المساعد الشخصي الرقمي

مشاهدة النسخة كاملة : تـــــــــاج راسي


المــــــــــقتنع
27-12-2005, 22:47
ليتني اقــــــدر علـى رد الجميـل
لامي اللي مستحيل الحق جزاها
مستحيل الحق جزاها مستحيـل
الله يسعدلي صــباحه مع مساهـا
والله ان المـــــدح في مثلـه قليـل
ليتنـــــــي اقـدر احقـــــقلـه مناهـا
الحنــــونـه مالــــهـا شبـه ومثيـل
الله اللي عزهـــــــــــــا يـوم عطاهـا
الرحومه هي لنا الظــــل الظليـل
والحظيظ اللي قدر يكـــسب رضاها
العطــــــــوفه مانبـي غيـره بديـل
وكل مانملـــــــــــــك بهالدنيـا فداهـا
علمتنا نعـشق الصبـــــر الطويـل
وكيف نعشــــق دنيت يتـعب مداهـا
وعلمتنا مبـــــــدأ الحــب الاصيـل
وهي بدايات المحـــــــبـه ومنتهاهـا
هي دواي الياغدا قلبــــي عليـل
وين ماراحت خذت قلبـــــــي معاهـا
لابعدت عني غدا جسمي نحيـل
من غلاها بس اهوجــس في لقاها
ولازعلت مني وقامـــــت بالرحيـل
قمت انا كلي ندم اطــــــــلب رضاهـا
هي اساس الخير جيل بعد جيـل
ومايشوف الخــــــــير مخلوق عصاها
من عـــــصاها عاش بالدنيا ذليـل
ومن جفاها خاب يومنـــــــــه جفاهـا
لامتى تصبر على الحمل الثقيل؟
لامتى دروب العنــــــا تركــــض وراها؟
تاج راسي جعل تاجـي مايميـل
نور عيني جعل عــــــــيني بس تراها
دمعتها مادمـت حـــي فلاتسيـل
والله ينســـــاني اذا قلبــــــــي نساهـا
ادعي المعبود والمولى الجليـل
كل ماصـــــــــــليت يحفظ لـي خطاهـا
وياخذ بيــــدي علـى رد الجميـل
لامي اللي مستــــــــحيل الحق جزاها

وسلامتكم اجمعين

شريط (صوت من الصحراء) العدد(4)
بصوت المنشد/ منصور الشمري
بركات الشمري
29-12-2005, 11:01
.


أخي الغالي / المقتنع



صح لسانك على هالقصيدة الجميلة ياغالي
وبالنسبه أخي الكريم للقصائد النبطيه العموديه هي من اختصاص مضيف الشعر النبطي وأنا لاحظت عليك إنك تُكثر من هالنوع هنا بمعدل قصيدة كل يومين !!

كثرة الشاركة بالقصائد قد تحرق الشاعر نفسه وتفوّت على القراء فرصة القراءة لأكثر من شاعر ..
وهذا يصب في مصلحتك أخي الغالي ومصلحة الجميع والشعر ..


أسمحلي بنقلها للمضيف المختص مع بقية قصائدك



دمت بخير



.
عبدالمحسن الشاهر
29-12-2005, 12:08
أخي الشاعر المقتنع

صح لسانك على هالجزلة والتي تحمل معنى جميل فحواه العطف والرحمة والبر بالوالدين وهذا واجب يجب ان نتذاكره دائما لأن الجنه تحت أقدام الامهات وبالوالدين إحسانا


أما أنا مقتنع تماما في شاعريتك وإبداعك ولكن لدي ملاحظة قد تخدمك في المستقبل إذا كانت تطلعاتك بأن عامة الناس تتصفح قصيدتك والملاحظة أن طابع اللهجة يسيطرعليك كثيرا مما يوحي بإختلاف صيغة المخاطب (مذكر ومؤنث) . وهذي خاصه عندنا ياشمر. فتأكد تماما أن وسائل الإعلام أصبحت في متناول الجميع وان قصيدتك يقرءها الكثير ومن مختلف القبائل واللهجات فبعضهم يعرف هذه الخاصية والبعض الأخر لا يعرف.
وإختلاف الرأي لا يفسد للود قضية .

