الداب المخيف
21-12-2005, 15:52
السلام عليكم
هذه اول مشاركتن لي وابي اتطرق بالهمشاركه الى نبذه عن قصه حياتي انا وصديقي العزيز ابو نجوى
انا وابو نجوى تربينا مع بعض منذ نبتت اظفارنا ولا نعرف منهم اهلنا كل اللي نعرفه ان شمامره لقونا بتباناتنا مربوطين بجحش شرقي غرب الحفر من شمال وخذونا وربونا سنتين وعقبن غدينا عنهم زحفنا بالليل نبي الخلا وحنا نغدي وعقب يومين وحنا نرجع للجحش اللي كنا مربوطين عندون اول مره وقعدنا عنده ليما كبرنا وصرنا نعتمد على نفسنا ومشينا وخلينا الجحش واستشملنا جنوب طبعا الاحتكاك مع الجحش لمده 7 سنوات اثرت علينا فصار ابو نجوى شاعر وصرت انا حكيم واللي يدل على الشي انوه قال قصيده وانا قلت حكمه
قصيده ابو نجوى هي
خليناك ياحمارنا للحالك //// خليناك يالمصخره ماعندك احد
حكمتي هي من خلا حماروه قل مقداروه
والشي الثالث اللي استفدناه من الحجش هو الصقل من كثر مايصقلنا الجحش تعلمنا منوه الصقل بجميع حركاته فكان الجحش هو معلمنا (اور ماستر)
ماطوله عليكم خلينا الجحش وعمرنا 7 سنين وحنا نلقا اكا العرب وحنا نخطرهم ونقعد عندهم 9 سنين نسرح عندهم مع الغنم ومن سرحتنا ماخبر ليليه روحنا عليهم وماحنا مضيعين الغنم ياما انفقر معزبنا وقام يدور السرحه معناوقالنا انتم خبولن مااسرحكم بغنم وراح هالمثل علينا وهو دارج الى يوم الاحد اللي طاف
وهم يطردوننا العرب وحنا نهيم بالبريه لحالنا انا مالي الا هو وهو مالوه الا انا وحنا مالنا الا بعضنا وبعضنا ماله الا حنا
وفي فتره الضياع هذه ( حلوه فتره الضياع والله ماسبقت عليه بهالمنتدى)كنا نتسلى في هذه الصحراء بلعبه الحبشيه وكنا نتطارد في الصحراء الى ان راينا اكا الرجل الكباير اللي مايدخل مع الباب عليلوه حصانن اللي لياشفتوه ياقف شعر ابطك
وهو يجينا قال وش انتم (حسوه دقاق) قلنا بسم الله دب وحسوه دقاق قال قولوه ماشالله لاتنحتونن
وهو يحول علينا ويقضب اذاننا ويقوم يشوتنا فناقر لياما وصلنا لخيامن كثيره وهو يرفس بنا عند رجلن وقال هذولا لقيتهم يتجسسون على جيشنا ويبون يعلمون اعداءنا باسرارنا العسكريه وحنا فاتحينن افامنا متهولين ماندريي وش يقول اسرار وعسكريه معاني ماندري وش معناه قال الامير حطوهم بالسجن وهم ياخذوننا ويدونناخيمه السجن وحنا بالطريق وحنا نشوف حمارنا اللي كنا عندوه وحنا نصوتلوه جحاشان جحاشان يمار يصدد الجحش مايبي العرف متفشلن منا وهي تهيج قريحه ابو نجوى بالشعر( قريحه ابو نجوىبغت تهيج علي يالله اكزه وهي تهيج عليه)فقال
تصدد عنا يالجحش ///ياحمار ليه تصدد
وقلت هالحكمه : لياصدد عنك جحشك وش ترجي من الحمار لياصدد
المهم حطونا بالسجن وهم يجيبولنا بطانيات وحنا نتهول ماندري وشن وحنا نحسبهن عشا وحنا ندلي ناكل منهن ثري الحارس علم الامير وقال الجواسيس مهم جواسيس الظاهر انهم خبول قال وش دراك قال شفتهم ياكلون البطانيات وراحت مثل الى الان اذا شافوا الناس خبل يقولون فلان خبلن ياكل البطانيات
وهويطلبنا الامير قال حنا ناسف لهذا الخلل نحسبكم جواسيس طلعتوا خبول قلنا له يهدانا ويهداك الله ( خبول مانعرف نحجي وش ترجون منا نرد عليه)
المهم قالنا وش رايكم تشاركونا الحرب ضد الاشرار سكتنا ماندري وش رد كلمه الاشرار لمده نص ساعه يحسبوننا نفكر بالموضوع وحنا نفكر وش رد كلمه الاشرار وبعد ساعه قال ابو نجوى هناك الله بالايمان وطاعه الرحمن (خبولن منتهين مانعرف طبسا)
