ينساب جعله تنساب حرااااااام - تعالو شوفو

[عبدالعزيز]

السلام عليكم ورحمة الله وبركاته ...

يالربع تدرون ان القريشات يشرحن الصدر ويطلدزن الحجاج واللي ماهو مصدق يسأل محارش عن سر سعادته:)
المهم اني مثل غيري من هالمشفّح صملت على اني اودع قريشات بهالشركة على اساس يفرّخن لي حفنة دراهم بالحلال والدعوا ماصار به حلال من يوم قريت بحدى المواقع ان هالشغلة مخالطة بلا وقلت هنا لااااا تكليف واجد كيذا!!

ويوم انه صار بالدعوا تكليف قلت مافي مشكل اروح اتحقق بنفسي والله وانا انشد ابوخليف الله يجزاوه خير بحكم انه عدزيد قومه قال حلااااااال.ن محلوه الله وانت اكتتب وان تغير الحال خذ قريشاتك اللي انت انطيتهم واعطن الزود :)
صنجته طبعاً وصليت استخارة ومن عقبه خبطت كيبورد مطشيي ولا وقفت الا على الشبيلي هاللي حلل السهوم المخلّطة وابي اشوف وش هالسالفة الجديدة اللي طلعو لنا به وهي سالفة اطلع حرامه من من حلاله وتحلل!!
دققت باموره والا هو راجع.ن بدعواوه لمشايخ البنوك وهذولا ابراي لله مااقول بهم شين مار اني ماارغبهم ومن بين اساميهم وقفت عند الشيخ ابن عثيمين الله يرحمه ويتغمده بواسع رحمته وصار عندي بهذا حال.ن ثاني .. قلت بنفسي ابشوف حجج العلامة اغدي انه تحلل وانعم بحفنة هالدراهم ورحت ادور والطّخ جيلان هالانترنت الياما وقفت على كتبة.ن لرجالٍ مفصفص.ن هالسالفة فصفصة جزاوه الله خير وطلعت منه بان هالسالفة مابه من الحلال النقيطة لمناقضته ثلاث ظوابط من ظوابط تحليل الاسهم المخلوطة .

عاد انا ياطويلين العمر شفت اني اوريكم هالكتبة اغديه تكف اللي حريصٍ على الكسب الحلال ومابي من هالسالفة الا الاجر والشركات اللي جاية بالطريدز غيره وااااجد انشالله وربح هالشركة ان طاب طيب اطيبكم يبي يجمع له عشر اسامي والعشر اسامي لو افترضنا انهن جابن اربعين سهم وكل سهم بيع بالف والحصيلة منهن اربعين الف وش انتن يالاربعين الف اللي تبي تخلطهن مع حلالك الصافي ؟ لايجيبن مرة ولابيت ولاددسن غمارة مكيفة من وكالته:)
يعني مالله موزي من هالشغلة لو هي اربعت ملايين ماتغنيك عن جزى الربا.. قود باي

"الملف بالمرفقات"

[الجازي]

^
^
^
أجل أبشر بالخير دام هذي نيتك ,, من ترك شيئاً لله عوضه الله خيراً منه ,, بس أهم شيء تتركه لله مب عشان مامعك قروش :)

مع إني أثق في الشيخ يوسف الشبيلي ثقة مطلقة لأنه متخصص في المعاملات المالية بالذات ويفرق بين مختلط ومختلط ,, يعني فيه مختلط عنده حرام مايطهره حتى التخلص من الربا ,, وفيه مختلط عنده حلال بالتطهير يمشي حاله ,,

عاد التفصيل تلقاه في موقعه الشخصي ,,

بس أبشر بالمره والبيت والددسن الغمارة المكيفة من عند وكالتها :) بإذن الله السنة الجاية كل هالثلاث عندك :) <<<<<<<<مشروع مشعوذة :)

لا والله الا من باب احسان الظن بالله وبسبب نيتك الصافية وبعدك عن الشبهات :)

الا ان تسان ماودك بهم هذا شيء ثاني :)

جزاك الله خير ياعبدالعزيز على هالملف المرفق ولو اني مافتحته :)

[عبدالعزيز]

لاجابتس الخير قولي آمين ياوجه الشر:)

الددسن ومااااابيه ياملا الفقر والمرة اعوذبالله منه والبيت مااقول عنه لا اغدينن ابيعه:)

الله يجزاتس خير والشيخ الشبيلي الله يحفظه تبقى حجته ضعيفة عند هالملف

[غاده]

بكم السهم لايكون بخمسين:)

ورثت خمسين ريال ينفع اساهم


كم سهم احصل :d:

[عبدالله الجعيثن]

بالمساهمات خلك شيعي مثلي.

الشيعه يقولون لهم سادتهم ساهموا وبيعوهن على طول ومايصير عليكم حرام.

[المطنوخ]

العزي
استثمرهن عندي يابعدي
تخبر دراهمي واجد وفاتحن محفظه بأسم ابوخليف ش.م.ك:)

ولا تدري وشلون ؟

عطهن لسرحان يقرى عليهن ويكثرن ههههههههههههههههههههههههههههههه


ما اقول الله يالله حسن الخاتمه
دريت ان يومك قرب يالشايب وحسيت انك مخمل بحياتك التعيسه المليئه بالشعير والرمث و.........:)

عليك من الله ما تستحق

[الاعلامي]

فعلا كلام صحيح

ينساب محرمه ولا احد يساهم به








وياليتكم ماتساهمون علشان يطلع لنا كم سهم زياده :p: :p: :p:

..

.

