بنت عز وشمريه

[كبرياء شمريه]

[center]السلام عليكم ورحمة الله وبركاته..


ادرى انى بنت عز وشمريه = والثقه من فضل ربي تاج راسي

من جبال آجا وسلمي شي فيــه = الشموخ اللى مخليهم رواسي

وارثه من ربعى النفس الابيه = والوفا من طبع ابو ى وطبع ناسي

مـن هـل الاحقـاد مـاوالله عليـه =شامخـة رغـم التحـدي ولمآسـي

ما دخلت النت ادور للحمية = او ادور من يحن ومن يواسي

وما ادور لاحبيــــــب ولا خويه = الشرف سترى وثوبي مع لباسي

والعلوم الناقصه ماهيب ليــــه = كاسها من فضل ربي غير كاسي

جيت من دافع غلا نجد العذية = والتراث وحبه الشي الاساسي

القناعه هى غنى النفس الغنيه = وكبريائى منبعه من طيب ساسي

بس ياللى تستغل انى بنيــــــــه = انتبــــه ماودى تطيح متــــواسي

اعرف انى غير عن هاذي وذيه = لو تجى بابيه عاملًي سياسي

لا تدور عندى اية نرجسيــــه = لو بحلم الليل من بعـــد النعاسي

ويوم اغض الطرف عن بعض الاذيه = في طروحاتى وفي بعض اقتباسي

مانقص منى كبير ولا شويه = لو حذف نزفي .... ولو يقلع غراسي

التزم بالصمت كله طيب نيه = ما ابي كثر السوالف والحســــــاسي

والا انا على قناعاتى قـــويه = واعرف انى صعبه وصعب ٍ مراسي

واعرف انى صح ماجبت الخطيـــه = واتحدى الاصمعي وابو نواسي

ما ابي منهم كثير ولا بليــــه = ما ابي منصب ولا موقع رئاسي

جيت من دافع غلا نجد العذية = والتراث وحبه الشي الاساسي

القناعه هى غنى النفس الغنيه = وكبريائى منبعه من طيب ساسي





اختك كبرياء شمرية

[عجايب بنت الشايب]

اللـــــــــــــــــــــــــــــــه الـــــــــــــــله


يعطيك عافيه


صح لسانك


وكفو


ثمن كفو




عندتس بيت

يكتب بذهب

والعلوم الناقصه ماهيب ليــــه = كاسها من فضل ربي غير كاسي


سناااايدي

الله يحفظتس


لو فيه كلام ازين واحلى واذرب

ماذخرته عنتس يابنت الشمري



بس للاسف وحده متخرجه من فلة حجاج وش تبينها تعطيتس

غير
هههههههههههههه



خخخخخخخخخخخخخخخخخخخخ




طحـــ

تحياتي :)

[المسعودي]

جيت من دافع غلا نجد العذية = والتراث وحبه الشي الاساسي

القناعه هى غنى النفس الغنيه = وكبريائى منبعه من طيب ساسي


صح لسانك اختي كبرياء شمريه

ويعطيك الف عافيه على القصيده الراائعه

ولك مني احلى تحيه

[سلطان الشمري]

القناعه هى غنى النفس الغنيه = وكبريائى منبعه من طيب ساسي

.
.
.
ك ف و / ياشمريه ..


الشاعره الراقيه الأخت ...كبرياء شمريه .. بارك الله باللي يحرك القريحه بالشكل هذا


بصراحه ابدااااااع ../ ونعمين فيك وبأهلك ..

وانتي بين اخوانك وخواتك .../ ولا احد ييبي لك الضيم ابداً



عزك من عزنا وأنا أخوكــــ

.
.
.
الله يحفظك يارب..وصح قلبك ..


اخوك

[ظاهر الزبن]

روعه ياكبرياء

قصيده شامخه

ومعاني قويه


صح لسانك


ودام ابداعك


تحياتي اختي كبرياء

[خلـيف الجهيلي]

كبرياء

الله الله على هذه الراااااائعه

والله ونعمين يابنت الحميه

دام وزنك راجح بكل القياسي

صح لسااااااااااااااانك يا كبرياء

ابدعتي والله

تحياتي

اخوك
خليف

[أم نــــــــــواف]

بعدي والله


صح لسانك يالغاليه


والله لايهينك على هالكبرياء والتميّز

وجميل من إحدانا ان تمثّل نموذج يقتدى به في هذه الحياة

وأنت من النماذج التي نتشرّف بهــا ...

