من حياة الشبث... [الأرشيف]

الشبث

22-12-2005, 16:57

كثير هي الكتب اللي قريته بهالشكل

يعني يجيك عنوانه مثل عنوان هالموضوع

من حياة فلان

ومن حياة فلان

عاد فيه بعضهم والله مهو كفو ينكتب عنوه

فقلت ليه يا شبيثان ما تكتب بعض الشي من حياتك المفعمه مفعمه مفعمه ( اعجبتني )

بالكوارث الطبيعيه وا اللا طبيعيه

في اول يوم رحت بوه للمدرسه واداني حضرة جناب الوالد الله يحفظوه

ويوم قربت لباب المدرسه وهن يطرن اذاني من الخرعه

قلت يبه ماني دارس اليوم ابروح باتسر

قال وشعقبوه وصلنا يالغالي

وهي تنزل دمعتي ( يادمعة العربان )

قال ابوي خلاص يالغالي هذي خمس ريال زياده على مصروفك ( يبي يونسن الله يخليه )

المهم خذيت الخمسه ودخلت المدرسه

ويوم شفت ابوي ركب الرزرايز واقفا ( مشى ) وانا اقوم لي جعير

( مع العلم ان شنقل واخوي العضيد ( الكبير ) معي بالمدرسه بس داري ان ماوراي رجال )

المهم قمت لي جعير عند الباب تقل عجوزن تلطم

وهم يجوني المدرسين يالله يابابا ادخل

وانا مواصل بالجعير

ويجي الفراش يبي يسايسن ولا فاد

ويوم شفت المدير جاي قلت والله ماني هين

وهو يزقرن ( يهاوش بصوت عالي ) ويقول يالله قم لصفك عطيناك وجه

والله وانا ابلع العافيه وامشي لصفي بكل اريحيه

وراحت الايام وجت الايام وانا اروح للمدرسه هكا اليوم وانا ماحليت الواجب

ومدرسنا فلسطيني الله يكرهوه بس الله العالم انوه يهودي

الوكاد قال اللي ماحل الواجب يطلع عند الصبوره

وحنا نجتمع قطعت ربع تقل وجيه معزى

ويوم اكتملت الوفود اللي ماحلو الواجب وهو يطلع سكين من مخباوه

قال الحين ابي اذبحكم

هو قاله ..........

اصلاً ما امداوه يكمله الا وحا لنا جعير من امس

وانواع الصياح

وهو ماهموه وجالس يسن السكين

ومع كل سنه يرتفع الصوت

وكلنا نبعد عنوه وبالاخير صرت انا اللي من طرفوه ( مقرود )

الله يجيركم من كثر الخرعه قمت ابتسي بدون دموع

وفجأه وهو يدخل علينا ابو واحدن معنا

ومن الفرحه وانا انصفر

ويالله يقعدوني وانا اركض لابو خويي وانا اخموه واتجود بوه ( صار اغلى من ربعي كلهم )

والله وهو يتعامش مع المدرس ويالله يخلصون المدرس منوه

وهذي مرتن من المرات كان عمري حول 13 سنه

وكنا نسولف انا وخوياي

قال واحدن منهم فيه واحدن من ربعوه يختبر بالعسكريه يبي يتوظف

وسعلوه الضابط وقال وش الفرق بينك وبين الحمار

ورد عليه قال هالطاوله ( يعني الضابط حمار )

المهم اعجبن ردوه ولزق بدماغي

وعقبه بكم يوم كنا نلعب كوره بالحاره انا وعيال الحاره

وهي تطب علينا الدوريه ( زي العاده )

وهو ينزل ضابط قال تعالو

وحنا نجيه

قال منهو كبتنكم

قلت انا ( ملقوف ولا ماني كبتن ولا قالوه الله )

وهو يراعي لرجليني ( حافي الولد ومغبراتن رجلينوه )

قال تدري لو يشوف رجلينك الامير فيصل بن فهد ( الله يرحموه ) كان غسل يدوه من الكوره

قلت تدري لو يشوف وجهك الامير فيصل بن فهد كان غسل يدوه من الرياضه كله

قال انت شكلك حيوان

بالله وش الفرق بينك وبين الحيوان

وهي تطري علي سالفة الولد

وانا اخذ الكوره وارفعه بيدي قلت بيني وبين الحيوان هالكوره

يالربع انا قلته

وعلمي بروحي هكا الساعه

ياربي مهو بس هو اللي يكفخن حتى الجنود اللي معوه

وماخلوني الا ووجهي مغبر مثل رجليني

واسف على الاطاله

وتقلدوا تحيتي

عجايب بنت الشايب

22-12-2005, 17:15

احجز قبل راعي الوقيد يقراء معي << وحده مختفيه

عجايب بنت الشايب

22-12-2005, 17:20

7
7

الحاقاً

---------

ههههههههههههههههههههههههههههههه

لاوالله مو هههههههه

الا

كركركرككرركركرككرركركرككركرك

بعدين انت مستخسر حياتك ومواقفك يومن ماتبي تكتب بها كتاب << لاتحسبها مدحه انت ووجهك

تصدق ان الزمن والاجيال الجايه ماراح يقولون كذا مثلنا اللحين

يعني بالعربي

مالهم جغير باول يوم مدرسه

ولاعندهم رهبه مثل رهبتنا يالله ان تخلف

التقنيه وانا اختك التقنيه

المهم

مدرسه اليهودي مدري الفلسطيني

حاطن حرت اسرائيل فيكم ؟؟ يهييييييب سكين مرتن وحده ولا اخونا محسوووبك يشلخ علينا ؟

خخخخخخخخخخ

اما سالفت الضابط

كانها صدق

هاه كانها صدق ؟

عزالله انك رجال من يومنك وورع

وعز الله اني ماعدنب متعرضتلك

تقووووم تسفل فيني

مثل الضابط هذا وهو معه نجووووم وش قوم انا اللي ولا نجمه ؟؟

طحياتي ........,,

راعي الوقيد

22-12-2005, 17:24

يالله حي الشبث :)

طولت الغيبة << انت وين تهف:a:

وهي تنزل دمعتي ( يادمعة العربان )
ايا بعدحيي والله انت هالعوينااااايه

قال ابوي خلاص يالغالي هذي خمس ريال زياده على مصروفك ( يبي يونسن الله يخليه )
طلــع ولد نعمـــــة :smileyb:

ويوم شفت ابوي ركب الرزرايز واقفا ( مشى ) وانا اقوم لي جعير
اقوووووول الولد منغنغ:)

وهم يجوني المدرسين يالله يابابا ادخل
دانتا اللي بابا :) اما بابا وين تدرس انت باحدى دول العالم الثالث:)

ومدرسنا فلسطيني الله يكرهوه بس الله العالم انوه يهودي
اي والله انك صاااادز اوجعنن اصباعي فطن علي ملعون الصلااااااايب:puzzled:

ومن الفرحه وانا انصفر
:p: :p:

وهذي مرتن من المرات كان عمري حول 13 سنه
مشــروع وغاااااااد:)

وانا اخذ الكوره وارفعه بيدي قلت بيني وبين الحيوان هالكوره
والله من الذهانــــــة اللي تودي للدواهـــي:)

ابوعابــــــــــد !!

:goooood:

وتسسسسسلم يالعـــزوة:thumb:

:good1:

تحيتــــــــي لك .. والتقــديـــــر ...

شريف روما

22-12-2005, 17:27

ههههههههههههههههههههههههههههه

صحيحة سالفتك مع الضابط ولا من نهج الخيال :)

ههههههههههههههههههههههههههههه
هههههههههههههههههههههههههههه

عزالله موصاحي :)

ياملا العافية ياشبيثان :)

عجل عجل بالجديد :)

ويسلمووووووووووووو

ابو مرشد

22-12-2005, 20:00

هههههههههههههههههههههههههههههههههههههههه هههههههه

الله يقطع سوالفك يا الشبث صراحه موضوع مسفلئ:) حده كله سفلئه:)

بس صراحه سالفت الضابط سفلئه :)

حبيب مشكور على موضوع المتسفلئ :) و يعطيك العافيه

و بانتظار مواضيع جديده متسفلئه :)

اخوك ابو مرشد

سيدة القـــــلم

22-12-2005, 22:48

وهو ينزل ضابط قال تعالو

وحنا نجيه

قال منهو كبتنكم

قلت انا ( ملقوف ولا ماني كبتن ولا قالوه الله )

وهو يراعي لرجليني ( حافي الولد ومغبراتن رجلينوه )

قال تدري لو يشوف رجلينك الامير فيصل بن فهد ( الله يرحموه ) كان غسل يدوه من الكوره

قلت تدري لو يشوف وجهك الامير فيصل بن فهد كان غسل يدوه من الرياضه كله

قال انت شكلك حيوان

بالله وش الفرق بينك وبين الحيوان

وهي تطري علي سالفة الولد

وانا اخذ الكوره وارفعه بيدي قلت بيني وبين الحيوان هالكوره

:p:

:p:

يــاااااااارب يسعدك يالشبث..
ويحفظـــك من كــــل شر..

بصراحـــــه هالمقطـــع.. يجنن تجنين ..

ضحكت عليه الين قلــــت بـــس.. :p:

تقلد تحيه الزقروطــي

*عشق القصيد

.

