(((تكفون وين هو ابطا علينا)))

[بو رائد]

لهذا الشخص وحشه كما لكم انتم من اخوه واخوات واني افتقده
من فتره ياعلوه سالمن من كل شر هو ووغيدانوه واهيلوه امين
ونبي من يطمنا عليه الله يطمنكم بالعافيه والامان وطولة العمر

***تكفون ردوا علي تكفون
خوينا وشي اخباره***
***غلاه باقصى الصدر مدفون
ملح المضايف ومغواره***
***على الخبر ندفع المليون
عساه سالم وبدياره***
***اصيل ياعزوتي وشلون
رد الخبر فوق طياره***
***وان كان تحتاج منا عون
نجيك مانقبل اعذاره***
***خوينا مايشوف الهون
نرفع مقامه ومقداره***
***يارب سلم لنا المزيون
اصيل هو شمعه الحاره***

والعذر والسموحه يابو ثوب ماهذي حقن لك ياعلك سالم وترجع كما عهدناك طودا شامخا

[ابو مرشد]

الله يرده سالم غانم الشامان و يطمنك عليه انشالله


اخوك ابو مرشد

[المطنوخ]

صح لسانك يالعشير

وابوثوب بسلامتوه يتمتخ بين هالشعبان هالحين حول حايل

وبأذن الله تسم يوم ويرجع


لاهنت على هالقصيده يابورايد وعساك ماتفقد غالي

[احـمد الـطـرقي]

ابو رايد صح لسانك

والله يجيب ابو ثوب بالسلامه

تحياتي

[المخاوي]

هلا وغلا ببو رائد

يالله حيوه :7ayyoh:

صح لسااااانك ( ياشاعر المواقف وشاعر الفله ) :thumb:

والله انك وافي يالعزوه

ونشدتك تدل على طيب اصلك ومعدنك

وعز الله انا فاقدين ابو ثوب وكذلك الكثير من اخواننا هنا

وعساك ماتفقد غالي يابو رائد


والله يرجعه لنا سالمن غانم

[شريف روما]

ابورائد صح السانك

والاصيل منزل لوه موضوع قبل فترة وقال انوه يبي يغيب شهر

الله يردوه سالم

وتسلم يابورائد اصيل وتسأل عن اصيل

تحياتي للجميع

[بو رائد]

هلا وغلا بالجميع //ابو مرشد//المطنوخ//احمد الطرقي//الزقروطي//المخاوي
والله ان للاخ الاصيل في نفسي من المعزه والتقدير الشي الكثير وهذا
قليل في حقه نظير مايقدمه للمضايف من مشاركات طيبه وكذا تحيه اجلال واكبار
لكل اخ واخت يساهم بالكلمه الطيبه الهادفه التي تجمع ولاتفرق بارك الله بالجميع
وشكرا اخي مخاوي فوالله انا اقل جهدا ومشاركه من الاخرين ولكنها مشاعر
احببت ان لااخفيها عليكم

[عبدالعزيز]

ايوالله انه مفقود يابورايد .. عافاك الله يالعزوة