انا ابو البنات دحيدحا

[سلطان زمان]

اول شيء .. شلون ادخل هذا المضيف دون ظهور اسمي حدر.. وش السواة عشان اكون ملبد.. لي يومين وانا ادخل تقل مصلوخ ماحولي احد يونسن.. احسبه نظام على الجميع.. وتفاجأت اشوف الملبدين واجد...
عاد انا الحين ابي واحد يعلمن الطريقة...

وما دام اني كتبت .. خلونن بالمرة اسلم عليكم جميعا... الله يمسيكم بالخير شباب وبنات .. . غلطت كتبت بنات قبل شباب وبعدين مسحته خفت من العيب الله يدافع ... اما عن نفسي فانا احب البنات اكثر .. انا ابو البنات دحيدحا ...

ودي اعيش قصة حب رومانسية .. وادفع كل مالي... بس الحب الرومانسي يقولون انه بلاش .. يازين ابو بلاش .. الله يكثر ابو بلاش ...

ادري مهو حاصل ابو بلاش .. لكن ناخذ حمر البنات بخشم الريال ... (طبعا هذا الكلام انا ضده).. ..

فاصل اعلاني .....

وش اقول .. وش اقول.. ايه على طاري .. الاشرطة .. انا طحت هاليومين باشرطة المطاوعة ( الكاسيتات) وش زينها ... خاصة تسجيلات بارقة مثل حورنيات ياهي توسع الصدر ... وشريط ابو ملوح ياهو منسم ... وعدكم على شريط براك الفريسي اللي يمدح به المواتر ياهو مسكت... تدرون تركت ابو نوره بالدرج يحول مسجون... بس طوله ابو نوره .. نسمع له من عشرين سنه.. غث صدورنا مثل الملبورو الابيض..

.... وش تقولون... ايه .. ادري ادري ... معليش ..

[المطنوخ]

ابو زماااااان

من زمان عن سوالفك الخاثره

والله يادخلتك للمو ضوع مسكته بس ليتك ماغطه شوين تخبر التمخمخ مايصير الا بالمواضيع الممغوطه ماهو مثل طول موضوع هاللي تقل واحد يبي ينتحر من فوق كرسي:)
لاهو اللي مات ولا هو اللي سلم من الرضات<--هم لو هم سالمين من هالمثل تسان هم بخير:)


يابعدي ادري ان هالدميجه به علووووم وخاصتن ليا صارت عن هالحمر عاد تخبر ربع الفله مالهم تسبد على هيك موازيييييع:)


لا تبطي علينا

تحيااااااتي المحفوفه بالمخاطر والالام

[سلطان زمان]

صاحب السمو المعظم الامير المطنوخ .... اضحك الله سنه

اما بخصوص نشدتك عن مغط المواضيع .. فهذه موضه قديمة انتهت مع اغاني ام كلثوم وعبدالحليم ... اما حنا ياجيل اليوم فمواضيعنا تتماشى مع نقازيات رابح صقر ونانسي عجرم بالفيديو كليب..

يعني ممكن انزل موضوع سطر ونصف ... بس يبي له مخمخه .. والمخمخه يبي له ..

وبعدين تراك مارديت ياصاحب السمو على سعالي الانف الذكر اعلاه .. انتظر ردك او حولني على السكرتارية..

[المطنوخ]

^
^
^
ياكثر ما اغليتك عقب هالالقاب:)

<<<يصوّت للحراس ويأمرهم لإعطائك صرتن من الذهب:)



يابعدي اللي انت تبي خاصية الاندساس
حيثك تبي تندس:)

هذي تروح لأعداداتك وفعل خاصية التخفي

ونصيحه خل هالخاصيه اذا كثروا عليك الديانه:)

[عجايب بنت الشايب]

حياك الله


من زمااان عنك




على العموم مدري وش تبي انت مافهت






بس زيد عندك ورح اقب تسجيلات


واشتر



شريط

مرير الحبيل العتيبي ( وصف )

وشريطه صدى نجد


والمقناص لحامد الضبعان





وان مااعجبتك


قابلني






طحياتي ,,,,,

[سلطان زمان]

الشيخة كلي بكم اعجاب ... يابعدهم كلهم .. ياطربة العربان

بعذرك مافهمتي وش ابي ... لاني كتبت ومدري انا وش ابي .. .. وامر هالايام يالعزوة بمرحلة رومانسية .. هذي حالة تجيني بس ماتبطي .. .. مشحون بالشجن .. اطوف بالاسواق .. واون لي ونات تقولين صوت ناي ..

يقولون اني اتحقرص واتمقرص ابي العرس ... وانا ابي الرومانسية .. ويقولون هالخبول اني شيبت على الرومانسية ..

شابت رموش عيونهم بلا ..

[ابو مرشد]

ايو نوره و بس :)


مشكور على موضوعك و يعطيك العافيه

و الرومنسيه انشالله لا تزوجت رومنسيت هاليومين ما تنفع :)


بنتظار جديدك :)

ابو مرشد

[سلطان زمان]

العزيز ابو مرشد ....

تدري ان احسن شيء بالسعودية هو على التوالي .. ابو نوره ،، الرياض ،، المالبورو الابيض

[ام الوغدان]

ابوالبنات دحيدحا...من وين جبت هلالانشودة المغرقة فى الماضى الابعد من البعيد؟!!!والله انها-اى الانشوده الانفة الذكر- كانت هاربة من الذاكره لفتره ليست بالقصيره... لين جبتها انت وذكرتنى فيها!!!لكن اعدك بان احكم وثاقها بالذاكره!!ششككرراا:chinese:

[سلطان زمان]

ام الوغدان الرقيقة ... يا هلا ويامسهلا

انا داري ياام الوغدان انك بحاجة الى قصص تراثية تونسين بها وغدانك قبل النوم ... وانا عندي مئات بل الاف القصص المضحكة او المخرعة وغيرها ...
وبس .. اذا بغيت قصة قولي لي .. اكتبها لك واتكتكها واحكحكها لين تغدي هول من الهول..

تدللي يام الوغدان .. الناس لبعضها .. احم .. احم

[ابو مرشد]

العزيز ابو مرشد ....

تدري ان احسن شيء بالسعودية هو على التوالي .. ابو نوره ،، الرياض ،، المالبورو الابيض



سلطان زمان


من زمان عن الرياض و اهل الرياض لي زياره قريبه انشالله بالرياض


اشتقت للجمعه و الشباب بالستراحه


اهم شي المالبورو الابيض:)


بنتظار جديدك اخوي :)



ابو مرشد

[عجايب بنت الشايب]

وانت صيدك العرس بس

اعرس



وش وراك ولا وش قدامك

[ام الوغدان]

كل الشكر لك اخى سلطان !!والقصص مالنا غناة عنها!! وان كانوا وغدانى ينظرون لبعضهم بعد كل قصة اسردها لهم...ولسان حالهم يقول::لا لا عاد هذى قوييية يا ماما!!(وغدان آخر زمن!:puzzled: