معركه عروى

[خالد الشمري]

السلام عليكم ورحمة الله وبركاته

من معارك قبيلة شمر المشهوره هي معركه عروى وكانت في سنة 1301 تقريبا للهجره حصلت هذه الوقعه المشهوره ب(عروى ) بين (جيش الامير محمد العبدالله الرشيد امير جبل شمر ومعه حسن ابن مهناامير بريده) وبين ( (غزالان) محمد بن سعود بن فيصل ال سعود ومعه قبيله عتيبه بزعيمها محمد بن هندي وبعض فرسانها كهذال بن فهيد وابن ربيعان وابن شبنان وابن محيا وصنيتان الضيط)
ولحقت الهزيمه بمحمد ال سعود مع من معه من قبيلة عتيبه وفيها تصوب محمد بن هندي ووقع الامام محمد بن سعود من فرسه ثلاث مرات وسبب هذه الحرب هو تمرّد محمد بن سعود على امير نجد الامير محمد العبدالله الرشيد ولجوئه الى عتيبه التي امتنعت عن اداء الزكاة رغم انها كانت تؤديها الى الامير محمد الرشيد قبل ذالك بسنوات طويله
وبعد الانتصار العظيم لقبيله شمر يقول الشاعر بشير بن نصار الحمراني التميمي :ـ

الـحـمــد لــلــي يـعــلــم الـخـافـيـاتـي=الــواحــد الـمـعـبـود وال الـمـقـاديـر
وأشـوف عيـرات النضـا شايشـاتـي=والصانـع أجهـد بالحـذا والمسامـيـر
والشـيـخ نــادى بالـرمـك والـولاتـي=وقسم على فتخـان الأيـدي مخاسيـر
ومـن كــل يــم جــن لـهـم وارداتــي=فـحـول يونـسـن الـبـكـار الميـاسـيـر
واستنجـبـن مـثـل الـمـهـا وارداتـــي=قحصن يشلعـن الحصـى بالمساميـر
وخـمـن بـنـا ظـلـم وهــن مقفـيـاتـي=وسـبـورنــا جـتـنــا بـعـلــم وتـدبـيــر
طـــار الـعـقـاب تشقـلـبـن بالتـفـاتـي=وطالع وراء هكران طرش ومغاتير
وصحنا على إبن حميد هرج ثباتـي=ترجـيـعـة وحـلــو خـــز المـعـاشـيـر
وهذا جزى اللي ما صخى بالزكاتي=تــل المـهـار معسـكـرات المسامـيـر
وجــنــا وربـعـنــا بــزيــن الـفـلاتــي=ليـا مـا قدنـا حشـو البـرود الأباهيـر
وتشاملـن لديـار أهلهـن متكاتفـاتـي=وجيـنـا فراقـيـن تـحـدر مــن الـنـيـر
صفقٍ برفـقٍ جيـب طـرش الحفاتـي=ورجنـا علـى عيلاتـهـم والمظاهـيـر