أما القصيدة تدل على شاعر متمكن ورائع جدا وتوحي بدقة إختيارك للمواضيع


والله ان المـــــدح في مثلـه قليـل
................................ليتنـــــــي اقـدر (احقـــــقلـه) مناهـا
الحنــــونـه مالــــهـا شبـه ومثيـل
................................الله اللــــي عزهـــــــــــــا يـوم عطاهـا
الرحومه هي لنا الظــــل الظليـل
..................................والحظيظ اللي قدر يكـــسب رضاها
العطــــــــوفه مانبـي (غيـره) بديـل
..................................وكل مانملـــــــــــــك بهالدنيـا فداهـا


تقبل تحيتي ولك إحترامي وإعجابي بهذه الفاتنة
المــــــــــقتنع
03-01-2006, 20:03
تسلم اخوي عبد المحسن الشاهر

على زيارتك الكريمه

واشكرك على اطرائك

وعلى نصائحك الطيبه

بس بغيت اعقب على بعض ماقلت يالغالي

من ناحية ((اللهجه)) وان عامة الناس تتابع القصيده ولابد ان ارضي الجميع 000 وان لاتكون القصيده (حصريا )باللهجه الشمريه

اعلم هذا الشئ جيدا00 وكلامك صحيح 100%

لاكن بالنسبه لي هذا ألامر لايهمني 00 لانني شاركت في هذا المنتدى فقط كعرفان لقبيلتي
اما ان يكون همي الاول والاخير ان ارضي الجميع لكي (اتميز) فهذا آخر اهتماماتي لاني ولله الحمد معروف على الساحه 00 ولدي جمهوري الخاص00 والشهره لاتعنيني اطلاقا

واتمنى ان تشرفنا في ((منتديات فواصل )) على سبيل المثال لكي تتأكد من هذا الشئ

وبأمكانك حينها ان تحكم؟

احترامي لك
ولاتقاطع

دمت سالما
المــــــــــقتنع
04-01-2006, 10:35
ليتني اقــــــدر علـى رد الجميـل = لامي اللي مستحيل الحق جزاها
مستحيل الحق جزاها مستحيـل= الله يسعدلي صــباحه مع مساهـا
والله ان المـــــدح في مثلـه قليـل = ليتنـــــــي اقـدر احقـــــقلـه مناهـا
الحنــــونـه مالــــهـا شبـه ومثيـل = الله اللي عزهـــــــــــــا يـوم عطاهـا
الرحومه هي لنا الظــــل الظليـل = والحظيظ اللي قدر يكـــسب رضاها
العطــــــــوفه مانبـي غيـره بديـل = وكل مانملـــــــــــــك بهالدنيـا فداهـا
علمتنا نعـشق الصبـــــر الطويـل = وكيف نعشــــق دنيت يتـعب مداهـا
وعلمتنا مبـــــــدأ الحــب الاصيـل = وهي بدايات المحـــــــبـه ومنتهاهـا
هي دواي الياغدا قلبــــي عليـل = وين ماراحت خذت قلبـــــــي معاهـا
لابعدت عني غدا جسمي نحيـل = من غلاها بس اهوجــس في لقاها
ولازعلت مني وقامـــــت بالرحيـل = قمت انا كلي ندم اطــــــــلب رضاهـا
هي اساس الخير جيل بعد جيـل = ومايشوف الخــــــــير مخلوق عصاها
من عـــــصاها عاش بالدنيا ذليـل = ومن جفاها خاب يومنـــــــــه جفاهـا
لامتى تصبر على الحمل الثقيل؟ =لامتى دروب العنــــــا تركــــض وراها؟
تاج راسي جعل تاجـي مايميـل = نور عيني جعل عــــــــيني بس تراها
دمعتها مادمـت حـــي فلاتسيـل = والله ينســـــاني اذا قلبــــــــي نساهـا
ادعي المعبود والمولى الجليـل = كل ماصـــــــــــليت يحفظ لـي خطاهـا
وياخذ بيــــدي علـى رد الجميـل = لامي اللي مستــــــــحيل الحق جزاها

وسلامتكم اجمعين

شريط (صوت من الصحراء) العدد(4)
بصوت المنشد/ منصور الشمري[/QUOTE][/poem]
المــــــــــقتنع
04-01-2006, 10:38
صح بدنك اخوي بركات


شرفتنا