طااااااااااط الى خبراء الفورمات عندي سوعال فارن مخي ادخلوا وريحوني

[الفاضي]

طااااااااااااااااااااااااااط


الفاضي هاهنا<<<<<الولد مثقف:thumb: :)



سلام عليكم يا راعين الفورمات ولا يهونون الي ماهم راعين الفورمات:thumb:

يالربع عندي سوعال فارن مخيختي وحايسن حوس



هالحين بعد ما اسوي فورمات عن طريق الـxp يلغي على 8ميغا من مساحه الهاردسك
والدليل على هذا ان العليل برنامج البارتشن ماجيك:thumb: يطلعلي المساحه هذي وانه غير مفرمته
ولو اقسم الاقراص وافرمته عن طريق البارتشن ما تضيع علي

السوعال هو:>>>>>>تقل بمسابقه:) :)

هالفيد الي اسمه xp وين يودي هالمساحه <<<<<سوعاله شفاوه بسسسسس:) :) :goooood:



لاحد يقولي خلاص فرمت بالبارتشن
انا ابي هالثمانيه ميقا وين راحت صح انه ما تساوي شي من مساحه القرص لكن وين ذلفت:)


عساكم فهمتوا عقب كل هالخربطه :)
انتظر الاجابه على احر من الثلج
وان حصل مصادر بعد ما يمنع


تحياتي الفاضيه
طااااااااو

[الجازي]

هالثمانية ميقا ياطويل العمر هي مساحة التفحيط اللي صجيتنا به :)

الـxp يراعي حالتك النفسية التفحيطية عشان كذا حاسب حسابه وماخذ مساحة مستقطعة للتفحيط الين يفرجها الله عليك وتعتزل :)

هذا كتاب إلكتروني يشرح لك فورمات وتنصيب الويندوز xp

لايسخر قوم من قوم :) (http://www.khayma.com/arabbooks/mainsite/books/os/gen/format.zip )

ياحبي لايميلي عندك أنت واكس بيّك :)

[ابن جشعم]

مافهمت سؤالك يالفاضي..

ياليت تكون جدّي بالسؤال عشان نستوعب وإلا نقلنا هالمشاركه للفلّه,,

يالريم .. الرابط يقول الصفحة غير موجوده:(

[المشرف العام]

.
ابحث عن مشاركه باسم العضو : عاشق سلمى // شرح بها الفورمات من الالف للياء ، تجد مايفيدك بها ان شاء الله تعالى .

بالنسبه للمساحه المتبقيه 8 ميقا .. اعتقد انها محجوزه للنظام على القرص الصلب ، وحسب ماافهمه ان الفورمات لا تقوم بحذف جميع البيانات التي بالقرص بل تقوم بحذف اول حرف او رقم برمجي للبيانات ثم تقوم بضغطها ووضعها في نهايه القرص . وبالتالي لا يمكن قراءه البيانات من خلال نظام التشغيل ولا يمكن اظهارها إلا باستخدام برامج استعاده المفقود ، ووضعت مشاركه بهذا الخصوص قبل سنه ونيّف :)


.

[الفاضي]

طاااااااااااط

الفاضي نكس


لايسخر قوم من قوم

ايو والله لا يسخر قوم من قوم :)
اولا وين الكتاب :)
ثانيا الصفحه غير موجوده

وثالثا الي هو التفحيط
ابشرتس عقلت وماصرت افحط
قضبت القاع ماشالله علي
والله لا يغير علي انشالله:) :)


ابن جشعم
جلينن كبرك امزح معك:) :) :thumb:
لي ساعه اكتب واخرته تقول ما فهمت


الغالي ابو سلطان
سالفه التقسيم والفورمات كله اعرفه وما يحتاج شربه ماء على ماقيل:)

المشكله ياطويل العمر
انه لو تفرمت القرص الصلب عن طريق الاكس بي تبقا 8 ميقا غير معنونه او ماله مكان او ما تفرمت
الاكس بي يغيب هالثمانيه بس وين مايندرى
والمشكله هذي ماهي بس عندي عند كل واحد يفرمت عن طريق الاكس بي
لكن لو تفرمت عن طريق البارتشن ماجيك ما تروح عليك هالثمانيه
انا الي ابي اعرفه هالثمانيه وين تروح :surprised :surprised


ننكس للغالي ابن جشعم

شف يالعزوه
هالحين بعد ما تدخل السي دي حق الاكس بي وتمسح كل البيانات وبعده تبدا بتقسيم القرص
صح والا لا وبعدين تفرمت وتختار نظام الملفات الي تبي
وبعدين تنزل نظام التشغيل الي هو الاكس بي صح
وبعد ما ينزل كله وتغدي الامور توب عندك:thumb: :thumb:

لو تشغل برنامج البارتشن ماجيك راح تحصل فيه مساحه تقريبا 8 ميقا غير مفرمته او غير معنونه
يعني ماحد تعرضه :thumb:
طبعا تقدر تتجاوز هالمشكله بالبارتشن وترجع هالثمانيه
او الافضل انك تفرمت وتقسم عن طريق البارتشن وبعدين تنزل الاكس بي