وقال الامير الفارس الصنديد حمود بن عبيد الرشيد بعد معركة عروى عندما انتصروا على عتيبة هذه القصيده والتي كان يسندها الى راكان بن حثلين زعيم العجمان :
يا ناصرن موسى علــى قــــوم هامـــــــان= تـجعل مــن التقـــوى لنفسي ذخيـــــرة
يا مـــل قلبـــــــن بين زودن ونقصـــــــان= وسوالفن كافـــن طويلــــــة قصيـــــرة
الحرب نبني له تقل وصـــــف ضلعــــــــان= ولا نستطير إن جاء مع الناس طيــــرة
بعنا بربحن يوم بعتـــــــــــــوا بخســـــران= والبــوق والافــلاس صرتـــــوا محيرة
بقتوا أجال الله بكـــــــــم يا بن سلطــــــان= أخزاكــــــــــم الله يا خبيث السريــــرة
الله حسيب اللي يبوقــــــــون الايمـــــــان =سبحان منهـــــو ما يغادر صغيـــــــرة
ثلاث مراتن يبوقــــــون الاخـــــــــــــوان =وهاذي بوجهك شامتن مستديــــــــرة
صرتوا لعطبين التفافيــــــــــق نيشــــــان= وخليتـــــوا العطبـــــة يتخم بعيــــــرة
يوم اشتهيتوا حربنـــــا مــــع غــــــزالان= ماحربنا للي بغى الحــــرب خيــــــــرة
اغداه رقصات الشيـابـيـن بـــــــــــــوران= وتجديعهـــم علقانهـــم بالسعيـــــــرة
وإن كان ابن هنـــــــــدي نوانــا بــــرزان= فحنا على عروى قصـــــرنا مسيـــرة
من الجبل جينا على كـــــــــل مقـــــــران= شهريــــن والثالــــــــث ربحنا وزيرة
هذا جزا من باعنا بـــــــــردا الأثمـــــــان= للطيـــــر خليناه بهاك الجريرة
حنا هل الطولات كسابت الاوطــــــــــــان= لولا طعنــــــــا ماسكنـــــــا بديـــــرة
عاداتنا من مقدمن فــــــــــرق الاقـــــران= يا ما فرقنا عن عشيــــرن عشيــــرة
نتلي شبوب الحرب مسطور الاكــــــوان= لحمر من عود البلنــــــزا طريــــــرة
دنولها الموتا دروبـــــــــن وميـــــــدان =ومحمد عدوا وراهـــــم بسيــــــــرة
من عادته مع الاجاويد الاحســــــــــــان =لا جاه بداين لفابـــة بخيـــــــــــــــرة
عساه عـــــزن يشربه كــــل عطشــــان= محاسنة ما تنعــــدد كثيـــــــــــــــرة
قلتــــــة وانا مانا بهرجــــات ديـــــوان= قولن بلا فعلـــــــــن علينا معيــــــرة
احصان الضيط الي يسمى صنيتــــــــان= زولن بـلا فعلـــن علــــوم كبيـــــــرة
إن شيش بالعرضة إلى تقل سكــــــــران= يفزع بسيفة وسلتن من جفيــــــــرة
وإن حل ضرب مخلصن مثل ماكـــــــــان= ما ينجهر غاد الجــدا عـــن منيـــــرة
يوم اشتهيتو حربنا مـع غـزالان= ما حربنـا للـي نوى الحرب خيره
فن كان هو عن غارة العام زعــــــــــلان =عن ضيقت الخاطـر ترانا نجيــــــــرة
برقطا لها مع فجت الفجــــــر عنــــــوان= تفهـــق ملازيمـــة عقـــــاب المغيرة
جينا على وضح النقــى عقـــــــب الاذان= وذبحــت قــواد الجمـــل بالمريــــــرة
جينا على ذروات عجـــــلات الأقــــــران= مستجنبينن كــــــــــل قبا ظهيـــــرة
من مات له منهم حريمــــن وغــــــدان= ما فيلعـن لأبن هنــدي حشيــــــــرة
جاب العتيبيات من جو سقمــــــــــــــان= لكرامتن بالعون ماطار طيـــــــــــرة
سقف عليهم بشنق العرض دخـــــــان= وخلوا محارمهم بعروى حظيــــــرة
اللي سلم منهم شتاتن ونجــــــــــــران= واللي ذبح للنار وبيس المصيـــــــرة
يالليل انا بوصيك وان جيـــــــــــت راكان =سلم علـى زيزوم يام ٍ واميــــــــــرة
قل افعالنا شافه حزامـــــــن وفـــــاران= وان كان ابو فلاح منا بشيـــــــــــرة
اليوم صاروا بالعرب تقل جيــــــــــران= ومنين مـا وجهة قـفـوا نشيــــــــرة
واذكر لهم بالكون طيحـــــــــت غزالان= ثلاث مراتن بوجه المغيـــــــــــــــرة
يومن حضرنا فيه لليلٍ وفـــــــــــوران= يوم ٍ علـى عروى تقطــع غثيــــــرة






وقال الشاعر محمد بن هويدي من اهل المجمعه بعد معركه عروى :

منهم غزالان كسي له تفاشيل = يلعن مشير الحرب والي سعابه
خلا بعروى حلته والمعاميل = وبوضاخ راح دحيم لا واسفابه
يبغي يوري مشيته بالسراويل = درباه عمّه في مهامة سرابه




