مشــــعل
30-11-2005, 11:06
"سولافه وقصيده"
طبعا هي واقعيه جيت ابي احطه بالقصه والقصيده
وهو يهربن راعي الوقيد قال والله ماتشوفك عيني
وانا اجيبه قلت خلن اجضعه عند المخاوي
هذا واحد من الشباب اسموه عيد العنزي
خشمٍ طيب ومطنوخ يابغيت منوه شين بس قل ابن وايل يجيك مروح
المهم ان عيد عليه لوه مبسم لو يضحك بوجهك تاخذلك اسبوع ماتغدا
الله لايبلا كل سنن بجهه
الله والعالم حتى لهاتوه يمكن تلقى به سن:)
المهم الرجال ماقصر ماخلى شين ماحطوه يبي اغديهن يتسنعن
يوم جاء اكاليوم حول هالعصر اليامار هذا جوالي يدق يامار هذا عيد
وش عندك ياولد
قال مشعل انا طالبك ابيك معي
قلت معك بس وش السالفه
قال جت عندنا بحايل دكتورة اسنان اسمه فتحيه عبد الغفور
ونبي نروح له
قلت انا وش موديني قال انا طالبك ابيك معي وادفع عنك قيمة العياده
قالت ماهي سالفة فلوس سنوني مابهن بلا
المهم مالكم بالطويله يوم جاء عقب هالعشاء وحنا نروح يمه
وهو يدخل قبلي يمه يوم طلع يامار يتبسم قلت وش عندك قال ابد سلامتك
انا هذا اتحراك برا بالسياره
وانا اتسفت يمه
اليامار تسفتت عدوك
اليامار اكاالبلايات اللي جالستن على الكرسي
ياملا فرقى العين
والله يالربع ماتقل مره الا ست حريم متشابطات
تسيف ماتدخل مع هالباب
المفروض يقاله الاخوات فتحيه:)
قالت اتنأح
قلت يامنقحتس الزرقاوي وين اتنقح
قالت على السرير
والله وانا انجضع يامار بجنبه له وحدتن قزما معه تقل منشار
وهي تجيك يمي
الوكاد مسبوعة الابو قامت تنتلن هذي حديدتن تجحره وهذي حديدتن تطلعه
وانا دليتّ اتدعى على ابو عناز ياعلك ماتربح ياعيد
ياعلك ماتفيد
والمروحه القزما واقفتن عند راسي قل شوين ابي انجمه
دبلت تسبدي ولو اني تقل عشدزته:)
يوم خلصت فتحيه قالت موعدك السبوع الجاي
قلت الا ياجايتس
الوكاد طلعت منه وانا ماعرف الناس
وانا اجيك وارتسب بالسياره اليامار تقل سكران
قال عيد علاااااااااااااامك
قلت:
قالوا علامك قلت مامن تناشيد=الحال راحت يابن وايل حسوفه
انشهد انّا يالغبيني مقاريد=من يوم فتحيه نوتنا كشوفه
فرقى وجه هي وش تبي بالمواعيد=انشهد انه مخرعاتٍ وصوفه
الوجه والله يالنشاما تقل ديد=وشبه الجراكن يالنشاما ردوفه
اليامشت تسمع رجيف الرواعيد=من قردنا من يوم والله نشوفه
من يوم جابتني على القاع تمديد=ومن عقبها مدت علينا سيوفه
قامت تنتلني حشا تقل توليد=عسى شياطين المنايا تحوفه
ايا حلولات الحديده اياعيد=واللي يرصه بين مقرن كتوفه
اوليت عندي من جديد البواريد=ومن عند صفطات المحاشم نلوفه
هذي مناتي مايبي له تراديد=حرام والله "فيدهم" مانحوفه
[/poem]
**فيدهم=المستوصف
عاد والله يالربع قبل هالسالفه انا ذيبن امعط ولااعرف الذله
مار حطت بي خفقه الله ياخذه
من تالي قمت بس ارمّز