طبعا هالمشكله بجميع اصدارات الاكس بي يعني ماهي بس عندي:) :goooood:

هاااااااااه عساك فهمت :thumb:


وبالعربي هالسالفه مطلوب علي تفسيره وصار لي اسبوعين ادور له تفسير وعجزت عنه تسان به احد عنده تفسير منطقي يقولي وان حصل مصدر ازين شوين والي ماعنده برضوه الله محييه
يجلس يتقهوى :thumb: :goooood: :goooood: ويستفيد معنا:thumb:

ماعليش كتبت ردين واحد لابو سلطان والثاني لابن جشعم
عشان كل واحد وفهمه:) الي ما يفهم على الشرح الاول يقراء الرد الثاني والي ما يفهم لرد الثاني يقراء الرد الثالث:thumb:
والي ما يفهم من الرد الثالث اعرفوا انه كمخه وما يفقه بالفورمات شي:) :)
او اني ما اعرف اشرح والظاهر انه هالون:)

تحياتي الفاضي

طااااااااو

[شريف روما]

ياخوي سوو فورمات باقرب محل وفك حالك :)

الحين ليه تسوي لكمبيوترك فورمات اكيد انوه فاضي من كل شي عشان هشكل انت اسمك الفاضي

ولا انا غلطان :)

[عبدالعزيز]

^
^
مشكلتك يالزقروطي انك ماتفرق الرجال اللي يشترون راحتهم بمالهم عن اللي يتعفنن الدراهم بخزاينهم:)

وانت يالفاضي ياخي تعال لمي باتسر وعندي لك هارديسك خارجي 20ميقا مجدوعٍ ماله حاجة خذه بدل هالثمان وفكنا الله يفك وجه عدوك تسانك دبلت كبودنا بكثر مشاكلك وتسانك ملزم على هالثمان انكس للبنشري اللي فرمت لك يظبطه وكاد ان حسبته بتقسيم الهارد ماهي مظبوطة ولا اقصره وتعال لمي اتعلم عليه وجب معك فلوبي تسانه دسك توب وتسان هو لاب توب جب تعاريفه :)

وبعدين تر ابن جشعم ماهو على خبرك .. الرجال متكبر:)

[الفاضي]

8
8
8
انتم وش سالفتكم كمخه
شكلكم تلقطون نص السالفه وتجدعون النص الثاني


وبالعربي هالسالفه مطلوب علي تفسيره وصار لي اسبوعين ادور له تفسير وعجزت عنه تسان به احد عنده تفسير منطقي يقولي

انت قريتوا هالمكتوب هذا والا لا

يعني هالثمانيه ماهمتن بشي انشالله 8 جيجابايت والا 8 تيرابايت
اهم شي اجيب تفسيره للدكتور هالفكوك الي دابلن تسبودنا يقول ابحثوا عنه


هاااااااااه فهمتواااااااااا

طاااااااااو

[الجازي]

^
^
^
أنا السنعة اللي فاهمة :) ,,

وجبت لك الجواب ماقصرت :thumb:

بس ماهو ذنبي ان الصفحة غير موجودة :)

كانت موجودة عندي ويوم درت عنك هجت :)

بحوس لك مرة ثانية واشوف وين طست هالثمانية ميقا واعلمك ,,

[الجازي]

لقيتها :thumb:

هذي الله يسلمك مساحة لواحد من برامج الحماية اللي أنت محمّله مجاني :) <<<< شكلك مطفر :)

احذف البرنامج وارجع فرمته وشف اذا ماطست هالثمانية من غير رجعة :thumb:

هذا اللي طلعت به من دوراني بالنت ,,

مع اني يوم رجعت لكلام ابو سلطان لقيته مقنع وراك أنت مااقتنعت به !!؟

[الفاضي]

اقول الريم انقلعي بسسسس :) <<<<<<<خربت معه:)

هالحين اقولتس ماسح كل شي ومفرمت وتقولين برنامج

وبالنسبه لرد ابو سلطان ما قلت به شي
بس ليه اسطوانه الاكس بي يلغي علي 8 ميقا وبرنامج البارتشن ما يلغي هالثمانيه
اكيد فيه سبب
وانا ابي اعرف هالسبب
فهمتي والا اشرح بتفصيل

طااااااااااو

[ابن جشعم]

اشرح بالتفصيل يالفاضي...

عشان نقولك وين هالثمانية يتغيبن..