و قال ايضا الشاعر محمد بن هويدي راعي المجمعه بعد معركه عروى :
هاذي عقايب فعلكم يا ابن سلطان = يبا الثواري قطعكم بالجريدي
ضعتوا وسعتوا فالبلادين سيدان = لعلكم ماتدركـون الشديـدي
راحت وقاريكم لبيشه ومران = لعل ميتكـم شرابـه صديـدي
أختف عقله يوم طالع بالاعيان = ما اسمت حصانه يوم شاف الرشيدي
ثلاث مرات يشيلون كوبان = والي ظهر من كـون عـروى وليـدي
عقب الطمع عود على العمر بلشان = يبي يتـوب وغيرهـا مايعيـدي
هو يحسب ان الحكم رقص وبيشان = غره ولد ضمن بكثـر النشيـدي
او التفدوي مع عقاب بن شبنان = مثل (...) مير ماهو يصيدي
ماطاع شور حزام مع شور راكان = عطوه رأي النصح لو يستفيدي
ان كان ابن هندي من العام طنيان = يرضيه سردال السرايا العقيدي
فان كان ابن هندي بغا الحرب فسقان= فالمارتين ادعت عظامه هميدي
خلي بقصر من ورى العرض ذهلان = متندم من مقعد لـه وحيـدي
ابن محيا تايه الراي بوقان = ان سلم اخو نوره يعض البديدي




وقال الشاعر علي بن عزام الحربي بعد معركه عروى :
ابشر بهم ماهي حكايا صنيتان = مسراه من دار ويصبح بديره
تهتوا وتيه نشركم يا ابن شيبان = رقصت في قبّة بليس الكبيره
تبغى اللزز على سلايل كحيلان = أقلط عليها يا قليل البصيـره
اتلى سعدكم يوم جاكم غزالان = جيتوا لزينين المحازم نحيـره


وللامانه بعض القصائد جمعته من بعض المواقع

[المتوقد]

خالد الشمري لاهنت



هذا البيت يكفي




وإن كان ابن هندي نوانـا بـرزان
فحنا على عروى قصرنـا مسيـرة


ومن غير قصور بذباحة الحايل لطامة العايل...

[المسعودي]

من الجبل جينا علـى كـل مقـران
شهرين والثالـث ربحنـا وزيـرة

مشكوووور اخوووي خالد الشمري

ولاهنت على جمع القصائد

ويعطيك الف عااافيه

[فارس السيافا]

حنا هل الطولات كسابـت الاوطـان
لـولا طعـنـا ماسكـنـا بـديـرة



يابعد حيي ياخالد


لاهنت يالغالي

[راعي الوقيد]

الحمـد للـي يعلـم الخافيـاتـي =الواحـد المعبـود وال المقاديـر
وأشوف عيرات النضا شايشاتـي =والصانع أجهد بالحذا والمساميـر
والشيخ نادى بالرمـك والولاتـي =وقسم على فتخان الأيدي مخاسير
ومن كل يم جـن لهـم وارداتـي =فحول يونسن البكـار المياسيـر

خووووووووش قصيـــــــــــــدة يالبناااااااااخـــــــــي:thumb:

يا ناصرن موسى على قوم هامـان ** تجعل من التقوى لنفسـي ذخيـرة

ذكرتن بقصيــدة لعبيد الرشيــد يقول :-

يالله ياللي للجزيلات وهاب *** تعطي ولا جزل العطا منك ممنون

ياغافر الزلات يارب الارباب *** ياناصر موسى على قوم فرعون

تسلــــــــــــــم ياخالـــــــــــــد على جلبك

قصــة من قصص بطولات ومعارك شمـر الخالـــدة ،،،

وما قيــل فيها من قصائـــــــــــــد رائعــــــــــــــة ،،،

لك التحيــــــــــــــــــة ...

[مشــــعل]

تسلم يابو فراج عوايدك

بس ذكرت ابن شبنان وهو من شيوخ عتيبه
اذا كان المقصود به هو عقاب بن شبنان
فهذا ماحضر المعركه لانوه قتل قبله امام شمر بمعركة الحماده

حتى ان بعض الرواه يسندون الى مقتل عقاب
بانها احد اسباب معارك عروى

لاهنت ياخالد

[شام]

احسنت الجمع .. وأحسنت الجلب
أخي خالد ..
الله يعطيك العافية .. إيراد جميل وعبق من التاريخ الجميل انتشر هنا ..
دمت بخير أخي ..
وننتظر منك المزيد من هذه الروائع ..

[شريف روما]

تسلم يابوفراج

قصايد تثبت انتصار شمر عكس مايدعي بعض ابناء عتيبة زورا وبهتانا :)

يعطيك العافية
تحيااااااتي

[الهيف]

الله لايهينك وبدون قصور بعتيبه اللذين نكن لهم كل الاحترام والهيبه واللذي قال احد شعارهم وهو الشغار :


ترانا نفتخر فيكم ياشمر ياهل التوجيـــــــــب x وهل السيف الصقيل اللي جمات الراس يشتاله

وهل البيت المروبع والصحن والنجر ابو قنيب x اليادنــه تــوال اللـــــــيل يجــلب مــن تـوحــالــــه

[خالد الشمري]

الاخ المتوقد حيّاك الله ومشكور على تواجدك اللي اسعدنا
ومن ناحية عتيبه ماينقال على شرابة الدم شي ونعم بهم

[خالد الشمري]

الاخ المسعودي حيّاك الله ومشكور على تواجدك اللي اسعدنا

[خالد الشمري]

الاخ فارس السيافا حيّاك الله ومشكور على تواجدك اللي اسعدنا

[خالد الشمري]

الخال ومن قال يسلم وحيّاك الله ومشكور على تواجدك اللي اسعدنا

[خالد الشمري]

الاخ مشعل بالنسبه لعقاب بن شبنان حضر معركه عروى لانه قبل معركه ام العصافير (الحماده) وكلهن وقعن في سنه 1301 للهجره وهذا ماعرفته والعلم عند الله

ابو ياسر حيّاك الله ومشكور على تواجدك اللي اسعدنا

[خالد الشمري]

الاخت ايمان حيّات الله ومشكوره على تواجدت اللي اسعدنا

[عبدالله الجعيثن]

خالد الشمري

تسلم يمينك

مجهود تشكر عليه

وذكر التاريخ ليس انتقاصا للاخر.

عتيبه شيوخ وقبيله عريقه نكن لهم الاحترام


على ذباحة الحايل يصب العز تيجانه=وعلى لطامة العايل يسوق المدح ترحيبه

[خالد الشمري]

الاخ الزقروطي خله على الله يابن الحلال
حيّاك الله ومشكور على تواجدك اللي اسعدنا

[مشعل بن حويد]

يمسيك بالخير يابو فراج:)


ولجوئه الى عتيبه التي امتنعت عن اداء الزكاة رغم انها كانت تؤديها الى الامير محمد الرشيد قبل ذالك بسنوات طويله

فقط تصحيح

كانت الزكاه تدفع لإبن سعود وهي زكاة المسلم الواجبه

اما بالنسبه لمعركة عروى فالقصص حولها كثيره ولكن الثوابت قليله

منها رد ابن حثلين على القصيده الوارده أعلاه لـ حمود ابن رشيد


تذكر محمد جامعٍ نجع عتبان=ذخيرةٍ ياويّ والله ذخيره
كرمان وان ركبوا الخيل فرسان=اليا اختلط عج الرمك بالمغيره

واليك رد ضيف الله ابن حميد ( العفار ) :-


يا حمود كنّك قاعدٍ وسط بزران=لا بان لك فعلٍ ولا لك عشيره
اليا بغيت الشيخ يوقفك سبهان=تاقف لما ان العلم يرجع لأميره
لولا حسن نوّخ بذربين الأيمان=راحت عليكم يا بوماجد كسيره
أولاد علي مطوعة كل فسقان=عاداتهم بالكون كف المغيره
حنا خذينا الخيل قلعٍ بالأرسان=اصايلٍ في نجد حتى الجزيره
والسابق اللي قلت عند ابن سلطان=مع تسعة آلافٍ علينا مغيره
يا حمود لا نسرق ولا حن ببوقان=البوق في حكمك عسى الله يديره
ابن سعود اللي يسمى غزالان=حلّى بتال الخيل مثل السعيره
الذم ما يهفي للأجواد ميزان=والمدح ما يرفع يدينٍ قصيره


أخيراً ماذا قال الشاعر المشهور ( برغش بن طواله الشمري ) بعد المعركه ..؟؟


نوٍ نشا من روس عالي جباله=هلّه على ابن حميد هو والشيابين
عقب اوجهوا جا فزعةٍ من شماله=اولاد روقِ مرجحين الموازين
راجوا علينا روجةٍ باحتماله=والهوش بان وتالي الهوش جا شين
شبّت حرايقها وصارت شعاله=وقودها حم الرمك والغلامين
من ضرب اهل عمهوج راحت دباله=مير اقمحن يا لابسات السباهين
لكن قشعه في جماجم رجاله=قنيب ذيبٍ في علو الضلاعين
وابن محيّا ضايقونا عياله=عجلين بالردات نسل الشياطين


ودمتم

[مشــــعل]

^
^
^
حياالله شاعرنا الكريم
ابرك الساعات تواجدك هنا

لكن لي ملاحظات على ردك
بالنسبه للزكاه كانت تدفع لابن رشيد من كافة قبائل نجد ولم يرفض دفعها الا عتيبه
واللي نتج عنه اربعين معركه بين القبيلتين

