تعالوا..اركضوا..ردوا..وانكسوا.. [الأرشيف]

مشاهدة النسخة كاملة : تعالوا..اركضوا..ردوا..وانكسوا..

قـــوت

06-12-2005, 21:44

بسم الله الرحمن الرحيم

السلام عليكم ورحمة الله وبركاته
هذا اول موضوع لي بالمضايف:goooood: حتى ما كتبت ترحيب على طول نصيت الفلة مجودة(ن) العلوم لا ينفرطن:)

الموضوع رح يكون ذكريات طريفه مرينا فيها وللحين في الذاكره :p: :p:

اول موقف:
هالموقف بالصيف كنت بالحرم المكي الشريف كنت لابسه دسوس رجلين(نايلو ويزلقن) من زود الستر n) وحنا طالعين من الجمعه وانا انزل مع الدرج حق الحريم وساع شوي وانا بي لي عجله ليا صرت نازله مع الدرج (الله يصلحن) يمكن باقي خمس درجات وبلمح البصر جبتهن زحف على ظهري :g: :g: ما وعيت الا انا منعويه بالاستراحه حقت الدرج والحريم يقولون بسم الله عليك وسلامات والمصريات فزعن يقولن شيلي البتاع ده علشان تتنفس وانا بهاللحظه ذابحتن الفشله(احس كل اللي بالحرم حتى السديس وابن طالب يدرون انه انا اللي طاحت) ابي اهرب بس قلت لا لا ما بي شين اول مره تشوفون وحده تطيح وانا اكمل مشواري وانا بنص الدرج الثاني وهي تندغن هكالمره قالت ارفعي عباتك ترا هي اللي طيحتك (يالله لهاللحين يدرون انه انا اللي طاحت) قلت طيب وانا احط رجلي و اهج ويوم وصلت الشقه واتفقد الاصابات الا كوعي انزلط وظهري انملع والى هالحين وانا احس بالفشله

وفيه مره بالكليه طحت بالدرج بعد بس الناس بالمحاظرات وش تتوقعون سويت؟؟؟؟

قمزت

واتلفت فيه احد شافن؟؟؟!!
الامافيه احد شافن(الله ساترك وشوله تفضحين روحك؟؟)

وفيه مره من المرارير ()تخانقت انا وأخيي اللي اكبرمني على طول(طردا)يبيني اكوي ثوبه وانا اعيي وهي تقوم داحس والغبراء قال هين يام اربع عيون قلت الخلا بس الخلا:242r: :242r: ويوم جاء من بكرا وحنا نقوم الصبح وكلن على مدرسته وجت الحصه الاولى وبنص الحصه الثانيه الا الخراشه تدق بالفصل(الخراشه=ساعه المنبه) وكلن يتلفت وانا اتلفت معهم والابلى فتحت افمه الا كل الفصل يراعون لي ويراعون لشنطتي وافتحه المطشيه الا هذي الخراشه واطفيه واعتذر والابلى عصبيه وهي تعطيني درس عن الاهمال وعلى الاداره وتعهد والمهم انتقم قراقوش ؟؟

تخيلوا من بكره الحصه الاولى ابي اطلع كتابي توقعوا وش لقيت حاط هالقراقوش بشنطتي؟؟
؟؟
؟؟
؟؟
مفتاح الغاز
قلت هالحين يقولون هذي إرهابيه تبي تفضخ روسنا امس ساعه علشان التوقيت واليوم السلاح والهجوم.........
واركض انا وخوياتي :473r: ونحطه بالدريشه ويوم جت الطلعه وانكس وآخذ مفتاح غازنا ويوم رحت للبيت وانتظر قراقوش وعلى مادخل لينا لوه بالجبهه بس بالمخده مهوبالمفتاح واعلم عليه الحكومه وهم يقولون لي تستاهلين ليه ماكويتي ثوبه امس؟؟ وانا ادندنه خليليه (سلاح الحريم:36_2_18: ) قلت حلولات من هابدته بالمفتاح بدال المخده دام اني ماني واصلتن لاحوض ولاروض

ومن ذاك اليوم وانا افتش شنطتي قبل اروح للمدرسه

وعلى قولتكم ::جيتكم عنهم مدري عنهم وهذا طوووووووووووول عرفي

وهذي اول مشاركه لا تفشلوني ردو وشدو من أزري وانقدوني ""