وهم يستعدون للحرب وحنا معهم ولكن لاسلاح ولا شي وامير الاخيارقال خلوهم بالصف الاخير ان شافو الاشرار هالخبول معنا يطمعون بنا وحنا نصير باخر الجيش ندودل روسنا ماندري منين هي هابيه وهو يتقابلون الجيشين لبدء الحرب وهي تطري علينا لعبة الحبشه وحنا نتحابش لياما صرنا بالصف الامامي هو يرتفع ضغط الامير يوم شافنا قدام وقبل لاتنطلق الحرب بدقيقه وهي تنطق اكا الارنب بيننا وبينهم يامار انا وابو نجوى مالنا قلب على الارنب ياشفناه عدنا شايفين باشاميل وحنا نحط رجلينا وراه الارنب الارنب ليما دخلت بين جيش الاشرار وحناوراه وهم يطرحونا ويدونا يم امير الاشرار قال اكا الحكيم عندوه هذولا ياااهم شجعان مايهابون الموت ياهم خبول لكن ازوالهم ازوال الشجعان والله بغت تمشي عليهم اننا شجعان لكن ابو نجوى عملوه حركه خلت كل الموجودين يحلفون اننا خبول ابو نجوى قام يحك اذنوه اليسار برجلوه اليمين قالوه وش هالبلشه اللي وقعنابه وما استاسرنا الا هالخبول وهم يرسلون لاميرالاخيار قالولوه تعالو خوذو اسراكم وهو يعيي قال فرقاهم عيد وامير الاشرار طردنا وقال روحوا عند الرجم ومالكم شغل بالحرب وحنا نروح للرجم وهي تقوم بينهم جيش الاشرار عدده 5000 رجل والاخيار عددهم 3987 رجل وحنا نصير بالرجم ماندري وش يبي يعملون ويوم بدت المعركه وهي تذابح الرجال هذا يقص راس هذا ويوم شفتهم هلون قلت واويليه يابو نجوى الرجال تذابحوا وش نعمل قال خلنا نفرق قلت يالله وحنا نروح لكل اثنين يتذابحون نحاول نهدي بينهم ونقرب وجهات النظر وفعلا نجحت محاولاتنا وفرقنا الجيش قله الا الامراء مالحقنا عليهم ماتوا قبل نجيهم واتفق الاخيار والاشرار على تعيني اميرا للاشرار وابوى نجوى امير للاخيار ودارت بيننا معارك ضاريه بعدها لنا وقفه معها بعدين
قوموا عاد غسلوا وجيهكم وافامكم هاللي تقاطر سعابيله وناموا
هذه اول مشاركتن لي وابي اتطرق بالهمشاركه الى نبذه عن قصه حياتي انا وصديقي العزيز ابو نجوى
انا وابو نجوى تربينا مع بعض منذ نبتت اظفارنا ولا نعرف منهم اهلنا كل اللي نعرفه ان شمامره لقونا بتباناتنا مربوطين بجحش شرقي غرب الحفر من شمال وخذونا وربونا سنتين وعقبن غدينا عنهم زحفنا بالليل نبي الخلا وحنا نغدي وعقب يومين وحنا نرجع للجحش اللي كنا مربوطين عندون اول مره وقعدنا عنده ليما كبرنا وصرنا نعتمد على نفسنا ومشينا وخلينا الجحش واستشملنا جنوب طبعا الاحتكاك مع الجحش لمده 7 سنوات اثرت علينا فصار ابو نجوى شاعر وصرت انا حكيم واللي يدل على الشي انوه قال قصيده وانا قلت حكمه
قصيده ابو نجوى هي
خليناك ياحمارنا للحالك //// خليناك يالمصخره ماعندك احد
حكمتي هي من خلا حماروه قل مقداروه
والشي الثالث اللي استفدناه من الحجش هو الصقل من كثر مايصقلنا الجحش تعلمنا منوه الصقل بجميع حركاته فكان الجحش هو معلمنا (اور ماستر)
ماطوله عليكم خلينا الجحش وعمرنا 7 سنين وحنا نلقا اكا العرب وحنا نخطرهم ونقعد عندهم 9 سنين نسرح عندهم مع الغنم ومن سرحتنا ماخبر ليليه روحنا عليهم وماحنا مضيعين الغنم ياما انفقر معزبنا وقام يدور السرحه معناوقالنا انتم خبولن مااسرحكم بغنم وراح هالمثل علينا وهو دارج الى يوم الاحد اللي طاف
وهم يطردوننا العرب وحنا نهيم بالبريه لحالنا انا مالي الا هو وهو مالوه الا انا وحنا مالنا الا بعضنا وبعضنا ماله الا حنا
وفي فتره الضياع هذه ( حلوه فتره الضياع والله ماسبقت عليه بهالمنتدى)كنا نتسلى في هذه الصحراء بلعبه الحبشيه وكنا نتطارد في الصحراء الى ان راينا اكا الرجل الكباير اللي مايدخل مع الباب عليلوه حصانن اللي لياشفتوه ياقف شعر ابطك
وهو يجينا قال وش انتم (حسوه دقاق) قلنا بسم الله دب وحسوه دقاق قال قولوه ماشالله لاتنحتونن
وهو يحول علينا ويقضب اذاننا ويقوم يشوتنا فناقر لياما وصلنا لخيامن كثيره وهو يرفس بنا عند رجلن وقال هذولا لقيتهم يتجسسون على جيشنا ويبون يعلمون اعداءنا باسرارنا العسكريه وحنا فاتحينن افامنا متهولين ماندريي وش يقول اسرار وعسكريه معاني ماندري وش معناه قال الامير حطوهم بالسجن وهم ياخذوننا ويدونناخيمه السجن وحنا بالطريق وحنا نشوف حمارنا اللي كنا عندوه وحنا نصوتلوه جحاشان جحاشان يمار يصدد الجحش مايبي العرف متفشلن منا وهي تهيج قريحه ابو نجوى بالشعر( قريحه ابو نجوىبغت تهيج علي يالله اكزه وهي تهيج عليه)فقال
تصدد عنا يالجحش ///ياحمار ليه تصدد
وقلت هالحكمه : لياصدد عنك جحشك وش ترجي من الحمار لياصدد
المهم حطونا بالسجن وهم يجيبولنا بطانيات وحنا نتهول ماندري وشن وحنا نحسبهن عشا وحنا ندلي ناكل منهن ثري الحارس علم الامير وقال الجواسيس مهم جواسيس الظاهر انهم خبول قال وش دراك قال شفتهم ياكلون البطانيات وراحت مثل الى الان اذا شافوا الناس خبل يقولون فلان خبلن ياكل البطانيات
وهويطلبنا الامير قال حنا ناسف لهذا الخلل نحسبكم جواسيس طلعتوا خبول قلنا له يهدانا ويهداك الله ( خبول مانعرف نحجي وش ترجون منا نرد عليه)
المهم قالنا وش رايكم تشاركونا الحرب ضد الاشرار سكتنا ماندري وش رد كلمه الاشرار لمده نص ساعه يحسبوننا نفكر بالموضوع وحنا نفكر وش رد كلمه الاشرار وبعد ساعه قال ابو نجوى هناك الله بالايمان وطاعه الرحمن (خبولن منتهين مانعرف طبسا)
وهم يستعدون للحرب وحنا معهم ولكن لاسلاح ولا شي وامير الاخيارقال خلوهم بالصف الاخير ان شافو الاشرار هالخبول معنا يطمعون بنا وحنا نصير باخر الجيش ندودل روسنا ماندري منين هي هابيه وهو يتقابلون الجيشين لبدء الحرب وهي تطري علينا لعبة الحبشه وحنا نتحابش لياما صرنا بالصف الامامي هو يرتفع ضغط الامير يوم شافنا قدام وقبل لاتنطلق الحرب بدقيقه وهي تنطق اكا الارنب بيننا وبينهم يامار انا وابو نجوى مالنا قلب على الارنب ياشفناه عدنا شايفين باشاميل وحنا نحط رجلينا وراه الارنب الارنب ليما دخلت بين جيش الاشرار وحناوراه وهم يطرحونا ويدونا يم امير الاشرار قال اكا الحكيم عندوه هذولا ياااهم شجعان مايهابون الموت ياهم خبول لكن ازوالهم ازوال الشجعان والله بغت تمشي عليهم اننا شجعان لكن ابو نجوى عملوه حركه خلت كل الموجودين يحلفون اننا خبول ابو نجوى قام يحك اذنوه اليسار برجلوه اليمين قالوه وش هالبلشه اللي وقعنابه وما استاسرنا الا هالخبول وهم يرسلون لاميرالاخيار قالولوه تعالو خوذو اسراكم وهو يعيي قال فرقاهم عيد وامير الاشرار طردنا وقال روحوا عند الرجم ومالكم شغل بالحرب وحنا نروح للرجم وهي تقوم بينهم جيش الاشرار عدده 5000 رجل والاخيار عددهم 3987 رجل وحنا نصير بالرجم ماندري وش يبي يعملون ويوم بدت المعركه وهي تذابح الرجال هذا يقص راس هذا ويوم شفتهم هلون قلت واويليه يابو نجوى الرجال تذابحوا وش نعمل قال خلنا نفرق قلت يالله وحنا نروح لكل اثنين يتذابحون نحاول نهدي بينهم ونقرب وجهات النظر وفعلا نجحت محاولاتنا وفرقنا الجيش قله الا الامراء مالحقنا عليهم ماتوا قبل نجيهم واتفق الاخيار والاشرار على تعيني اميرا للاشرار وابوى نجوى امير للاخيار ودارت بيننا معارك ضاريه بعدها لنا وقفه معها بعدين
قوموا عاد غسلوا وجيهكم وافامكم هاللي تقاطر سعابيله وناموا