ايضا أعجبتني [الأرشيف]

مشاهدة النسخة كاملة : ايضا أعجبتني

ابو مشاري الشمري

01-03-2002, 09:11

مدري الزمان اللي زبـــد ثم عـربــد * ولغبت بك امواجه معـالـيق وحجــاج

او هو الحبيب اللي نزح عنك وابعد * ولك حاجة به وانت ما قــلت محــتـاج

او هــوالجســد لابـد يعـرق ويـبـرد * دور لروحك لحظة الضعف مخــراج

يا ضـارب في الصخر بذراع اجـرد * بين بيــاض العـظـم مــا بـان هـــــداج

ويا ضـايع فـي غابة الحبر الاســود * ضاع العمر ما جبت حرفين من عــاج

اشعلت جمر واحرقــك لــين رمـــد * واليوم تبني حوله ضــــلوعك ســياج

ارخ السـتايــر ما بـقـى غيـر مشـهد * كـهــل كـفـيــف يشعل لغــيره ســراج

وتقبلوا تحياتي

لاأعلم من الشاعر

واحد من الناس

01-03-2002, 10:35

الاخ ابو مشاري الشمري

يااخي انت ماتختار الا الروائع والله اني بديت اقرأ كل اختياراتك لاني متأكد انها رائعه

يا ضـارب في الصخر بذراع اجـرد * بين بيــاض العـظـم مــا بـان هـــــداج

الله واكبر على هالبيت رائع

وهذا بعد ماهو قليل

ارخ السـتايــر ما بـقـى غيـر مشـهد * كـهــل كـفـيــف يشعل لغــيره ســراج

تسلم يابو مشاري على الاختيار وياليت اللي يعرف لشاعر يقول لنا من هو0

تحياتي
اخوك

واحد من الناس

ابو مشاري الشمري

01-03-2002, 10:42

أخوي واحد من الناس
صباح الخير
أشكرك على الاستمرار في هذا المضيف .
تسلم ياغالي عطيتني اكثر من حقي في المدح.
أشكرك من قلبي
أخوك الاصغر ابو مشاري

سويلم الشمري

01-03-2002, 22:47

ابو مشاري صح لسانك

ما قصرت يالقرم
يا ضـارب في الصخر بذراع اجـرد * بين بيــاض العـظـم مــا بـان هـــــداج

اللة اللة وش هالجمال

اللة لايحرمنا منك اخوي ما قصرت

ابو مشاري الشمري

10-03-2002, 23:38

أخوي الغالي سويلم الشمري
الله لايهينك تسلم ياغالي على تعقيبك
أشكرك ولك تحياتي