أختكم (آخر العنقود:chinese: )يعني القعده:d: هههههههههههههههههه

قود بايات

ابو مرشد

06-12-2005, 22:50

هههههههههههههههههههههههههههههههههههههه

1- حياج الله في مضايف شمر و اعتبري نفسج بين اخوانك و عيال جيرانكم الي على اليمين

2-القراقوش سلمي عليه واجد و الله يخليكم لبعض و مره ثانيه اكوي ثوب اخوج ههههههه

3-يعطيج العافيه على هالموضوع الحلو ما قمت اقول جميل - جميله بسبب الزقروطي من كثر ما يتشمت هههه

و انتظار جديدك يا اختي الجعده :)

ابو مرشد

مناكد

06-12-2005, 23:18

السلام عليكم ورحمة الله وبركاته

وعليكم السلام ورحمة الله وبركاته...

هذا اول موضوع لي بالمضايف:goooood: حتى ما كتبت ترحيب على طول نصيت الفلة مجودة(ن) العلوم لا ينفرطن:)

عني حياتس الله...اما عن مضيف الترحيب ياويلتس من ابو خليف...

الموضوع رح يكون ذكريات طريفه مرينا فيها وللحين في الذاكره :p: :p:

هذي القراده بعينه وعلمه...

اول موقف:
واتفقد الاصابات الا كوعي انزلط وظهري انملع والى هالحين وانا احس بالفشله

عليتس بالكلونيا والليمون...وإذا حصل شوي ماء بطاريه يكون أفضل...

واتلفت فيه احد شافن؟؟؟!!

الظاهر انتس حنفاء ورجليتس يتلولسن على بعضهن...

الخراشه تدق بالفصل؟؟

مدزدين بتس...

مفتاح الغاز
هذي إرهابيه.........

بدون شك...

وهذي اول مشاركه لا تفشلوني ردو وشدو من أزري وانقدوني ""

مشاركة رائعة وكثري من اللي هاللون...

أختكم (آخر العنقود:chinese: )يعني القعده:d: هههههههههههههههههه

يقولون السوريين عن آخر العنقود...سكر معقود!!!

وربعتس يقولون القعده حبه رعده!!!...

قود بايات

اختي القعده مرحباً بتس بين اخوانتس وخواتس بمضايف شمر...

ومن الأفضل ان تمرين على ابو خليف وتسلمين عليه وعلى اخوانتس وخواتس هناك...

.

اماكن

07-12-2005, 00:10

خرّاشـــــــــــه ومفتاح غاز

إلا والله فشلـــــــــــــــــه :)

ههههههههههههههههههه

يقطع شرّه اخوك والله انه نكته

بالنسبة لي :

أذكر في مرّة كنت لابسه لبس مخالف وأنا بالثانوي . وطول هذاك اليوم وأنا اتخبّى عن عيون الإداره

لأن مديرتنا صعبه بقوّة ... وقرّب نهاية الدوام ومامسكوني ، وانا مبسوووووووطــــــــه والبنات يقولون ماشاء الله عليكي حظيظه << وصدّقت هالسالفه

لكن نقطة ضعفي " إعجابي بوحده من المعلمات "

وهالمعلمه ارسلت لي مرسال مع بنت تقول : روحي للإدارة واعطيهم الكلمة اللي اتفقنا انا وانتي عليها

طبعاً هي ماشافتني اليوم ولا درت اني مخالفه

من الفرحه + النذخــه + القرد والقراده نسيت اني مخالفه :)

هوووووووووب وطرت لغرفة المديره وسلّمتها بنفسي الخطاب وماتذكرت اني مخالفه لين شفت عيون المديرة طايرات والشياطين تناقز بين عيونها ..

قلت : هلا هلا هلااااااااا والله رحت فيها .. وهات ياتهزيــــــــــــــــئ :)

وأنا بأعيّـــــــــــــط ...