بالنسبه لمعركة عروى لاشك انه احلاف لامن طرف عتيبه او من طرف ابن رشيد
لكن المثبت ان النهاية انتهت لابن رشيد

بالنسبه للقصيده المنسوبه لبرغش
اخوي هذي كانت بمعركة الانصر ولم تكن بمعركة عروى
بالنسبه للقصيده انا لااشكك بصحتها ونعم بعتيبه وعزالله انه تفعل
ولكن اشكك بقائلها
السبب ياخوي المعروف عندنا ياشمر ان الطواله لم يذكر فيهم شاعر لامن عهد نعيس وعدوان
الى عهد برغش وابنيه ضاري ونمر
فلذلك اعتقد ماتناقلته المصادر خطاء وربما القائل فارس اخر من شمر ليس برغش
والمعروف ان برغش كان العضد الايمن لابن رشيد فربما نسبت له لهذا السبب


هذا والله اعلم
دمت بود

[مشعل بن حويد]

^
^
^
الله يبقيك يالسمي :)

وماعليك زود يالسنافي

بالنسبه لزكاه التي كانت تخرجها عتيبه فهي مثل ماقلت اعلا انها الزكاه الواجبه على المسلم والتي الى الى اليوم نخرجها ..!

اما ماكانت تدفعه القبائل الأخرى لـ ابن رشبد فهي زكاه في أصلها ..جزيه في مضمونها

لأنه لم يكن لديهم الحريه بالتصرف بها إنما تخرج لأبن رشيد رغما عنهم ..!

أما بالنسبه للقصيدة التي تقول انها ليست لبرغش ..

فربما يكون فيها كلام ان برغش قائلها ام لا ..

ولكنها بالتأكيد كانت بعد معركة عروى وليس الأنصر..

وماذكر في عجز البيت الأول دليل كافي على ذلك

فبداية المعركه لم يكن موجود من عتيبه الا المقطه ( ربع ابن حميد ) والشيابين

والشاعر يقول

((هله على ابن حميد هو والشايبين))

كل الود يالغالي ..

[خالد الشمري]

الاخ الهيف حيّاك الله واسعدنا تواجدك وكلامك ماعليه اي تعقيب ونعم بعتيبه

[خالد الشمري]

الاخ الفاضل عبدالله الجعيثن ومن قال يسلم وحيّك الله يابن العم واسعدنا تواجدك

[خالد الشمري]

الاخ مشعل بن حويد حياك الله بين اخوانك
ماادري وش اقول :) ؟؟ القصايد اللي جبته انت تثبت انتصار شمر واذا احببت نجيب المراجع مستعدين ...وهذا تاريخ لاانا ولا انت نقدر نغيّر به
واكثر شي اضحكن انك تنسب قصيده للفارس الشيخ برغش بن طواله وهو ماهو شاعر ولا عرف عن فريّس الطواله الشعر امثال نعيس وعدوان وضاري المحمد وضاري البرغش وعايد ....الخ

تأكد بارك الله فيك


......................

الاخ الفاضل مشعل الغفيلي بارك الله فيك مع اختلافي معك على وجود شي اسمه الانصر



.................................
الاخ مشعل حويد الزكاة كانت تدفع للامير ابن رشيد وكل القبائل العربيه في نجد كانت تؤديها واذا احببت النقاش يكون افضل من التهويش واطلاق الكلام من دون تأكد والقصائد من افراد قبيلتك والقبائل الاخرى معروفه ومشهوره واذا احببت سردناها عليك

[مشعل بن حويد]

الاخ مشعل حويد الزكاة كانت تدفع للامير ابن رشيد وكل القبائل العربيه في نجد كانت تؤديها واذا احببت النقاش يكون افضل من التهويش واطلاق الكلام من دون تأكد

الله يسلملي هالراس يابو فراج :)

انا ماجيت ادور التهويش واطلاق الكلام

ولكن كما يتردد على مسمعك من كلام حول الزكاه انا ايضا يتردد علي كلام

وموضوع الزكاه موضوع منتهي

و الإختلاف فيه بين افراد قبيلة شمر انفسهم قبل ان يصل بين شمر وعتيبه

فمن شمر من يقول نعم ومنهم من يقول لا ..

وحتى هنا تحت هذا الموضوع .. قول اخوي الشاعر / مشعل الغفيلي ..


بالنسبه للزكاه كانت تدفع لابن رشيد من كافة قبائل نجد ولم يرفض دفعها الا عتيبه
واللي نتج عنه اربعين معركه بين القبيلتين


اما بالنسبه ان القصيده لبرغش

فالمشهور عنها انها له وربما لاتكون له كماقلت لمشعل

ولكن الأكيد انها خرجة من لسان شاعر شمري بعد معركة عروى

و إيضاً انوّه على تجاهلك لقصيدة العفار ...!!