شنقل

22-12-2005, 23:01

يالربع خلوو الضبااط على جنب:)

هذا مو ضابط

ضااابط ايقاااع:)

شبيثااان

ايييه ذكرتن بالصنادق:)

اقووول

انت وشلونك:)

راعي الردميه

23-12-2005, 00:16

يا حبيبي يا الشبث

هذي كله قراده

ذكرتن ايام المدرسه يوم كان الوالد الله يعطيه طولة العمر

يوديني للمدرسه وكان اليا نزلن يرجع انا وش اسوي

نوبات ارجع باثروه واليا وصلت البيت انزل حدر الدرج واكل فسحتي واروح لامي

من وين جيت يا فلان

والله اليوم طلعونا بدري ولا عندنا شي

وعلى هالموال كم يوم

يعطيك العافيه على سرد قصتك

واثريك منقرد بحياتك

مناكد

23-12-2005, 11:09

كثير هي الكتب اللي قريته بهالشكل
يعني يجيك عنوانه مثل عنوان هالموضوع

من حياة فلان

ومن حياة فلان

عاد فيه بعضهم والله مهو كفو ينكتب عنوه

تلقاه اكثروه تسذب وتلفيدز..

فقلت ليه يا شبيثان ما تكتب بعض الشي من حياتك المفعمه مفعمه مفعمه ( اعجبتني )

بالكوارث الطبيعيه وا اللا طبيعيه

تصدز انه ابرك من تسثيرن من هاللي بالمكتبات...

في اول يوم رحت بوه للمدرسه واداني حضرة جناب الوالد الله يحفظوه

ويوم قربت لباب المدرسه وهن يطرن اذاني من الخرعه

يطرن والا يشووووشن!!!

وهي تنزل دمعتي ( يادمعة العربان )

تكسر الخاطر...

المهم خذيت الخمسه ودخلت المدرسه

الدراهم مراهم...أثريك طماع من صغره!!!

المهم قمت لي جعير عند الباب تقل عجوزن تلطم

لا تكون متأفر بعجز القطفان!!!

وهم يجوني المدرسين يالله يابابا ادخل

وانا مواصل بالجعير

وأعيييططططط...

وهو يزقرن ( يهاوش بصوت عالي ) ويقول يالله قم لصفك عطيناك وجه

والله وانا ابلع العافيه وامشي لصفي بكل اريحيه

ناس ماتمشي الا بالعين الحمرا...

ومدرسنا فلسطيني الله يكرهوه بس الله العالم انوه يهودي

هذولا اللي ألعن من اليهود ألف مره...وبدون شك ولاريب!!!

الوكاد قال اللي ماحل الواجب يطلع عند الصبوره
قال الحين ابي اذبحكم
هو قاله ..........

قبل كم سنه كان احد عيالي بالصف الأول والمدرس يهودي (فلسطيني) وكان يجمع اللي مايحلون او ما يكتبون ويخلي كل اثنين يتقاضبون الأذان...
وكلن يموّح بخويوه لياما يدمن أذانه...
علشان اذا احد اشتكى يقول انهم متهاوشين وهو ماله دخل!!!
يوم دريت وأجيه بالفصل وأطلعه بالسيب...
وأتغصه لياما بلزن عيونوه...لعين الجدان!!!
وعقبه يصير لك قرادن ملموس!!!

الله يجيركم من كثر الخرعه قمت ابتسي بدون دموع

وهو بعذرك يخي الروح غاليييي...

وفجأه وهو يدخل علينا ابو واحدن معنا
والله وهو يتعامش مع المدرس ويالله يخلصون المدرس منوه

ودك انه مكسرن راسوه لعين ابو الأبو...

قال تدري لو يشوف رجلينك الامير فيصل بن فهد ( الله يرحموه ) كان غسل يدوه من الكوره
قال انت شكلك حيوان
بالله وش الفرق بينك وبين الحيوان

ابد هالضرنباط مايخلون التعالي على عباد الله...
مادري وش هم شايفين نفوسهم عليه؟؟؟
هالحين يزعلون بعض الناس!!!
ترونا نعني اللي يفرفرون بالحارات والأسواق ماهم انتم!!!

وانا اخذ الكوره وارفعه بيدي قلت بيني وبين الحيوان هالكوره

خير ماسويت...

وماخلوني الا ووجهي مغبر مثل رجليني

زين اللي ماقالوا انك إرهابي...

ابو عابد كل ماهذا هات لنا من سيرت حياتك...

هذي السوالف اللي تونس ماهي اللي ببعض هالكتب اللي خسارتن به قيمة الحبر...

لا وصور بالألوان من زود التسذب...

.

