واليا انتخينا سناعيسي

[مشــــعل]

الله حيهم

هذولا الرسالين من عنزه يقال انهم بالاصل يرجعون لعبده من شمر
فتعددت مغازي عبده على عنزه وكل مره ياخذون حلال عنزه
كانو الرسالين من ضمن الماخوذين
فقال احد الرسالين هالهجينيه لعل وعسى ماينوخذون مرة ثانيه

يقول


اقهر واعلمك بالزبده=وعن الغلط والهواجيسي
حنا الرسالين من عبده=واليا انتخينا سناعيسي
كم مهجنٍ قلطو كبده=وافطاح حيلٍ مفاليسي


*********

وهذا بن رحيل المطيري عاش له فتره بحايل
فكان على دور الرشيد
ودخل مع شمر
واغلب ممشاوه مع عبده
شاف لوه بنت اسمه الجازي واعجب به
يقول:


القماش اللي هل السوق يشرونه=توني شفته بسوق الغريميلي
يوم شفت الجازيه تمشط قرونه=اشهد انه صابني شر ابالخيلي
"خيل عبده" من حجاجه لعرنونه=عزلو مركوبها والزماميلي
كون بقعاء مايلادي ربع كونه=اه انا وحسرتي وغرابيلي


**انا اعجبن تشبيهوه بالبيت الثالث
قديما عند اهل الباديه اغلب البنات شعورهن "معزل"
واللي تحطه وين راسه تعتبر كشخه
فيشبه معزل الراس من عند هالجبهه على فرخ الهامه اليا العلبا
بخيل عبده عندما تعزل المركوب عن الزماميل طبعا هذا يكون بيوم المعركه

**وكل موضوع من هذا وبعد نبي نختموه ببيت حكمه****
ختامنا

ترى كثير الهرج مايودعك شيخ=افعل وتلقى عند ربعك شهاده

[راعي الوقيد]

هالحين الرسالين اللي من عنزة يرجعون لعبدة وشمر !؟

الخماعلة من عنزة تربطهم بشمر علاقات آصل من عنزة وبالذات مع الرمالات:puzzled:

خوش قصيدتين يابو ياسر ,, ولا يهون الشرح:thumb:

وكل موضوع من هذا
<< وش بوهـ:puzzled:

ترى كثير الهرج مايودعك شيخ ** افعل وتلقى عند ربعك شهـاده

تسسسسسلم يابعـــدحي على حسن تواجدك والحضور

لك التحيــــــــــــة ...

[شريف روما]

تسلم يابوياسر على هالسوالف الطيبة
زين شلون الرسالين يقال انهم من عبده
يعني هم من عبده ولا لأ
مايصير يقال لازم هم يعرفون ولا حنا نعرف هم منين :)


يعطيك العافية

[مشــــعل]

هلابك يابو فيصل

بالفعل الخماعله اكثر ممشاهم مع شمر
تسلم
والخوش والله مرورك

لاهنت

[مشــــعل]

الزقروطي

لابالفعل الرسالين من عبده

وهذا شي مؤكد

حيك الله يالزقروطي

[خالد الشمري]

تسلم يابوياسر على هالسوالف الطيبة وبارك الله فيك

[مشــــعل]

هلابك ياخالد

والطيب مرورك

لاهنت يابعدي