اما اعتراضك عن وجود شي اسمه الأنصر فهذا موضوع منفرد :)




والقصائد من افراد قبيلتك معروفه ومشهوره واذا احببت سردناها عليك

لاتذخر شي يابو فراج مادام انه يبين الصواب :)

و إذا كان قصدك قصيدة مخلد القثامي كما هي متداوله لديكم و وصلتني عن طريق اخوي هايس الشمري

فالأمر مثير لضحك وجدير بالإستخفاف :)

لك الغلا يابو فراج :)

[خالد الشمري]

الاخ مشعل حويد حيّاك الله بين اخوانك مره ثانيه وثالثه

**الاخ مشعل استغربت كلامك من انكار انتصار شمر ؟؟ وعرفت ان السالفه تعصّب لااقل ولا اكثر
فقط اتمنى انك ترجع الى ماكتب عنها ويكون هو الحكم بيني وبينك
**اما بالنسبه للزكاة فخذ هذا المثال البسيط :
هذا ابن عمّك من اللعضيان من عتيبه يقول بعد كون البرقان يوم انتصرو شمر عليهم:
الايـا الله طلبتـك يـا مقـل الطـيـر بالجنـحـان
مـقـلـه بـالـهـوا يـلـفـخ بـزيـنـات الجنـاحـيـنـا
كما انك فادر تنجـي مـن اللـي يأخذالعربـان
أخو نورة محمد لاظهر بالحضـر نـا صينـا
ألايامـيـر تـوبـه مـالـك الله نـطـرد السبـهـان
لعـلـك دايــم بـالـعـز وأنـــت الـلــي تزكـيـنـا

يقول الشاعر بشير بن نصار الحمراني التميمي بعد معركه عروى:ـ
وصحنا على إبن حميد هرج ثباتي
ترجيعة وحلـو خـز المعاشيـر
وهذا جزى اللي ما صخى بالزكاتي
تل المهار معسكـرات المساميـر


اخيرا اهديك قول الشاعر منيع ا القعود وهو من اهالي العارض في مجلس محمد بن هندي بعد حروب شمر على عتيبه قال هالقصيده (بعض الابيات):
الأ ياسعـد عينـي ساعـة العلـم وافانـي
وانا في بيت ابن هندي على الدرب متحريله
تراكم (ياعتيبه) لبـو متعـب ورث جدانـي
تحت حكمه ولا يخطيكم البيرق الـي فلـه

[أجا]

ابوفـــراج

لاهنت على القصه الرائعه

والي معروف ان عتيبه تدفع الزكاه لابن رشيد

ويسمونه اول (( الخفر )) ويقولون ان ابن هندي كون جيشه وجهزهم لحرب ابن رشيد

ويوم جوه حقين الزكاة قعد يضحك عليهم ابن هندي والي عنده وقالهم بلغوا اميركم اني ابي اجييه

ببرزان ويوم رجعوا حقين الزكاة قالوا للامير محمد ان ابن هندي رفض وقال علموا اميركم اني ابي

اجيه ببرزان وكان

من الجالسين حمود العبيد وقال البيت

كان ابن هندي نوانا ببرزان = حنا على عروى قصرنا مسيره


بس عندي سؤال هل نعيس ابن طواله قتل في هذه المعركه

والله يعطيك العافيه ابوفراج

[خالد الشمري]

لا .........لم يقتل بهذه المعركه الشيخ الفارس نعيس بن طواله

الاخ اجا اسعدنا مرورك الكريم ومن قال يسلم وبارك الله فيك

[& ابونايف &]

والكل يعلم أن محمد العبدالله الرشيد عندما حكم نجدخضعت له جميع القبائل ودفعوا الجزيه وعاملوا بن رشيد على نجد كحاكم يرجعون له ويكونون تحت سلطته إلا قبيلة عتيبه لم تخضع ابدا ولم تعطي الجزيه قط ولم تتبع بن رشيد وكانت لها السلطه من العارض إلى اواخر نجد غربا

فرفض الشيخ محمد بن هندي طلب محمد بن رشيد

وصبحهم ودار بينهم قتالاً عنيفاً تصدوله البواسل من برقا الا ان الكثره تغلب الشجاعه كما يقال وبعد ما أشتد القتال بينهم تراجعو برقا بعد أن فقدو كثير من فرسانهم فقال الشيخ محمد بن هندي لربعه هجوا حلالكم لان المغيره كثار ومن عادت البدو قبل اذا حصلت غاره يهجون الحلال عشان يصعب
على المغير لحق وكسبه وربما تكون من تكتيك الحرب عن البدو والغرض منها
اتعاب المغيره ليسهل التغلب عليهم
وعندما راى الشيخ برغش الطواله الشيخ محمد مقفي ارسل ابنه نمر وقال له رح وانا ابوك ابن هندي مقفي عنا الحقه وجب الكسب
وكان الشيخ محمد بن هندي قد ارسل للروقه يستفزع بهم فحضرالشيخ مارق الضيط وابن محيا وفزعو الروقه وانضمو الى أبناء عمهم
فتقابل الفرسان واشتد القتال وقتل الشيخ محمد بن هندي نمر بن برغش الطواله ويقال الذي قتله هو مقعد بن دحيم بن هندي وقتل الطوير واسترد ابن هندي معضم حلاله من ابن رشيد وقلع محمد بن هندي من خيل شمر خمسه وثلاثين ووزعها على عتيبه ولم يبقى معه سوى خمسة عشر من الخيل فدعاه
ابن رشيد وذهب اليه الشيخ محمد بن هندي وهو في طريقه مرو في ارض المعركه
وشافوا نمر بن الطواله فقال ابن هندي لأبن أخوه مقعدانزل ولبس جوخته
فلبسها مقعد ودخلوا على ابن رشيد وعندما راى الشيخ برغش جوخة اولده
سل سيف فقال له ابن رشيد وقف يالطواله مهي معك
فطلب أبن رشيد من أبن هندي ان يرد الخيل وهو يرد باقي حلال ابن هندي
فقال الشيخ محمد عتيبه تفرقت بغنايمها وانا ماعندي غير خمة عشر خيل
برسلها لك وخذ كل ماعليه العضاد وهو وسم ابن هندي .

وقال الشيخ برغش الطواله في هذه المعركة:




مزن(ن) نشا من روس عالي جبالـه==== خيل على الانصر وهاك الاراضيـن
خيل على الانصر حقـوق(ن) خيالـه -====امطر على ابن حميد هـو والشيابيـن
وعقب اذبحوا جت فزعة(ن) من شماله ===بـولاد روق مرجحيـن المـوازيـن
جونـا كمـا سيـل حـدر بجتوالـه ===جاد جودهم فـوق الجيـاد الرباعيـن
والخيل جاهـا مـن سنعهـم جفالـه ===مقـادم الهيلـه صعـوط المجانيـن
مالـوا علينـا ميلـتـن بحتمـالـه ===حنـى سناعيـس وجانـا سلاطيـن
ومن ضرب اهل العمهوج رحنا قباله===مير اقمحن يـا لابسـات السباهيـن
ياكن ضربه فـي جماهـي رجالـه ===قنيب ذيـب فـي علـو الضلاعيـن
وابـن محيـا ضايقـونـا عيـالـه ===مـن فـوق قبـن كنهـن الشياهيـن
جونا هـل الحـردا بحيلـه وحالـه ===ماهابـوا الطابـور خلـوه قسميـن
بشلفـا مضاربهـا سـوات الدحالـه===منها سروج الخيل راحـت حراذيـن
رجنـا وراجـوا فوقنـا بالعمـالـه ===والهوش طال وتالي الفعل جـا شيـن
اولاد روق اهـل الفخـر والجمالـه ===عجليـن بالـردات مثـل الشياطيـن
كلـن ينـادي بالقشـر مـن قبالـه ===لين اذبحوا شمر وراحـوا مطيعيـن
واللـي رجـع معنـا توامـا حبالـه ===غير القلايع فـوق خمسـه وثلاثيـن
والحرب عقب اليـوم ويـش عدالـه ===ان كـان ماهـادوا ترانـا مهيديـن
عقب ابلجـن ياعبيـد سمحـن قبالـه ===عـادوا فرسـان الهـوج جفـريـن

[خالد الشمري]

ابو نايف حيّاك الله بيان اخوانك في مضايف شمر ..
الحقيقه ماجبت شي جديد نفس الكلام اللي يتداول في بعض المنتديات اللي تختص بقبيله عتيبه الكريمه وحنا ردينا عليهم وبالذات على موضوع ان عتيبه ماخضعت لحكم ابن رشيد ... شلون ماخضعت عتيبه لحكم ابن رشيد هالشي هذا ماينكره الا جاهل او متعصب مايبي يقول الحق والا قصايد ربعك العتبان معروفه

