مشــــعل
08-01-2006, 13:47
الله حيهم
ياخوان لاشك ان الشعر جميل
والاجمل من ذلك عندما يكون على سرع بديهه
بحيث يكون وليد اللحظه وردا على موقف معين
ودائما ينتج عن ذلك محاوره رائعه
بحيث تكون اما طريفه او لها مغزى معين نستفيد منه
جمعت لكم بعض المحاورات الرائعه وقد يكون بعضها طريف
>>اوجعن حنكي اول مره احتسي فصحى:)
واتمنى انكم سمعتوها اول مره
******
هذا يقولون فيه واحد سير على اختوه
وهو يقوم نسيبوه يبي يذبح لوه ذبيحه
وهو يجي يم اكالتيس يبي يذبحوه يامار ولدوه عندوه اليامار الصغير زعلان
مايبي التيس ذبيحة لخالوه وقبل يقولون"مايذبح التيس الا ولد الهيس"
المهم قال الصغير لابوه:
يابوي ذبح التيس للضيف منقود=مادام خرفان المعزب كثيره
وهو يقوم ابوه وهو يجيب اكا الخروف الكبير وهو يذبحوه
ليامار الخروف كبير بعمروه
المهم تغدا الخال ومشى
وهو يجي الابو يبي يتنومس قدام ولدوه قال:
ياورع خالك زارنا والله اعطاه=عطية حر من حرارٍ اصيله
والولد الى اللحين زعلان قال:
كانك عطيته هرش موذيك بثغاه=خالي عطاك ام العيون الكحيله
*********
وهذا يقولون فيه وحده مزيونه وشاعره
وهي يجي اكا الواحد يخطبه
قالت نبي نتحاور بالشعر اذا غلبتن تزوجتك واذا غلبتك ماتزوجك
قال يالله
قالت تجيب بيت واحاول انقضه لك
بحيث انك تشبه قلبك بشي صعب حله
المهم اتفقو وبدا الرجل
قال:
قلبي كما سمحٍ نثرله بوادي=يامن يعزل السمح والرمل غاطيه
"السمح هو الحنطه او الدقيق وهنا شبه قلبه بالدقيق اللي اختلط بالرمل صعب استخراجه"
قالت:
يجيه من وبل الثريا مقادي=ينبت وداير الحول نجنيه
هنا غلبته يوم جاء دوره قالت:
قلبي كما سمن غطاه الرمادي=يامن يعزل السمن والمل غاطيه
وهو يجلس يتلفت يمين شمال عجز ينقض بيته
قالت :ابو الشباب الله لايهينك اقضب الباب:)
******
وهذا فيه واحد خبل مايستحي وشاعر
المهم ان هالخبل ياقلط على الذبيحه ماياكل الا لسان الخروف
يوم جاء اكا اليوم وهو يقلطون على اكا الصحن يامار من ضمن المعازيم شايب اعمى
وهو يجلس الشايب يتلمس يبي اللحم
وهو يقوم اكا الرجل وهو يقطع لوه لسان الخروف وهو ياكلوه العمى
وهو يجي الخبل يبي اللسان ولا لقاوه قال:
ياجماعه من كلا لسان الخروف=اسال الضيفان من هاللي كلاه
قال الرجل اللي قطع اللسان:
خذاه اللي يشوف للي مايشوف=جعلها بالعافيه للي كلاه
****
سلامتكم
ختامنا
ماماء الا في قعورٍ من الصفا=ولا مال الا مع رجالٍ شحايح
ياخوان لاشك ان الشعر جميل
والاجمل من ذلك عندما يكون على سرع بديهه
بحيث يكون وليد اللحظه وردا على موقف معين
ودائما ينتج عن ذلك محاوره رائعه
بحيث تكون اما طريفه او لها مغزى معين نستفيد منه
جمعت لكم بعض المحاورات الرائعه وقد يكون بعضها طريف
>>اوجعن حنكي اول مره احتسي فصحى:)
واتمنى انكم سمعتوها اول مره
******
هذا يقولون فيه واحد سير على اختوه
وهو يقوم نسيبوه يبي يذبح لوه ذبيحه
وهو يجي يم اكالتيس يبي يذبحوه يامار ولدوه عندوه اليامار الصغير زعلان
مايبي التيس ذبيحة لخالوه وقبل يقولون"مايذبح التيس الا ولد الهيس"
المهم قال الصغير لابوه:
يابوي ذبح التيس للضيف منقود=مادام خرفان المعزب كثيره
وهو يقوم ابوه وهو يجيب اكا الخروف الكبير وهو يذبحوه
ليامار الخروف كبير بعمروه
المهم تغدا الخال ومشى
وهو يجي الابو يبي يتنومس قدام ولدوه قال:
ياورع خالك زارنا والله اعطاه=عطية حر من حرارٍ اصيله
والولد الى اللحين زعلان قال:
كانك عطيته هرش موذيك بثغاه=خالي عطاك ام العيون الكحيله
*********
وهذا يقولون فيه وحده مزيونه وشاعره
وهي يجي اكا الواحد يخطبه
قالت نبي نتحاور بالشعر اذا غلبتن تزوجتك واذا غلبتك ماتزوجك
قال يالله
قالت تجيب بيت واحاول انقضه لك
بحيث انك تشبه قلبك بشي صعب حله
المهم اتفقو وبدا الرجل
قال:
قلبي كما سمحٍ نثرله بوادي=يامن يعزل السمح والرمل غاطيه
"السمح هو الحنطه او الدقيق وهنا شبه قلبه بالدقيق اللي اختلط بالرمل صعب استخراجه"
قالت:
يجيه من وبل الثريا مقادي=ينبت وداير الحول نجنيه
هنا غلبته يوم جاء دوره قالت:
قلبي كما سمن غطاه الرمادي=يامن يعزل السمن والمل غاطيه
وهو يجلس يتلفت يمين شمال عجز ينقض بيته
قالت :ابو الشباب الله لايهينك اقضب الباب:)
******
وهذا فيه واحد خبل مايستحي وشاعر
المهم ان هالخبل ياقلط على الذبيحه ماياكل الا لسان الخروف
يوم جاء اكا اليوم وهو يقلطون على اكا الصحن يامار من ضمن المعازيم شايب اعمى
وهو يجلس الشايب يتلمس يبي اللحم
وهو يقوم اكا الرجل وهو يقطع لوه لسان الخروف وهو ياكلوه العمى
وهو يجي الخبل يبي اللسان ولا لقاوه قال:
ياجماعه من كلا لسان الخروف=اسال الضيفان من هاللي كلاه
قال الرجل اللي قطع اللسان:
خذاه اللي يشوف للي مايشوف=جعلها بالعافيه للي كلاه
****
سلامتكم
ختامنا
ماماء الا في قعورٍ من الصفا=ولا مال الا مع رجالٍ شحايح