مثل مابه ذيب فأنت ذيبــه بعون الله ..


شكرا لك

[شريف روما]

ونعم في بنت شمر

صح الساااااااانك قصيدة رائعة ومعاني قوية

تحياتي لكـ ياكبرياء

[بتول آل علي]

أختي الغالية
كبرياء شمرية


و النعم فيج
أبيات جزلة و قوية
من صاحبة حرف لا ترضى بغير التميز بديل


صح لسااانج



الدهور

[أبو فيصل]

ونعم والله

رائعه والله رائعه

شاعرتنا الرائعه

كبرياء شمرية

وهاهي احدى روائعك
تتواجد على صفحات هذه المضايف

فلا خلينا ولا عدمنا هذا التواجد

صح لسانك شاعرتنا الرائعه

[فالح الناهي]

كبرياء شمريه

حياك اختي


وصح لسااانك وسلم بنانك

قصيدتك طال وقوفي عندها

لما فيها من افكار

كنت احدث نفسي فيها دائما

فعلا هنا لم يخيب الامل

هنا الاصل والفصل

هنا نكون ذو اذواق عاليه

لا تجرجرنا العواطف الزائفه الدنيئه

يالروعة ماكتبتي اختي الغاليه

لله درك كم اشبعتي غروري بأهل هذه المنطقة الغاليه

وبدررها المصونه

وبأمثالك

صح لسانك

فمثل هذه الرائعه

هي التي تستحق الإشاده

من اقآصي القلوب

لا اعلم ماذا اقول لك

غير انني سوف انتظر بوح هذا القلم الفريد ومن يتبع نهجه

دمتي هكذا مبدعه

ورعاك الله

تحياتي لك اختي واحترامي

[الدغيشم الشمري]

صح لسانك,

وقصيدة رااائعه,

وتستاهل ان تكتب جميعها بذهب

وتقبلي خالص تحياتي,
أخوك,

باسل الدغيشم

[مشــــعل]

صح لسانك ياكبرياء

يعطيكي الف عافيه

والله يعلي شانك

لاهنتي

[هاني العجل]

ونعم وعشرة انعام فيك وبكل حرف من هذا الشمووووووخ

[أجا]

كبرياء شمريه

ونعم بك وباهلك

وصح للسانك

تحياتي ... أجـــــا

[كبرياء شمريه]

الاخت الغالية..كلي بكم إعجاب



كل الشكر على المرور العطر


اختك كبرياء شمرية

[الاعلامي]

ادرى انى بنت عز وشمريه = والثقه من فضل ربي تاج راسي

من جبال آجا وسلمي شي فيــه = الشموخ اللى مخليهم رواسي


هلاوالله بحايل واهل حايل

كبرياء شمريه


قصيده اقل ما يقال عنها اكثر من جميله

و في منتهى العذوبه


مشكوره الف شكر

ولاتحرمينا من ابداعك





الاعلامي

..

ز

[ابو مرشد]

صح السانك و مشكوره على القصيده الجميله


ابو مرشد

[أطلال]

كبرياء ..

وأسم على مسمى ..

صح لسااااااانك ..

ودمتي بهذه الروح ..

.
.

أطـــلال

[فلاح العماش]

كبرياء شمر



صح السانك






من أجمل ماقرأت مؤخراً



قصيده نقيه شفافه عذبه جداً


وكتبت بصدق


وكبرياء





دمتي بودّ


وألف شكر لتواصلك العذب

[شليل سليمان الطواله]

الاخـــــــــت/ كبرياء شـــــــــمريه




صح لســـــــــــــــــــــانك كفو والله




اسم على مســـــــــــــــــــما






دمتي بخير اتمنا لكي التوفيق

















تحيـــــــــــــــــــاتي



شليل سليــــــــــمان الطواله