وسلامه تسلمكم
طبعا هي واقعيه جيت ابي احطه بالقصه والقصيده
وهو يهربن راعي الوقيد قال والله ماتشوفك عيني
وانا اجيبه قلت خلن اجضعه عند المخاوي
هذا واحد من الشباب اسموه عيد العنزي
خشمٍ طيب ومطنوخ يابغيت منوه شين بس قل ابن وايل يجيك مروح
المهم ان عيد عليه لوه مبسم لو يضحك بوجهك تاخذلك اسبوع ماتغدا
الله لايبلا كل سنن بجهه
الله والعالم حتى لهاتوه يمكن تلقى به سن:)
المهم الرجال ماقصر ماخلى شين ماحطوه يبي اغديهن يتسنعن
يوم جاء اكاليوم حول هالعصر اليامار هذا جوالي يدق يامار هذا عيد
وش عندك ياولد
قال مشعل انا طالبك ابيك معي
قلت معك بس وش السالفه
قال جت عندنا بحايل دكتورة اسنان اسمه فتحيه عبد الغفور
ونبي نروح له
قلت انا وش موديني قال انا طالبك ابيك معي وادفع عنك قيمة العياده
قالت ماهي سالفة فلوس سنوني مابهن بلا
المهم مالكم بالطويله يوم جاء عقب هالعشاء وحنا نروح يمه
وهو يدخل قبلي يمه يوم طلع يامار يتبسم قلت وش عندك قال ابد سلامتك
انا هذا اتحراك برا بالسياره
وانا اتسفت يمه
اليامار تسفتت عدوك
اليامار اكاالبلايات اللي جالستن على الكرسي
ياملا فرقى العين
والله يالربع ماتقل مره الا ست حريم متشابطات
تسيف ماتدخل مع هالباب
المفروض يقاله الاخوات فتحيه:)
قالت اتنأح
قلت يامنقحتس الزرقاوي وين اتنقح
قالت على السرير
والله وانا انجضع يامار بجنبه له وحدتن قزما معه تقل منشار
وهي تجيك يمي
الوكاد مسبوعة الابو قامت تنتلن هذي حديدتن تجحره وهذي حديدتن تطلعه
وانا دليتّ اتدعى على ابو عناز ياعلك ماتربح ياعيد
ياعلك ماتفيد
والمروحه القزما واقفتن عند راسي قل شوين ابي انجمه
دبلت تسبدي ولو اني تقل عشدزته:)
يوم خلصت فتحيه قالت موعدك السبوع الجاي
قلت الا ياجايتس
الوكاد طلعت منه وانا ماعرف الناس
وانا اجيك وارتسب بالسياره اليامار تقل سكران
قال عيد علاااااااااااااامك
قلت:
قالوا علامك قلت مامن تناشيد=الحال راحت يابن وايل حسوفه
انشهد انّا يالغبيني مقاريد=من يوم فتحيه نوتنا كشوفه
فرقى وجه هي وش تبي بالمواعيد=انشهد انه مخرعاتٍ وصوفه
الوجه والله يالنشاما تقل ديد=وشبه الجراكن يالنشاما ردوفه
اليامشت تسمع رجيف الرواعيد=من قردنا من يوم والله نشوفه
من يوم جابتني على القاع تمديد=ومن عقبها مدت علينا سيوفه
قامت تنتلني حشا تقل توليد=عسى شياطين المنايا تحوفه
ايا حلولات الحديده اياعيد=واللي يرصه بين مقرن كتوفه
اوليت عندي من جديد البواريد=ومن عند صفطات المحاشم نلوفه
هذي مناتي مايبي له تراديد=حرام والله "فيدهم" مانحوفه
[/poem]
**فيدهم=المستوصف
عاد والله يالربع قبل هالسالفه انا ذيبن امعط ولااعرف الذله
مار حطت بي خفقه الله ياخذه
من تالي قمت بس ارمّز
وسلامه تسلمكم