المساعد الشخصي الرقمي

مشاهدة النسخة كاملة : الهلال والنصر


سعد الحامد
07-12-2005, 01:55
قردني الله ورحت للملعب اشوف مباراة الهلال والنصر بعد غياب 10 سنوات عن الكوره كلها

فخرجت هذه وانا في الملعب :smooch:



جاني محمد نشوف الكوره = واشهد اني للرياضه غاوي

يمكن العب واصبح الاسطوره = واتحدى حمزه الهوساوي

ورحت للملعب على المجدوره = وليتني في مرقدي ثاوي

الهلال ازرق على المقصوره = والنصر اصفر على زرقاوي

وكل واحد في وسط جمهوره = ورحت انا مع شلة البرماوي

خفت تاتي لكمةٍ مغدوره = لو رفعت اشجع النصراوي

قال واحد / المدرب صوره = وقال ثاني / المهاجم هاوي

شف حكمهم داهنين اسيوره = ليتهم جابو حكم نمساوي

الله اكبر يازمان الثوره=جيل صالح واحمد النيفاوي

جيل ماجد لعبته محكوره = لا انطلق كنه هدادن ناوي

ذاك وقتن بصمته محصوره = يوم تطرب طربة الحنّاوي

ذاك وقت اللمسه المسحوره = وذاك وقت الساحر الغاوي
عسعس الشرقيه
07-12-2005, 05:15
صح لسانك لاهنت يالعالمي لايكون انت الي قلت القصيده بالاجتماع النصراوي
المسعودي
07-12-2005, 21:05
صح لسانك

ولاهنت اخووي العالمي

ولك مني احلىتحيه
فلاح العماش
08-12-2005, 02:24
سعد الحامد




صح السانك

وشكراً لها الحضور الجميل




دمت بود
عبدالله الجعيثن
08-12-2005, 08:36
سعد الحامد

صح لسانك

ونتظر الاجمل