الشبث

23-12-2005, 14:02

بعدين انت مستخسر حياتك ومواقفك يومن ماتبي تكتب بها كتاب << لاتحسبها مدحه انت ووجهك

ياهلا بالاخت العزيزه ام اعجاب

يالله حيه

تصدقين عاد انتي وضروستس اني صرت اخاف من ردودتس علي

نوب ترفعيني فوق

ونوب تصفقين بي القاع

يهيب ياوجهتس

اما سالفت الضابط

كانها صدق

هاه كانها صدق ؟

ليه اصغر عيالتس يوم انتس تسذبيني

ولا قالوا لتس تسذوب

ههههههههههههههههههههههههه

لا هذي صحيح

تسلمين يا ام اعجاب على مرورتس الطيب

وتقلدي تحيتي

الشبث

23-12-2005, 14:04

يالله حي الشبث

طولت الغيبة << انت وين تهف

الله يحييك يابو فيصل

والله يابو فيصل غصبن علي مهي بكيفي

والله من الذهانــــــة اللي تودي للدواهـــي

ابوعابــــــــــد !!

وتسسسسسلم يالعـــزوة

تحيتــــــــي لك .. والتقــديـــــر ...

ههههههههههههه

تسلم والله يابو فيصل

وشاكر مرورك الطيب

وتقلد تحيتي

الشبث

23-12-2005, 14:06

ههههههههههههههههههههههههههههه

صحيحة سالفتك مع الضابط ولا من نهج الخيال

ههههههههههههههههههههههههههههه
هههههههههههههههههههههههههههه

عزالله موصاحي

ياملا العافية ياشبيثان

عجل عجل بالجديد

ويسلمووووووووووووو

لا والله صحيح يالزقروطي

لا وتوك ماسمعت شين

كل شوين ماسكيني ولا يطلقوني الا انا ميت

ههههههههههههههههههههه

تسلم يالغالي على مرورك الطيب

وتقلد تحيتي

الشبث

23-12-2005, 14:08

حبيب مشكور على موضوع المتسفلئ و يعطيك العافيه

و بانتظار مواضيع جديده متسفلئه

اخوك ابو مرشد

يا اهلا وسهلا بالعشير ابو مرشد

يالله حيوه

وان شاء الله الجاي بيصير احسن

وشاكر مرورك الطيب

وتقلد تحيتي

الشبث

23-12-2005, 14:14

بصراحـــــه هالمقطـــع.. يجنن تجنين ..

ضحكت عليه الين قلــــت بـــس..

الله يسعدك اختي سيدة القلم

وان شاء الله تضحكين دنيا واخره

بس ماشاء الله عليتس انتي والزقروطي متقاطين بهالتحيه

مهو مثل حالتي لحالي

هههههههههههه

تسلمين اختي العزيزه على مرورك الطيب

وتقلدي تحيتي

الشبث

23-12-2005, 14:17

يالربع خلوو الضبااط على جنب

هذا مو ضابط

عاد تصدق ياشنقولي ان هالضباط لعبتي

بس لا يزعلون علي الضباط

هههههههههه

وتقلد تحيتي

غاده

23-12-2005, 14:47

طفوله مفعمه بالاحداث :g:

ومصروف 5 ريال كشخه ياليتني كنت معاك بنفس الفصل :d:

لا والكشخه الوالد يجيبك بالروز :tongue: منت سهل ابد

الشبث ما تدري ان الهروب نص الشجاعه مدري كلها

ماقدرت تهرب من الضابط قبل ي ض ر ب ك

ابو ســـــيف

23-12-2005, 15:16

http://www.shmmr.net/vb/images/happysmiles/4_1_72.gif

رائعه جديده من روائع الشبث :)

ماشاء الله عليك ...

طمعنا نبي اكثر ..

طلع لنا من هالمواقف اللي دفنهن :)

عشت لاهنت ...

الحنشل

23-12-2005, 20:35

شبيثان يا وخيك يا وخيك لا تنساني

جب طاريي لو بالحاشيه :)

الشبث

24-12-2005, 17:57

الشبث

24-12-2005, 18:00

لا وصور بالألوان من زود التسذب...

هلا بالعشير مناكد

تخبر علشان تضبط التسذبه

ولا الاواليد مالهم الا كم صوره

معدوده على الاصابع اذا مهي وحده

تسلم يالعشير على هالمشاركه الطيبه

وتقلد تحيتي

الشبث

24-12-2005, 18:02

هلا بالخت غيداء

يالله حيه

ماقدرت تهرب من الضابط قبل ي ض ر ب ك

تخبرين فيه حاجه اسمه ام الركب

هذي طال عمرتس تصك الواحد عند الذله ولا يقدر يتحرك

هههههههههههههههههه
تسلمين اختي على مرورتس الطيب

وتقلدي تحيتي

قطراوي

24-12-2005, 18:41

ويــــــــووووووووووو...ويــــوووووووووو

تستاهل..من قال لك تحط دوبك في

دوب شرطي..اصلااان محد يقدر يظبط

العب مع الشرطه غيري..بس اقول لك

تعيش وتااكل غيرهااأ..تسلم