[( المسك )]

عزووووز

شلوونك اول شين

الي اعرفه وسمعته وقريته التاالي

الشبيلي ماحلل الشركه قال الشركه مختلطه لان عندها وديعه باحد البنوك الربوويه بالخاارج ونسبة الووديعه من راس مال الشركه ماتعادل واحد بالميه واجاز الاكتتاب فيهاا بحكم انها من الشركات المتختلطه لان عنده ثلاث قوائم الشبيلي وحده حلال والثانيه حراام والثالثه مختلطه بعكس الشيخ العصيمي الي بقوائمه ثنتين وحده حلال والثاانيه حرااام


ثاانياا الشيخ الفوزان حرمهاا بحكم وجود نسبه من مال الشركه ربوي الا وهوو الووديعه الي ذكرتهاا بالاعلااء


الشيخ المطلق سئل عنهاا قبل امس بالتلفزيون السعودي قال حلال او بالاحرى قال يجوز الاكتتاب فيهاا ماني متذكر لفضه بالتحديد الي قاله بس زبدة كلامه ان يجوز الاكتتاب فيهااا وحجته في ذلك بان اسااس الشركه مباااح يعني حلال ان لم يطراء عليه شي اخررر




انا عن نفسي قبل مايطلع علم ينسااب كنت اتبع قائمة الشبيلي بحكم انه رجال متمرس بعلم الشركات وقوائمهاا بغض النضر عن فتوى الفوزاان

ومداام الشبيلي والمطلق قالووو يجوز الاكتتاب فيهاا يكوون احلااء واحلااء لانهم بالنسبه لي القدووه




عني هاات دفيترك ياابعد حيي وصووت لي بالمساابقه وخذ راس مااالك خخخخخخخخخخخخخخخخخخ



سلااام يااعرب

[ابو خليف]

اللي بس من نشبه

هالميتين الي صفن معي بهن اربع اسهم

ويقولن حرام
مار يعله خيره
اشري لي غمر حطب واتدفى والرزق عند الي يقود السحابي
اهم شي ان الواحد يدفي روحه
قبل هالبرد ينساب بجسمه همن يتنقع به صيح
ياعله خيره هونا عن هالمساهمه

[ريوف الشمري]

الأخ عبد العزيز

أسأل الله ألا يحرمك أجر ما كتبت فوالله إنك أفدتني إفادة عظيمة

وفعلا أخي .......


الرزق القليل الحلال خير مما أختلف فيه وإن كثر

و والله لأن تظل في منطقة الصفاء والوضوح خير لك من أن تدخل إلى مواطن الشبه والخلاف

جزاك الله خير الدنيا وثواب الآخرة

[شنقل]

^
^
^
مسحبتن علييييييييه



عزوزانت وشلونك

[أجا]

عبدالعزيز

مشكور على التنبيه

وزي ماقال المسك انها مختلطه

و انا قريت في جريدة المدينه العدد 15578 الصفحه 14

تصريح للدكتور يوسف عبدالله الشبيلي ان ينساب من الشركات

المختلطه ويجوز الاكتتاب فيها..

هذا والله اعلم

أجــا

[عبدالعزيز]

عافاكم الله ويجزاكم خير جميع


والله يالربع حلله أو حرمه الشيخ فلان ولا علان الامور واااضحة وكلٍ له عقل يفكر به..

[ابو ســـــيف]

عبدالعزيز الله يجزاك كل خير...

والله يعوضك ويعوضنا باللي احسن منه...




والله يالربع حلله أو حرمه الشيخ فلان ولا علان الامور واااضحة وكلٍ له عقل يفكر به


عزالله انك ماتسذبت...

عشت ولاهنت..

[ابو فارس]

اخي عبدالعزيز
تسلم على حرصك وانتقائك للحلال من الرزق
---
موضوعك ذكرني بنقطة هامة جدا
احببت ان اضعها بين ايدي اخواني هنا
وهي مايشاع بان المشائخ باختلاف فتواهم بين الحلال والحرام
قد وضعوا الناس في وضع الشك والحيرة والاختلاط
لكن الصحيح انه يجب في البداية احسان الظن بالعلماء في عامتهم
وان سبب خلافهم انما هو في مقتضى الدليل وليس لهوى او مطمع دنيوي
وان الخلاف ليس بجديد على المسلمين بل هو خلاف قديم
بل حتى في زمن اصحاب النبي صلى الله عليه وسلم وجد الخلاف
لكن لم يكن الخلاف يحدث مشكلة ابدا
ولم يوقع الناس في حيرة
لان الاسلام بين لكل شخص منهج وطريقة في الاخذ
فالناس من ناحية الشرع اما عامي او طالب علم او عالم مجتهد
فالعالم لايجوز له التقليد بل عليه التحري والنظر بالادلة والترجيح
وطالب العلم عليه الاتباع بعد النظر باقوال المختلفين ومن ثم يقتدي باحد القولين
واما العامي وهو ماسوى السابقين
بمعنى اغلب الناس حتى لو كان لديه علم غير شرعي
فهذا مذهبه مذهب مفتيه
يعني اذا افتى له العالم وجب عليه تقليد ذلك العالم
وبهذا تبرأ ذمته
ولكن اي عالم نسال؟
وباي عالم نقتدي؟
هنا ايضا اوضح العلماء انه يجب على العامي التحري عن الاعلم والاتقى
ومن ثم وضع الثقة فيه والاطمئنان من ناحيته
وحتى مع وجود الخلاف فالامر واضح وبين ولايوقع الناس بالحيرة والشك
ولايكون الخلاف سبب في النيل من العلماء والمشائخ نظرا لاختلاف وجهة نظرهم
----------
هذه بعض النقاط واعتذر عن الاطالة
لعلنا جميعا نستفيد
ودمت بخير

[ابو مرشد]

سفلئه