خذ هالرابطين وراح تستفيد انت وبعض الاخوان منها
الاول بعنوان الرد على عتيبه
http://www.shmmr.net/vb/showthread.php?t=44963
الثاني بعنوان القثامي ينخى ابن رشيد
http://www.shmmr.net/vb/showthread.php?t=44883
الثالث بعنوان من اشهر معارك شمر وعتيبه
http://www.shmmr.net/vb/showthread.php?t=44528

[& ابونايف &]

السلام عليكم ورحمه وبركاته

اخي العزيز خالد الشمري احب ان اقول لك ان قبيله شمر من اعز القبائل الى قلبي. ولقد عرفت من عبده ومن سنجاره ومن الاسلم وبالتحديد من الطووووواله.

لن اطيل الجدال فى هذا الموضوع لأنه عقيم. لأن مانقلته لا يختلف عن مانكتب عنه ياعزيزي.

سوف اجاريك على ماذكرت واعتبر ان كل ماذكرته يااااعزيزي صحيح. والمثل يقول
(((يخاااااطب العاااقل بما يستوعبه العقل))).....!!!

لا احد ينكر قوه وبطولات شمر كما لا احد يرضى ان يبخس حق قبيلته.
جيش ابن رشيد كان من قبيله شمر واتباعه من اهل القصيم ومن القبائل الاخرى. وبهذا الجيش الهائل غزى على فخذين من برقا من عتيبه وهم المقطه والشيابين اكثر من مره وفي الاخير اتت فزعه من بعض فخوذ الروقه من عتيبه وليس على الهيلا كامله. لان الهيلااااااا اذا اجتمت كامله امتلكت مراعى جديده واضافتها الى مراعى القبيله.

ومن المفترض ياعزيزي على مذكرت ونقلت الي ان عتيبه ستؤل الى مصيرين:

المصير الاول : سيحل بعتابه ماحل بقبيله زعب (بيض الله وجيهم) عندما قامو دون جارهم وحاربهم الشريف ومن معه من القبائل وقضى على عدد كبير منهم وتفرق الباقون ولاكن الكثره تغلب الشجاعه. ولاكن عتيبه ولله الحمد بقيه في منازلها وهيه بقوتها وكبر عدها المعروف وتصدة لابن رشيد وعاد الى حائل.

المصير الثاااااني : سيوالون طوعااااا لابن رشيد لانهم دفو الجزيه على حد زعمك. ولاكن عتابه بقيه مواليه لابن سعود (وهذا هو السبب الحقيقي للحرب) وليس لبن رشيد. وخلف الشيخ محمد ابن هندي الشيخ سلطان ابن بجاد الذي اسس وقاد حركة الاخوان تحت راية الملك عبدالعزيز التى قضت على ابن رشيد وحكمه.


تقبل تحياتي

[خالد الشمري]

اذا تبي العلم علمناك اياه واعطيناك ماعندنا ... قلنا لك ابن سعود اللي هو عبدالرحمن ابو الملك عبدالعزيز جلا للكويت هاربا من سطوه الرشيد وعبدالله الفيصل ال سعود كانت مفروضه عليه اقامه جبريه في حائل ومحمد ابن سعود غزالان اظنك تدري انه قتل رحمه الله على الجميع ..
بهذيك الفتره لافيه السعود ولا غيرهم مافيه الا الاشراف بالحجاز ومملكه ال عايض والادارسه بالجنوب وامارات الخليج المعروفه لكن راح اسألك سؤال من باب النقاش معك ..

تقدر تقول لي انتم من تبعه من ال سعود في هذي الفتره اللي حكم بها الامير الضرغام محمد بن عبدالله الرشيد ؟؟ طبعا انا اعرف الجواب من قصائد جدودكم الصادقين واللي كانو يعدّون الحق لو كان على انفسهم والمنصفين من القبائل

[ر11عي اللقيه]

قضى على ابن رشيد يالعتيبي !!!!!!!!!!

اسال نفسك من الي ذبح سلطان بن حميد !!!!!!!!!!!!!! مجرد ادااااااااااااة فقط


والحق واضح والمهااااااااااااااااااااد حكم نجد واذا تبي تعترض اعترض على كتب ابن سعود في الجامعات التي

تصف ال رشيد بامراء نجد

وانا ماااراح اردد كلامي لاني مليتتتتتتتتتتتتتتتتتتتت من كثرة الترديد

[hammari]

الاخ خالد الشمري شكرا لك