[عبدالعزيز]

نعم نعم اشرح بالتفصيل:)

[الفاضي]

الله والعالم ان ما وراكم سنع:)
ابن جشعم وانت يا جنط يالي اسمك عزوز:)
انتم فرمتوا اجهزتكم عن طريق اسطوانه الاكس بي ونزلوا نظام التشغيل
وبعدين نزلوا برنامج البارتشن ماجيك
وشوفوا وش يقول لكم هالبرنامج عشان تفهمون

طااااااو

[عبدالعزيز]

هــء:(

[الجازي]

أردى منك اللي يفزع لك أصلا :2gunsfiri

أقول له عنز يقول احلبيها !! <<<< أجل يحلب التيس :)


بس ليه اسطوانه الاكس بي يلغي علي 8 ميقا وبرنامج البارتشن ما يلغي هالثمانيه
اكيد فيه سبب
وانا ابي اعرف هالسبب

شف عاد بما إنك مسوي لي فيها فاهم وأنت تدربي راسك ,, بعطيك الحل مبهم وأنت حاول تطلعه :) << أنواع التصريف :)

المشكلة أو السبب موجود في هالكم كلمة الموجودة في طريقة عمل الفورمات :

" هنا راح يعطيك الخيارات...

* تهيئة البارتشن لاستخدام نظام الملفات NTFS والفورمات راح يكون سريع..

* تهيئة البارتشن لاستخدام نظام الملفات FAT والفورمات او التهيئة راح تكون سريعه

* تهيئة البارتشن لاستخدام نظام الملفات NTFS والفورمات راح يكون عادي

* تهيئة البارتشن لاستخدام نظام الملفات FAT وراح يكون الفورمات عادي

* والخيار الاخير انصحك باختياره اذا كنت قد عملت فورمات قبل ادخال السيدي .. واما اذا كنت لم تعمل فورمات للبارتشن اختار اي واحد يناسبك ( انصحك باختيار الرابع .. او الثاني)

علما بان الــNTFS افضل من الــFAT ولكن في مجالات معينه مثل الشبكات ..

ولكن عندما تنصب الويندوز على نظام الملفات NTFS فانك لم تستطع رؤيته ولا يمكنك عمل فورمات له الا بعد التحويل الى FAT وذلك عن طريق البارتشن مجك 7

اختر FAT وعمل فورمات عادي..

* وبعد الاختيار راح يسالك للتاكيد هل تريد عمل فورمات للدرايف؟

* واذا تريد تغيير البارتشن او الدرايف اضغط ESC ( تاكد بان الدرايف هو المطلوب) "

يعني سببك موجود في الكلام المكتوب أعلاه :)

أسهل من كذا وش تبي ؟؟

قربت لك الإجابة مرررررررررررررررررررررة :)

[الشمري محمد فهد]

الثمانية ميجابايت اللي تتكلم عنها هي مساحة موجودة بنهاية الهارددسك وهي ضرورية لعمل

" Dynamic Disks " , بالعادةهي تكون موجودة و مخفية عن الممستخدم ..

لكن نظام ويندوز إكس بي و ويندوز2000 يحتاجون يضمنون وجودها عشان كذا يحجزونها ..

إذا ماتدري وش الـ Dynamic Disks إسأل عبد العزيز عنها ..

تشاوو ..

[الفاضي]

الثمانية ميجابايت اللي تتكلم عنها هي مساحة موجودة بنهاية الهارددسك وهي ضرورية لعمل

" Dynamic Disks " , بالعادةهي تكون موجودة و مخفية عن الممستخدم ..

لكن نظام ويندوز إكس بي و ويندوز2000 يحتاجون يضمنون وجودها عشان كذا يحجزونها ..

إذا ماتدري وش الـ Dynamic Disks إسأل عبد العزيز عنها ..

تشاوو ..

يا عيني على الناس الفاهمه
ايه هذي هي الاجابه الي تستاهل
ماهو واحد جايب لي خيارات الفورمات ويقول تلقى جوابك هنا:) :) <<<<<ما يقصد الريم
وش دخل الخيارات بالجواب


مساك الله بالخير يالقلب العاصف:)
وشلونك يا بعد حيي
يعني هالثمانيه ميقا وهالازعاج كله عشان الداينمك دسك:a: :a: :a:

وعطي الله البارتشن ماجيك يمسح كل هالدنيا:thumb: :thumb:

يعطيك الف عافيه على هالمعلومه
وباتسر وانا معنط بالدكتور وقايل له الجواب :) :) :)

اطلق تحيه للقلب العاصف
والباقين بكيفهم


طااااااو

[ابن جشعم]

طيّب حنّا وش استفدنا من كل هالسالفة...

اياهالقعيطي مايضيع لك شين !! شلون لو هن دراهم :)

[الفاضي]

وش دخل الدرجات بالدارهم:) :) :)

[الجازي]

^
^
^
أنا أعلمك وش دخل الدرجات بالدراهم بما إنك ماتدبر شيء لافي الهارديسك ولا البارتيشن :)

إجابة القلب العاصف تجيب لك الدرجات !!

وإجابتي تجيب لك الدراهم :)

شفت ان اجابتي أنفع لك من إجابة القلب العاصف :)

بعدين اجابة القلب العاصف موجودة في ثنايا اجابتي :) بس مايشوفها الا اللبيب الذكي بدليل ان القلب العاصف عرفها وشرحها لك على قد فهمك :)