نقصٍ للبعض اصبح ملاذ ..

[مستور]

ويش نقصٍ للبعض اصبح ملاذ=الحلال اللي يجي طبعه اخوذ
له سميٍ يقـــصده ناسٍ شــواذ = والعطا زود بهم طبع الشذوذ

[المطنوخ]

مستور
مساك الله بالخير والرضا

وكل عام وانت بخير

والله ببالي رمعة وعساها تصيب

انا اقول انها الابره

الاولى ابرة الطبيب والثانية ابرة الله يكفينا شرها ويحمانا المخدرات

بشّر؟:)

[مستور]

اخوي المطنوخ
مساك الله بالنور والمسرات
وشكراً للمعايده اعاده الله علينا وعليك بالخير
الابرة مالك لوى يالغالي
تحياتي

[الصيرمي]

كل عام وانتم بخيرررررر:)

مستوررررر عيدك مباررررررك:)

وبمناسبه العيد ياررررريت توضح ايش تقصد بال

الحلال اللي يجي طبعه اخـوذ

تحياتي:)

[مستور]

اخوي الصيرمي
من العايدين يالغالي
ابشر يالغالي
الشطر الاول وصفته بالنقص وفي الشطر الثاني قلت عنه ان طبيعته يأخذ وانه حلال من الناحيه الشرعيه .واكثر من هذا ينكشف الحل
تحياتي

[المطنوخ]

الغالي

التبرع بالدم؟

انا مادري وشو مسلطن على الابر اليوم:)ههههههههههه

[مستور]

اخوي المطنوخ
التبرع بالدم مالك لوى يالغالي
تحياتي

[سالم الويباري]

ماهو الاقتطاع من الراتب مثل التامينات

[الاعصار]

انا مستور ولكن لي فترة وانا احاول الدخول للمنتدى ولم استطع مع الاسف ولذلك سويت تسجيل جديد
بالنسبه لرمعة التبرع بالدم مالك لوى وخلك حول الامور المتعلقه بالصحة ولاتنسى
له سميٍ يقصده نـاسٍ شـواذ..والعطا زود بهم طبع الشـذوذ
انتظر المرماع القادم
تحياتي

[سالم الويباري]

التبرع بالاعضاء

[الاعصار]

اخوي سالم الويباري
التبرع بالاعضاء مالك لوى
تحياتي

[سالم الويباري]

ويش نقصٍ للبعض اصبح ملاذ
الحلال اللي يجي طبعه اخـوذ

المقصود في هذا البيت على مااظن المستشفى الحكومي


له سميٍ يقصده نـاسٍ شـواذ
والعطا زود بهم طبع الشـذوذ

المقصود فيه المستشفى الخاص (الاهلى).

لاتقول لي مالك لوى....

ان شاء الله هي

وش قلت ياالاعصار"مستور"

[الاعصار]

اخوي سالم الويباري
لاوالله يالغالي
هذا طبعه يأخذ ويلجأ له ناس بمواصفات خاصه
وسميه يلجأ له ناس شواذ ومع ذلك يزيد عندهم الشذوذ...والعاقل مايلجأ له
تحياتي

[سالم الويباري]

تسلم يالاعصار برمع رمعة وبعدها بطفي نوري

ماهي سوق الاسهم المضاربة

او البنوك الاسلامية والربويه

[الاعصار]

اخوي سالم الويباري
سوق الاسهم والبنوك والتعاملات الربويه مالك لواء
مايطفالك نور يالغالي واتمنى استمرار المحاولات ولاتبعد عن الامور المتعلقه بالصحه وتقديراً لمحاولاتك استلم هالتوضيح
الرجل يحرمك من بعض الملاذ.....والسمي في ربنا ِمنّه نعوذ
تحياتي

[سالم الويباري]

لايكون قصدك في سميه مستشفى شهار حق النفسية اعوذبالله

والاول المستشفى العادي

[الاعصار]

اخوي سالم الويباري
مالك لوى يالغالي
انتظر المرماع القادم
تحياتي

[راعي الوقيد]

وانا اقول مستور ماهي عادته وين دوى:)

يالله حيوووووووهـ:smooch:

الإعصار << يادافع البلا:a:

الغالــي !!

مر على مضيف الدّعم الفنّي

هو يتعلّق بمشاكل الدخول :thumb:

اغديه يرجع لنا مستور مال اول الله يحفظه:)

وخذ هالرمعة على الطاير ،،،

وش رايك بالعِرْق ،، وسميه كفانا الله شرهـ العَرقْ

يقولون ان كل واحد عندهـ عِرق سنع اسبير موجود بالرجِل " سبحان الله "

خالص التحية والتقدير

والسلااااااااام ...

[الاعصار]

حياك الله اخوي راعي الوقيد
انتم بالقلب يالغالي سواء كنت مستور او الاعصار
العرق مالك لوى
تقبل تحياتي

[سالم الويباري]

التنفس الطبيعي والثاني التنفس الاصطناعي

[الاعصار]

اخوي سالم مالك لوى يالغالي
لاتنسى السمي نتعوذ منه

[سالم الويباري]

برمع رمعة خلاص بوسوس اذا ماحليته

ماهي ثلاجة الموتى

[راعي الوقيد]

^
^
مالومك والله يابو السلم:)

جهدك وانت ترنع من هالرمعات:hala1:

الموت << بعد عمر طويل:puzzled:

[الاعصار]

اخوي سالم الويباري
الوسواس مايجيك يالغالي ولكن تعوذ من الشيطان وروّق وتبي تلقاه بإذن الله
والموت ومايتعلق فيه مالك لوى
اخوي راعي الوقيد افزعوا مع الرجال لعل اللغز يذبح وافتك وانتم تفتكون من غثاء هاللغز
اخوي راعي الوقيد
رسالتك وصلت يالغالي ولكن رصيدي من المشاركات لايسمح بالرد
نعم كلامك بمحله ولم افطن الاهذا اليوم وذلك بسبب ان محاولاتي للتسجيل يالسابق كانت بإسم الاعصار قبل مستور ولكن لم يصلني مايفيد بقبول تسجيلي ثم حاولت بإسم مستور وتم تسجيلي ومنها وانا اشارك بإسم مستور ولم تكن لي اي مشاركه باسم الاعصار
في الفترة الاخيره وبعد عدم استطاعتي الدخول حاولت التسجيل من جديد ووضعت الاعصار وتم القبول وكنت اظن انه تسجيل جديد لغاية ماشفت التاريخ
اشكرك يااخي للملاحظه
وتقبل تحياتي

[عبدالله الجعيثن]

وش رايك


بالرجيم...الحميه
الرجيم...الشيطان

[الاعصار]

اخوي عبدالله بن جعيثن
صـــــــــح لٍٍٍٍســـــــــــانـــــــــــك
وبيض الله وجهك
ريحتنا من هاللغز بارك الله فيك
تحياتي