8
8
8

مقروووووده :)

واذكر كل همّي ان ابلتي اللي مرسلتني ماتمر وتشوفني موقفه قدام الإداره وعيوني حمراء :)

" ذكريـــــــــــــــــــــات اوجعت قلبي ياآخر العنقود الله يغربك عدوينك " :)

مشكوره

قـــوت

07-12-2005, 00:58

هلا بالربع
ابو مرشد
1_اخوي هلا والله نورت ياخوي ياولد جيراننا اللي على اليمين.
2_القراقوش صار رجال وشنبات وهالحين بس اشحذه علشان يوديني للسوق او يسير بي وهو يتمنن علي (ووه ياجور الايام)
3_اقول ابو مرشد عندي لك سؤال ؟؟؟من هم جميل وجميله؟؟سواقكم وشغالتكم؟؟
يعطيك العافيه من جد ""
وتراك دخلت التاريخ من اوسع ابوابه انت اول واحد يرد على اول موضوع لي بالمضايف::ياحظك هههههه

الجعده ///////ياثقلها ماحبيتها احس انها بجعه!!!!!!!!!

مناكد مناكد
هلااااااااااااااااااااااااااااااا والله بمناكد
انا رجليني يتلولسن من العجله وانت رجلينك يتلولسن من السريويل اللي خبري خبرك اللي بعرق المظهور

وهقوتك ابو خليف يبي يدري اني ما مريته والله مايقصر الرجال وانا ما تعديته الا وانا ذالة انه يذبح ذبايح وعزايم وانا ما ودي اكلف عليه وانت خابر الناس مدارس ما ودنا نسهرهم

بس انشالله هالحين ابي انزل موضوع بالترحيب وانتم الحقوني ورحبوبي (واسطات)
لك كل الشكر

أماكن
هلااااااا والله وسهلا يامرحب والله بأمكونه>>>تدليع
ياجدي انتي والله احس يطلع منك غبار أي إعجاب الله يصلحك بس المديره حقتكم احس انها شيريخان وانتي ماوكلي فتى الادغال
اسعدني مرورك يالغاليه

راعي الردميه

07-12-2005, 00:58

يلعن ابو القراده اللي تعرفينه

القراده والله شفيه عند راعي الطيب

و هذا اخوتس سلمي لي عليه وحبي لي خشموه اللي سوا بتس كذا:)

كان المفروض يحط معاتس بالشنطه مفتاح كفرات او عفريته ماهو ساعه خراشه ومفتاح الغاز

بس مفتاح الغاز اضحتستن صدز :)

الله يضحتس سنتس مثل ما ضحكتي طويحيناتنا

وبعدين ابو خليف ليش فتح مضيف الترحيب ماهو علشان تمرين عليه وتجين هنا

يالله اقفضي قشتس وانهجي هناك سلمي عليه وتعال تربعي هنااا

وحيلتس بهم
:) :) :) :) :) :) :) :) :)
:) :) :) :) :) :) :) :)

شريف روما

07-12-2005, 02:15

ههههههههههههههههههههههههههه

هلا ومرحبا باخر العنقود

بدش على طووووووول

تدرين لو اقول لوحده من خواتي اكويي ثوبي ( دشداشتي ) :) وبس اشوف بعينوه انه ماله خلق
تصير علووووووم اقل شي زفة قشررررررررره :)
ومستحيل تقول لأ :)

و بالنسبة للطيحه بالحرم
هههههههههههههههههههههههههههههههههههههههه

حسبالي بس انا اللي احس الناس كله تطالع لي :)

بالنسبة لموقف الاحراجات ذكرتيني بموضوع الله لايذكره بخير :)

ابي انزلوه بالفلة عزالله موقف اقشر :a:

بداية جدااااااااا موفقة :goooood:

وبانتظار القادم

وانا متأكد ان القادم مذهل اكثر :good1:

ابومرشد مساك الله بالخير :7ayyoh:

سرحــان

07-12-2005, 20:54

هههههههههههههههههههههه

هههههههههههه

والله من القرد

الله يستر على اهل الفله

الظاهر شوي وتجيب الغاز بكبره

تحياتي

مغترب بالشمال

08-12-2005, 03:58

حياتس ربى حياتس

تصدقين مبطين عن الضحك

نصيحه وانتى بكيفتس لا طاحتى لاتلفتين تقل رقبت حاشى (سوقيه بثنين ولاحد يشوفتس )

تسلمين يالسكر المعقود

اخوتس الصغير

قـــوت

10-12-2005, 00:56

راع الردميه هلا فيك يالاخو:7ayyoh:

حرام عليك الرجال لعن جدفي وانت تبي تحب خشمه:a:
أي عفريته وليور؟؟؟؟؟؟؟
وشرايك لو كان حاط سياره بكبره؟؟

بس اسعدني مرورك:tongue:

قـــوت

10-12-2005, 01:12

الزقروطي ؟؟

تدرين لو اقول لوحده من خواتي اكويي ثوبي ( دشداشتي ) :) وبس اشوف بعينوه انه ماله خلق
تصير علووووووم اقل شي زفة قشررررررررره :)
ومستحيل تقول لأ :)
حنا ما نتعامل بالزفه القشره ؟؟؟
بالمركا!!
بالكاسه!!
بحدا وغدان اخواني !!

بالنسبة لموقف الاحراجات ذكرتيني بموضوع الله لايذكره بخير :)

ابي انزلوه بالفلة عزالله موقف اقشر :a:
وموضوعك حلو وقريته وحاولت اتشمت بكل ما أوتيت من قوه ؟؟!!هههه

بداية جدااااااااا موفقة :goooood:

وبانتظار القادم

وانا متأكد ان القادم مذهل اكثر :good1:

الله حيووووه
ابومرشد مساك الله بالخير :7ayyoh:
ابو مرشد الزقروطي يقول لك مساك الله بالخير ..//

شك شك رن رن

قـــوت

10-12-2005, 13:20

سرحان شكرا لك
الغاز ليه شايفن لوري اشيل غاز؟؟

بس الله حق اسعدن مرورك
شك شك رن رن

قـــوت

10-12-2005, 13:26

حياتس ربى حياتس

تصدقين مبطين عن الضحك

الحمد لله انك ضحكت وهذا هدفي !!

نصيحه وانتى بكيفتس لا طاحتى لاتلفتين تقل رقبت حاشى (سوقيه بثنين ولاحد يشوفتس )

انا رقبة حاشي بس نصيحة تكتب بماء الذهب رح نطبقها في الطيحات الجايه انشاء الله

تسلمين يالسكر المعقود
:smileyb:
هلا والله

اخوتس الصغير

:surprised

اسعدني مرورك

المخاوي

15-12-2005, 13:14

&آخر العنقود&

حللت اهلا بين اخوانك واخواتك :hala1:

وابو خليف ممديتن عليه مامن عجله اهم شي لا يضعن العلوم :)

يالله حي المقروده :7ayyoh:

هههههههههههههه

تهجين من دحديره وتقعين بحفره :d:

مواقف طريفه فيها كر وفر يوم لتس وعشره لخيتس :p:

تسلمين ياَخر العنقود على هالمواقف الطريفه :thumb:

وبانتظار مواضيعك وابداعاتك القادمه :goooood:

شنقل

17-12-2005, 12:18

ول عليتس

اجل قرادتي ماتاكل عيش معتس

اخر العنقود

يسلموووووووووو

قـــوت

19-12-2005, 01:43

يا الله(أو ماي قاد)

شنقل هنا ياحظنا ياحظنا

وانا اشوف موضوعي مولعه لمباته اثري هذا نورك

يا عز الله نورت

ياهلا ومرورك حلو

الأصيل

20-12-2005, 16:17

بسم الله الرحمن الرحيم

السلام عليكم ورحمة الله وبركاته
هذا اول موضوع لي بالمضايف:goooood: حتى ما كتبت ترحيب على طول نصيت الفلة مجودة(ن) العلوم لا ينفرطن:)

الموضوع رح يكون ذكريات طريفه مرينا فيها وللحين في الذاكره :p: :p:

اول موقف:
هالموقف بالصيف كنت بالحرم المكي الشريف كنت لابسه دسوس رجلين(نايلو ويزلقن) من زود الستر n)

أنا أخو العيال !!!!!

أثريتس بنت !!!!!!!!!!!!!:a:

وأنا كنت هاقي هقوه إنتس ولد !!!!!!!!!!!

يافضيحتك يابوثوب:d:

وحنا طالعين من الجمعه وانا انزل مع الدرج حق الحريم وساع شوي وانا بي لي عجله ليا صرت نازله مع الدرج (الله يصلحن) يمكن باقي خمس درجات وبلمح البصر جبتهن زحف على ظهري :g: :g: ما وعيت الا انا منعويه بالاستراحه حقت الدرج والحريم يقولون بسم الله عليك وسلامات والمصريات فزعن يقولن شيلي البتاع ده علشان تتنفس وانا بهاللحظه ذابحتن الفشله(احس كل اللي بالحرم حتى السديس وابن طالب يدرون انه انا اللي طاحت)

أهم شي .. عسى الكامرات ماصورنتس ؟؟

على الهوا مباشره ينقلون صلاة الجمعه !!!!!:good1:

ابي اهرب بس قلت لا لا ما بي شين اول مره تشوفون وحده تطيح وانا اكمل مشواري وانا بنص الدرج الثاني وهي تندغن هكالمره قالت ارفعي عباتك ترا هي اللي طيحتك (يالله لهاللحين يدرون انه انا اللي طاحت) قلت طيب وانا احط رجلي و اهج ويوم وصلت الشقه واتفقد الاصابات الا كوعي انزلط وظهري انملع والى هالحين وانا احس بالفشله

القراده ياخيه ....:d:

يقول إدوارد شلودر : خبطه تفوت ولا حد يموت :a:

وفيه مره بالكليه طحت بالدرج بعد بس الناس بالمحاظرات وش تتوقعون سويت؟؟؟؟

قمزت

واتلفت فيه احد شافن؟؟؟!!
الامافيه احد شافن(الله ساترك وشوله تفضحين روحك؟؟)

ياخاله ... إنتي الظاهر تحبين هواية التزلج !!!!

كل مواضيعتس يومنتس وقعتي ...:a:

أظن إن عندتس ماجستير في الوقوع على الدرج !!!!:d:

وفيه مره من المرارير ()تخانقت انا وأخيي اللي اكبرمني على طول(طردا)يبيني اكوي ثوبه وانا اعيي وهي تقوم داحس والغبراء قال هين يام اربع عيون قلت الخلا بس الخلا:242r: :242r: ويوم جاء من بكرا وحنا نقوم الصبح وكلن على مدرسته وجت الحصه الاولى وبنص الحصه الثانيه الا الخراشه تدق بالفصل(الخراشه=ساعه المنبه) وكلن يتلفت وانا اتلفت معهم والابلى فتحت افمه الا كل الفصل يراعون لي ويراعون لشنطتي وافتحه المطشيه الا هذي الخراشه واطفيه واعتذر

الحمد لله إنتس ماوقعتي على الدرج !!!:goooood:

والابلى عصبيه وهي تعطيني درس عن الاهمال وعلى الاداره وتعهد والمهم انتقم قراقوش ؟؟

تخيلوا من بكره الحصه الاولى ابي اطلع كتابي توقعوا وش لقيت حاط هالقراقوش بشنطتي؟؟
؟؟
؟؟
؟؟
مفتاح الغاز
قلت هالحين يقولون هذي إرهابيه تبي تفضخ روسنا امس ساعه علشان التوقيت واليوم السلاح والهجوم.........
واركض انا وخوياتي :473r: ونحطه بالدريشه ويوم جت الطلعه وانكس وآخذ مفتاح غازنا ويوم رحت للبيت وانتظر قراقوش وعلى مادخل لينا لوه بالجبهه بس بالمخده مهوبالمفتاح واعلم عليه الحكومه وهم يقولون لي تستاهلين ليه ماكويتي ثوبه امس؟؟ وانا ادندنه خليليه (سلاح الحريم:36_2_18: )

هالسلاح .. لازم يكون ضمن الأسلحه المحظوره في الشرق الأوسط:a:

قلت حلولات من هابدته بالمفتاح بدال المخده دام اني ماني واصلتن لاحوض ولاروض

ومن ذاك اليوم وانا افتش شنطتي قبل اروح للمدرسه

وعلى قولتكم ::جيتكم عنهم مدري عنهم وهذا طوووووووووووول عرفي

وهذي اول مشاركه لا تفشلوني ردو وشدو من أزري وانقدوني ""

أختكم (آخر العنقود:chinese: )يعني القعده:d: هههههههههههههههههه

قود بايات

ياأختي آخر العنقود ( القعده )

إنتي موسوعه من القراده

لذا .. سوف أقوم بتسجيلتس ضمن :

المجموعه الذهبيه لأساتذة القراده :d:

ابو مرشد

21-12-2005, 00:32